Asian stocks track Wall St higher in upbeat start to 2022

 

HONG KONG, Jan 4 (Reuters) – Asian stocks were firmer on Tuesday following Wall Street’s record highs on its first trading day of 2022, despite worries that the widespread Omicron COVID-19 variant could put the brakes on global economic recovery.

MSCI’s gauge of Asia Pacific stocks outside Japan (.MIAPJ0000PUS) was up 0.67% in the morning sessions.
Australia’s S&P/ASX 200 (.AXJO) climbed 1.15%, boosted by energy and mining stocks while Japan’s Nikkei 225 (.N225) gained 1.25%.

Hong Kong’s Hang Seng Index (.HSI) and China’s benchmark CSI300 Index (.CSI300) opened up 0.5% and 0.25%, respectively.
“As we start 2022, markets seem to have retained memories of 2021 and put Omicron in the backdrop with focus on Fed rate hikes leading to higher UST yields and underpinning USD strength alongside continued buoyancy in equities,” said Mizuho Bank in a Tuesday note.

Major Wall Street indexes scored record closing highs on Monday, even as the Omicron variant of the coronavirus pushed COVID-19 cases to fresh peaks in the world’s largest economy.
“Markets are focusing more on the likely positive earnings numbers from U.S. in the fourth quarter. We are firmly of the view the U.S. is seeing boom conditions and a very tight labour market which will boost household incomes,” said John Milroy, an Ord Minnett advisor in Sydney.

“…investors are keeping a close watch on inflation and how the Fed may respond if it proves to be other than transitory,” he said.

The Dow Jones Industrial Average (.DJI) rose 0.68%, the S&P 500 (.SPX) gained 0.64% and the Nasdaq Composite (.IXIC) added 1.2%.

Apple Inc (AAPL.O) on Monday became the first company to reach a $3 trillion stock market value while Tesla Inc (TSLA.O), rose more than 13.5% after reporting stronger-than-expected quarterly deliveries of its electric cars.
The S&P index surged nearly 28% last year, driving MSCI’s 50-country index of world stocks (.MIWD00000PUS) to its third consecutive year of double-digit gains.

The benchmark U.S. 10-year yields hit a six-week high to yield 1.6384%, with investors expecting a series of interest rate raises this year to combat rising inflation.

The commodity markets were also quickly back in the swing of things after their nearly two-year resurgence to close out 2021.

Brent oil rose 0.57% to nearly $79.43 a barrel Tuesday, building on Monday’s gains, which were supported by tight supply and hopes of a further demand recovery in 2022, despite OPEC+ expected to further increase output. U.S. crude was up 0.34% to $76.34 a barrel.

Gold prices rebounded after falling more than 1% on Monday as a risk-on rally in equities pressured bullion. Spot gold gained 0.14% to $1803.3 an ounce Tuesday morning.

Source: Reuters

ទីផ្សារភាគហ៊ុនពិភពលោកចាប់ផ្តើមហក់ឡើងខ្ពស់មិនធ្លាប់មាន នៅដើមឆ្នាំ២០២២នេះ

ដោយ៖ សុខុម

ហុងកុង: ភាគហ៊ុនអាស៊ីបានហក់ឡើងខ្ពស់នៅថ្ងៃអង្គារ ទី៤ មករា នេះ បន្ទាប់ពីសង្កាត់ផ្សារភាគហ៊ុនដ៏ល្បីល្បាញរបស់ពិភពលោក Wall Street បានហក់ឡើងខ្ពស់មិនធ្លាប់មាននៅថ្ងៃជួញដូរដំបូងរបស់ខ្លួននាដើមឆ្នាំ២០២២ ទោះបីជាមានក្ដីបារម្ភថា ការរីករាលដាលវីរុសបំប្លែងខ្លួនថ្មី “អូមីក្រុង” អាចធ្វើឱ្យរាំងស្ទះដល់ការងើបឡើងនៃសេដ្ឋកិច្ចពិភពលោកយ៉ាងណាក្ដី។

យោងតាមភ្នាក់ងារព័ត៌មាន Reuters ឱ្យដឹងថា សន្ទស្សន៍ផ្សារភាគហ៊ុន MSCI ដែលធំបំផុតនៅអាស៊ី-ប៉ាស៊ីហ្វិក ក្រៅពីប្រទេសជប៉ុន បានហក់ឡើង០,៦៧%នៅក្នុងការជួញដូរពេលព្រឹកនេះ។

ទន្ទឹមនេះ សន្ទស្សន៍ផ្សារភាគហ៊ុនអូស្ត្រាលី S&P/ASX 200 បានហក់ឡើង១,១៥%ដែលជំរុញដោយភាគហ៊ុនថាមពល និងភាគហ៊ុនរ៉ែ ខណៈផ្សារភាគហ៊ុនជប៉ុន Nikkei 225 បានហក់ឡើង១,២៥%។

ងាកទៅសន្ទស្សន៍ផ្សារភាគហ៊ុនហុងកុង Hang Seng ឯណោះវិញបានហក់ឡើង០,៥% ខណៈសន្ទស្សន៍ផ្សារភាគហ៊ុនចិនដីគោក CSI300 បានបើកឡើង០,២៥%។

