ដោយៈ សុផារី

ភ្នំពេញ៖ សម្ដេចក្រឡាហោម ស ខេង និងភរិយា ព្រមជាមួយក្រុមការងារអញ្ជើញជាអធិបតីដ៏ខ្ពង់ខ្ពស់ ក្នុងពិធីបញ្ចុះបឋមសិលាសាងសង់អគារទីស្ដីការ ក្រសួងមហាផ្ទៃថ្មីនៅលើទីតាំងចាស់ ដែលមានផ្ទៃដីសរុបទំហំ៥,៧ហិចតា ស្ថិតនៅលើវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ នាព្រឹកថ្ងៃព្រហស្បតិ៍ទី១១ ខែវិច្ឆិកា ឆ្នាំ២០២១ នេះ។

នាឱកាសនេះ សម្តេចក្រឡាហោម ស ខេង បានចូលរួមប្រារព្ធពិធីក្រុងពាលី និងសែនព្រេនដល់ម្ចាស់ទឹកម្ចាស់ដី សុំសេចក្តី សេចក្តីចម្រើននិងធ្វើពិធីបញ្ចុះដុំសីមាចូលក្នុងរណ្តៅគ្រឹះ ហើយក៏បានបន្តអញ្ជើញជាអធិបតី ដ៏ខ្ពង់ខ្ពស់ចុចប៊ូតុងបញ្ជាគ្រឿងចក្រ ចាប់ផ្ដើមសម្ពោធការដ្ឋានសាងសង់ អគារទីស្ដីការក្រសួងមហាផ្ទៃថ្មី ជាផ្លូវការចាប់ពីពេលនេះតទៅ។

អាគារទីស្ដីការក្រសួងមហាផ្ទៃថ្មី ផ្នែកខាងមុខនៃអាគារនេះ បែទៅទិសខាងកើតស្របតាមផ្លូវព្រះនរោត្តម និងបែមុខចំទន្លេរធំៗទាំងបួន ដែលគេហៅថាទន្លេចតុមុខ។ អាគារទីស្តី ការរបស់ក្រសួមហាផ្ទៃនេះមានទំហំបណ្តោយ១៥៣ម៉ែត្រ គុណ៨៣ម៉ែត្រ មានកម្ពស់៩ជាន់ មិនរាប់បញ្ចូលជាន់ផ្ទាល់ដី និងជាន់សម្រាប់ចំណតរថយន្ត ដែលអាចចតរថយន្តក្នុងអាគារបានសរុបចំនួន៣៣០គ្រឿង។

ការសាងសង់អគារទីស្ដីការក្រសួងមហាផ្ទៃថ្មី នៅលើទីតាំងចាស់នេះ បានកំណត់ជាផែនការសាងសង់ជាក់លាក់ ដោយគិតចាប់ផ្ដើមដំណើរការសាងសង់ពី ខែវិច្ឆិកា ឆ្នាំ២០២១ ហើយបញ្ចប់ការសាងសង់នៅ ខែសីហា  ឆ្នាំ២០២៣ ខាងមុខ ដែលទទួលសិទ្ធិម៉ៅការសាងសង់ដោយក្រុមហ៊ុនឈ្មោះ គីម ម៉ិច ខនស្ត្រាក់សិន និងអ៊ិនវេសមេ។

ប្លង់ស្ថាបត្យកម្ម នៃអគារទីស្តីការថ្មីរបស់ក្រសួងមហាផ្ទៃនេះ ជាប្រភេទស្ថាបត្យកម្ម ក្លាសិក រចនាបទខ្មែរដំបូលប្រក់ក្បឿងស្រកាលិញ មានបុស្បបុកចំនួនប្រាំ លំនាំតាមប្រាសាទអង្គវត្តកំពូលប្រាំ ដោយអនុលោមតាមគោលការណ៍ សមមាត្រនៃរូបរាងអគារ នឹងបានគិតគូរយ៉ាងហ្មត់ចត់អំពីពន្លឺ ខ្យល់ធម្មជាតិ ចេញចូលគ្រប់គ្រាន់ ប្រកបដោយផាសុខភាព ស័ក្តិសមជាទីកន្លែងធ្វើការបែបសម័យទំនើបថ្មី។

