China’s foreign debt edged up to US$2.7 Trillion at end-September

(Jan 2): China added US$16.7 billion in foreign debt in the third quarter of 2021 due in part to increased purchases of onshore yuan-denominated bonds by foreign investors.

About 47% of China’s outstanding debt of US$2.7 trillion at the end of September was medium- to long-term obligations, up three percentage points from the end of June, Wang Chunying, deputy director and spokesman of the State Administration of Foreign Exchange, said in a statement released on Friday.

Offshore investors’ increased holdings of onshore bonds reflected China’s achievement in opening up its financial markets and their confidence in the country’s economic outlook, Wang was quoted as saying.

The authority would continue to closely monitor the scale and structure of China’s foreign debt and guard against risks from cross-border capital flows, Wang said, citing challenges from the global pandemic and expected monetary tapering by some developed economies.

Source: The Edge Markets

ផ្លូវជាតិលេខ១០ពីសំឡូត ដល់កោះកុងសម្រេចបានជិត៥៥ភាគរយហើយ

ដោយៈ សុធារី

កោះកុងៈ គម្រោងសាងសង់ផ្លូវជាតិលេខ១០ មានប្រវែងសរុបចំនួន១៩៨,៥១៨គីឡូម៉ែត្រតភ្ជាប់ពីសំឡូតខេត្តបាត់ដំបង -ឆ្លងកាត់វាលវែង-អូរសោម ខេត្តពោធិសាត់ មុនឆ្ពោះទៅកាន់ខេត្តកោះកុង សម្រេចវឌ្ឍនភាពការងារជារួមបាន៥៤,៨៩%ហើយ បើគិតត្រឹមចុងឆ្នាំ២០២១នេះ។

នេះបើតាមការចុះផ្សាយរបស់ក្រសួងសាធារណការ និងដឹកជញ្ជូន ក្នុងឱកាសដែលលោកអគ្គនាយករង ស្រេង ស្រស់ តំណាងអគ្គនាយកដ្ឋានសាធារណការ និងជាប្រធានអង្គភាពអនុវត្ត គម្រោង(PIU) និងលោក ហ៊ាង សុទ្ធាយុត្តិ ប្រធាននាយកដ្ឋានព័ត៌មានវិទ្យា និងទំនាក់ទំនងសាធារណៈ ចុះពិនិត្យវឌ្ឍនភាព នៃគម្រោងស្ថាបនាផ្លូវជាតិលេខ១០ កាលពីចុងសប្តាហ៍កន្លងមក។

គម្រោងសាងសង់ផ្លូវជាតិលេខ១០ សាងសង់ស្របតាមបទដ្ឋានបច្ចេកទេសកម្រិត៣ របស់សាធារណរដ្ឋប្រជាមានិតចិន មានទទឹងតួផ្លូវសរុបចំនួន៩ម៉ែត្រ ជាប្រភេទផ្លូវកៅស៊ូពីរស្រទាប់(DBST) សាងសង់ស្ពានចំនួន២៨ កន្លែងប្រវែង២ ៩២៤,៤៦ម៉ែត្រដែលក្នុងនោះ មានស្ពានខ្ពស់ជាងគេមួយ ដែលមានកម្ពស់៧៥ម៉ែត្រ បណ្តោយ៥៣០ម៉ែត្រ និងទទឹង១០ម៉ែត្រ ព្រមទាំងមានបំពាក់ផ្លាកសញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ និងបង្គោលសុវត្ថិភាព៕

កម្ពុជាកំពុងរៀបចំវេទិកាទេសចរណ៍អាស៊ានឆ្នាំ២០២២ ស្របពេលក្រុមហ៊ុនអន្តរជាតិជាច្រើននឹងបង្ហាញវត្តមាននៅកម្ពុជា

ដោយៈគង់ សិរីជេស៊ីកា

ព្រះសីហនុៈ រដ្ឋមន្ត្រីក្រសួងទេសចរណ៍ លោកថោង ខុន និងលោក គួច ចំរើន អភិបាលខេត្តព្រះសីហនុ បានដឹកនាំកិច្ចប្រជុំបូកសរុបការងារដែលនៅសេសសល់ និងពិនិត្យទីតាំងជាក់ស្តែង សម្រាប់រៀបចំវេទិកាទេសចរ​ណ៍អាស៊ានលើកទី៤០ ឆ្នាំ២០២២ (ATF 2022) នៅខេត្តព្រះសីហនុ ដើម្បីត្រៀមលក្ខណៈសម្រា ប់ទទូលប្រតិភូអន្តរជាតិ ថ្នាក់រដ្ឋមន្រ្តី និងមន្រ្តីជាន់ខ្ពស់។

កិច្ចប្រជុំនិងពិនិត្យទីតាំងជាក់ស្តែង សម្រាប់ការរៀបចំវេទិកាទេសចរ​ណ៍អាស៊ាននេះ ធ្វើឡើងនាថ្ងៃទី២ ខែមករា ឆ្នាំ២០២២ នៅសណ្ឋាគារឆ្នេរសុខា ក្រុងព្រះសីហនុ ខេត្តព្រះសីហនុ ដោយមានការចូលរួមពីមន្ត្រីរាជការនៃក្រសួងទេសចរណ៍ កម្លាំងសមត្ថកិច្ច និងក្រុមការងារជំនាញពាក់ព័ន្ធ ព្រមទាំងក្រុមការងារនៃរដ្ឋបាលខេត្តព្រះសីហនុ។
កម្ពុជានឹងធ្វើជាម្ចាស់ផ្ទះរៀបចំវេទិកា ទេសចរណ៍អាស៊ានលើកទី៤០ ដែលនឹងត្រូវរៀបចំចាប់ពីថ្ងៃទី១៦-២២ ខែមករា ឆ្នាំ២០២២ នៅក្រុងព្រះសីហនុ ខេត្តព្រះសីហនុ។