ដោយឡែក សន្ទស្សន៍ផ្សារភាគហ៊ុនធំដ៏ល្បីល្បាញរបស់ពិភពលោក Wall Street នៅក្រុងញូវយ៉ក សហរដ្ឋអាមេរិក បានហក់ឡើងខ្ពស់បំផុតមិនធ្លាប់មានកាលពីថ្ងៃច័ន្ទ ទី៣ មករា ទោះបីជាវីរុសបំប្លែងខ្លួនថ្មីអូមីក្រុង បានជំរុញឱ្យករណីឆ្លងកូវីដ-១៩ កើនឡើងខ្ពស់ជាថ្មីនៅក្នុងសេដ្ឋកិច្ចធំបំផុតរបស់ពិភពលោកមួយនេះយ៉ាងណាក្ដី។

សន្ទស្សន៍ផ្សារភាគហ៊ុនអាមេរិក ដូចជា Dow Jones Industrial Average បានហក់ឡើង០,៦៨% ផ្សារភាគហ៊ុន S&P 500 បានហក់ឡើង០,៦៤% ហើយផ្សារភាគហ៊ុន Nasdaq Composite បានហក់ឡើង១,២%។

កាលពីថ្ងៃច័ន្ទ ទី៣ មករា ក្រុមហ៊ុនអាមេរិក Apple Inc បានក្លាយជាក្រុមហ៊ុនដំបូងគេក្នុងប្រវត្តិសាស្ត្រពិភពលោកដែលមានតម្លៃលើទីផ្សាររហូតដល់ទៅ៣ទ្រីលានដុល្លារ ខណៈភាគហ៊ុនរបស់ក្រុមហ៊ុន Tesla Inc បានហក់ឡើងខ្ពស់រហូតដល់ទៅជាង១៣,៥% បន្ទាប់ពីការចែកចាយរថយន្តអគ្គិសនីប្រចាំត្រីមាសរបស់ខ្លួនកើនឡើងខ្លាំងលើសពីការរំពឹងទុក។

សន្ទស្សន៍ផ្សារភាគហ៊ុនអាមេរិក S&P 500 បានហក់ឡើងជិត២៨%កាលពីឆ្នាំ២០២១ ដែលជំរុញឱ្យសន្ទស្សន៍ផ្សារភាគហ៊ុនអាស៊ី-ប៉ាស៊ីហ្វិក MSCI ដែលគ្របដណ្ដប់លើប្រទេសចំនួន៥០ ហក់ឡើង២ខ្ទង់រយៈពេល៣ឆ្នាំជាប់ៗគ្នា៕

ការិយាល័យទំនើបនឹងក្លាយជាចំណែកទីផ្សារអចលនទ្រព្យដ៏សំខាន់មួយ បន្ទាប់ពីទីផ្សារលំនៅឋាន

ដោយ៖ សុធារី

ភ្នំពេញ៖ ទីតាំងការិយាល័យទំនើប នឹងក្លាយជាចំណែកទីផ្សារអចលនទ្រព្យដ៏សំខាន់មួយទៀតបន្ទាប់ពីទីផ្សារលំនៅឋាន សម្រាប់អ្នកប្រើប្រាស់ក្នុងស្រុក ខណៈការផ្គត់ផ្គង់អាគារការិយាល័យទំនើបមានទីផ្សារកាន់តែល្អឡើង ដោយសារកំណើនតម្រូវការពីម្ចាស់អាជីវកម្មក្នុងស្រុកដែលធ្លាប់តែជួលផ្ទះល្វែង ឬវីឡាដើម្បីប្រតិបត្តិការអាជីវកម្ម។

នាយកប្រតិបត្តិក្រុមហ៊ុន CENTURY 21 IMPERIAL REALTY លោកខេន ឡូ ថ្លែងក្នុងកិច្ចពិភាក្សាស្តីពី ឱកាសការងារ និងវិនិយោគអចលនទ្រព្យថា ឥរិយាបថនៃការផ្លាស់ប្តូរទីតាំងការិយាល័យពីការជួលផ្ទះល្វែង ឬវីឡា មកកាន់អគារការិយាល័យទំនើប ដោយសារកត្តាតម្លៃប្រហាក់ប្រហែលគ្នា ខណៈដែលអគារការិយាល័យមានប្រព័ន្ធគ្រប់គ្រង ទីធ្លាទូលាយ បរិយាកាសល្អ និងសុវត្ថិភាពជាងផ្ទះល្វែង។

លោក ខេន ឡូ បញ្ជាក់ថា អគារការិយាល័យមិនត្រឹមតែផ្តល់ភាពទំនើបប៉ុណ្ណោះទេ តែក៏ជួយលើកមុខមាត់កេរ្តិ៍ឈ្មោះដល់ក្រុមហ៊ុនផងដែរ។ អគារការិយាល័យទំនើប ត្រូវបានបែងចែកជាបីប្រភេទគឺកម្រិត A B និងកម្រិត C។ បើតាមលោកខេន ឡូ កម្រិតBនិងCភាគច្រើនផ្តោតលើអតិថិជនក្នុងស្រុក ដោយសារការជួលការិយាល័យកម្រិតនេះមានតម្លៃសក្កិសមសម្រាប់អតិថិជនក្នុងស្រុក។

បរិមាណនៃការផ្គត់ផ្គង់អគារការិយាល័យនឹងបន្តកើនឡើងនៅឆ្នាំនេះ នឹងឆ្នាំបន្ទាប់។ តាមការរំពឹងទុក ការផ្គត់ផ្គង់ ការិយាល័យនឹងកើនដល់ជាង ៧៩ម៉ឺនម៉ែត្រការ៉េ នៃទំហំផ្ទៃក្រឡាជួលសរុប (NLA) ដែលកើនជាង ១សែន៤ម៉ឺនម៉ែត្រការ៉េ ធៀបនឹងឆ្នាំមុន។ ទំហំផ្ទៃក្រឡាជួលនេះនឹងបន្តកើនដល់ជាង ១លានម៉ែត្រការ៉េ នៅត្រឹមដំណាច់ឆ្នាំ២០២២។ នេះបើតាមការរបាយការណ៍ស្រាវជ្រាវរបស់ក្រុមហ៊ុន CBRE Cambodia។