ផ្ទៃក្រឡាសរុបរបស់អគារទីស្តីការក្រសួងមហាផ្ទៃថ្មីនេះ មានទំហំជាង១០៥,៥៤៥ ម៉ែត្រក្រឡា គិតពីមហាវិថីព្រះនរោត្តម មកត្រឹមក្រោមដំបូលអគារកម្ពស់៦៣ម៉ែត្រ គិតត្រឹមដំបូលក្បឿង៩២ម៉ែត្រ គិតដល់ចុងបុស្បបុកតូច និង១១៨ ម៉ែត្រគិតដល់ចុងបុស្បបុកធំ៕

ដោយៈ សុផារី

ជប៉ុនៈ អ្នកបើកបររថភ្លើងជនជាតិជប៉ុនម្នាក់ កំពុងប្តឹងនិយោជករបស់គាត់ បន្ទាប់ពីប្រាក់ឈ្នួលរបស់គាត់ ត្រូវបានកាត់ចំនួន៥៦យ៉េន (ប្រហែល៥០សេន) ដោយសារការយឺតយ៉ាវរយៈពេលមួយនាទី របស់ប្រព័ន្ធផ្លូវដែកដ៏ល្បីល្បាញមួយរបស់ប្រទេសនេះ។ នេះបើតាមការបញ្ជាក់ពីក្រុមហ៊ុននៅក្នុងថ្ងៃនេះ។

សារព័ត៌មាន Yomiuri Shimbun បានរាយការណ៍ថា អ្នកបើកបរបានដាក់ពាក្យបណ្តឹងប្តឹងក្រុមហ៊ុន West Japan Railway (JR West) កាលពីដើមឆ្នាំនេះ បន្ទាប់ពីក្រុមហ៊ុនបានពិន័យគាត់ ដែលបណ្តាលឱ្យមានការពន្យារពេល។ តាមរយៈរបាយការណ៍ គាត់ទាមទារសំណងជំងឺផ្លូវចិត្តចំនួន២.២ លានយ៉េន (ប្រហែល ២០,០០០ដុល្លាអាមេរិក)។

អ្នកបើកបរគ្រោងនឹងបើករថភ្លើងទទេ ទៅកាន់យានដ្ឋាននៅស្ថានីយ៍ Okayama ភាគខាងលិចប្រទេសជប៉ុន ប៉ុន្តែបានទៅផ្លូវខុស ហើយបានមកដល់មួយនាទីក្រោយពេលកំណត់។

អ្នកនាំពាក្យ JR West បានមានប្រសាសន៍ថា មូលហេតុដែលរឿងនេះក្លាយជាបណ្ដឹង គឺលើសពីការបកស្រាយអំពីមូលហេតុនៃការយឺតយ៉ាវនេះ។ លោកបានបន្ថែមថា ក្រុមហ៊ុនបានអនុវត្តច្បាប់ “គ្មានការងារ គ្មានប្រាក់ខែ” ក្នុងការកាត់ប្រាក់ឈ្នួលអ្នកបើកបរ។

អ្នកបើកបរដែលមិនបញ្ចេញឈ្មោះ បានអះអាងថា ការយឺតយ៉ាវនេះជាកំហុសមនុស្សតិចតួច ហើយមិនគួរចាត់ទុកថាអវត្តមានពីការងារនោះទេ។

ប្រព័ន្ធផ្លូវដែករបស់ប្រទេសជប៉ុនមានភាពល្បីល្បាញ និងមានប្រសិទ្ធភាព និងទាន់ពេលវេលា ហើយត្រូវបានលើកឡើងជាទៀងទាត់ ជាឧទាហរណ៍ សម្រាប់បណ្តាញជុំវិញពិភពលោក៕

         ដោយៈគង់ សិរីជេស៊ីកា

         ភ្នំពេញៈផលិតផលម្សៅទឹកដោះគោម្សៅ Balactan Premium Goldបាននិងកំពុង ពង្រីកទីផ្សារ និងកំពុងទទួលបានប្រជាប្រិយភាពនៅកម្ពុជា ដែលមាតា បិតាគ្រប់រូបគួរសិក្សា និងជ្រើសរើសដើម្បីបុត្រធីតារបស់លោក អ្នក។

លោកស្រីថេង សុខលី អគ្គនាយិកាក្រុមហ៊ុនMTSL Co, LtdដែលបាននាំចូលផលិតផលទឹកដោះគោBalactan បានមានប្រសាសន៍ឲ្យដឹងថា រោងចក្រផលិតម្សៅទឹកដោះគោនេះ បានផលិតឡើងដោយសំរិតសំរាំងបំផុត ដើម្បីផ្តល់ការលូតលាស់ដល់ទារក និងកុមារទាំងសតិបញ្ញាស្មារតី។