អង្គប្រជុំបានបញ្ជាក់ថា ការងារត្រៀមរៀបចំ ATF 2022 នេះសម្រេចបានប្រមាណ៩០%ហើយ ដោយការរៀបចំទីតាំងសម្រាប់ពិព័រណ៍ទេស​ចរណ៍ (ស្តង់) កម្មវិធីបើក កម្មវិធីបិទ និងកម្មវិធីពាក់ព័ន្ធផ្សេងៗ ត្រូវបានកំណត់ និងរៀបចំឡើងជាបណ្តើរៗ ស្របតាមវិធានសុវត្ថិភាព។ លើសពីនេះទៀត រហូតមកដល់ពេលនេះ មានការបញ្ជាក់ពីការចូលរួមដោយផ្ទាល់ ពីរដ្ឋមន្រ្តីទេសចរណ៍ឣាស៊ានទាំងអស់ និងមន្រ្តីជាន់ខ្ពស់ពីប្រទេសសមាជិកអាស៊ានទាំង១០ ចូលរួមកិច្ចប្រជុំរដ្ឋមន្រ្តីទេសចរណ៍អាស៊ាន និងកិច្ចប្រជុំពាក់ព័ន្ធនានា ក្នុងនោះប្រតិភូអន្តរជាតិចូលរួមកិច្ចប្រជុំ មានចំនួន១១៤រូប ហើយសម្រាប់ការតាំងពិព័រណ៌ទេសចរណ៍ (TRAVEX) មានអ្នកលក់ (Sellers​)សរុបចំនួន១៨៧ស្តង់ អ្នកទិញ(Buyers) ចំនួន១០៧ក្រុមហ៊ុន មកពី៣៥ប្រទេស ក្នុងនោះឣ្នកទិញអន្តរជាតិ (International Buyers) ចំនួន១០០ក្រុមហ៊ុន និងក្នុងស្រុក (Local Buyers) ចំនួន៧ក្រុមហ៊ុន។

លោកថោង ខុនបានបន្តថា ដោយមានការគាំទ្រយ៉ាងមុតមាំពីប្រទេសសមាជិកអាស៊ានទាំងអស់ អាស៊ានបូក និងផ្នែកឯកជន ដែលទទួលបានការចុះឈ្មោះ និងការបញ្ជាក់ពីការចូលរួម លើសពីការរំពឹងទុកក្នុងអំឡុងពេលនៃវិបត្តិជំងឺកូវីដ-១៩ ដែលបន្តមាននៅឡើយ លោកថោង ខុន បានណែនាំ និងផ្តល់អនុសាសន៍ដល់ក្រុមការងារជំនាញ ពាក់ព័ន្ធត្រូវសហការជាមួយអាជ្ញាធរពាក់ព័ន្ធ នៃខេត្តព្រះសីហនុ ដើម្បីធានាឲ្យបាននូវការរៀបចំកិច្ចប្រជុំ និងសកម្មភាពនានា នៃព្រឹត្តការណ៍អន្តរជាតិនេះប្រកប​ដោយសុវត្ថិភាពស្របតាមនីតិវិធីស្តង់ដា (SOP) របស់ក្រសួងសុខាភិបាល និងនីតិវិធីស្តង់ដាតាមគោលដៅទេសចរណ៍ (SOP) របស់រដ្ឋបាលខេត្តព្រះសីហនុ។

ឣំឡុងពេលនៃវេទិកាទេសចរណ៍អាស៊ាននេះ ក្រៅពីកិច្ចប្រជុំរបស់ស្ថាប័នទេសចរណ៍ថ្នាក់ជាតិ (National Tourism Oganizationa) កិច្ចប្រជុំថ្នាក់រដ្ឋមន្ត្រីទេសចរណ៍អាស៊ាន (ASEAN Tourism Ministers Meetings) កិច្ចប្រជុំអាស៊ានបូកបី (ជប៉ុន កូរ៉េខាងត្បូង និងចិន) កិច្ចប្រជុំអាស៊ានបូកមួយ (អាស៊ាន-ឥណ្ឌា) កិច្ចប្រជុំអាស៊ាន-រុស្ស៉ី កិច្ចប្រជុំជាមួយអង្គការដៃគូរពាក់ព័ន្ធ ព្រមទាំងកិច្ចប្រជុំជាមួយផ្នែកឯកជន (ASEANTA Meetings) និងព្រឹត្តិការណ៍ពិព័រណ៍ទេសចរណ៍អន្តរជាតិ (TRAVEX) ក៏នឹងមានកម្មវិធីដាំដើមឈើ នៃការចងចាំការចូលចតនៃនាវាទេសចរណ៍ MS Westerdam កម្មវិធីវាយកូនគោលរដ្ឋមន្រ្តីទេសចរណ៍អាស៊ាន (ASEAN Ministers’ Golf Tournament) និងដំណើរទស្សនកិច្ចទៅកាន់កោះនានាផងដែរ (Island Tour) ដែលជាការបោះជំហានដ៏ធំ បង្ហាញពីការត្រៀមរួចរាល់របស់កម្ពុជា និងអាស៊ានទាំងមូល ក្នុងការបើកទេសចរណ៍អន្តរជាតិឡើងវិញ។