ប្រភពដដែលបានបង្ហាញថា គិតត្រឹមត្រីមាសទី៣ ឆ្នាំ២០២១ តម្លៃជួលការិយាល័យកម្រិត B មានតម្លៃជួលចន្លោះពី ១៩ ទៅ ២២ ដុល្លារ ខណៈដែលកម្រិតC មានតម្លៃចន្លោះពី១២ដុល្លារទៅ១៤ ដុល្លារក្នុងមួយម៉ែត្រការ៉េ ក្នុងមួយខែ ដោយអាស្រ័យទៅលើអគារការិយាល័យដែលឋិតនៅក្នុងតំបន់ពាណិជ្ជកម្ម និងក្រៅពីតំបន់ពាណិជ្ជកម្ម។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោក ច្រឹក សុខនីម ដែលចូលរួមជាវាគ្មិននៅក្នុងកិច្ចពិភាក្សាខាងលើនេះ បានលើកឡើងដែរថា ការផ្គត់ផ្គង់ការិយាល័យកម្រិតBនិងC នៅមានកម្រិតតិចតូចនៅឡើយ ក្នុងការឆ្លើយតបទៅនឹងតម្រូវការនាពេលបច្ចុប្បន្ន។

លោកបន្តថា ការិយាល័យកម្រិត B និង C មានសក្តានុពខ្ពស់ ដែលជាសញ្ញាល្អសម្រាប់ក្រុមហ៊ុនអភិវឌ្ឍ ក្នុងការចាប់យកចំណែកទីផ្សារកម្រិតនេះ ព្រោះយើងសង្កេតឃើញថាបច្ចុប្បន្នការផ្គត់ផ្គង់ការិយាល័យកម្រិត B និង C ត្រូវបានជួលស្ទើរទាំងស្រុង ដែលមិនសូវនៅទំនេរនោះទេ៕

អ្នកជំនាញបកស្រាយហេតុផលនាំឱ្យ “បុរីមានផ្ទះតែគ្មានមនុស្សរស់នៅ”

ដោយ៖ វឌ្ឍនៈ

ភ្នំពេញ៖ ជាការកត់សម្គាល់ មានលំនៅឋានជាច្រើននៅក្នុងបុរីនានាបានសាងសង់រួចរាល់ តែមិនមានមនុស្សចូលរស់នៅ ឬ បានត្រឹមដាក់ស្លាកលក់ឬជួល។ អ្នកជំនាញបានលើកឡើងថា បញ្ហានេះមិនមែនដោយសារតែការផ្គត់ផ្គង់ច្រើនជាងតម្រូវការនោះទេ ព្រោះតម្រូវការនៅតែមានសម្រាប់ផ្ទះ ដែលបានសិក្សាស្វែងយល់ពីទីផ្សារ និងតម្រូវការរបស់អតិថិជនបានច្បាស់លាស់។

លោកឧកញ៉ា ចេង ខេង អគ្គនាយកក្រុមហ៊ុនស៊ីភីអិល បានលើកឡើងថា តម្រូវការលំនៅឋានក្នុងប្រទេសកម្ពុជា ជាពិសេសក្នុងរាជធានីភ្នំពេញនៅតែមានខ្ពស់ ប៉ុន្តែអ្វីដែលសង្គេតឃើញ ផ្ទះនៅក្នុងបុរីមួយចំនួនសង់រួចរាល់ តែមិនមានមនុស្សទៅរស់នៅច្រើននោះ គឺមានកត្តាច្រើន។ ក្នុងនោះដែរ Facilities គឺមានសារសំខាន់ណាស់ក្នុងការទាក់ទាញពលរដ្ឋឱ្យទៅរស់នៅក្នុងបុរីនោះ។ បើសិនជាការសាងសង់ចេះតែសង់ ហើយមិនបានគិតគូរពីប្រព័ន្ធទឹក ប្រព័ន្ធភ្លើងគ្រប់គ្រាន់ តើពលរដ្ឋទៅរស់នៅយ៉ាងម៉េច។

លោកឧកញ៉ាបន្តថា យើងឃើញបុរីមួយចំនួនទៀត ដែលគេបានសិក្សាពីទីតាំង មានហេដ្ឋារចនាសម្ព័ន្ធច្បាស់លាស់ គឺនៅតែមានការគាំទ្រពីអតិថិជន។ នៅពេលសាងសង់រួច មានប្រជាពលរដ្ឋទៅរស់នៅច្រើន ខុសពីបុរីមួយចំនួនដែលសង់ហើយពលរដ្ឋរអ៊ូរឿងអត់ទឹក អត់ភ្លើងគ្រប់គ្រាន់ នៅឆ្ងាយពីផ្សារជាដើម ដូច្នេះហើយទើបបុរីទាំងនោះសង់ផ្ទះហើយតែត្រូវចាក់សោរទុកចោល ។ ម្យ៉ាងវិញទៀត អ្នកដែលទិញផ្ទះនៅតាមបុរីមួយចំនួនគឺទិញសម្រាប់ទុកលក់វិញយកចំណេញ ដែលគេហៅថាទិញដើម្បីវិនិយោគ ដូច្នេះហើយទើបផ្ទះនោះត្រូវចាក់សោរចោល មិនមានអ្នកទៅរស់នៅ។

