ហេដ្ឋារចនាសម្ព័ន្ឋធំៗចំនួន៤ នឹងត្រូវបើកសម្ភោធឲ្យប្រើប្រាស់ជាផ្លូវការនៅឆ្នាំ២០២២នេះ

ដោយៈគង់ សូរិយា

ភ្នំពេញៈ លោកទេសរដ្ឋមន្រ្តីស៊ុន ចាន់ថុលរដ្ឋមន្រ្តីក្រសួងសាធារណៈការ និងដឹកជញ្ជូនបានថ្លែងថា ហេដ្ឋារចនាសម្ព័ន្ឋសំខាន់ៗជាច្រើនទៀត នឹងត្រូវបើកសម្ភោធឲ្យដំណើរការនៅឆ្នាំ២០២២នេះ។

លោកបានបង្ហើបព៌តមាននេះ ក្នុងឱកាសចូលរួមពិធីបើកការដ្ឋាន​ស្ថាបនា និងកែលំអរផ្លូវជាតិលេខ៤៨ ក្រោមអធិបតីភាពសម្តេចតេជោហ៊ុន សែននាយករដ្ឋមន្រ្តីនៃកម្ពុជាកាលពីព្រឹកថ្ងៃទី៣ មករាកន្លងមកនេះ។

គំរោងហេដ្ឋារចនាសម្ព័ន្ឋ ដែលត្រូវបើកសម្ភោធនាពេលបន្តបន្ទាប់នោះរួមមាន ដូចជា ទី១ នៅថ្ងៃទី១០ ខែមករា ឆ្នាំ២០២២នេះ សម្ពោធផ្លូវជាតិលេខ៥ ពីកំណាត់ផ្លូវបាត់ដំបង-សេរីសោភ័ណ្ឌ រួមទាំងមានការសម្ពោធកំណាត់ផ្សេងៗទៀត។ គម្រោងធ្វើឱ្យប្រសើរឡើងវិញ កំណាត់ផ្លូវជាតិលេខ៥ ភាគខាងជើង (បាត់ដំបង-សិរីសោភ័ណ)នេះ ចាប់ផ្តើមសាងសង់ចេញពីខេត្តបាត់ដំបង រហូតដល់ខេត្ត បន្ទាយមានជ័យ មានប្រវែងសរុប៨៤.៧៤គីឡូម៉ែត្រ គ្រោងចំណាយថវិកាប្រមាណ១៤៣.០៤ លានដុល្លារអាមេរិក។

គម្រោងស្ថាបនាកំណាត់ផ្លូវនេះ ត្រូវបានបែងចែកជាពីរកញ្ចប់ក្នុងនោះ៖ កញ្ចប់ទី១៖ សាងសង់ដោយក្រុមហ៊ុនសម្ព័ន្ធក្រុមហ៊ុន Tekken-Taiyo JV មានប្រវែង ៤៦.២៧ គីឡូម៉ែត្រ ហើយកញ្ចប់ទី២៖ សាងសង់ដោយ ក្រុមហ៊ុន សម្ព័ន្ធក្រុមហ៊ុន Daiho-Asanuma JV មានប្រវែង ៣៨.៤៧គីឡូម៉ែត្រ និងត្រួតពិនិត្យបច្ចេកទេសដោយ ក្រុមហ៊ុនទីប្រឹក្សាបច្ចេកទេស KEI-OCG-KCI Joint Venture in association with KCEC និង TANCONS ត្រូវបានសម្ភោធបើកការដ្ឋានសាងសង់កាលពីថ្ងៃទី២៦ មីនា ២០១៨។

ទី២ នៅក្នុងឆ្នាំ២០២២នេះ នឹងមានការបើកសម្ពោធផ្លូវ៣៨ខ្សែ ក្នុងក្រុងសៀមរាប។

គម្រោងកែលម្អហេដ្ឋារចនាសម្ព័ន្ធ ផ្លូវក្នុងក្រុងសៀមរាប ខេត្តសៀម​រាបចំនួន៣៨ខ្សែនេះ មានប្រវែងសរុបជាង១០៨.៧គីឡូម៉ែត្រ ប្រើប្រាស់ថវិកាជាតិសរុប ប្រមាណ១៤៩លានដុល្លារអាមេរិក ដោយក្នុងនោះចំនួន៩លានដុល្លារអាមេរិក ចំណាយលើការងារចាំបាច់ ក្នុងការរៀបចំស្ថាបនាប្រព័​ន្ធបង្ហូរទឹកភ្លៀង និងទឹកកខ្វក់ ឋិតក្រៅគម្រោងសាងសង់ខ្សែផ្លូវទាំង៣៨នេះ ចំណាយពេលសាងសង់ចំនួន១៣ខែ បានបញ្ចប់ការសាងសង់នៅចុងឆ្នាំ២០២១ គម្រោងនេះបានសម្ពោធ បើកការដ្ឋានសាងសង់ កាលពីថ្ងៃទី៣០ ខែវិច្ឆិកា ឆ្នាំ២០២០ ក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា។

ទី៣ នៅថ្ងៃទី០៧ ខែកុម្ភៈ ឆ្នាំ២០២២ នឹងបើកសម្ពោធផ្លូវជាតិលេខ៧ ក្រចេះ-ស្ទឹងត្រែង ទី៤ នៅថ្ងៃទី១៤ ខែកុម្ភៈ ឆ្នាំ២០២២ បើកសម្ពោធស្ពាន៧កន្លែង ដែលជាជំនួយឥតសំណងរបស់ប្រទេសជប៉ុន ដែលមានស្ពាន៥ នៅផ្លូវជាតិលេខ៧៣ និងស្ពាន២ទៀត នៅផ្លូវជាតិលេខ១១ ផងដែរ៕

សិក្សាលើប្រភេទប័ណ្ណអចលនវត្ថុចំនួន៧ប្រភេទ និងនិតិវិធីពាក់ព័ន្ឋដើម្បីសុវត្ថិភាពលើការទិញលក់ដីធ្លី

ដោយៈជេស៊ីកា

ភ្នំពេញៈ មានការលើកឡើងជារឿយៗថា “ប្រយ័ត្នទិញដី មិនបានដូ តែបានរឿងដាក់ខ្លួន” នេះជាការដាស់តឿនមួយ ដែលអ្នកវិនិយោគដិធ្លីគួរសិក្សាស្វែងយល់។

លោកសៅ វ៉ា​រី ប្រធាន​នាយកដ្ឋាន​អភិរក្ស​សុរិយោដី ​នៃ​អគ្គនាយក ដ្ឋាន​សុរិយោដី និង​ភូមិសាស្ត្រ​នៃ​ក្រសួង​ដែនដី នគរូបនីយកម្ម និង​សំណង់​បាន​មានប្រសាសន៍ថា ប័ណ្ណកម្មសិទ្ធិ​អចលនទ្រព្យឬ​ហៅថា (ប្លង់ដី) ត្រូវបាន​គេ​បែងចែក​ទៅតាម​ប្រភេទផ្សេងៗគ្នា ក្នុងនោះ​មានដូចជា ទី១ ប័ណ្ណ​សម្គាល់​សិទ្ធិ​កាន់កាប់​ប្រើប្រាស់​ដីធ្លី ឬ​ហៅថា ប័ណ្ណ​ស្លាបមាន់។