រដ្ឋមន្ត្រីទេសចរណ៍អាស៊ាន នឹងយកឱកាសនេះប្រកាសបើកទេសច​រណ៍ក្នុងតំបន់របស់ខ្លួនឡើងវិញ ចេញពីប្រទេសកម្ពុជាតែម្ដង៕

គម្រោងដីឡូត៍លំហែរកាយប្រណីត និងមានទីតាំងកៀកនឹងរាជធានីភ្នំពេញចាប់ផ្តើមបើកលក់គំរោងថ្មីហើយ

ដោយៈជេស៊ីកា

ភ្នំពេញៈ បន្ទាប់ពីទទួលបានជោគជ័យ លើការលក់គំរោងរបស់ខ្លួនជាបន្តបន្ទាប់ ពេលនេះអ្នកវិនិយោគដីឡូត៍លំហែរកាយ ដំបូងគេនៅតាមប ណ្តោ​យផ្លូវជាតិលេខ៥ បានប្រកាសលក់គំរោងថ្មីរបស់ខ្លូនហើយ។

ជាមួយនឹងទីតាំងមានភាពអំណោយផល ស្ថិតនៅចម្ងាយប្រមាណ៥០គីឡូម៉ែត្រពីរាជធានីភ្នំពេញ គំរោងថ្មីភូមិចំការដូងរីសតបានចេញលក់គំរោងរបស់ខ្លូនជាថ្មី ជាមួយទំហំដីឡូត៍ទំហំ 20×30=15000$ ទីតាំងទី២ ទំហំ10×30=8000$ប៉ុណ្ណោះ។

 

លោកហ៊ិន រស់អ្នកវិនិយោគគំរោងភូមិចំការដូងរីសត បានមានប្រសា​សន៍ឲ្យដឹងតាមទូរស័ព្ទកាលពីម្សិលម៉ិញនេះថា ជាមួយនឹងផែនការ និងការផ្តល់ឲ្យអ្នកវិនិយោគទទួលបានផលចំណេញ និងអាចសាងសង់ផ្ទះលំហែរបានស្អាត និងមានផាសុខភាពសម្រាប់ លំហែរកាយចុងសប្តាហ៍និងមកសំរាកលេងកំសាន្តជាប្រចាំ យើងបាននិងកំពុងផ្តល់ជូនក្នុងគំរោងលើលក្ខខ័ណ្ឌពិសេសៗចំនួន១១ ចំណុចរួមមាន ទី ១-ថែមជូនការធ្វើរបងរៀបឥតចាក់សរសរឹងមាំ និងដាក់ខ្លោងទ្វា ទី២-ថែមជូនការរៀបចំប្រព័ន្ធភ្លើងតាមផ្លូវនីមួយៗ ទី៣-ថែមជូនកញ្ចុះអង្គុយលេងកំសាន្តមួយ ទី៤-មានផ្លូវភ្លោះ១២ម៉ែត្រមានដាំដើមឈើរៀបខឿនផ្លូវមានសួនលម្អ។

ទី៥ ៥-ថែមជូនការដាក់បំពាក់ភ្លើងសូឡាតាមផ្លូវភ្លោះនីមួយៗ។ ទី៦-កាត់ប្លង់ផ្ទេរកម្មសិទ្ធិ ដល់សាលាស្រុកស្របច្បាប់បង់ពន្ធប្រថាប់ត្រា ត្រឹមត្រូវ។ ទី៧-ថែមជូនដូងតឿក្រអូបចំនួន៣០ដើម និងថែទាំអោយពីឆ្នាំអត់គិតថ្លៃ​។

ទី៨-ថែមជូនការរៀបចំប្រព័ន្ធទុយោ ទឹកថែរទាំដាំណាំរយៈពេលពីឆ្នាំ ទី៩-ថែមជូនការដាក់ខ្លោងទ្វាតាមផ្លូវភ្លោះនីមួយៗ ទី១០-មានកន្លែងលម្ហែកំសាន្ត និងអាហារដ្ឋានសម្រាប់កុម៉្មង់ម្ហូបអាហារញាំ និងទី១១-ទីតាំងដីនេះជាទីតាំងគម្រោងរបស់ ភូមិចំការដូងរីសត ដែលកំពុងដំណើរការស្រាប់ និងមានមនុស្សមកលេងកំសាន្តរាល់ថ្ងៃ។

លោកហ៊ិន រស់បានបន្តឲ្យដឹងទៀតថា អ្វីកាន់តែពិសេសគំរោងនេះគឺចុះពីផ្លូវជាតិលេខ៥ នៅចំនុចគីឡូម៉ែត្រលេខ៤៩ តែ៥គីឡូម៉ែត្រតែប៉ុណ្ណោះ ហើយផ្លូវធំទូលាយគម្រោងចាក់កៅស៊ូឆាប់ៗនេះ។ ស្ថិតនៅចំណុចប្រសព្វខេត្តទាំងបី ខេត្តកណ្តាល ខេត្តកំពង់ឆ្នាំង ខេត្តកំពង់ស្ពឺ។

លោកបន្តថា ទីតាំងស្ថិតនៅជិតផ្ទះប្រជាពលរដ្ឋ មានមនុស្សរស់នៅកុះករ។ -ចម្ងាយ២០គីឡូម៉ែត្រ ពីរមណីដ្ឋានភ្នំឧដុង្គ និងចម្ងាយ១៥គីឡូម៉ែត្រពីផ្សារឧដុង្គ។ ១០គីឡូម៉ែត្រពីផ្សារត្រាច/១០គីឡូម៉ែត្រ ពីផ្សារសាលាលេខ៥/១០គីឡូម៉ែត្រ ពីរមណីដ្ឋានប្រវត្តសាស្រ្តលង្វែក។ លោកបន្តទៀតថា អ្វីកាន់តែពិសេស គឺទីតាំងសណ្ថានដីទួលមានជីជាតិល្អ ស័ក្តិសមសម្រាប់ដំណាំ និងផ្ទះលម្ហែ។

