ដោយៈវឌ្ឍនៈ

ភ្នំពេញៈ បន្ទាប់ពីគេហទំព័រPropertyarea.asia បានចេញផ្សាយអត្ថបទពីរទាក់ទងនឹងការជន់លិចភាគខាងត្បូងរាជធានី និងទស្សនរបស់លោកស្ថាបត្យករវណ្ណ ម៉ូលីវណ្ណ ដែលជម្រុញឲ្យមានការអភិវឌ្ឍន៍នៅភាគខាងត្បូងក្រុងភ្នំពេញ បានក្លាយជាប្រធាន​បទក្តៅ ដែលមានការបញ្ចេញមតិចម្រុះជាច្រើនលើគេហទំព័រនេះ។

តាមពិតតំបន់ភាគខាងត្បូងរាជធានីភ្នំពេញ ពិតជាលិចទឹកមែន ប៉ុន្តែមិនលិចគ្រប់ផ្នែកនោះទេ ដោយតំបន់ស្ថិតនៅក្បែរព្រលានយន្តហោះថ្មី និងប៉ែកខាងឆ្វេងដៃ(គិតចេញពីរាជធានីភ្នំពេញ) ដែលស្ថិតនៅប្របផ្លូវក្រវ៉ាត់ក្រុងទី៣មិនបានលិចទឹកទេ តំបន់ដែលមានការលិច មាននៅក្នុងមូលដ្ឋាននៃទឹកដីខ័ណ្ឌដង្កោភាគច្រើន។

យ៉ាងណាក៏ដោយ ប្រជាពលរដ្ឋក្នុងតំបន់នោះមួយចំនួន បានទទួលឥទ្ធិពលពីគ្រោះទឹកជំនន់នេះ ជាពិសេសនោះក៏មានអ្នកវិនិយោគមួយចំនួន កំពុងរារែកក្នុងការដាក់ទុនវិនិយោគប៉ែកខាងត្បូង ប៉ុន្តែសម្រាប់ភាគីខាងអាជ្ញាធរវិញ អ្នកនាំពាក្យសាលាសាលារាជធានីភ្នំពេញ បានលើកឡើងថា ទឹកជំនន់កាលពីប៉ុន្មានថ្ងៃមុនោះ វាមិនអាចទៅវាយតម្លៃដល់សេដ្ឋកិច្ចបានទេ។

លោកម៉េត មាសភក្ដីអ្នកនាំពាក្យសាលារាជធានីភ្នំពេញ បានមានប្រសាសន៍ឲ្យដឹងតាមទូរស័ព្ទនារសៀលថ្ងៃទី១ វិច្ឆិកានេះថា ទឹកជំនន់នៅរយៈពេលប៉ុន្មានថ្ងៃមុនោះគឺមានរយៈខ្លីប៉ុណ្ណោះ ពោលគឺត្រឹមតែ២ឬ៣ថ្ងៃទេ។ ដូច្នេះយើងមិនអាចទៅវាយតម្លៃលើផលប៉ះពាល់សេដ្ឋកិច្ច ឬក៏បង្កជាឥទ្ធិពលអាក្រក់សេដ្ឋកិច្ចបានដែរ ។

លោកនិយាយថា “ទឹកជំនន់ប៉ុន្មានថ្ងៃមុននោះ គឺលិចតែ៣សង្កាត់ប៉ុណ្ណោះនៅក្នុងខណ្ឌដង្កោ ហើយនៅក្នុងសង្កាត់ទាំងបីនោះ ក៏មិនមែនលិចគ្រប់ភូមិដែរ គឺមានភូមិតិចតួចប៉ុណ្ណោះដែលបានលិច ដូច្នេះវាមិនបង្កជាផលអាក្រក់ដល់ការវិនិយោគ ឬសតិអារម្មណ៍របស់វិនិយោគិនឡើយ”។