ទី២ ប័ណ្ណ​សម្គាល់​សិទ្ធិ​កាន់កាប់​អចលនវត្ថុ ទី៣ វិញ្ញាបនបត្រ​សម្គា​ល់​ម្ចាស់​អចលនវត្ថុ ទី៤ វិញ្ញាបនបត្រ​សម្គាល់​ម្ចាស់​ចំណែក​ឯកជន ទទី៥ វិញ្ញាបនបត្រ ​សម្គាល់​ម្ចាស់​កម្មសិទ្ធិ​សមូហភាព ទី៦ វិញ្ញាបនបត្រ​សម្គាល់​សិទ្ធិ​សម្បទាន​ដី​សេដ្ឋកិច្ច និងទី៧ វិញ្ញាបនបត្រ​សម្គាល់​សិទ្ធិ​ជួល​អចិន្ត្រៃយ៍។

លោក​បាន​បន្តថា ដើម្បីឱ្យ​ការទិញ-លក់​មាន​ទំនុកចិត្ត​តាមផ្លូវ​ច្បាប់ ម្ចាស់​អចលនទ្រព្យ​ពាក់ព័ន្ធ ពិសេស​ម្ចាស់​ដីឯកជន ត្រូវ​ដឹង​ពី​ការផ្ទេរកម្មសិទ្ធិ​លើ​អចលនទ្រព្យ​ជា​ធរមាន។ បច្ចុប្បន្ន​ការចុះបញ្ជី​ផ្ទេរកម្មសិទ្ធិ គឺ​ផ្អែកលើ​ប្រកាស​អន្តរក្រសួង​ពាក់ព័ន្ធ​ ដែល​បានចេញ​ផ្សាយ​កាលពី​ឆ្នាំ2011 និង​ឆ្នាំ2013។

ដើម្បីឱ្យ​ការផ្ទេរសិទ្ធិ​មាន​សុពលភាព​រឹងមាំ គឺ​ត្រូវ​មានការ​ព្រមព្រៀងគ្នារ​វាង​ភាគី​លក់ និង​ទិញ​ជាមុន​ត្រូវមាន​សន្មិ​កម្ម​ទៅតាម​មរតកសាសន៍ ឬ​ទៅតាម​ផ្លូវច្បាប់ ឬ​អនុវត្ត​ទៅតាម​សេចក្តីសម្រេច​របស់​តុលាការ ឬ​ការសម្រេច​របស់​រាជរ​ដ្ឋា​ភិ​បាល​ជាអាទិ៍។

ចំណែក​គោលការណ៍ និង​នីតិវិធី​នៃ​ការផ្ទេរកម្មសិទ្ធិ ចាំបាច់​ត្រូវមាន​ការចូលរួម​ដឹងឮ​ពី​រដ្ឋបាល​សុរិយោដី​ថ្នាក់​រាជធានី-ខេត្ត ឬ​រដ្ឋបាល​សុរិយោដី​ថ្នាក់ក្រុង-ស្រុក-ខណ្ឌ ជា​ស្ថាប័ន​មាន​សមត្ថកិច្ច​ទទួល​ពាក្យសុំ​ចុះបញ្ជី។ រដ្ឋបាល​សុរិយោដី​ថ្នាក់​រាជធានី-ខេត្ត ដែល​អចលនវត្ថុ​តាំងនៅ​ជា​ស្ថាប័ន​មាន​សមត្ថកិច្ច​ចុះបញ្ជី។

ជាមួយគ្នានេះ ​ពាក្យសុំ​ចុះបញ្ជី ត្រូវ​ធ្វើជា​លាយលក្ខណ៍អក្ស​រ ហើយ​ត្រូវ​ចុះបញ្ជី​ទៅតាម​ចំណុច​ដែល មាននៅ​ក្នុង​ពាក្យសុំ​របស់​អ្នកដាក់ពាក្យសុំ ឬ​លិខិត​ផ្ទុកផ្តាក់។ លោក​បញ្ជាក់​បន្ថែមថា ពាក្យសុំ​ចុះបញ្ជី​ត្រូវធ្វើឡើង​រួមគ្នា​ដោយ​បុគ្គល​មាន​សិទ្ធិ​ចុះបញ្ជី និង​បុគ្គល​មាន​កាតព្វកិច្ច​ចុះបញ្ជី។ ក្នុងករណី​ខ្លះទៀត​បុគ្គ​ល​ចុះបញ្ជី ​អាចដាក់​ពាក្យសុំ​តែម្នាក់ឯង​បាន ការផ្ទេរសិទ្ធិ​ដោយ​សារ​សន្តតិ​កម្ម (លើកលែងតែ​អច្ច័យទាន) ការផ្ទេរសិទ្ធិ​ដោយ​ការរួមបញ្ចូល​គ្នា​នៃ​នីតិបុគ្គល។

ការលុបចោល​ចុះបញ្ជី​ផល​ភោគ ​ដោយសារ​មរណភាព​រប​ស់​ផលុបភោគ​ភាគី សាលក្រម សាលដីកា ឬ​ដីកា​សម្រេច​ដែល​បាន​ចូល​ជា​ស្ថាពរ​ឬ​លិខិត​អនុវត្តន៍​ដោយ​ផ្អែកលើ​ការផ្សះផ្សា ឬ​ការទទួលស្គាល់​នូវ​ការទាមទារ​ដែល​លិខិត​អនុវត្ត​ទាំងនោះ ​បង្គាប់​ឱ្យមាន​នីតិវិធី​នៃ​ការចុះបញ្ជី។ ពាក្យសុំ​ចុះបញ្ជី ​អាចធ្វើ​ឡើង​ដោយ​អ្នកតំណាង​ក៏បាន និង​អាច​សុំ​កែតម្រូវ​បាន​ក្នុងករណី​បំពេញ​ពាក្យសុំ​មិនបាន​ត្រឹមត្រូវ​តាម​ការកំណត់។

ការចុះបញ្ជី​ដីធ្លី​ត្រឹមត្រូវ​ទៅតាម​ផ្លូវច្បាប់ ​អាចជួយ​ឱ្យ​យើង​ទទួលបាន​គុណសម្បត្តិ ក្នុងនោះ ​រួមមាន មាន​សិទ្ធិ​ផ្ទេរកម្មសិទ្ធិ​អចលនវត្ថុ លក្ខខណ្ឌ​នៃ​ការ​តតាំង​នៃ​ការផ្ទេរ ធ្វើ​បច្ចុប្បន្នភាពព័ត៌មាន​ដែល​បាន​ចុះបញ្ជី ជួយផ្តល់​ចំណូល​ថវិកាជាតិ ធានា​លើ​សិទ្ធិ​នៃ​កម្មសិទ្ធិ ឬ​ភាពជា​ម្ចាស់​កម្មសិទ្ធិ​ស្របច្បាប់​លើ​អចលនវត្ថុ មូលដ្ឋាន​ទិន្នន័យ​សម្រាប់​ការគ្រប់គ្រង​ដីធ្លី ពង្រឹង និង​ការ​គាំពារ​ប្រព័ន្ធ​ចុះបញ្ជី​ដីធ្លី។