👉ទីតាំងស្ថិតនៅ ភូមិស្ពានដែក ឃុំធ្លកវៀន ស្រុកសាមគ្គីមានជ័យ (ខេត្តកំពង់ឆ្នាំង)។ ☎️077208888/015908888 017484822/​077320335៕

មហាយក្សចិន ជំពាក់បំណុលបរទេសច្រើនរហូតដល់២,៧ទ្រីលានដុល្លារ

ដោយៈសុខុម

ប៉េកាំង: ប្រទេសចិន គឺជាមហាយក្សសេដ្ឋកិច្ចទី២ របស់ពិភពលោក និងជាគូប្រជែងធំដ៏ខ្លាំងក្លា បំផុតរបស់សហរដ្ឋអាមេរិក ហើយនៅក្នុងស ង្គ្រាមប្រជែ​ងយកឥទ្ធិពលក្នុងពិភពលោក មហាយក្សចិន បានផ្ដល់ជំនួយដល់ប្រទេសជាច្រើន ទាំងជំនួយមានសំណង និងជំនួយឥតសំណង។

ដូចនេះ វាពិតជាគួរឱ្យភ្ញាក់ផ្អើលណាស់ពេលលេចឮថា មហាយក្សចិន ជំពាក់បំណុលបរទេសច្រើនរហូតដល់ ទៅរាប់ទ្រីលានដុល្លារអាមេរិក។

យោងតាមសារព័ត៌មាន The Edge Markets ចុះផ្សាយកាលពីថ្ងៃអាទិត្យ ទី២ មករា ឱ្យដឹងថា ប្រទេសចិន បានជំពាក់បំណុលបរទេសបន្ថែមរហូតដល់១៦,៧ពាន់លានដុល្លារអាមេរិក ក្នុងត្រីមាសទី៣ ឆ្នាំ២០២១ ហើយមួយអន្លើនៃការកើនឡើងបំណុលនេះ ដោយសារកំណើននៃការទិញសញ្ញាប័ណ្ណ ឬប័ណ្ណបំណុលក្នុងស្រុកពីសំណាក់បណ្ដាវិនិយោគិនបរទេស។

ប្រមាណ៤៧%នៃបំណុល មិនទាន់សងចំនួន២,៧ទ្រីលានដុល្លាររបស់ប្រទេសចិន គិតត្រឹមដំណាច់ខែកញ្ញា គឺជាបំណុលរយៈពេលមធ្យមដល់រយៈពេលវែង ដោយកើនឡើង៣%បើធៀបនឹងដំណាច់ខែមិថុនា។ នេះបើយោងតាមលោកស្រី Wang Chunying ដែលជានាយករង និងជាអ្នកនាំពាក្យរដ្ឋបាលរូបិយប័ណ្ណបរទេសចិន (SAFE) បានលើកឡើងតាមរយៈសេចក្តីថ្លែងការណ៍មួយ ចេញផ្សាយកាលពីថ្ងៃសុក្រ ទី៣១ ធ្នូ។

ទោះជាយ៉ាងណា លោកស្រី Wang Chunying បានគូសបញ្ជាក់ថា កំណើននៃការកាន់កាប់សញ្ញាប័ណ្ណ ឬប័ណ្ណបំណុលក្នុងស្រុកដោយវិនិយោ​គិនបរទេស បានឆ្លុះបញ្ចាំងពីសមិទ្ធិផលរបស់ប្រទេសចិន នៅក្នុងការបើកចំហរទីផ្សារហិរញ្ញវត្ថុរបស់ខ្លួន និងទំនុកចិត្តរបស់វិនិយោគិន ចំពោះទស្សនវិស័យសេដ្ឋកិច្ចរបស់ប្រទេសចិន។

លោកស្រីបានបន្ថែមទៀតថា អាជ្ញាធរចិននឹងបន្តតាមដានដោយយ​កចិត្តទុកដាក់នូវទំហំ និងរចនាសម្ព័ន្ធនៃបំណុលបរទេស របស់ប្រទេសចិន ហើយនឹងការពារទប់ទល់ហានិភ័យនានា ដែលកើតចេញពីរំហូរមូលធនឆ្លងព្រំដែន៕ The Edge Markets៕

បុរី GB Residence មានចំណុចពិសេសអ្វីខ្លះដែលអ្នកវិនិយោគគួរដឹង?