ដោយឡែកលោកប៉ូ អ៊ាវគង់អគ្គនាយកក្រុមហ៊ុនអចលនទ្រព្យ Advance បានឱ្យដឹងផងដែរថា គ្រោះទឹកជំនន់នៅប៉ែកខាងត្បូងរាជធានីភ្នំពេញ យើងឃើញថារងគ្រោះ២ឆ្នាំជាប់គ្នាហើយ ហើយបើសិនជាទឹកជំនន់នេះ នៅតែបន្តលិចលង់នៅឆ្នាំក្រោយៗទៀត វានឹងអាចធ្វើឱ្យប៉ះពាល់ដល់ប្រជាពលរដ្ឋ និងសតិអារម្មណ៍របស់ពលរដ្ឋ ក្នុងការផ្លាស់ប្តូរទីលំនៅទៅកាន់តំបន់ប៉ែកខាងត្បូង។ តែសម្រាប់ទឹកជំនន់ ដែលមានរយៈពេលខ្លីវាមិនអាចប៉ះពាល់ដល់ទីផ្សារអចលនទ្រព្យនោះទេ។

បើយើងក្រលេកទៅមើលសន្ទុះ នៃការវិនិយោគអចលនទ្រព្យ នៅតំបន់ប៉ែកខាងត្បូងភ្នំពេញ ទាំងគម្រោងវិនិយោគឯកជន និងគម្រោងវិនិយោគរបស់រដ្ឋឃើញថា កំពុងតែមានភាពមមាញឹក ដោយវិនិយោគិនជាតិ និងអន្តរជាតិបានបន្តដាក់ទុនអនុវត្តន៍គម្រោងរបស់ខ្លួនទោះបីជាស្ថិតនៅក្នុងវិបត្តិកូវីដ១៩ក្ដី ។

គម្រោងដែលស្ថិតនៅប៉ែកខាងត្បូង និងទាក់ទាញដល់ការវិនិយោគផ្សេងៗទៀតរួមមាន គម្រោងព្រលានយន្តហោះអន្តរជាតិភ្នំពេញថ្មី គម្រោងផ្លូវក្រវ៉ាត់ក្រុង និងគម្រោងស្ថាបនាផ្លូវសំខាន់ៗ ចេញពីរាជធានីភ្នំពេញទៅកាន់ខេត្តតាកែវ កំពត និងតភ្ជាប់ទៅកាន់ខេត្តផ្សេងទៀត។ តាមរយៈគម្រោងរដ្ឋទាំងនេះ បានទាក់ទាញនូវគម្រោងវិនិយោគឯកជាច្រើន ជាពិសេសលើតំបន់លំនៅឋាននិងពាណិជ្ជកម្ម ដោយមានវិនិយោគជាច្រើនបានបោះទុនរាប់លានដុល្លារ ដើម្បីអភិវឌ្ឍន៍គម្រោងរបស់ខ្លួន ទោះកម្ពុជាកំពុងស្ថិតនៅក្នុងវិបត្តិយ៉ាងណាក្ដី៕

TOKYO : Oil prices dropped on Monday as China’s release of gasoline and diesel reserves eased concerns over tight global supply, while investors cashed in ahead of a Nov. 4 meeting of major crude producers that could increase future production targets.

Brent crude futures dropped 29 cents, or 0.4per cent, to US$83.43 a barrel by 0351 GMT, after gaining 6 cents on Friday.

U.S. West Texas Intermediate (WTI) crude futures slid 40 cents, or 0.5per cent, to US$83.17, having risen 76 cents on Friday.

The drops came after China said in a rare official statement that it had released reserves of the two fuels to increase market supply and support price stability in some regions.

“Behind the selling was China’s release of fuels reserves, which reflected Beijing’s intention to stabilise oil prices, just like coal prices,” said Chiyoki Chen, chief analyst at Sunward Trading.

“Also, investors took profits ahead of an OPEC+ meeting,” Chen said.

All eyes are on the Nov. 4 meeting of the Organization of the Petroleum Exporting Countries (OPEC), Russia and their allies, together called OPEC+, with analysts expecting them to stick to a plan to add 400,000 barrels per day of supply in December.
Money managers cut their net long U.S. crude futures and options positions in the week to Oct. 26, the U.S. Commodity Futures Trading Commission (CFTC) said on Friday.