ផលិតផលនេះមានចំនួន៣ប្រភេទ សំរាប់ទារក និងកុមារដូចជា ទី១ ផលិតផលទឹកដោះគោ Balactan លេខ១ ប្រើប្រាស់សំរាប់កុមារចាប់ពី០ខែ រហូតដល់៦ខែ។ ទី២  Balactan លេខ2  ប្រើប្រាស់សំរាប់កុមារចាប់ពី៦ខែ រហូតដល់១២ខែ និងទី៣ Balactan លេខ៣ សំរាប់កុមារចាប់ពី ១២ខែ រហូតដល់៣៦ខែ។

លោកស្រីបន្តថា “ដោយសារខ្ញុំជាម្តាយ ដែលមានបុត្រចំនួន៤នាក់ ហេតុនេះការប្រើប្រាស់ផលិតផលអ្វីមួយ ខ្ញុំតែងតែយកចិត្តទុកដាក់បំផុត លើការលូតលាស់សុខភាព​ស្មារតីរបស់ពួកគេ ដូច្នេះហើយទើបខ្ញុំសម្រេចនាំចូលផលិតផលនេះមកកម្ពុជា ដើម្បីផ្តល់ជូនអ្នកម្តាយគ្រប់រូប នូវផលិតផលសំរាប់កូនចាទីស្រលាញ់របស់ពពួកគេ”។ លោកស្រីបន្តថា “ខ្ញុំក៏បានប្រើប្រាស់ផលិតផលBalactan Premium Gold ដើម្បីផ្តល់ការលូតលាស់ដល់កូនរបស់ខ្ញុំឲ្យមានសុខភាពល្អ ប្រាជ្ញាវាងវៃផងដែរ”។

លោកស្រីថេង សុខលីបានបន្តថា ផលិតផលដែលផលិតនៅក្នុងសហគមន៍៍អឺរ៉ុប តែងតែផលិតឡើងប្រកដោយស្តង់ដាអនាម័យខ្ពស់បំផុត និងតែងតែគិតគូសុខភាពទារក​និងកុមារជាចម្បង ទើបការសម្រេចចិត្តយកផលិតផលនេះនាំចូលមក ដើម្បីសេចក្តីស្រ​លាញ់ ក៏ដូចជាផ្តល់ឲ្យកុមារដែលជាទំពាំងស្នងឬស្សីរបស់ជាតិយើង មានប្រាជ្ញាស្មារតីវាងវៃ និងសុខភាពល្អបរិបូរណ៍។

ក្រុមហ៊ុនMTSL Co, Ltdមាន អសយដ្ឋានស្ថិតនៅផ្ទះលេខ៤២B ផ្លូវ01 ឧកញ៉ាម៉ុងរិទ្ធី សង្កាត់ប៉ាយ៉ាប ខណ្ឌសែនសុខ រាជធានីភ្នំពេញ។

អតិថិជន ក៏ដូចជាអ្នកប្រើប្រាស់ ពិសេសអ្នកម្តាយគ្រប់រូបដែលចង់បានបុត្រធីតាមានសុខភាពល្អ គួរឲ្យស្រលាញ់ សូមទំនាក់ទំនងលេខទូរស័ព្ទ៖ 087 924 777, 078 925 777៕

ដោយៈវឌ្ឍនៈ

ភ្នំពេញៈ រាជរដ្ឋាភិបាលកម្ពុជា បានប្រកាសបើកឱ្យទេសចរវ៉ាក់សាំងចូលមកទស្សនានៅតាមតំបន់នានា ក្នុងប្រទេសឡើងវិញនៅដើមខែក្រោយ ដោយជំហានដំបូងខេត្តចំនួន២ ត្រូវបានអនុញ្ញាតឱ្យភ្ញៀវចូលទស្សនា រួមមាន តំបន់តារាសាគរ ខេត្តកោះកុងនិងខេត្តព្រះសីហនុ ។

ថ្មីនេះដែរកម្ពុជា ជប៉ុន បានសម្រេចជំរុញការបើកជើងហោះហើរត្រង់ឡើងវិញនៅពេលឆាប់នេះ ដើម្បីទាក់ទាញទេសចរជប៉ុនមកកាន់គោលដៅបីសំខាន់នៅកម្ពុជា។