ដោយៈគង់់ សូរិយា

កណ្តាលៈ បុរី GB Residence ដែលកំពុងដំណើរការសាងសង់ និងលក់ជូននូវលំនៅដ្ឋានប្រណីត ជាច្រើនជម្រើសសម្រាប់ការរស់នៅ និងការវិនិយោគល្អបំផុតសម្រាប់អតិថិជន។

គម្រោងនេះ មានទីតាំងស្ថិតនៅក្នុងភូមិស្រុកធំ ឃុំជើងកើប ស្រុកកណ្តាលស្ទឹង ខេត្តកណ្តាល មានចម្ងាយប្រមាណ៥គីឡូម៉ែត្រ ពីព្រលានយន្តហោះអន្តរជាតិភ្នំពេញថ្មី និងមានចម្ងាយប្រមាណ៥គីឡូម៉ែត្រ ពីផ្សារទំនើប AEON Mall៣ ជាគម្រោងមានគុណភាព ដោយមានការសិក្សាយ៉ាងច្បាស់លាស់ ដោយមានការសាងសងតាមស្តង់ដា បច្ចេកទេសសំណង់ ប្រើប្រាស់សម្ភារៈមានគុណភាពល្អ និងធានាប្រើបានរយះពេលយូរ និងផ្តល់នូវគេហដ្ឋានរចនាពោពេញដោយគុណភាព ប្រណិតភាព និងស៊ីវិល័យ។

អ្វីជាចំណុចពិសេសរបស់គម្រោងនេះររួមមាន ទី១ មានទីតាំងអាចប្រកបអាជីវកម្មបាននាពេលអនាគតខាងមុខ ទី២ បុរីនេះត្រូវបានឌីសាញដោយស្ថាបត្យករជំនាញលំដាប់ពិភពលោក ដែលធ្លាប់ឈ្នះពានរង្វាន់ពីទីក្រុងដូបៃ ទី៣ ជាគំរោងដែលគិតពីផាសុខភាពដល់អ្នករស់់នៅ ដោយមាន​ការសាងសង់សួនច្បារនៅចំកណ្តាលគម្រោង ដែលផ្តល់ឲ្យអ្នករស់នៅអាចប្រកដអាជីវកម្ម ហាត់ប្រាណ និងសំរាកលំហែរបាន។

អ្វីកាន់តែពិសេស ហេដ្ឋារចនាសម្ព័ន្ធក្នុងបុរី ផ្លូវថ្នល់ សួនច្បារ ប្រព័ន្ធទឹក ភ្លើង និងរុក្ខជាតិដើមឈើបៃតងខាងមុខផ្ទះ តាមបណ្តោយផ្លូវបុរី យ៉ាងស្រស់បំព្រងតាមបែបធម្មជាតិ។ ប្រព័ន្ធរំដោះទឹក ស្របតាមបទដ្ឋានបច្ចេកទេសត្រឹមត្រូវ ធ្វើអោយចរន្តទឹកហូរបានលឿនមិនរាំងស្ទះ។

ទន្ទឹមនឹងនេះ បុរីក៏យកចិត្តទុកដាក់លើគ្រប់ចំណុច នៃការសាងសង់ ចាប់ពីផ្នែកមូល​ដ្ធានគ្រឿងបង្គំ នៃសំណង់រហូតដល់ការងារដេកគ័រ បំពាក់គ្រឿងទាន់សម័យ និងសន្សំ​សំចៃភ្លើនិងគុណភាព ក៏ដូចជាសោភ័ណភាពដ៏ស្រស់ស្អាត នៃគម្រោងទាំងមូលដែរ​។

អ្នកវិនិយោគបុរី GB Residence លោកឧកញ៉ាតាំង គួងហាវ បានមានប្រសាសន៍ឲ្យដឹងកន្លងមកថា លោកសម្រេចចិត្តវិនិយោគបុរីនេះឡើង ដោយផ្តោតលើគុណភាព ប្រណិតភាព និងភាពស៊ីវិល័យ ដោយសារមើលឃើញសក្តានុពល និងភាពរីកចំរើនដ៏ឆាប់រហ័សនៅជុំវិញតំបន់នេះ ជាប់នឹងផ្លូវក្រវ៉ាត់ក្រុងទី៣ ហើយមិនឆ្ងាយពីព្រលានយន្តហោះអន្តរជាតិភ្នំពេញថ្មី និងការកើនឡើងនូវជីវភាពរបស់ប្រជាពលរដ្ឋ។

លោកឧកញ៉ាបានបន្តថា “ជាមួយនឹងការរចនាលំនៅដ្ឋាន មានម៉ូតផ្ទះស្អាត ប្លែក ប្រកបដោយស៊ីវិល័យ ពិសេសផ្តល់ជូនអ្នករស់នៅប្រកប​ដោ​យផាសុកភាព”។

ទំនាក់ទំនងលេខទូរសព្ទ៖ 077/070/066 363 005 សម្រាប់ការសាកសួរព័ត៌មានបន្ថែម និងការណាត់ជួប។
ទីតាំង: ស្ថិតនៅជិតនឹងផ្លូវក្រវ៉ាត់ក្រុងទី៣ មានចម្ងាយត្រឹមតែ២.៤គមប៉ុណ្ណោះពីរង្វង់មូលកួរស្រូវ ។https://maps.app.goo.gl/wBoNnmoPBP1GDb4r9៕

ដំណឹងល្អៈផ្លូវល្បឿនលឿនភ្នំពេញ បាវិតបានសិក្សាបញ្ចប់ហើយ

ដោយៈស៊ីវ ម៉េង

ភ្នំពេញៈ ក្រុមហ៊ុន China Railway បានសិក្សាបញ្ចប់គំរោងផ្លូវល្បឿនលឿនភ្នំពេញ បាវិតរួចហើយ ដោយគ្រោងចំណាយទឹកប្រាក់ប្រមា​ណ២០០០លានដុល្លារអាមេរិក។

ថ្នាក់ដឹកនាំជាន់ខ្ពស់ក្រុមហ៊ុន China Railway បានមានប្រសាសន៍ក្នុងជំនួបពិសេសមួយកាលពីសប្តាហ៍មុនថា ការសិក្សាពីផ្លួវនេះ បានបញ្ចប់តាមផែនការរួចហើយ ដោយបច្ចុប្បន្នគំរោងនេះ ត្រូវបានបញ្ជូនទៅកាន់រដ្ឋាភិបាលចិន ដើម្បីពិនិត្យវាយតម្លៃ និងប្រើប្រាស់ថវិកាបែបណា ដើម្បីសាងសង់ផ្លូវនេះ។