លោក ឡុង គឹមសួគ៌ នាយកប្រតិបត្តិក្រុមហ៊ុន Century 21 Advance Property បានឱ្យដឹងថា ការអភិវឌ្ឍលំនៅឋានរបស់ម្ចាស់បុរី ដែលបានសិក្សាពីចំណូលរបស់អតិថិជនបានច្បាស់លាស់ នៅតែទទួលបានការគាំទ្រនិងមានអ្នកទិញ ទោះក្នុងវិបត្តិកូវីដ១៩ក្ដី។

លោកថា ”អ្នកទិញផ្ទះនៅជាយក្រុងមួយចំនួនមិនទាន់ទៅរស់នៅ ដោយសារតែគាត់នៅជាប់បំពេញការងារនៅកណ្ដាលក្រុង នៅជិតកន្លែងការងារ ដូច្នេះហើយគាត់ក៏ទិញផ្ទះនៅជាយក្រុង ហើយមិនទាន់ទៅរស់នៅ ធ្វើឱ្យផ្ទះនៅតាមបុរីខ្លះចាក់សោរចោល”។

ជារួម កត្តាដែលធ្វើឱ្យផ្ទះនៅក្នុងបុរីមួយចំនួនសង់រួចតែមិនទាន់មានអ្នកទៅរស់នៅច្រើន មានដូចជាកង្វះហេដ្ឋារចនាសម្ព័ន្ធ ទឹក ភ្លើង កត្តាទិញផ្ទះសម្រាប់វិនិយោគ កំណើនអ្នកវិនិយោគលើបុរីកាន់តែច្រើន និងមិនបានសិក្សាច្បាស់ពីតម្រូវការរបស់អ្នកទិញជាដើម៕

Another Chinese city imposes lockdown to stem spread of Covid-19

China : Amid rising cases of Covid-19, another city in China imposed lockdown, and suspended classes and public transport.

Authorities in Yuzhou, a city in the central province of Henan, announced the new rules on Sunday (Jan 2) night as “two asymptomatic infections were detected”, Anadolu Agency reported, citing Chinese daily Global Times.

This comes as the country’s latest hotspot of the coronavirus, Xian, capital of the northwestern Shaanxi province, reported less than 100 cases after nearly a week.

On Sunday, 161 new cases were reported nationwide, of which 101 were locally transmitted and 60 imported, the country’s National Health Commission said.

Xian has seen a surge in local cases triggered by the Delta variant of the Covid-19 after it reported its first cases last December. With 92 new cases on Sunday, the tally has climbed to 1,666.

According to Chinese state-run Xinhua News, at least 24 medical teams with 1,370 doctors and nurses have been deployed to Xian to meet the rising virus challenge.

The local authorities have also set up two hospitals inside the quarantine zone for emergency treatment, it said.

Source: The Edge Markets

ក្រសួងបរិស្ថានកំពុងគិតគូរផ្តោតលើវិញ្ញាបនបត្រអគារបៃតងនៅកម្ពុជា

ដោយៈគង់ សូរិយា

ភ្នំពេញៈ មន្រ្តីជំនាញនៃក្រសួងបរិស្ថាន ដឹកនាំដោយលោក វ៉ាន់ មុនីនាថ អគ្គនាយក នៃអគ្គនាយកដ្ឋានគោលនយោបាយ និងយុទ្ធសាស្ត្រ បានដឹកនាំកិច្ចប្រជុំលើកទី២ នៃក្រុមការងារបច្ចេកទេសរៀបចំគោលការណ៍ណែនាំ និងវិញ្ញាបនបត្រកម្មអគារបៃតងនៅកម្ពុជា។

កិច្ចប្រជុំដែលបានធ្វើឡើងកាលពីសប្តាហ៍មុន មានការចូលរួមពីក្រុមការងារមកពីក្រសួង ស្ថាប័នពាក់ព័ន្ធ វិស័យឯកជន ដៃគូអភិវឌ្ឍន៍ អ្នកជំនា​ញការអន្តរជាតិ និងតំណាងវិទ្យាស្ថានមេគង្គ តាមរយៈប្រព័ន្ធវីដេអូពីចម្ងាយ។

លោកវ៉ាន់ មុនីនាថ បានលើកឡើងថា ទីក្រុងបានរួមចំណែកប្រមាណជាង៧០% ក្នុងការបំភាយឧស្ម័នផ្ទះកញ្ចក់ សំណង់អគារនៅលើពិភពលោកបានប្រើប្រាស់ ថាមពលប្រមាណ៣៥% និងបានបំភាយឧស្ម័នផ្ទះកញ្ចក់ប្រមាណ ៣៨% ចំណែកកម្ពុជាក៍ទទួលរងនូវផលប៉ះពាល់ មកពីការរីកលូតលាស់យ៉ាងឆាប់រហ័ស នៃនគរូបនីយកម្ម ដែលបន្ថែមសម្ពាធបន្ថែមលើធនធានធម្មជាតិ និងហេដ្ឋារចនាសម្ព័ន្ធនៅក្នុងទីក្រុងរបស់កម្ពុជា ដូចនេះអគារបៃតងជាជម្រើស ដ៏មានប្រសិទ្ធភាព ក្នុងការជំរុញប្រសិទ្ធភាពធនធា​ននិងថាមពល ការសន្សំសំចៃទឹក ការកាត់បន្ថយសំណល់ លើកកម្ពស់គុណភាពបរិស្ថាន និងបំពេញតម្រូវការផ្នែកសេដ្ឋកិច្ច បរិស្ថាន សង្គមនិងវប្បធម៌។