Oil prices rallied to multi-year highs last week, helped by the decision by OPEC+ to maintain its planned output increase rather than raising it on global supply concerns.

U.S. President Joe Biden on Saturday urged major G20 energy producing countries with spare capacity to boost production to ensure a stronger global economic recovery as part of a broad effort to pressure OPEC+ to increase oil supply.

But Iraq’s state oil marketing company, SOMO, said on Saturday Iraq sees no need to take any decision to increase its production capabilities beyond what has already been planned for OPEC countries.

“Investors will likely resume buying after confirming the OPEC+ decision on Thursday,” said Hiroyuki Kikukawa, general manager of research at Nissan Securities.
A Reuters poll showed that oil prices are expected to hold near US$80 as the year ends, as tight supplies and higher gas bills encourage a switch to crude for use as a power generation fuel.

Spurred by rising oil prices, U.S. energy firms added oil and natural gas rigs for a 15th month in a row in October, taking them to the highest since April 2020, energy services firm Baker Hughes Co said on Friday.

Exxon and Chevron are looking to add drilling rigs in the Permian shale basin after sharply cutting crews and output in the region last year, the companies said Friday.

Source: Reuters

ដោយៈវឌ្ឍនៈ

ភ្នំពេញៈ ក្នុងឆ្នាំ២០២១ កម្ពុជាបានជួបវិបត្តិកាន់តែធ្ងន់ពីវិបត្តិកូវីដ១៩ ដែលបង្កផលប៉ះពាល់ធ្ងន់ធ្ងរបន្ថែមទៀត ដល់អាជីវកម្មជាច្រើនក្នុងប្រទេសកម្ពុជា ក្នុងនោះដែរក៏មានវិស័យអចលនទ្រព្យផងដែរ ប៉ុន្តែក៏មានម្ចាស់ក្រុមហ៊ុនមួយចំនួន បានតស៊ូជំនះឧបសគ្គឆ្លងកាត់ពីវិបត្តិនេះ ដោយឈរជើងបានរឹងមាំដដែល។

លោកខេន ឡូសហគ្រិនអចលនទ្រព្យមួយរូប នៅក្នុងប្រទេសបានចែករំលែកពីយុទ្ធសាស្ត្រ និងគន្លឹះសំខាន់ៗរបស់ខ្លួន ក្នុងការតស៊ូជាមួយនឹងបញ្ហា និងវិបត្តិកូវីដ១៩ រហូតឆ្លងកាត់មកដល់ដំណាក់កាលពេលនេះ ដោយរដ្ឋាភិបាលក៏បានប្រកាសបើកប្រ​ទេសឡើងវិញបណ្ដើរៗ ។

លោកខេន ឡូនាយកប្រតិបត្តិក្រុមហ៊ុនអចលនទ្រព្យCentury 21 Imperial Realty បានឱ្យដឹងផងដែរថា នៅពេលដែលចាប់ផ្ដើមផ្ទុះជំងឺកូវីដ១៩ ក្នុងឆ្នាំ២០២១ លោកបានព្យាករណ៍ថា នឹងមានផលប៉ះពាល់កាន់តែខ្លាំងជាងឆ្នាំ២០២០កន្លងទៅ ដូច្នេះក្នុងអំឡុងពេលនោះ ប្រតិបត្តិការរបស់ក្រុមហ៊ុនយើង គឺធ្វើឡើងដោយប្រុងប្រយ័ត្នបំផុតដោយមិនមានរុះរើ ឬក៏ពង្រីកទីផ្សារខ្លាំងនោះទេ តែយើងរកមធ្យោបាយធ្វើយ៉ាងណាត្រូវឈរជើងឱ្យនឹងនៅលើទីផ្សារ។

លោកបន្តថា “ក្នុងអំឡុងពេលនោះ យើងស្វះស្វែងរកហិរញ្ញវត្ថុពីប្រភពនានា ដើម្បីឱ្យប្រតិបត្តិការកក្រុមហ៊ុនយើង បានដើរទៅមុខដោយសន្សឹមៗ ដោយមិនបង្ខំនោះឡើយ”។