លោកបន្តថា “ផ្លូវនេះមានប្រវែងជាង១០០គីឡូម៉ែត្រ ជាផ្លូវថ្មីភាគច្រើ​ន ព្រោះគំរោងនេះជាផ្លូវល្បឿនលឿន មិនត្រូវធ្វើពាក់ព័ន្ឋជាមួយផ្លូវចាស់ច្រើននោះទេ”។

បើតាមលទ្ឋផលនៃការសិក្សានេះ បានបង្ហាញថា ទំហំនៃការចំណាយលើការសាងសសង់ផ្លូវនេះរបស់ក្រុមហ៊ុនចិន គឺតិចជាងជិតពាក់កណ្តាលពីអ្វីដែលអ្នកជំនាញ របស់ទីភ្នាក់ងារសហប្រតិបត្តិការអន្តរជាតិ នៃប្រទេសជប៉ុន បានសិក្សាកន្លងមក ដែលបានរកឃើញទំហំចំណាយ លើការសាងសង់ផ្លូវនេះចំណាយប្រាក់អស់ប្រមាណ៣៨០០លានដុល្លារ។

លោកទេសរដ្ឋមន្រ្តីស៊ុន ចាន់ថុលរដ្ឋមន្រ្តីក្រសួងសាធារណៈការ និងដឹកជញ្ជូនបានប្រកាសឲ្យដឹង កាលពីចុងឆ្នាំមុនផងដែរថា គំរោងសិក្សាសា​ងសង់ផ្លូវល្បឿនលឿនភ្នំពេញ បាវិតនឹងបញ្ចប់នាចុងឆ្នាំ២០២១កន្លងមកនេះ ហើយក្រសួងនឹងសិក្សាបន្ថែម ដើម្បីដឹងថា តើការសាងសង់ផ្លូវនេះមានផលចំណេញផ្នែកសេដ្ឋកិច្ចបែបណា និងត្រូវស្វែងរកប្រភពថវិកាពីណា ដើម្បីវិនិយោគលើគំរោងនេះ៕

តើប្រទេសទាំង៥ណាខ្លះដែលបាញ់កាំជ្រួចអបអរឆ្នាំថ្មី២០២២បានស្អាតជាងគេក្នុងលោក?

ដោយៈសុខុម

អន្តរជាតិៈ ទោះបីជាវិបត្តិកូវីដ-១៩ នៅតែបន្តគំរាមកំហែងដល់ពិភពលោក ជាពិសេសការផ្ទុះឡើងនូវវីរុសបំប្លែងខ្លួនថ្មី “អូមីក្រុង” ដែលធ្វើឱ្យប្រទេសនានាភ័យខ្លាច និងបង្កើនវិធានការរឹតបន្តឹង ការជួបជុំជាថ្មីម្ដងទៀតយ៉ាងណាក្ដី ក៏ពិភពលោកនៅតែឆ្លៀតរៀបចំពិធី Countdown ដើម្បីអបអរការដាច់ឆ្នាំចាស់ផ្លាស់ចូលឆ្នាំថ្មី២០២២ យ៉ាងគគ្រឹកគគ្រេង។

ដើម្បីញ៉ាំងពិធី Countdown ឬការរាប់ថយក្រោយនូវ១នាទីចុងក្រោយគម្រប់ម៉ោង១២:០០យប់ ជាការសម្គាល់ការដាច់ឆ្នាំចាស់ផ្លាស់ចូលឆ្នាំថ្មី ឱ្យកាន់តែរំភើបសប្បាយរីករាយ និងជាការបួងសួងឱ្យឆ្នាំថ្មីនាំមកនូវសេចក្ដីសុខ សមិទ្ធផលថ្មី ជោគជ័យថ្មី អ្វីៗល្អប្រសើរឡើង អ្នករៀបចំកម្មវិធីបានចំណាយប្រាក់យ៉ាងច្រើន រៀបចំការបាញ់កាំជ្រួចប្លែកៗ យ៉ាងស្រស់ស្អាត។

តើប្រទេសណាខ្លះ ដែលជាប់ក្នុងចំណោមកំពូលប្រទេសទាំង៥ ដែលបាញ់កាំជ្រួចបានស្អាតជាងគេក្នុងលោក? តោះ មកដឹងទាំងអស់គ្នា។

យោងតាមសារព័ត៌មាន newsnationnow.com ដែលបានចុះផ្សាយកាលពីថ្ងៃសៅរ៍ ទី១ មករា ឱ្យដឹងថា ទីក្រុងញូវយ៉ក សហរដ្ឋអាមេរិក ជាប់ចំណាត់ថ្នាក់លេខ១ ដោយមានមនុស្សចូលរួមអបអរ យ៉ាងច្រើនកុះករនៅទីលាន Times Square។

ទន្ទឹមនេះ ក្រុងស៊ីដនី ប្រទេសអូស្ត្រាលី ជាប់ចំណាត់ថ្នាក់លេខ២ ក្រុងឌូបៃ ប្រទេសអារ៉ាប់រួមអេមីរ៉ាត ជាប់ចំណាត់ថ្នាក់លេខ៣ ទីក្រុងឡុងដ៍ ប្រទេសអង់គ្លេស ជាប់ចំណាត់ថ្នាក់លេខ៤ ហើយទីក្រុងប៉ារីស ប្រទេសបារាំង ជាប់ចំណាត់ថ្នាក់លេខ៥៕