កិច្ចប្រជុំ បានពិនិត្យ និងសម្រេចលទ្ធផលសំខាន់ៗ ដូចជាទី១). បានពិនិត្យវឌ្ឍនភាពរួម នៃការរៀបចំ “គោលការណ៍ណែនាំ និងវិញ្ញាបនប័ត្រកម្មសម្រាប់អគារបៃតងនៅកម្ពុជា (CamgCGB)” ទី២). បានពិនិត្យសេចក្តីព្រាងគោលការណ៍ណែនាំ និងវិញ្ញាបនប័ត្រកម្មសម្រាប់អគារបៃតង នៅកម្ពុជា ទី៣). បានពិនិត្យសេចក្តីព្រាងផែនទីបង្ហាញផ្លូវ CamGCGB ទី៤). បានពិនិត្យសេចក្តីព្រាង ជម្រើសសម្រាប់សំណើរការរៀបចំ ស្ថាប័នសម្រាប់ CamGCGB។

ទី៥). បានពិនិត្យមេរៀនបណ្តុះបណ្តាល CamGCGB សម្រាប់អ្នកជំនាញ ស្ថាបត្យករ វិស្វករ និងសវនករអគារបៃតង និងសាធារណៈជន ទី៦). បានពិនិត្យលក្ខណៈវិនិច្ឆ័យនីមួយៗរបស់ CamGCGB និងជម្រើសក្នុងការរៀបចំស្ថាប័ន គ្រប់គ្រង និងដំណើរការគោលការណ៍ណែនាំ និងវិញ្ញបនបត្រអគារបៃតងនៅកម្ពុជា ទី៧). បានពិនិត្យទៅលើការរៀបចំមេរៀនសម្រាប់ការបណ្តុះបណ្តាលរបស់ CamGCGB និងទី៨). បន្តធ្វើការជ្រើសរើសអគារចំនួន២ ដើម្បីសាកល្បងប្រព័ន្ធ CamGCGB ដើម្បីកែតម្រូវប្រព័ន្ធ CamGCGB ឱ្យបានសមស្រប៕

ទីក្រុងចិនមួយត្រូវបានបិទខ្ទប់ ក្រោយផ្ទុះការរីករាលដាលវីរុសកូវីដ-១៩ជាថ្មី

ដោយៈសុខុម

ប្រទេសចិនៈ ស្របពេលករណីឆ្លងវីរុសកូវីដ-១៩ កំពុងតែកើនឡើង ទីក្រុងមួយទៀតនៃប្រទេសចិន ត្រូវបានបិទខ្ទប់ បិទសាលារៀន និងផ្អាកសេវាដឹកជញ្ជូនសាធារណៈ ដើម្បីទប់កុំឱ្យរីករាលដាលកាន់តែខ្លាំង។ នេះបើយោងតាមសារព័ត៌មាន The Edge Markets ចុះផ្សាយកាលពីថ្ងៃច័ន្ទ ទី៣ មករា។

ទីភ្នាក់ងារព័ត៌មាន Anadolu Agency បានចុះផ្សាយដោយដកស្រង់ប្រភពកាសែតចិន Global Times ថា អាជ្ញាធរក្រុងយូចូវ (Yuzhou) នៃខេត្តហឺណាន (Henan) បានប្រកាសដាក់ចេញវិធានការថ្មីទាំងនេះ កាលពីយប់ថ្ងៃអាទិត្យ ថ្ងៃទី០២ មករា នៅពេល “រកឃើញការឆ្លង២ករណី”។

ការបិទខ្ទប់នេះធ្វើឡើង នៅពេលទីក្រុងស៊ីអាន (Xi’an) នៃខេត្តសានស៊ី (Shaanxi) ដែលជាចំណុចផ្ទុះចុងក្រោយ នូវការឆ្លងវីរុសកូវីដ-១៩ បានរាយការណ៍ករណីឆ្លងវីរុសនេះ តិចជាង១០០ករណី ក្រោយផ្ទុះជិតមួយសប្តាហ៍។
គណៈកម្មាធិការជាតិ សុខភាពសាធារណៈនៃប្រទេសចិន បាននិយា​យថា កាលពីថ្ងៃអាទិត្យ ចុងសប្ដាហ៍កន្លងទៅមានករណីឆ្លងថ្មី ចំនួន១៦១ករណី ដោយក្នុងនោះករណីឆ្លង ក្នុងស្រុកមាន១០១ករណី និងករណីនាំចូលចំនួន៦០ករណី។

ករណីឆ្លងក្នុងស្រុកនៅក្រុងស៊ីអាន បានកើនឡើងយ៉ាងខ្លាំងដោយ​សារវីរុសបំប្លែងខ្លួនថ្មីឌែលតា (Delta) បន្ទាប់ពីក្រុងនេះរាយការណ៍ករណីដំបូងរបស់ខ្លួនកាលពីខែធ្នូ ឆ្នាំ ចុងឆ្នាំ២០២១។ ជាមួយនឹងករណីឆ្លងថ្មីចំនួន៩២ករណី កាលពីថ្ងៃអាទិត្យ កន្លងទៅ តួលេខឆ្លងសរុបបានកើនឡើងដល់១.៦៦៦ករណីហើយ។