ប្លង់រឹង គឺ​សំដៅលើ​ប័ណ្ណ ឬ​ប្លង់​ដែល​ចេញ​ដោយ​រដ្ឋបាល​ សុរិយោដី ប៉ុន្តែ​អ្នកខ្លះ​យល់ថា ប្លង់រឹង​សំដៅលើ​កិច្ចសន្យា ឬ​លិខិត​ផ្ទេរសិទ្ធិ​កាន់កាប់​អចលនវត្ថុ (ទោះជា​មិនទាន់បាន​ចុះបញ្ជី​សុរិយោដី/គ្មាន​ប័ណ្ណ)ដែល​បានបញ្ជាក់​ដឹងឮ​ពី​អាជ្ញាធរ​ឃុំ-សង្កាត់ និង​ក្រុង-ស្រុក -ខណ្ឌ​ក៏ដោយ ប៉ុន្តែ​វា​មិនមែន​ដូច្នោះ​ទេ។

ចំណែក​ប្លង់​ទន់​សំដៅលើ​កិច្ចសន្យា ឬ​លិខិត​ផ្ទេរសិទ្ធិ​កាន់កាប់អចល​នទ្រព្យ​ដែល​បាន​ចុះបញ្ជី​ក្តី(មាន​ប័ណ្ណ) មិនទាន់​ចុះបញ្ជី​ក្តី(គ្មាន​ប័ណ្ណ) ត្រឹមត្រូវ​បង់ពន្ធ​ប្រថាប់ត្រា លើកលែងតែ​ការអនុគ្រោះ​ពន្ធ ឬ​ការលើកលែង​ពន្ធ​ដែលមាន​កំណត់​ជាក់លាក់​ជាគោលការណ៍។ នេះ​ជាការ​អនុវត្ត​ផ្អែកលើ​មូលដ្ឋាន​នៃ​ច្បាប់ស្តីពី ​ហិរញ្ញវត្ថុ​សម្រាប់​ការគ្រប់គ្រង​ឆ្នាំ2013 និង​ដែល​បាន​កែប្រែ​ដោយ​បទ​ប្បញ្ញត្តិ​ពាក់ព័ន្ធ​ នៅក្នុង​ច្បាប់​ស្តីពី​ហិរញ្ញវត្ថុ សម្រាប់​ការគ្រប់​គ្រង​ឆ្នាំ2017។

បច្ចុប្បន្ន ការធ្វើ​លិខិតផ្សេងៗ ដូចជា​លិខិត​លក់​ផ្តាច់ អំណោយ​ផ្តាច់ កិច្ចសន្យា​បញ្ចាំ ហ៊ី​ប៉ូ​តែ​ក កិច្ចសន្យាជួល​រយៈពេល​វែង កិច្ចសន្យា​បង្កើត​សេវ-ភាព តាម​ការព្រមព្រៀង​រប​ស់​គូភាគី ជា​សមត្ថកិច្ច​របស់​មេ​ឃុំ-ចៅសង្កាត់​នៃ​ទីតាំង​អចលនវត្ថុ​នោះ៕

Experts expect growth in two-segment of real estate in 2022

by: Sotheary

Phnom Penh: After the Royal Government of Cambodia reopened the country and allowed foreign tourists to enter country without quarantine, real estate investment and various sectors have recovered continuously. Among sub-sectors in real estate sector, experts see the industrial and commercial sectors are expected to grow strongly in 2022.

Sorn Sieb, CEO of Key Real Estate, said recently that in 2022, the real estate sector may not be as strong as it was before Covid-19, but parts of the sector will recovery higher than in many other sectors, such as industry and commerce, and demand for land in both sectors will be higher next year.

“For Cambodian real estate sector may recover as before the situation of Covid-19 during the middle of 2023, while in 2022, it may continue to face the problem of Covid-19 because a new type of radiant Omicron in the city is constantly being discovered,” he continued.

He said that after the reopening of the country, the industrial factories start to revive, the demand for office space has resumed, and in 2022, the demand for both sectors will continue to rise and can be the strongest among the sub-sectors of real estate.

Mr. Long Kimsour, CEO of Century 21 Advance Property, said that he believes there will be more demand for housing development in 2022, while 2021 which is the year Cambodia suffered the most due to Covid-19, housing development is still stable, especially developers who understand the market.

“In 2022, if house owners do not develop to meet the current market demand, they will continue to face the same problems, but if the house owners understand the market demand, they will still be able to sell even in this crisis,” he said. “We see that housing sector in Cambodia continue to develop and sell well, while houses that do not have standards, do not have a market knowledge, still face problems,” he said.

Cheng Kheng, CEO of CPL Real Estate, said in Covid-19 crisis or other crisis, he will not focus on the crisis, but he will continue to work with optimism, so at the end of the crisis we can at least be prepared to continue our investment process forward.

Businesses to enjoy tariff waivers as world’s largest trade deal RCEP enters into force

SINGAPORE: The Regional Comprehensive Economic Partnership (RCEP), the world’s largest free trade agreement involving 15 countries including Singapore, entered into force on Saturday (Jan 1).

The RCEP will “provide a boost to the trade and business ties between Singapore and the RCEP parties”, said Trade and Industry Minister Gan Kim Yong in a press release.

“We are heartened that many Singapore businesses indicated that they were keen to explore utilising the RCEP Agreement when it enters info force during outreach events,” he added.

From Saturday, businesses will be able to enjoy tariff elimination of about 92 per cent for goods traded amongst signatory parties for which the agreement has entered into force, the Ministry of Trade and Industry (MTI) said.

The agreement was signed in November 2020. Countries that have ratified the agreement so far include Singapore, Australia, Brunei, Cambodia, China, Japan, Laos, New Zealand, Thailand and Vietnam.

The agreement will enter into force for the other participating countries 60 days after they have deposited their instrument of ratification with the Depositary.

Businesses will also benefit from additional preferential market access for specific products including mineral fuels, plastics, other chemical products, miscellaneous food preparations and beverages in selected RCEP markets such as China and Japan, said MTI.

“With streamlined rules of origin and regional cumulation provisions, businesses will have greater flexibility to tap on these preferential market access benefits and be able to take advantage of regional supply chains.”

Businesses could also benefit from enhanced commitments above existing ASEAN Plus One free trade agreements in some sectors, it added. Investors may benefit from commitments to prohibit performance requirements and provisions that lock in future relaxation of measures as well.
“The RCEP Agreement is a modern, comprehensive, high-quality, and mutually beneficial economic partnership that builds on existing bilateral agreements that ASEAN has with its free trade partners,” MTI said.

It is the largest free trade deal to date, covering about 30 per cent of global gross domestic product and 30 per cent of the world’s population. The agreement comprises 20 chapters, including new areas such as intellectual property, competition policy and e-commerce.

“That the RCEP Agreement is entering into force about a year after it was signed, is testament to the region’s determination and commitment to deepening economic integration amidst difficult times,” said Mr Gan.

“We look forward to the swift ratification of the RCEP by all remaining parties so that the full potential of the agreement can be realised.”