 

សម្តេចតេជោអញ្ជើញបើកការដ្ឋានសាងសង់និងលើកកម្រិតគុណភាពផ្លូវជាតិលេខ៤៨នៅថ្ងៃនេះ

ដោយៈ សុធារី

ព្រះសីហនុៈ សម្តេចតេជោហ៊ុន សែន នាយករដ្ឋមន្ត្រីនៃកម្ពុជានឹងអញ្ជើញជាអធិបតីភាពបើកការដ្ឋានសាងសង់ និងលើកកម្រិតគុណភាពផ្លូវជាតិលេខ៤៨ តភ្ជាប់ខេត្តព្រះសីហនុ ទៅកាន់ខេត្តកោះកុងមានប្រវែង១៤៨គីឡូម៉ែត្រ គ្រោងប្រើប្រាស់ថវិកាសរុប ប្រមាណ ៦៥,១៤លានដុល្លារអាមេរិក។

គំរោងនេះស្ថិតក្រោមឥណទានសម្បទាន ពីរដ្ឋាភិបាលសាធារណរដ្ឋកូរ៉េ រួមជាមួយនឹងថវិកាបដិភាគរបស់រាជរដ្ឋាភិបាល សម្រាប់ការងារដោះស្រាយផលប៉ះពាល់និងយុទ្ធភ័ណ្ឌមិនទាន់ផ្ទុះផងដែរ។

គម្រោងសាងសង់លើកកម្រិតគុណភាព ផ្លូវជាតិលេខ៤៨មានប្រវែងសរុប១៤៨គីឡូម៉ែត្រ ចាប់ផ្តើមពីចំណុចប្រសព្វជាមួយ ផ្លូវជាតិលេខ៤ត្រង់គីឡូម៉ែត្រលេខ១៤១+៧៥០ ស្ថិតក្នុងភូមិអូរជ្រៅ ឃុំបឹងព្រាវ ស្រុកស្រែអំបិលរហូតដល់ក្រុងខេមរ ភូមិន្ទខេត្តកោះកុង។

គម្រោងនេះ រួមមាន ផ្លូវ២គន្លងមានប្រវែង១២២,៩គីឡូម៉ែត្រ ទទឹងផ្លូវ១១ម៉ែត្រនិងផ្លូវ៤គន្លងមានប្រវែង២៥,១គីឡូម៉ែត្រទទឹងចាប់ពី១៨,៥ម៉ែត្រដល់២១,៥ម៉ែត្រ។ ផ្លូវនេះមានចំណុចប្រសព្វចំនួន៥កន្លែង ដែលនឹងត្រូវធ្វើការកែសម្រួល រួមមាន ចំណុចប្រសព្វចំការហ្លួង ចំណុចប្រសព្វស្រែអំបិល ចំណុចប្រសព្វផ្លូវបំបែកចូលទៅគិរីសាគរ ចំណុចប្រសព្វផ្លូវបំបែកចូលទៅទំនប់វារីអគ្គិសនី និងចំណុចប្រសព្វផ្លូវបំបែក ចូលទៅព្រលានយន្តហោះតារាសាគរ ខេត្តកោះកុង។

គម្រោងនេះ នឹងប្រើប្រាស់រយៈពេលសាងសង់ចំនួន៣២ខែ ហើយគ្រោងនឹងបញ្ចប់នៅអំឡុងខែមិថុនា ឆ្នាំ២០២៤ សាងសង់ដោយសម្ព័ន្ធក្រុមហ៊ុនកូរ៉េ ILSUNG & HANIL Joint Venture និងត្រួតពិនិត្យបច្ចេកទេសដោយសម្ព័ន្ធក្រុមហ៊ុន ទីប្រឹក្សាបច្ចេកទេសដោយក្រុមហ៊ុន KCI & KECC Joint Venture។

ផ្លូវជាតិលេខ៤៨ ធ្លាប់បានសម្ពោធដាក់ឱ្យប្រើប្រាស់ រួចម្តងមកហើយកាលពីថ្ងៃទី១៤ ខែឧសភាឆ្នាំ២០០៨។ កាលនោះផ្លូវនេះ ត្រូវបានស្ថាបនាដោយក្រាលកៅស៊ូពីរស្រទាប់(DBST) មាន២គន្លងប្រវែងសរុប១៥០គីឡូម៉ែត្រ សាងសង់ដោយក្រុមហ៊ុនថៃ ក្រោមប្រាក់កម្ចីពីរដ្ឋាភិបាលថៃ។ ក្នុងនោះរាជរដ្ឋាភិបាលថៃក៏បានផ្តល់ ជំនួយឥតសំណងសាងសង់ស្ពានចំនួន៤កន្លែងផងដែរ។

កន្លងមកផ្លូវនេះ ត្រូវបានសាងសង់ជាប្រភេទផ្លូវកៅស៊ូ ពីរស្រទាប់ (DBST) នេះ មានអាយុកាលជាមធ្យមពី៥ឆ្នាំទៅ៨ឆ្នាំ ប្រសិនបើមានការថែរទាំត្រឹមត្រូវតាមលក្ខណៈបច្ចេកទេស និងមិនមានការដឹកជញ្ជូនលើសទម្ងន់កម្រិតកំណត់ ហើយការសម្រេចសាងសង់ផ្លូវជាតិនេះ ជា២គន្លងនៅក្នុងអំឡុងពេលនោះ គឺផ្អែកលើចំនួនចរាចរណ៍ ដឹកជញ្ជូនទំនិញគ្រប់ប្រភេទនិងអ្នកដំណើរឆ្លងកាត់ដែលមានចំនួនតិចនៅឡើយ គឺសរុបប្រមាណត្រឹមតែជាង ៥០០គ្រឿង/ថ្ងៃ ប៉ុណ្ណោះរួមមាន យានយន្តប្រមាណជាង៣០០គ្រឿងនិងទោចក្រយានយន្តប្រមាណជាង ២០០គ្រឿង៕