នៅក្នុងជំនួបជាមួយលោកមីកាមិ ម៉ាសាហ៊ីរ៉ូ ឯកអគ្គរដ្ឋទូតជប៉ុនប្រចាំកម្ពុជា កាលពីល្ងាចថ្ងៃទី១០ វិច្ឆិកា ២០២១ ជាមួយលោកថោង ខុន រដ្ឋមន្ត្រីក្រសួងទេសចរណ៍ ភាគីទាំងពីរសម្រេចថានឹងជំរុញ ការបើកឱ្យមានជើងហោះហើរត្រង់រវាងកម្ពុជា-ជប៉ុនបន្ថែមទៀត ក្នុងនោះនឹងមានការរៀបចំពិសេស សម្រាប់ការធ្វើដំណើររបស់ទេសចរជប៉ុនមកកាន់តំបន់គោលដៅទាំងបី ដែលមានសុវត្ថិភាពសម្រាប់ទេសចរ រួមមាន ក្រុងព្រះសីហនុ កោះរ៉ុង ខេត្តព្រះសីហនុ និងតំបន់វិស្សមកាលតារាសាគរ ខេត្តកោះកុង ក្នុងបរិបទកូវីដ១៩នេះ។

លោកថោង ខុន ក៏បានជំរុញដល់ការអនុញ្ញាតឱ្យប្រតិបត្តិករទេសចរណ៍កម្ពុជាអាចចូលទៅកាន់ប្រទេសជប៉ុនឡើងវិញ ដោយប្រជាជនកម្ពុជាទទួលបានការចាក់វ៉ាក់សាំងពេញលេញរួចរាល់ អាចធ្វើដំណើរទៅកាន់ក្រៅប្រទេសបានប្រកបដោយសុវត្ថិភាព។

លោកក៏បានជម្រាបជូន លោកឯកអគ្គរាជទូត មីកាមិ ម៉ាសាហ៊ីរ៉ូ ឯកអគ្គរដ្ឋទូតជប៉ុនប្រចាំកម្ពុជា ថាកម្ពុជាពិតជាចង់ឱ្យភ្ញៀវទេសចរជប៉ុន មកទស្សនាឡើងវិញឱ្យបានច្រើន ក្រោមយុទ្ធសាស្ត្របើកទេសចរវ៉ាក់សាំង ដែលរាជរដ្ឋាភិបាលកម្ពុជាបានប្រកាសនាពេលថ្មីៗនេះ ជាពិសេសការបើកតំបន់គោលដៅ សុវត្ថិភាពចំនួន៣គោលដៅ រួមមាន ក្រុង​ព្រះសីហនុ ក្រុងកោះរ៉ុង និងតំបន់តារាសាគរ ចាប់ពីថ្ងៃទី៣១ ខែវិច្ឆិកា ឆ្នាំ២០២១ តទៅ ហើយតំបន់សៀមរាប-អង្គរ ក៏នឹងបើកទទួលភ្ញៀវទេសចរឡើងវិញចាប់ពីអំឡុងខែមករា ឆ្នាំ២០២២ ខាងមុខ ។

លោកហូ វណ្ឌី ទីប្រឹក្សាសមាគមទីភ្នាក់ងារទេសចរណ៍កម្ពុជាក៏បានឱ្យដឹងថា បន្ទាប់ពីរដ្ឋាភិបាលប្រកាសបើកប្រទេ ឱ្យទេសចរវ៉ាក់សាំងចូលមកកម្ពុជាបាននោះ អ្នកដែលត្រេកអរជាងគេ គឺអ្នកផ្ដល់សេវាទេសចរណ៍ ដូចជា ម្ចាស់សណ្ឋាគារ ផ្ទះសំណាក់ ភោជនីយដ្ឋាន និងសេវាកម្មផ្សេងៗជាដើម។

លោកបន្តថា ប៉ុន្តែដើម្បីឱ្យការបើកនេះ កាន់តែមានភាពល្អប្រសើរទៀតយើងនឹងចូលជួបជជែកជាមួយថ្នាក់ដឹកក្រសួងទេសចរណ៍ ដើម្បីធ្វើយ៉ាងណាឱ្យភ្ញៀវចូលមកកាន់​តែច្រើនបន្ថែមទៀត”៕