Source: CNA

ក្រុមហ៊ុននានារបស់សិង្ហបុរីសាទរចំពោះការលើកលែងពន្ធ ក្រោយRCEPចូលជាធរមាន

ដោយ៖ សុខុម

ភ្នំពេញ: កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ដែលជាកិច្ចព្រមព្រៀងពាណិជ្ជកម្មសេរី (FTA) ដ៏ធំបំផុតរបស់ពិភពលោក ក្រោមការចូលរួមពី១៥ប្រទេសរួមទាំងសិង្ហបុរីនិងកម្ពុជាផងនោះ បានចូលជាចូលជាធរមានហើយកាលពីថ្ងៃសៅរ៍ ទី០១ ខែមករា។

លោក Gan Kim Yong រដ្ឋមន្ត្រីក្រសួងពាណិជ្ជកម្មនិងឧស្សាហកម្មសិង្ហបុរី បានលើកឡើងតាមរយៈសេចក្តីប្រកាសព័ត៌មានថា កិច្ចព្រមព្រៀង RCEP នឹងជួយ “ជំរុញទំនាក់ទំនងពាណិជ្ជកម្ម និងធុរកិច្ចរវាងប្រទេសសិង្ហបុរី និងបណ្ដាប្រទេសហត្ថលេខីនៃកិច្ចព្រមព្រៀង RCEP”។

លោកបានបន្ថែមទៀតថា “យើងពិតជាមានក្ដីសោមនស្សរីករាយ ដែលក្រុមហ៊ុនសហគ្រាសជាច្រើនរបស់សិង្ហបុរី បង្ហាញចំណាប់អារម្មណ៍ចង់ស្វែងយល់អំពីការប្រើប្រាស់កិច្ចព្រមព្រៀង RCEP នៅពេលកិច្ចព្រមព្រៀងនេះចូលជាធរមានអំឡុងពេលព្រឹត្តិការណ៍ផ្សព្វផ្សាយ”។

ក្រសួងពាណិជ្ជកម្មនិងឧស្សាហកម្មបានលើកឡើងថា ចាប់ពីថ្ងៃសៅរ៍ ទី០១ ខែមករាតទៅ ក្រុមហ៊ុនសហគ្រាសនានានឹងអាចទទួលបានការលើកលែងពន្ធរហូតដល់ទៅប្រមាណ៩២% សម្រាប់ទំនិញដែលត្រូវបានជួញដូរក្នុងចំណោមបណ្ដាប្រទេសហត្ថលេខីនៃកិច្ចព្រមព្រៀងនេះ។

កិច្ចព្រមព្រៀងនេះត្រូវបានចុះហត្ថលេខាកាលពីខែវិច្ឆិកា ឆ្នាំ២០២០ ហើយបណ្ដាប្រទេសដែលបានផ្តល់សច្ចាប័នលើកិច្ចព្រមព្រៀងនេះរហូតមកដល់ពេលនេះរួមមានទាំងប្រទេសសិង្ហបុរី អូស្ត្រាលី ព្រុយណេ ចិន ជប៉ុន ឡាវ នូវែលសេឡង់ ថៃ វៀតណាម និងកម្ពុជា ផងដែរ។

កិច្ចព្រមព្រៀងនេះនឹងចូលជាធរមានសម្រាប់ប្រទេសដែលចូលរួមផ្សេងទៀត ក្នុងរយៈពេល៦០ថ្ងៃបន្ទាប់ពីប្រទេសទាំងនោះដាក់តម្កល់ឧបករណ៍នៃការផ្តល់សច្ចាប័នរបស់ខ្លួនជាមួយនឹងឯកសារជាភ័ស្តុតាង។

ក្រសួងពាណិជ្ជកម្ម និងឧស្សាហកម្មសិង្ហបុរី និយាយថា ក្រុមហ៊ុនសហគ្រាសនានាក៏នឹងទទួលបានអត្ថប្រយោជន៍ពីការចូលទៅកាន់ទីផ្សារអនុគ្រោះបន្ថែមសម្រាប់ផលិតផលជាក់លាក់មួយចំនួន រួមមានឥន្ធនៈរ៉ែ (ធ្យូងថ្ម ប្រេងកាត និងឧស្ម័នធម្មជាតិ) ប្លាស្ទិក ផលិតផលគីមីផ្សេងៗទៀត ចំណីអាហារ & ភេសជ្ជៈផ្សេងៗនៅក្នុងទីផ្សារ RCEP ដូចជាប្រទេសចិន និងជប៉ុន ជាដើម។

ក្រសួងដដែលបានបន្ថែមទៀតថា ក្រុមហ៊ុនសហគ្រាសនានាក៏អាចទទួលបានអត្ថប្រយោជន៍ពីការប្តេជ្ញាចិត្តកាន់តែម៉ឺងម៉ាត់បន្ថែមពីលើកិច្ចព្រមព្រៀងពាណិជ្ជកម្មសេរីអាស៊ានបូក១ (ASEAN Plus One) ដែលមានស្រាប់នៅក្នុងវិស័យមួយចំនួនផងដែរ៕

លោកCooler Tanចែករំលែកបទពិសោធដើម្បីក្លាយជាវិនិយោគិនដីឡូតិ៍លំហែជោគជ័យ

ដោយ: ម៉ាលីស

ភ្នំពេញ: ដីឡូត៏ និងផ្ទះលំហែកាយគឺជាផ្នែកមួយ នៃវិស័យអចលនទ្រព្យកម្ពុជា និងមានការវិនិយោគជាបន្តបន្ទាប់ ពីវិនិយោគិនក្នុងនិងក្រៅប្រទេស។

ទោះជាយ៉ាងណាអ្នកអភិវឌ្ឍន៍ខ្លះ ក៏ទទួលជោគជ័យ ឯខ្លះទៀតក៏មិនទទួលបានជោគជ័យ។ ដូច្នេះតើហតុអ្វីវិនិយោគិន ត្រូវវិនិយោគលើដីឡូត៏លំហែនិងផ្ទះលំហែនៅក្នុងប្រទេសកម្ពុជា ហើយតើគាត់ត្រូវត្រៀមលក្ខណៈសម្បត្តិយ៉ាងណាដើម្បីទទួលបានជោគជ័យ?។

លោកCooler Tan ម្ចាស់គម្រោងវិនិយោគលើដីឡូត៏លំហែកាយបូកគោលែន នៅក្នុងខេត្តកំពតបានមាន  ប្រសាសន៍ក្នុងកិច្ចសម្ភាសន៍ពិសេ​សជាមួយ សារពត៍មាន គេហទំព័រ Property Area Asia អោយដឹងថា ដំបូងលោក គឺជាអ្នកវិនិយោគលើវិស័យផ្សេងទេ ប៉ុន្តែដោយសំលឹងមើលឃើញថាវិស័យអចលនទ្រព្យ កំពុងតែមានការពេញនិយមនិងមានតម្រូវការខ្ពស់ ហើយវិស័យនេះផងដែរ ក៏បានចូលរួមចំណែកយ៉ាងធំ ក្នុងសេដ្ឋកិច្ចជាតិ លោកក៏បានសម្រេចចិត្តបណ្ដាក់ទុនវិនិយោគ លើវិស័យអចលនទ្រព្យនិងបានជ្រើសរើស យកការអភិវឌ្ឍលើដីឡូត៏លំហែកាយ នៅក្នុងខេត្តកំពតដែលជាខេត្តមានសក្តានុពលទេសចរ និងសកថិតកៀកនឹងក្រុងផងនោះ។