រដ្ឋាភិបាលថៃ បង្កើតក្រុមការងារពិសេសដើម្បីសម្របសម្រួលគម្រោងផ្លូវដែកភ្ជាប់ជាមួយប្រទេសឡាវ

ដោយៈសុខុម

បាងកក: រដ្ឋាភិបាលថៃ បានបង្កើតក្រុមការងារមួយស្នើឡើងដោយក្រសួងដឹកជញ្ជូន ដើម្បីសម្របសម្រួលឱ្យកាន់តែល្អប្រសើរ ជាមួយអាជ្ញាធរដឹកជញ្ជូនក្នុងប្រទេសឡាវ លើផែនការស្ថាបនាផ្លូវដែក ដែលតភ្ជាប់ប្រទេសជិតខាងទាំងពីរ។

យោងតាមកាសែត Bangkok Post ចុះផ្សាយកាលពីថ្ងៃព្រហស្បតិ៍ ទី៣០ ធ្នូ គឺជាផ្នែកមួយនៃគម្រោង ផ្លូវរថភ្លើងល្បឿនលឿនមួយខ្សែ ដែលតភ្ជាប់ប្រព័ន្ធផ្លូវដែករបស់ប្រទេសថៃ ជាមួយផ្លូវដែកឡាវ-ចិន ដែលតភ្ជាប់ទីក្រុងគុនមីង (Kunming) ក្នុងខេត្តយូណាន (Yunnan) ប្រទេសចិន ជាមួយរដ្ឋធានីវៀងចន្ទន៍ ប្រទេសឡាវ។

នៅប្រទេសថៃ គម្រោងនេះចែកចេញជា៣ ដំណាក់កាលគឺ៖ កំណាត់ផ្លូវដែកបាងកក-នគររាជសីមា (Bangkok-Nakhon Ratchasima) ប្រវែង២៥៣គីឡូម៉ែត្រ។ កំណាត់ផ្លូវដែកនគររាជសីម៉ា-ណងខៃ (Nakhon Ratchasima-Nong Khai) ប្រវែង៣៥៦គីឡូម៉ែត្រ និងកំណាត់ផ្លូវដែកណងខៃ-វៀងចន្ទន៍ (Nong Khai-Vientiane) ប្រវែងគីឡូម៉ែត្រ។

នៅក្នុងកិច្ចប្រជុំគណៈរដ្ឋមន្ត្រីមួយ កាលពីថ្ងៃអង្គារ ទី២៨ ធ្នូ លោក Saksayam Chidchob រដ្ឋមន្ត្រីដឹកជញ្ជូន បានស្នើឱ្យនាយករដ្ឋមន្ត្រី ប្រាយុទ្ធ ចាន់អូចា តែងតាំងឧបនាយករដ្ឋមន្ត្រី Anutin Charnvirakul ជាប្រធានក្រុមការងារខាងលើនេះ ដើម្បីទំនាក់ទំនងជាមួយក្រសួងពាណិជ្ជកម្ម កសិកម្ម និងសហករណ៍ ក្រសួងឧស្សាហកម្ម ក្រសួងហិរញ្ញវត្ថុ និងក្រសួងដឹកជញ្ជូនរបស់ឡាវ។

ក្រុមការងារនេះ នឹងផ្តល់ការរួមបញ្ចូលទិន្នន័យស្តីពី លទ្ធកម្ម និងការធ្វើដំណើរឆ្លងកាត់ព្រំដែន ដើម្បីដាក់បញ្ចូលក្នុងផែនការ សម្រាប់ផ្លូវដែកនេះដែលតភ្ជាប់ប្រទេសថៃ និងប្រទេសឡាវ។

កិច្ចប្រជុំលើកទី២៧ នៃគណៈកម្មាធិការចម្រុះថៃ-ចិន ទទួលបន្ទុកកិច្ចសហប្រតិបត្តិការផ្លូវដែកក្នុងឆ្នាំ២០១៩ បានព្រមព្រៀងលើការសាងសង់ស្ពានថ្មីមួយសម្រាប់គម្រោងនេះ ចម្ងាយប្រមាណ៣០ម៉ែត្រ ពីស្ពានមិត្តភាពថៃ-ឡាវ។

ប្រទេសថៃ ប្រទេសឡាវ និងប្រទេសចិន ក៏បានចុះអនុស្សរណៈយោគយល់គ្នា (MoU) មួយស្តីពីកិច្ចសហប្រតិបត្តិការផ្លូវដែកផងដែរ។

កាលពីថ្ងៃទី៤ ខែកញ្ញា ឆ្នាំ២០១៧ ក្រុមហ៊ុនផ្លូវដែកគ្រប់គ្រងដោយរដ្ឋ State Railway of Thailand បានព្រមព្រៀងចុះកិច្ចសន្យាមួយជាមួយក្រុមហ៊ុនចិន China Railway Design Corp និងក្រុមហ៊ុនចិន China Railway International Corp៕ Bangkok Post៕