ដោយៈ សុផារី

អាមេរិកៈ លោកElon Musk បានលក់ភាគហ៊ុន Tesla ដំបូងរបស់គាត់ ច្រើនជាង៩៣០,០០០ហ៊ុន ដែលមានតម្លៃជាង ១,១ ពាន់លានដុល្លារ ដើម្បីទទួលបានសាច់ប្រាក់ដែលនឹងត្រូវយកទៅបង់ពន្ធ លើភាគហ៊ុនដែលគាត់បានទិញ ហើយលោកនៅតែកាន់កាប់ភាគហ៊ុនជាង១៧០លាន។

មុនពេលផែនការលក់ត្រូវបានផ្សព្វផ្សាយជាសាធារណៈ Elon Musk បានស្នើឱ្យអ្នកតាមដាន Twitter របស់គាត់ចំនួន៦២,៥ លាននាក់បោះឆ្នោតនៅក្នុងការស្ទង់មតិក្រៅផ្លូវការមួយ ដោយប្រាប់ពួកគេថាការបោះឆ្នោតរបស់ពួកគេ នឹងកំណត់អនាគតនៃការកាន់កាប់ Tesla របស់គាត់។

ជាលទ្ធផល ការស្ទង់មតិនោះបានធ្វើឱ្យភាគហ៊ុនរបស់គាត់ខ្លះ ត្រូវបានលក់ក្នុងសប្តាហ៍នេះ។

បន្ទាប់ពីការស្ទង់មតិ Twitter ភាគហ៊ុនរបស់ក្រុមហ៊ុន Tesla បានធ្លាក់ចុះច្រើនជាង១៥% នៅថ្ងៃច័ន្ទ និងថ្ងៃអង្គារ មុនពេលស្ទុះងើបឡើងវិញច្រើនជាង៤% នៅថ្ងៃពុធ។

នាយកប្រតិបត្តិក្រុមហ៊ុន Citadel លោក Ken Griffin បាននិយាយនៅឯកិច្ចប្រជុំកំពូលមួយកាលពីថ្ងៃពុធថា គាត់មិនចង់ឃើញ លោកMusk លក់ភាគហ៊ុនទេ។ លោកថា “បុគ្គលដូចជា Elon Musk ដូចជា Jeff Bezos បានផ្លាស់ប្តូរជីវិតប្រជាជនជាច្រើន ហើយយើងចង់រក្សាពួកគេឱ្យគ្រប់គ្រងក្រុមហ៊ុនរបស់ពួកគាត់ ដរាបណាពួកគាត់មានថាមពល និងមហិច្ឆតាដើម្បីបន្តដំណើរអាជីវកម្មទៅមុខ”។

កាលពីមុន លោកElon Musk បានផ្តល់សញ្ញាថា គាត់ទំនងជានឹងលក់ មួយផ្នែកធំនៃភាគហ៊ុនរបស់គាត់នៅក្នុងត្រីមាសទី៤។

នៅក្នុងសន្និសិទមួយក្នុងខែកញ្ញា លោក Alon Musk បាននិយាយថា នៅពេលដែលជម្រើសភាគហ៊ុនរបស់គាត់ផុតកំណត់ នៅក្នុងក្រុមហ៊ុន Tesla អត្រាពន្ធកម្រិតចំណូលបន្ថែមរបស់គាត់កើនលើសពី៥០%៕

Elon Musk sells over $1.1 billion of Tesla stock

by: Lora Kolodny

According to financial filings out Wednesday, CEO Elon Musk is selling a block of Tesla shares via a plan that he set in motion on September 14 this year. The sales amount to more than 930,000 shares worth over $1.1 billion. He still holds more than 170 million shares.

Musk sold these shares in part to satisfy tax obligations related to an exercise of stock options.

Before the sale plan was made public, Elon Musk asked his 62.5 million Twitter followers to vote in an informal poll, telling them their vote would determine the future of his Tesla holdings. The filings reveal that, in fact, he knew some of his shares were slated for sale this week.

Following the Twitter poll, shares of Tesla slumped more 15% over Monday and Tuesday, before rebounding more than 4% on Wednesday.

Citadel CEO Ken Griffin, speaking at the DealBook Online Summit on Wednesday, said he personally did not want to see Musk sell. “Individuals like Elon Musk, like Jeff Bezos have transformed life, and we want to keep them in control of their companies, as long as they’ve got the energy and the ambition to keep moving the business forward.”

Previously, Musk signaled that he was likely to sell “a huge block” of his options in the fourth quarter. At an appearance at the Code Conference in September, Musk said when his stock options expire at Tesla, his marginal tax rate would be over 50%.