លោកក៏បានចែករំលែកនូវគន្លឹះមួយចំនួន សំរាប់អ្នកដែលចង់ធ្វើវិនិយោគដីឡូត៏លំហែថា “យើងត្រូវមានទុនគ្រប់គ្រាន់ ដោយមួយចំណែកត្រូវរកទិញដីឱ្យបានសិន ពេលដែលទិញបានហើយ គឺត្រូវការទុនមួយចំណែកទៀតសម្រាប់ទុកអភិវឌ្ឍន៍ និងត្រូវមានទុនមួយកញ្ចប់ទៀត សម្រាប់ទុកទិញដីអភិវឌ្ឍន៍គម្រោងបន្តបន្ទាប់”។ លោកបន្តថា “ទោះបីជាយើងមានទុនទាំងអស់នេះហើយ ក៏មិនប្រាកដថាអាចទទួលបានជោគជ័យនោះទេ ។ ជាក់ស្ដែង នៅក្នុងប្រទេសកម្ពុជាអ្នកមានធនធាន និងមានដីច្រើនណាស់ ដោយអ្នកខ្លះ មិនធ្វើខាងផ្នែកលំហែនេះ ទេហើយអ្នកខ្លះទៀតធ្វើដែរតែក៏មិនទទួលបានជោគជ័យ អ្វីដែលសំខាន់គឺផ្នត់គំនិត ពោលគឺត្រូវមានឆន្ទៈខ្ពស់ក្នុងការអភិវឌ្ឍ”។

លោកក៏បានជំរាបអោយដឹងពីផែនការ និងយុទ្ធសាស្រ្ត សម្រាប់គម្រោងបូកគោលែន របស់លោកដែលទទួលបានការគាំទ្រ ពីអតិថិជនក្នុងប្រទេសកម្ពុជាដូចនេះថា ដោយសារ ការចេះសិក្សាស្វែងយល់ពីតម្រូវការទីផ្សាររបស់អតិថិជន ដែលធ្វើយ៉ាងណាឱ្យអតិថិជន ស្រលាញ់ពេញចិត្តនូវគម្រោងនីមួយៗ ដូចជា ការគូសប្លង់ រចនាគម្រោង និងទាក់ទាញអតិថិជនជាដើម ដូចនេះទើបមានការជោគជ័យ និងកោតសរសលរពីសំនាកអតិថិជនដូចសព្វថ្ងៃ។

រួមផ្សំនឹងការបង្កើតទីផ្សារបានល្អ ជាពិសេសនោះគឺ រកអ្នកដែលមានចំណេះដឹងផ្នែកទីផ្សារ ក្នងការលក់គម្រោងផងដែរ។ ម្យ៉ាងទៀត អ្នកអភិវឌ្ឍន៍គម្រោងលំហែបូកគោលែន មិនត្រឹមតែគូសប្លង់ រចនាគម្រោងបានស្អាត និងរកទីផ្សារបានល្អនោះទេ  តែអភិវឌ្ឍន៍គម្រោងនោះ ឱ្យបានស្អាតជាងគេ ទាក់ទាញជាងគេ ។

លោកCooler Tanបានបញ្ជាក់ថា គម្រោងដែលជោគជ័យ មិនមែនជាគម្រោង ដែលលក់ឱ្យអតិថិជនដាច់អស់លឿន ហើយគ្រប់គ្រាន់តែម្យ៉ាងទេ តែធ្វើយ៉ាងណាទាក់ទាញឱ្យអតិថិជនមកអភិវឌ្ឍន៍ មកសង់ផ្ទះ និងមករស់នៅ ។ លោកថា យើងមានផែនការអភិវឌ្ឍឱ្យស្អាត ល្អទាក់ទាញ និងធ្វើឱ្យលឿន ដើម្បិឱ្យអតិថិជនដែលចង់សង់ផ្ទះ នៅក្នុងគម្រោងដែលបានទិញអាចសង់បានភ្លាមៗលឿនរហ័ស។ គម្រោងខ្លះអភិវឌ្ឍន៍ពីរបីឆ្នាំហើយ តែពេលអតិថិជន ចង់មកអភិវឌ្ឍន៍ក៏មិនអាចធ្វើទៅបាន ខ្វះប្រព័ន្ធទឹក ភ្លើង ផ្លូវជាដើម តែសម្រាប់គម្រោងរបស់យើង អតិថិជនទិញហើយ មិនឱ្យរង់ចាំយូរនោះទេ។

មួយវិញទៀតទាក់ទិននឹង នឹងការប្រកួតប្រជែងនៃវិស័យដីឡូតិ៍លំហែសព្វថ្ងៃ លោកCooler Tan ក៏បានបញ្ជាក់ថា លោកមើលឃើញ មិនទាន់មានការប្រកួតប្រជែងគ្នាខ្លាំងនោះទេ បើធៀបជាមួយនឹងការអភិវឌ្ឍលំនៅឋាន។

ប៉ុន្តែលោកជឿថា ចាប់ពីឆ្នាំ២០២៣ឡើងទៅ ទីផ្សារដីឡូត៏លំហែនឹងកាន់តែមានការប្រកួតប្រជែងគ្នាខ្លាំងឡើង។ អ្វីដែលអ្នកទិញដីឡូត៏ត្រូវប្រយ័​ត្ន និងពិចារណា មុននឹងទិញដីឡូត៏លំហែគឺត្រូវមើលថា តើគម្រោងនោះធ្វើពិតប្រាកដឬអត់ គម្រោងអភិវឌ្ឍន៍ពិតដែរទេ? បើសិនជាត្រឹមទិញហើយទុកចោល ឬត្រូវប្រើពេលវេលាបួនដប់ឆ្នាំក្រោយ ទើបអាចមកចូលនៅបាន វាអត់ន័យនោះទេ៕

អ្នកជំនាញរំពឹងថា ផ្នែកចំនួនពីរនៃអចលនទ្រព្យនឹងមានកំណើនខ្ពស់ក្នុងឆ្នាំ២០២២

ដោយៈ វឌ្ឍនៈ

ភ្នំពេញៈ ក្រោយពេលរាជរដ្ឋាភិបាលកម្ពុជា បានបើកប្រទេសឡើងវិញ និងបើកឱ្យមានអ្នកដំណើរបរទេសចូលមកកម្ពុជា ដោយមិនធ្វើចត្តាឡីស័ក  ក៏បានឃើញថាសកម្មភាព នៃការវិនិយោគអចលនទ្រព្យនិងវិស័យនានាងើបឡើងវិញជាបន្តបន្ទាប់ ក្នុងនោះដែរចំណោមអនុវិស័យជាច្រើន ក្នុងវិស័យអចលនទ្រព្យ អ្នកជំនាញមើលឃើញថាវិស័យឧស្សាហកម្ម និងពាណិជ្ជកម្មរំពឹងនឹងកើនឡើងខ្ពស់នៅឆ្នាំ២០២២។