យោងតាមទីភ្នាក់ងារសារព័ត៌មានរដ្ឋចិន Xinhua News ឱ្យដឹងថា ក្រុមគ្រូពេទ្យយ៉ាងតិច២៤ក្រុម ដែលមានវេជ្ជបណ្ឌិត និងគិលានុបដ្ឋាយិកាចំនួន១.៣៧០នាក់ ត្រូវបានដាក់ពង្រាយក្នុងទីក្រុងស៊ីអាន ដើម្បីឆ្លើយតបទៅនឹងបញ្ហាប្រឈមដែលករណីឆ្លងកើនឡើង។

អាជ្ញាធរមូលដ្ឋាន ក៏បានបង្កើតមន្ទីរពេទ្យចំនួន២ នៅខាងក្នុងតំបន់ធ្វើចត្តាឡីស័ក សម្រាប់ការព្យាបាលសង្គ្រោះបន្ទាន់ផងដែរ៕ The Edge Markets៕

សកម្មភាពទិញលំនៅឋានដើម្បីវិនិយោគបានថមថយក្នុងឆ្នាំមុន និងបន្តថមថយល្បឿន

ដោយៈវឌ្ឍនៈ

ភ្នំពេញៈ ឆ្នាំ២០២១នេះកន្លងទៅថ្មីៗនេះ បានធ្វើឱ្យវិស័យជាច្រើនបានរងផលប៉ះពាល់ ហើយរហូតដល់ចុងឆ្នាំ អ្វីៗក៏បានផ្លាស់ប្តូរជាវិជ្ជមានបន្តិច ក្រោយពេលរដ្ឋាភិបាល បានប្រកាសបើកប្រទេសបើកសេដ្ឋកិច្ចឡើងវិញ ។

សម្រាប់វិស័យអចលនទ្រព្យឃើញថា ក៏បានរងផលប៉ះពាល់មួយចំនួនផងដែរ ជាក់ស្ដែងការទិញលំនៅឋាន ដើម្បីវិនិយោគក្នុងឆ្នាំ២០២១កន្លងទៅនេះ ឃើញថាមានការថមថយគួរឱ្យកត់សម្គាល់។

លោក Ken Lo នាយកប្រតិបត្តិក្រុមហ៊ុន Century 21 Imperial Realty បានមានប្រសាសន៍ថា វិស័យអចលនទ្រព្យ ពិតជាមានផលប៉ះពាល់មួយចំនួនក្នុងបរិបទកូវីដ១៩ ក្នុងរយៈពេល២ឆ្នាំកន្លងមកនេះ ហើយក្នុងរយៈពេល២ឆ្នាំកន្លងមកនេះ ឃើញថាមានការថមថយខាងវិស័យលំនៅឋានដីធ្លី និងពាណិជ្ជកម្មពិតមែន តែសម្រាប់តម្លៃទីផ្សារមិនមានការថមថយខ្លាំងនោះទេ គឺថយតែសកម្មភាពនៃការទិញលក់ប៉ុណ្ណោះ ។

លោកបន្តថា “ទីផ្សារលំនៅឋាននិយាយដោយឡែកឃើញថា ការវិនិ​យោគទិញលំនៅដ្ឋាន ដើម្បីវិនិយោគមានការថមថយមួយកម្រិត ។ ទោះបី​ជា​មានសកម្មភាពនៃការទិញលំនៅដ្ឋាន ដើម្បីវិនិយោគនេះមានការថម​ថយតិចតួចក៏ពិតមែន ប៉ុន្តែសម្រាប់ដំណើរការសាងសង់ មិនមានការថម​ថយនោះទេ”។

លោកបន្តថា “សម្រាប់អតិថិជនដែលមានតម្រូវការទិញលំនៅឋានសម្រាប់ស្នាក់នៅ នៅតែមានកំណើនកើនឡើងដដែល តែការទិញដើម្បីទុកចំណេញបានថយចុះវិញ ដោយសារតែចរន្តនៃហិរញ្ញវត្ថុរបស់ពួកគាត់មានកម្រិត និងទុកសម្រាប់ដោះស្រាយបញ្ហាផ្គត់ផ្គង់ ជីវភាពគ្រួសា រក្នុងពេលមានវិបត្តិ នៃការរាតត្បាតជាពិសេស ក្នុងពេលបិទខ្ទប់តំបន់មួយចំនួន”។

លោកឧកញ៉ាចេង ខេង អគ្គនាយកក្រុមហ៊ុនស៊ីភីអិល ក៏បានមានប្រសាសន៍កន្លងទៅនេះថា សកម្មភាពនៃការអភិវឌ្ឍលំនៅឋានក្នុងប្រទេសកម្ពុជា នៅក្នុងបរិបទកូវីដ១៩នេះ ឃើញថានៅតែមាន ខណៈតម្រូវការលំនៅឋានពីសំណាក់ប្រជាពលរដ្ឋ ដែលត្រូវការលំនៅឋានស្នាក់នៅក៏នៅតែមានដដែល ។