Current and former board members including chairwoman Robyn Denholm, Elon Musk’s brother Kimbal Musk, Ira Ehrenpreis and Antonio Gracias have offloaded hundreds of millions of dollars worth of Tesla shares since Oct. 28 after Tesla’s market cap surpassed $1 trillion.

Among those insider sales, Kimbal Musk’s was the only transaction that was not listed as a 10b5, or planned sale. Kimbal Musk sold around $109 million worth of his shares a day ahead of his brother’s Twitter poll.
Source: CNBC

ដោយៈលក្ខិណា

ភ្នំពេញៈ សម្ដេចអគ្គមហាសេនាបតីតេជោហ៊ុន សែននាយករដ្ឋមន្ត្រីនៃកម្ពុជាបានថ្លែងថា ក្រោយពីបានក្លាយជាសមាជិកពេញសិទ្ធិរបស់អាស៊ាន អស់រយៈពេល២០ឆ្នាំមកនេះ កម្ពុជាបានបំពេញតួនាទីយ៉ាងម៉ឺងម៉ាត់ ដើម្បីចូលរួមកសាងសហគមន៍តំបន់ ដែលមានសន្តិភាព វិបុលភាព និងសុខដុមនីយកម្ម ព្រមទាំងផ្លាស់ប្តូរទៅជាគំរូនៃកិច្ចសហប្រតិបត្តិការតំបន់ដែលមានសារសំខាន់ជាសកល។

សម្ដេចបានមានប្រសាសន៍ នៅក្នុងពិធិបើកកិច្ចប្រជុំរដ្ឋមន្ត្រីដឹកជញ្ជូនអាស៊ានលើ​កទី២៧ និងកិច្ចប្រជុំពាក់ព័ន្ធ កាលពីថ្ងៃទី១១វិច្ឆិកា២០២១នេះថា ក្នុងនាមជាប្រធានអាស៊ាននាងឆ្នាំ២០២២ កម្ពុជានឹងខិតខំប្រឹងប្រែងឱ្យអស់ពីសមត្ថភាព ក្នុងកិច្ចសហការជិតស្និទ្ធជាមួយបណ្ដាប្រទេសជាសមាជិក និងដៃគូដទៃទៀត ក្នុងការសម្រេចបាននូវអាទិភាពផ្សេងៗរបស់អាស៊ាន ឆ្ពោះទៅរកការស្ដារ និងជំរុញកំណើនសេដ្ឋកិច្ចអាស៊ាន ព្រមទាំងការលើកកម្ពស់សហគមន៍អាស៊ាន នៅក្រោយវិបត្តិកូវីដ១៩ ស្របតាមមូលដ្ឋាន អាស៊ានរួមគ្នាធ្វើ ដោះស្រាយបញ្ហាប្រឈមទាំងអស់ ដើម្បីភាពសុខដុមរមនា សន្តិភាពនិងវិបុលភាព ក្នុងតំបន់ទាំងមូល ។

សម្ដេចតេជោបន្ថែមថា ជាជំហានទៅមុខ កម្ពុជាយល់ឃើញថាការជំរុញការធ្វើសមាហរណកម្មសហគមន៍អាស៊ាន តាមគន្លងប្រក្រតីភាពថ្មី គឺជាកិច្ចការចាំបាច់ និងសមស្រប ដើម្បីបង្កើតជាកំលាំងមួយដ៏ធំ សំដៅប្រែក្លាយអាស៊ានទាំងមូល ទៅជាតំបន់មួយដែលមានភាពធន់ ភាពប្រកួតប្រជែងនិងបរិយាប័ន្ន ។

សម្ដេចមានប្រសាសន៍ថា “ក្នុងបរិបទនេះ ផែនការមេស្ដីពីការតភ្ជាប់អាស៊ាន នឹងដើរតួជាផែនការគន្លឹះ ដែលនឹងធានាការរីកចម្រើនខាងផ្នែកសេដ្ឋកិច្ច ជាមួយនឹងគម្លាតអភិវឌ្ឍន៍តិចតួច និងការតភ្ជាប់គ្នាដោយរលូនរវាងប្រទេសជាសមាជិក និងជាមួយពិភពលោក តាមរយៈការធ្វើឱ្យស៊ីសង្វាក់គ្នា និងបរិយាប័ន្នភាពនៃការតភ្ជាប់ទាំង៣ គឺការតភ្ជាប់ហេដ្ឋារចនាសម្ព័ន្ធ ការតភ្ជាប់ស្ថាប័ន និងការតភ្ជាប់ប្រជាជន”៕