លោកសន សៀប នាយកប្រតិបត្តិក្រុមហ៊ុនអចលនទ្រព្យឃីរៀលអ៊ីស្ទេត បានមានប្រសាសន៍ឲ្យដឹងកាលពីពេលថ្មីៗនេះថា ឆ្នាំ២០២២ខាងមុខនេះ វិស័យអចលនទ្រព្យ ប្រហែលជាមិនអាចងើបឡើងខ្ពស់ដូចមុនស្ថា​ន​ភាពកូវីដ១៩មកដល់ទេ ប៉ុន្តែផ្នែកខ្លះនៃវិស័យនេះ នឹងងើបឡើងវិញ ហើ​យខ្ពស់ជាងគេ ក្នុងចំណោមផ្នែកជាច្រើនទៀត ដូចជាវិស័យឧស្សាហកម្ម និងពាណិជ្ជកម្ម ហើយតម្រូវការដីធ្លីសម្រាប់បម្រើ ក្នុងវិស័យទាំងពីរនេះ នឹងមានតម្រូវការខ្ពស់នៅឆ្នាំក្រោយនេះ ។

លោកបន្តថា “សម្រាប់វិស័យអចលនទ្រព្យកម្ពុជាទាំងមូល អាចនឹងងើបឡើងវិញ ដូចមុននឹងស្ថានភាពកូវីដ១៩ នៅអំឡុងពាក់កណ្ដាលឆ្នាំ ២០២៣ ខណៈ២០២២នេះ វាអាចនឹងនៅបន្តប្រឈមនឹងបញ្ហាកូវីដ១៩ ពីព្រោះដូចបានឃើញ វត្តមានមេរោគកូវីដ១៩បម្លែងថ្មី ប្រភេទអូមីក្រុងរកឃើញជាបន្តបន្ទាប់”។

លោកបន្តថា បន្ទាប់ពីបានបើកប្រទេសឡើងវិញ ឃើញថារោងចក្រឧស្សាហកម្ម ចាប់ផ្ដើមកម្រើកឡើងវិញ តម្រូវការការិយាល័យជួលក៏ចាប់ផ្ដើមមានឡើងវិញ ហើយនៅឆ្នាំ២០២២នេះ តម្រូវការផ្នែកទាំងពីរនេះនឹងនៅតែបន្តងើប និងអាចងើបឡើងខ្លាំងជាងគេ ក្នុងចំណោមអនុវិស័យនៃអចលនទ្រព្យ ។

ជាមួយគ្នានេះ លោកឡុង គឹមសួគ៌អគ្គនាយកក្រុមហ៊ុនអចលនទ្រព្យ Century 21 Advance Property បានមានប្រសាសន៍ថា ការអភិវឌ្ឍលំនៅឋានជាបុរីសម្រាប់ឆ្នាំ ២០២២ខាងមុខនេះ លោកជឿថានឹងមានតម្រូវការបន្ថែមទៀត ខណៈ២០២១ជាឆ្នាំដែលកម្ពុជារងគ្រោះ ធ្ងន់ធ្ងរដោយ​សារតែកូវីដ១៩ ប៉ុន្តែការអភិវឌ្ឍលំនៅឋាននៅតាមបុរី នៅតែមានដដែល ជាពិសេសម្ចាស់អភិវឌ្ឍន៍ដែលយល់ច្បាស់ពីទីផ្សារ ។

លោកបន្តថា “ឆ្នាំ២០២២ខាងមុខនេះ បើសិនជាម្ចាស់បុរី មិនអភិវឌ្ឍទៅរកតម្រូវការទីផ្សារបច្ចុប្បន្ន នៅតែបន្តប្រឈមនឹងបញ្ហាដដែល តែបើសិនជាម្ចាស់បុរី ណាស្វែងយល់ពីតម្រូវការទីផ្សារ នឹងនៅតែអាចលក់ចេញ បានដដែលទោះក្នុងវិបត្តិកូវីដ១៩”។លោកថា “យើងឃើញថានៅក្នុងវិបត្តិកូវីដ១៩ បុរីលំនៅឋាននៅក្នុងប្រទេសកម្ពុជា នៅតែបន្តអភិវឌ្ឍន៍ និងលក់បានជាហូរហែ ចំណែកបុរីដែលមិនមានស្ដង់ដារ មិនមានការសិក្សាពីទីផ្សារនៅតែជួបបញ្ហា”។

លោកចេង ខេង អគ្គនាយកក្រុមហ៊ុនអចលនទ្រព្យស៊ីភិអិល បានមានប្រសាសន៍ថា  ក្នុងវិបត្តិកូវីដ១៩ឬវិបត្តិផ្សេងៗ សម្រាប់រូបលោកមិនផ្ដោតលើវិបត្តិទេ តែលោកនឹងបន្តការងារ ដោយសុទិដ្ឋិនិយមដដែល ដូច្នេះនៅពេលចប់វិបត្តិ យ៉ាងហោចណាស់ ក៏យើងអាចត្រៀមខ្លួនសម្រាប់បន្តដំណើរការវិនិយោគរបស់យើងទៅមុខគេដែរ៕

សម្តេចតេជោ៖ ខេត្តកោះកុងនឹងមានតំបន់សេដ្ឋកិច្ចច្រើនជាងខេត្តដទៃ មិនចាញ់ខេត្តព្រះសីហនុឡើយ

ដោយ៖ សុផារី

កោះកុង៖ ផ្លូវជាតិលេខ៤៨ ជារបៀងមាត់សមុទ្រ ដែលមិនត្រឹមបម្រើនៅក្នុងស្រុកទេ តែក៏បម្រើដល់ការធ្វើពាណិជ្ជកម្មរវាងកម្ពុជា ថៃ និងវៀតណាមផងដែរ ខណៈបច្ចុប្បន្នកំពុងក្លាយជាប៉ូលទេសចរណ៍ដ៏សំខាន់ផងនោះ ហើយនៅពេលខាងមុខខេត្តកោះកុង នឹងមានតំបន់សេដ្ឋកិច្ចច្រើនជាងខេត្តដទៃ ដោយមិនចាញ់ខេត្តព្រះសីហនុនោះឡើយ។

នេះបើតាមការលើកឡើងរបស់ម្តេចតេជោ ហ៊ុន សែន បានធ្វើឡើងក្នុងឱកាសដែល សម្តេចអញ្ជើញបើកការដ្ឋានសាងសង់ និងលើកកម្រិតគុណភាពផ្លូវជាតិលេខ៤៨ តភ្ជាប់ខេត្តព្រះសីហនុ ទៅកាន់ខេត្តកោះកុង នាព្រឹកថ្ងៃទី០៣ ខែមករា ឆ្នាំ២០២២នេះ។

សម្តេចលើកឡើងថា “វាជារបៀងមាត់សមុទ្រដែលបម្រើឱ្យមិនត្រឹមតែទំនាក់ទំនងផ្ទៃក្នុងរបស់កម្ពុជាទេ ក៏ប៉ុន្តែទំនាក់ទំនងរវាងថៃ កម្ពុជានិងវៀតណាម ដែលឆ្លងកាត់រវាងមាត់សមុទ្រនេះ។ ប្រសិនបើវៀតណាមចង់យកទំនេញទៅប្រទេសថៃឆ្លងកាត់តាមផ្លូវនេះ ក៏រហ័ស។ ថៃចង់យកទំនិញទៅវៀតណាម ក៏អាចឆ្លងកាត់តាមផ្លូវនេះ”។