លោកឧកញ៉ាបន្តថា ការអភិវឌ្ឍលំនៅឋាននាពេលបច្ចុប្បន្ន ត្រូវគិតគូរពីតម្រូវការទីផ្សារច្បាស់លាស់ជាមុនសិន ទើបទទួលបានការគាំទ្រពីប្រជាពលរដ្ឋ បើចេះតែសង់ដោយមិនបានសិក្សាច្បាស់លាស់ នោះនៅពេលអនាគត បុរីមួយចំនួននឹងមានតែផ្ទះតែមិនមានមនុស្សរស់នៅ។ ដើម្បីឱ្យអតិថិជនទិញលំនៅឋានហើយចូលទៅស្នាក់នៅ អ្នកអភិវឌ្ឍន៍ត្រូវមើលទៅលើទីតាំងណា មានហេដ្ឋារចនាសម្ព័ន្ធគ្រប់គ្រាន់ មានប្រព័ន្ធទឹក ភ្លើង ផ្លូវ និងបង្កបរិយាកាសល្អសម្រាប់អ្នករស់នៅក្នុងបុរីនោះ។

អ្នកឧកញ៉ាលី ហួរប្រធានសមាគមអ្នកអភិវឌ្ឍន៍លំនៅដ្ឋានកម្ពុជាបានថ្លែងឲ្យដឹងផងដែរថា ទីផ្សារលំនៅដ្ឋាន ពិតជាបានរងផលប៉ះពាល់ពីវិបត្តិកូវីដ១៩កាលពីឆ្នាំមុន ហើយសកម្មភាពវិនិយោគបានថយចុះ ប៉ុន្តែបានកើនឡើងវិញកាលពីចុងឆ្នាំមុន ដោយសមាជិកសមាគមធំៗ បានចាប់ផ្តើមវិនិយោគគំរោងរបស់ពួកគេឡើងវិញ។

ទាក់ទងការទិញលំនៅដ្ឋាន ដើម្បីវិនិយោគអ្នកឧកញ៉ាលី ហួរបានយល់ស្រប ដោយលោកបានមានប្រសាសន៍ថា ការទិញលំនៅដ្ឋានដើម្បីវិនិយោគ អាចជាហានិភ័យ បើសិនជាលក់មិនចេញ ប៉ុន្តែបើសិនជាអ្នកទិញសំរាប់រស់នៅមិនមានបញ្ហានោះទេ ហេតុនេះសូមអ្នកវិនិយោគគិតឲ្យបានច្បាស់លាស់ មុនសម្រេចចិត្តទិញ ឬវិនិយោគលើផ្នែកអ្វីមួយ៕

កម្ពុជាបានជ្រើសរើសប្រធានបទ ”អាស៊ានរួមគ្នាដោះស្រាយបញ្ហាប្រឈមទាំងអស់គ្នា ជាមួយបញ្ហាប្រឈមចំនួន៤

ដោយៈគង់ សូរិយា

ភ្នំពេញៈ ក្នុងនាមជាប្រធានអាស៊ាន ឆ្នាំ២០២២ រាជរដ្ឋាភិបាលកម្ពុជា បានជ្រើសយកមូលបទ “អាស៊ានរួមគ្នាធ្វើ ដោះស្រាយបញ្ហាប្រឈមទាំងអស់គ្នា”។

ប្រធានបទដ៏៏សំខាន់នេះ ត្រូវបានលើកឡើងក្នុងបឋកថារបស់លោកឧបនាយករដ្ឋមន្រ្តីប្រាក់ សុខុនរដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិកាលពីម្សិលម៉ិញនេះ។

លោកប្រាក់ សុខនបានថ្លែងថា មូលបទនេះ បង្ហាញពីការខិតខំប្រឹងប្រែង លើកកម្ពស់ស្មារតីអាស៊ាន ជាគ្រួសាររួបរួមគ្នាតែមួយ ដែលមានសមាជិ​កដប់ប្រទេសប្រកបដោយស្មារតីរឹងមាំ “ទាំងអស់រួមគ្នា” ក្នុងការធ្វើសកម្ម​ភាពរួមគ្នា ដើម្បីសម្រេចឱ្យបាននូវគោលដៅរួមគ្នា ដើម្បីរួមចំណែកប្រកប​ដោយការស្ថាបនាបន្ថែមទៀត ដល់ការថែរក្សា និងការលើកកម្ពស់សន្តិភាព ស្ថិរភាព និងការអភិវឌ្ឍប្រកបដោយចីរភាពនៅក្នុងតំបន់ និងសកលលោក។

លោកឧបនាយករដ្ឋមន្រ្តីបានលើកឡើងថា ទន្ទឹមគ្នានឹងការធ្វើជាប្រធានអាស៊ាននេះ កម្ពុជាបានមើលឃើញពីចង្កោមចំនួន៤ នៃបញ្ហាប្រ​ឈ​ម រួមមាន ទី១ តម្រូវការចាំបាច់បន្ទាន់ ដើម្បីសម្រេចបាននូវការស្តារសេដ្ឋកិច្ចឡើងវិញ យ៉ាងឆាប់រហ័សពីផលប៉ះពាល់ នៃជំងឺរាតត្បាតកូវីដ-១៩ សម្ពាធដ៏ធ្ងន់ធ្ងរ ដែលកើតចេញពីការប្រកួតប្រជែង ភូមិសាស្ត្រនយោបាយទី២ បញ្ហាប្រឈមផ្នែកសន្តិសុខ ទាំងជាប្រពៃណី និងមិនមែនជាប្រពៃណីដែលមានស្រាប់ និងបញ្ហាប្រឈមផ្ទៃក្នុង និងនៅក្នុងស្ថាប័ន របស់អាស៊ាន។ ទី៣ អាទិភាពនានារបស់អាស៊ាន នៅឆ្នាំ២០២២ ត្រូវបានកំណត់ដើម្បីដោះស្រាយបញ្ហាប្រឈមទាំងនេះ។