លោកបន្តថា បើសិនជាក្នុងដំណាក់កាលដ៏លំបាកនោះ យើងបិទក្រុមហ៊ុនឬផ្អាកសកម្មភាព ពេលនោះនឹងធ្វើឱ្យបុគ្គលិកយើង ក៏មានផលលំបាក។ ដូច្នេះនៅពេលដែលមានជំងឺកូវីដ១៩ កើតឡើងយើងបានត្រៀមហិរញ្ញវត្ថុរបស់យើង សម្រាប់ត្រៀមទុកទ្រទ្រ​ង់រយៈពេលវែង ទើបធ្វើឱ្យយើងអាចឈរជើងមកដល់សព្វថ្ងៃនេះ។

លោកបន្តថា យើងបានរកហិរញ្ញប្បទានពីធនាគារ និងប្រភពមួយចំនួនទៀត សម្រាប់មកប្រើប្រាស់ និងដោះស្រាយបញ្ហានៅពេលជួបបញ្ហា។

យ៉ាងណាក្ដីមកដល់ពេលនេះ រដ្ឋាភិបាលក៏បានប្រកាសបើកប្រទេសឡើងវិញបណ្ដើរៗ ដែលអាចធ្វើឱ្យវិស័យទ្រទ្រង់សេដ្ឋកិច្ច មានសញ្ញាវិជ្ជមានឡើងវិញ ។ លោកខេនឡូ បានមានប្រសាសន៍ផងដែរថា សម្រាប់ការបើកប្រទេសឡើងវិញរបស់រដ្ឋាភិបាលវានឹងផ្ដល់ផលវិជ្ជមាន ចំពោះសេដ្ឋកិច្ចកម្ពុជា សម្រាប់ឆ្នាំថ្មីឆ្នាំ២០២២ខាងមុខ ។

លោកបន្តថា “យើងមើលឃើញថាចាប់តាំងពីបុណ្យភ្ជុំបិណ្ឌរួចមក សកម្មភាពសេដ្ឋកិច្ចមួយចំនួនក៏បានប្រសើរ ជាក់ស្ដែងចរាចរណ៍នៅក្នុងរាជធានីភ្នំពេញ ក៏ចាប់ផ្ដើមកកស្ទះបណ្ដើរៗ ហើយសកម្មភាពអាជីវករនានាក្នុងរាជធានី ក៏ដូចជាតាមបណ្ដាខេត្តក៏ចាប់ផ្ដើមកក្រើកឡើងវិញផងដែរ”។

លោកបន្ថែមថា នៅពេលដែលរដ្ឋាភិបាល ប្រកាសបើកប្រទេសឡើងវិញ យើងមើលឃើញថាប្រជាពលរដ្ឋជាច្រើន បានត្រៀមខ្លួនរួចជាស្រេចទៅហើយ ដើម្បីបើកអាជីវកម្មរបស់គាត់ឡើងវិញដែរ។ សម្រាប់វិស័យអចលនទ្រព្យវិញក៏ដូចគ្នាដែរ យើងរំពឹងថានឹងមានសន្ទុះនៃការវិនិយោគ ហើយវិនិយោគិនអចលនទ្រព្យ ក៏នឹងចាប់ផ្ដើមបង្កើនសក​ម្មភាពចាស់ៗឡើងវិញជាមួយនឹងសកម្មភាពថ្មីរបស់ខ្លួនផងដែរ៕

ដោយៈសុខុម

ប្រទេសចិន: ប្រេងបានធ្លាក់ថ្លៃហើយនៅថ្ងៃច័ន្ទ ទី១ វិច្ឆិកា បន្ទាប់ពីប្រទេសចិន ប្រកាសថា ខ្លួនបានបញ្ចេញស្តុកប្រេងសាំង និងប្រេងម៉ាស៊ូតដើម្បីជំរុញការផ្គត់ផ្គង់ដល់ទីផ្សារ ខណៈពេលបណ្ដាវិនិយោគិន កំពុងរង់ចាំអ៊ុតមើលលទ្ធផលនៃកិច្ចប្រជុំ OPEC+ នៅថ្ងៃទី៤ វិច្ឆិកា ដ៏ខ្លីខាងមុខនេះ។