សម្តេចបន្តថា “ទន្ទឹមនឹងរបៀងមាត់សមុទ្រនេះក្លាយជាតំបន់ទេសចរណ៍ដ៏គួរឱ្យទាក់ទាញ និងតំបន់ប៉ូលសេដ្ឋកិច្ចនៅទិសនារតី ដែលមុននេះមានក្នុងខេត្តព្រះសីហនុតែប៉ុណ្ណោះ។ តែឥឡូវនេះ គ្របដណ្តប់ខេត្តទិញនារតីរបស់យើង មានខេត្ត ព្រះសីហនុ ខេត្តកោះកុង ខេត្ត កែប និងខេត្តកំពត ជាមួយនឹងប៉ូលសេដ្ឋកិច្ចដ៏រីកចម្រើននិងមានសក្តានុពលខ្ពស់នៅពេលខាងមុខផងដែរ”។

ក្រៅពីនេះ ផ្លូវជាតិលេខ៤៨ ក៏បានតភ្ជាប់យ៉ាងសំខាន់ជាមួយខេត្តបាត់ដំបង ពោធិ៍សាត់ ទៅខាងប៉ៃលិន បន្ទាយមានជ័យ តាមរយៈផ្លូវជាតិលេខ១០ ដែលកំពុងសាងសង់ដែរនោះ ដែលនេះជាការសម្រួលដល់ការធ្វើដំណើររបស់ប្រជាពលរដ្ឋកម្ពុជា ដោយមិនចាំបាច់ធ្វើដំណើរឆ្លងកាត់តាមរាជធានីភ្នំពេញទៀតឡើយ។
សម្តេចតេជោ ហ៊ុន សែន បានថ្លែងបន្ថែមថា កុំសង្ឃឹមដល់ការរីកចម្រើន បើគ្មានការតភ្ជាប់ផ្ទៃក្នុង និងប្រទេសជិតខាង តាមរយៈការសាងសង់ហេដ្ឋារចនាសម្ព័ន្ធផ្លូវ និងស្ពានទេនោះ៕

សម្តេចតេជោព្រមានដកអភិបាលខេត្តដែលជំពាក់លុយក្រុមហ៊ុន លី ឈួង ក្នុងការសាងសង់គម្រោងដោយមិនមានការដេញថ្លៃ

ដោយ៖ សុធារី

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានព្រមានដកអភិបាលខេត្តណាដែលជំពាក់លុយ ក្រុមហ៊ុន លី ឈួង រឿងឃុបឃិតគ្នាសាងសង់មុនទើបធ្វើការទូទាត់ប្រាក់តាមក្រោយ ដោយមិនមានការដេញថ្លៃ ហើយសម្តេចក៏បានបញ្ជាឱ្យអភិបាលរាជធានីខេត្ត និងស្ថាប័នរដ្ឋទាំងអស់ បញ្ឈប់គម្រោងបែបនេះជាបន្ទាន់។

ការព្រមានរបស់សម្តេចតេជោ ហ៊ុន សែន បានធ្វើឡើងក្នុងឱកាសដែល សម្តេចអញ្ជើញបើកការដ្ឋានសាងសង់ និងលើកកម្រិតគុណភាពផ្លូវជាតិលេខ៤៨ តភ្ជាប់ខេត្តព្រះសីហនុ ទៅកាន់ខេត្តកោះកុង នាព្រឹកថ្ងៃទី០៣ ខែមករា ឆ្នាំ២០២២នេះ។

សម្តេចបានថ្លែងថា “ខ្ញុំសូមផ្តាំនិងដាក់បទបញ្ជាដាច់ណាត់ គម្រោងទាំងឡាយណាដែលមិនទាន់អនុវត្ត គឺដកចេញភ្លាម លុបកុងត្រាហ្នឹងចោលភ្លាម ព្រោះកុងត្រាហ្នឹងគ្មានអ្នកណាទទួលស្គាល់។ បើសិនជាខ្ញុំរកឃើញ នឹងមានរឿង”។ ចំពោះគម្រោងដែលបានអនុវត្តរួចហើយ សូមទូរទាត់រយៈពេល២០ ឆ្នាំ ហើយយកលុយរដ្ឋបាលខេត្តហ្នឹងទូរទាត់ទៅ។ រដ្ឋាភិបាលមិនចេញឱ្យមួយសេនទេ ព្រោះធ្វើអ្វីមិនឱ្យរដ្ឋាភិបាលដឹង ចឹងវាក្លាយជាបន្ទុកបំណុល”។

សម្តេចបន្តថា “បើខេត្តណាដែលមាន ហើយចុះហត្ថលេខាដោយអភិបាលខេត្ត ឱ្យអតីតអភិបាលខេត្តមកទូរទាត់ទៅ។ បើបណ្តោយរឿងនេះ មិនទប់ស្កាត់អភិបាលខេត្ត ឬស្ថាប័ន សូមផ្តាំរឿងនេះវាទៅជាជំងឺមហារីក។ ខាងក្រោមជំពាក់លុយគេ តម្រូវឱ្យខាងលើអ្នកចេញលុយ។ អ្នកឯងឃុបឃិតគ្នា អត់ដាក់ដេញថ្លៃផង។ នេះជាអំពើពុករលួយ ដែលខ្ញុំនិយាយដោយត្រង់ បើមិនសម្អាតអាហ្នឹង គឺមិនបាន។ ចឹងផ្តាំទៅ គ្រប់អភិបាលខេត្ត រាជធានីទាំងអស់ អត់ឱ្យធ្វើបែបហ្នឹងទៀតទេ។ រាល់ការធ្វើណាក៏ដោយ ត្រូវមានការយល់ព្រម បើត្រូវចំណាយថវិកា”។

ជាមួយគ្នានេះ សម្តេចតេជោ ក៏បានផ្តាំទៅក្រុមហ៊ុន លី ឈួង ដូច្នេះថា “ខ្ញុំផ្តាំទៅក្រុមហ៊ុន លី ឈួង ឲ្យបញ្ឈប់ជាបន្ទាន់ បើមិនអ៊ីចឹង ខ្ញុំនឹងដាក់ក្រុមហ៊ុន លី ឈួង ទៅក្នុងបញ្ជីខ្មៅ។ ខ្ញុំដឹងថា ក្រុមហ៊ុនអ្នកឯងធ្វើល្អហើយ ដូចជា វិមានសន្តិភាព វិមានរដ្ឋសភា ធ្វើកន្លែងនេះ កន្លែងនោះ ក៏ប៉ុន្តែអ្នកឯងមិនអាចធ្វើរបៀបនេះតទៅទៀតទេ ហើយផ្តាំទៅក្រុមហ៊ុនទាំងអស់ កុំយកតម្រាប់តាមក្រុមហ៊ុន លី ឈួង”។