នៅក្នុងន័យនេះ អាទិភាពសំខាន់ៗ ក្រោមសសរស្តម្ភសហគមន៍សន្តិសុខ-នយោបាយអាស៊ាន សម្រាប់អាស៊ាន សម្រាប់ឆ្នាំ២០២២ ដែលរួមមាន ការថែរក្សា និងពង្រឹងមជ្ឈភាពអាស៊ាន សម្រាប់សន្តិភាព និងវិបុលភាព ការលើកកម្ពស់ការចូលរួមចំណែកតំបន់ ចំពោះសន្តិភាពពិភពលោក និងបង្កើនសន្ទុះ និងពង្រីកភាពជាដៃគូជាមួយដៃគូខាងក្រៅ៕

អ្នកជំនាញៈតម្រូវការដីធ្លីនៅតំបន់ជាយរាជធានីនៅតែមានសក្ដានុពលខ្ពស់ក្នុងការវិនិយោគក្នុងឆ្នាំ២០២២

ដោយៈវឌ្ឍនៈ

ភ្នំពេញៈ ឆ្នាំ២០២២នេះ តម្រូវការដីធ្លីសម្រាប់វិនិយោគនៅតំបន់ជាយរាជធានីភ្នំពេញ ត្រូវបានមើលឃើញថា នៅតែមានសក្ដានុពល និងទីផ្សារខ្ពស់សម្រាប់វិនិយោគិនក្នុងស្រុក ខណៈរាជរដ្ឋាភិបាលកម្ពុជាក៏បានយកចិត្តទុកដាក់ ក្នុងការអភិវឌ្ឍតំបន់ជុំវិញរាជធានី ដើម្បីទាក់ទាញការវិនិយោគឯកជនផងដែរ។

លោកច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចល​នវត្ថុកម្ពុជា បានមានប្រសាសន៍ឲ្យដឹងកាលពីល្ងាចថ្ងៃទី៣ មករាកន្លង​មកថា ដីធ្លីនៅក្នុងព្រះរាជាណាចកក្រកម្ពុជាយើង ជាពិសេសនៅតាមបណ្ដាជាយរាជធានីភ្នំពេញ នៅតែបន្តមានសក្ដានុពលខ្ពស់ សម្រាប់ការវិនិយោគ ហើយអ្នកវិនិយោគភាគច្រើន គឺជាអ្នកវិនិយោគនៅក្នុងស្រុក ដោយសារតែ គោលនយោបាយរបស់រាជរដ្ឋាភិបាលបាន និងកំពុងពង្រីកសក្ដានុពលក្នុងការអភិវឌ្ឍនេះ។

លោកបន្តថា “តាមយន្តការនៃការរីកជារង្វង់មូល៣៦០ដឺក្រេ ដែលធ្វើឱ្យដីនៅជុំវិញរាជធានីភ្នំពេញ នៅតែបន្តកើនឡើងតម្លៃ”។ លោកបន្តថា “តាមយន្តការនៃការពង្រីកផ្លូវក្រវ៉ាត់ក្រុងទី២ ទី៣ និងទី៤ គឺជាយន្តការក្នុងការអភិវឌ្ឍក្នុងពេលអនាគត ហើយជាទស្សនៈផ្ទាល់ខ្លួនរបស់ខ្ញុំ យើងមើលឃើញពីការអភិវឌ្ឍតំបន់ថ្មី កើតមានឡើងភាគច្រើន នៅក្នុងខេត្តកណ្ដាល ខេត្តកំពង់ស្ពឺ ហើយនិងបណ្ដាផ្នែកខ្លះនៃខេត្តកំពង់ចាមជាដើម ”។

លោកច្រឹក សុខនីម បានបន្តថា សម្រាប់ខេត្តកណ្ដាល និខេត្តកំពង់ស្ពឺលោកមើលឃើញថា ជាតំបន់ដែលនឹងមានការអភិវឌ្ឍ ទៅលើជាតំបន់លំនៅឋាន និងឧស្សាហកម្ម ដោយសារតែតំបន់ទាំងនេះ វាមានទីតាំងនៅជិតខេត្តព្រះសីហនុ ដែលជាតំបន់កំពង់ផែស្វយ័តទឹកជ្រៅ តែមួយរបស់ព្រះរាជណាចក្រកម្ពុជា និងមានភាពងាយស្រួលក្នុងការដឹកជញ្ជូន ទំនិញទៅកាន់កំពង់ផែទឹកជ្រៅ ។

ជាមួយគ្នានេះ លោកសន សៀប ស្ថាបនិកនិងជាអគ្គនាយកក្រុមហ៊ុនឃីរៀលអ៊ីស្ទេត បានមានប្រសាសន៍ថា ការវិនិយោគដីធ្លីដែលអាចរកប្រាក់ចំណេញបាន គឺការវិនិយោគនៅតំបន់ជាយៗរាជធានី ហើយខេត្តកំពង់ស្ពឺ គឺជាតំបន់ ដែលមានសក្ដានុពលមួយក្នុងការវិនិយោគដីធ្លី ។

លោកបន្តថា “ការវិនិយោគដីធ្លីនៅតំបន់ជិតៗ ឬនៅកណ្ដាលរាជធានីភ្នំពេញ មានឱកាសចំណេញតិចតួច តែការវិនិយោគនៅតំបន់ជាយៗ ឬឆ្ងាយពីរាជធានី មានឱកាសក្នុងការចំណេញច្រើន និងប្រើរយៈពេលខ្លីប៉ុណ្ណោះ”៕