ទីភ្នាក់ងារជាតិគ្រប់គ្រងស្តុកស្បៀងអាហារ និងស្តុកទំនិញជាយុទ្ធសាស្ត្រ (National Food and Strategic Reserves Administration) របស់មហាយក្សចិន បាននិយាយកាលពីថ្ងៃអាទិត្យ ចុងសប្ដាហ៍កន្លងទៅថា ប្រទេសចិន បានបញ្ចេញស្តុកប្រេងឥន្ធនៈទាំង២នេះ ដើម្បីបង្កើនការផ្គត់ផ្គង់ដល់ទីផ្សារ និងដើម្បីរក្សាស្ថិរភាពតម្លៃក្នុងតំបន់មួយចំនួន។

ប្រេងឆៅក្នុងទីផ្សារអង់គ្លេស បានធ្លាក់ថ្លៃ២០សេន ឬស្មើនឹង០,២%មកនៅត្រឹម៨៣,៥២ដុល្លារអាមេរិក ក្នុងមួយបារ៉ែល បន្ទាប់ពីឡើងថ្លៃ៦សេនកាលពីថ្ងៃសុក្រ សប្ដាហ៍មុន។

ទន្ទឹមនេះប្រេងឆៅក្នុងទីផ្សារអាមេរិក បានធ្លាក់ថ្លៃ៣៧សេន ឬស្មើនឹង០,៤%មកនៅត្រឹម៨៣,២០ដល្លារអាមេរិក ក្នុងមួយបារ៉ែល ក្រោយឡើងថ្លៃ៧៦សេននៅក្នុងថ្ងៃដដែល។

ប្រេងនៅក្នុងទីផ្សារទាំង២នេះ បានធ្លាក់ថ្លៃកាលពីសប្តាហ៍មុន ដែលជាការធ្លាក់ថ្លៃប្រចាំសប្តាហ៍ជាលើកដំបូង ក្នុងរយៈពេល៨សប្តាហ៍ជាប់គ្នា សម្រាប់ទីផ្សារប្រេងអង់គ្លេស និងជាការធ្លាក់ថ្លៃលើកដំបូង ក្នុងរយៈពេល១០សប្តាហ៍ជាប់គ្នា សម្រាប់ទីផ្សារប្រេងអាមេរិក។

លោក Hiroyuki Kikukawa អ្នកគ្រប់គ្រងទូទៅផ្នែកសិក្សាស្រាវជ្រាវនៅក្រុមហ៊ុនមូលបត្រជប៉ុន Nissan Securities បានលើកឡើងថា “បណ្ដាវិនិយោគិនកំពុងកែសម្រួលស្ថានភាព ក្រោយពីលេចឮដំណឹងថាប្រទេសចិន បានបញ្ចេញស្តុកប្រេងឥន្ធនៈ និងនៅមុនកិច្ចប្រជុំ OPEC+”។

ពិភពលោកកំពុងតែចោលក្រសែភ្នែកសម្លឹងមើល និងរង់ចាំអ៊ុតលទ្ធផលនៃកិច្ចប្រជុំ OPEC+ (សមាគមនៃប្រទេសនាំចេញប្រេង (OPEC) + រុស្ស៊ី និងបណ្ដាសម្ព័ន្ធមិត្ត) នៅថ្ងៃទី៤ វិច្ឆិកា ដ៏ខ្លីខាងមុខនេះ ដែលក្រុមអ្នកវិភាគរំពឹងថា ភាគីដែលចូលរួមប្រជុំនឹងប្រកាន់ខ្ជាប់នូវផែនការរបស់ពួកគេ ក្នុងការបន្ថែមការផ្គត់ផ្គង់ប្រេង ឱ្យបាន៤០០.០០០បារ៉ែលក្នុងមួយថ្ងៃនៅខែធ្នូ ចុងឆ្នាំនេះ៕  Reuters៕