ក្រុមហ៊ុន លី ឈួង សំណង់ និងអាហរ័ណ នីហរ័ណ គឺជាក្រុមហ៊ុនសាងសង់អគារ និងផ្លូវថ្នល់ ជាច្រើនឆ្នាំមកហើយ។ បើតាមសម្តេចតេជោ ក្រុមហ៊ុននេះ បានសាងសង់វិមានសន្តិភាព វិមានរដ្ឋសភាជាតិ និងអគារសំណង់ធំៗជាច្រើនទៀត នៅកម្ពុជា៕

ឯកអគ្គរដ្ឋទូតកូរ៉េៈស្ពានមិត្តភាពកម្ពុជា កូរ៉េនឹងសាងសង់ជាស្ពានយោងដោយខ្សែកាបបានដាក់ជូនរដ្ឋាភិបាលកម្ពុជាសម្រេចហើយ

ដោយៈ សុធារី

ភ្នំពេញៈ លោក ផាក ហ៊ឹងឃ្យុង ឯកអគ្គរដ្ឋទូតកូរ៉េខាងត្បូងប្រចាំកម្ពុជា បានថ្លែងថា ស្ពានមិត្តភាពកម្ពុជា កូរ៉េត្រូវបានក្រុមហ៊ុនកូរ៉េមួយសិក្សានិងបានដាក់ជូនរដ្ឋាភិបាលកម្ពុជាពិនិត្យ និងសម្រេចលើការកំណត់ទីតាំង និងទ្រង់ទ្រាយស្ពានរួចហើយ។

លោកផាក ហ៊ឹងឃ្យុងបានមានប្រសាសន៍ក្នុងពិធីចូលរួមសម្ភោធបើក​ការដ្ឋាន និងកែលំអរផ្លូវជាតិលេខ៤៨នាព្រឹកថ្ងៃទី៣ មករានេះថា កូរ៉េខាងត្បូងបានសម្រេច សាងសង់ស្ពានឆ្លងកាត់ទន្លេមេគង្គ តភ្ជាប់ពីរាជធានីភ្នំពេ​ញទៅកាន់តំបន់អរិយក្សត្រ ដោយរបាយការណ៍នៃការសិក្សា គម្រោងសាងសង់ស្ពានមិត្តភាពកម្ពុជា-កូរ៉េ ឆ្លងកាត់ទន្លេមេគង្គ ភ្ជាប់ពីរាជធានីភ្នំពេញ ត្រូវបានភាគីកូរ៉េខាងត្បូង ដាក់ជូនរាជរដ្ឋាភិបាលកម្ពុជារួចហើយ។

ការសម្រេចសាងសង់ស្ពានមិត្តភាពកម្ពុជា-កូរ៉េនេះ ធ្វើឡើងឆ្លើយតបនឹងសំណើជាចំហររបស់សម្តេចតេជោ ហ៊ុន សែន ក្នុងពិធីបើកការដ្ឋានជួសជុលកែលម្អផ្លូវជាតិលេខ២ និងលេខ២២ កាលពីខែកុម្ភៈ ឆ្នាំ២០២០។

លោកឯកអគ្គរដ្ឋទូតបញ្ជាក់ថា ក្រុមហ៊ុនកូរ៉េមួយ បានធ្វើការសិក្សាពីលទ្ធភាពក្នុងការសាងសង់ និងបានបញ្ជូនរបាយកាណ៍លទ្ធផល ជូនរដ្ឋាភិបាលកម្ពុជានាពេលថ្មីៗនេះ ហើយផ្អែកលើរបាយការណ៍នេះ រដ្ឋាភិបាលកម្ពុជា នឹងធ្វើការសម្រេចលើទីតាំងសាងសង់ និងទ្រង់ទ្រាយរបស់ស្ពានជាដើម។

លោកបន្តថា “ប្រជាជនកូរ៉េជាច្រើន មានក្តីសោមស្សរីករាយយ៉ាងខ្លាំង ដែលគម្រោងសាងសង់ស្ពានមិត្តភាពកម្ពុជា-កូរ៉េ ឆ្លងកាត់ទន្លេមេគង្គក្នុងទីក្រុងភ្នំពេញនេះ ទទួលបាននូវចំណាប់អារម្មណ៍ និងមានការចូលរួមពីរាជរដ្ឋាភិបាលកម្ពុជា”។លោកបន្តទៀតថា “ខ្ញុំជឿជាក់ថា ស្ពានមិត្តភាពកម្ពុជា-កូរ៉េ នឹងមិនត្រឹមតែចូលរួមចំណែកជួយ សម្រួលចរាចរណ៍នៅកណ្តាលរាជធានីភ្នំពេញ ក្នុងរយៈពេល១០០ឆ្នាំខាងមុខប៉ុណ្ណោះទេ ប៉ុន្តែថែមទាំងអាចនឹងក្លាយជាកន្លែងទាក់ទាញទេសចរណ៍ ក្នុងរាជធានីភ្នំពេញផងដែរ”។

លោកផាក ហ៊ឹងឃ្យុងបានបន្តថា ជាពិសេស ប្រសិនបើស្ពានមិត្តភាពកម្ពុជា-កូរ៉េនេះ ត្រូវបានសាងសង់ ជាស្ពានខ្សែកាបដ៏ស្រស់ស្អាតនោះ ប្រជាជនកូរ៉េដែលកំពុងរស់នៅ ក្នុងប្រទេសកម្ពុជាទាំងអស់ នឹងប្តេជ្ញាធ្វើដំណើរមកកាន់រាជធានីភ្នំពេញម្តងទៀត ដើម្បីទស្សនាទិដ្ឋភាពស្ពាន ដែលត្រូវបានសាងសង់រួច​រាល់ជាក់ជាពុំខាន”។

លោកបន្តថា ស្ពានមិត្តភាពកម្ពុជា-កូរ៉េ នឹងចូលរួមធ្វើឱ្យប្រសើរឡើងនូវលំហូរចរាចរណ៍ក្នុងទីក្រុងភ្នំពេញ និងមានមុខងារជាក់ស្តែងជា Landmark សម្រាប់វិស័យទេសចរណ៍រាជធានីភ្នំពេញ ហើយថែមទាំងក្លា​យទៅជានិមិត្តរូបនៃការបន្ត និងពង្រឹងចំណងមិត្តភាពរវាងកូរ៉េ និងប្រជាជនកម្ពុជាផងដែរ។

ជុំវិញការប្រកាសជួយសាងសង់ស្ពានមិត្តភាពកម្ពុជា-កូរ៉េនេះ សម្តេចតេជោ ហ៊ុន សែន បានថ្លែងនូវការអបអរសាទរ ចំពោះសមិទ្ធផលស្ពានថ្មីមួយទៀត សម្រាប់ប្រជាពលរដ្ឋរាជធានីភ្នំពេញ។

ជាមួយគ្នានេះ សម្តេចតេជោ ហ៊ុន សែន ក៏បានថ្លែងអំណរអរគុណរដ្ឋាភិបាលកូរ៉េខាងត្បូង ដែលបានសម្រេចជួយសាងសង់ស្ពានមួយខ្សែ ឆ្លងកាត់ទន្លេតភ្ជាប់ភ្នំពេញ ទៅកាន់អរិយក្សត្រ៕