តម្លៃលំនៅដ្ឋានក្នុងក្រុងហុងកុង ធ្លាក់ចុះ២ខែជាប់គ្នា ក្រោយហក់ឡើងដល់កម្រិតខ្ពស់បំផុតមិនធ្លាប់មាន

ដោយ៖ សុខុម

ហុងកុង: ទិន្នន័យផ្លូវការបង្ហាញនៅថ្ងៃពុធ ទី២៩ ខែធ្នូនេះថា តម្លៃលំនៅដ្ឋានឯកជនក្នុងក្រុងហុងកុង ដែលស្ថិតក្នុងចំណោមទីផ្សារអចលនទ្រព្យថ្លៃបំផុតក្នុងពិភពលោក បានធ្លាក់ចុះពីកម្រិតខ្ពស់បំផុត២ខែជាប់គ្នាក្នុងខែវិច្ឆិកា ប៉ុន្តែក្រុមអ្នកជំនាញខាងអចលនទ្រព្យរំពឹងថា ទីផ្សារនេះនឹងហក់ឡើងខ្ពស់រហូតដល់ទៅ១០%ក្នុងឆ្នាំ២០២២។

ទិន្នន័យដដែលបង្ហាញថា តម្លៃបានធ្លាក់ចុះ១,២%កាលពីខែវិច្ឆិកា កន្លងទៅ បើធៀបនឹងការធ្លាក់ចុះ០,៥%ក្នុងខែតុលា។ តម្លៃបានហក់ឡើងដល់កម្រិតខ្ពស់បំផុតមិនធ្លាប់មានក្នុងខែកញ្ញា ហើយបានហក់ឡើង៣,១%ក្នុងរយៈពេល១១ខែដំបូងនៃឆ្នាំនេះ។

ទោះជាយ៉ាងណា មិនទាន់មានទិន្នន័យផ្លូវការបង្ហាញពីតម្លៃលំនៅដ្ឋានសម្រាប់ខែធ្នូ នេះនៅឡើយទេ។ បណ្ដាភ្នាក់ងារអចលនទ្រព្យលើកឡើងថា អ្នកទិញមានការប្រុងប្រយ័ត្នជាងមុន បន្ទាប់ពីតម្លៃបានហក់ឡើងដល់កម្រិតខ្ពស់មិនធ្លាប់មានជាថ្មី ស្របពេលមានការព្រួយបារម្ភថា រដ្ឋាភិបាលអាចនឹងដាក់ចេញវិធានការគោលនយោបាយដើម្បីរឹតបន្តឹងទីផ្សារ។

ក្រុមអ្នកវិភាគលើកឡើងថា ការមិនដាក់ចេញវិធានការបែបនេះជាមូលហេតុមួយដែលនឹងធ្វើឱ្យតម្លៃទីផ្សារលំនៅដ្ឋានហក់ឡើងនៅឆ្នាំក្រោយ។ សម្រាប់រយៈពេលពេញមួយឆ្នាំ២០២១ ក្រុមហ៊ុនប្រឹក្សាយោបល់ផ្នែកអចលនទ្រព្យ Cushman & Wakefield រំពឹងថា តម្លៃផ្ទះនឹងហក់ឡើងប្រមាណ៦,៥% ហើយចំនួនប្រតិបត្តិការទិញលក់នឹងកើនឡើងដល់កម្រិតខ្ពស់បំផុតចាប់តាំងពីឆ្នាំ២០១២ ដល់៧៤.៦០០យូនីត។

ក្រុមហ៊ុននេះព្យាករថា តម្លៃផ្ទះនឹងហក់ឡើងចន្លោះពី៥%ទៅ១០%ទៀតនៅក្នុងឆ្នាំ២០២២ ដោយសារស្ថានភាពសេដ្ឋកិច្ចប្រសើរឡើង។ JLL ដែលជាក្រុមហ៊ុនប្រឹក្សាយោបល់ផ្នែកអចលមួយទៀតរំពឹងថា តម្លៃផ្ទះនឹងហក់ឡើងរហូតដល់៥%នៅឆ្នាំក្រោយដោយសារមានតម្រូវការខ្ពស់ ហើយអត្រាការប្រាក់កាន់តែទាបសម្រាប់ឥណទានគេហដ្ឋាន ឬ កម្ចីទិញផ្ទះ។

លោក Joseph Tsang ប្រធានក្រុមហ៊ុន JLL នៅហុងកុង បានថ្លែងថា “ការផ្គត់ផ្គង់លំនៅដ្ឋានឯកជនថ្មីៗនឹងនៅតែមានចំនួនតិចតួចនៅឡើយសម្រាប់រយៈពេលមធ្យម”៕

សមាគមថ្មីមួយត្រូវបានបង្គើតឡើង ដើម្បីជួយជម្រុញការវិនិយោគក្នុងប្រទេសកម្ពុជា

ដោយ៖ សុផារី

ភ្នំពេញ៖ សមាគមវិនិយោគិនខ្មែរ អន្តរជាតិ (Association of Khmer International Investor) ត្រូវបានផ្តួចផ្តើមបង្កើតឡើងដោយ លោកឧកញ៉ា ប៊ី សុក្របណ្ឌិត រួមជាមួយសហស្ថាបនិក ថ្នាក់ដឹកនាំ និងសមាជិក គោលដៅក្នុងការទាក់ទាញ និងកិច្ចសហប្រតិបត្តិការក្នុងភាពជាដៃគូរជាតិ អន្តរជាតិ ក្នុងគោលដៅផ្សារភា្ជប់ទំនាក់ទំនង់ជាមួយស្ថាប័ននានា បណ្តាដៃគូអភិវឌ្ឍន៍ និងអ្នកប្រកបការងារវិជ្ជាជីវៈទូទៅ។

ជាមួយគ្នានេះផងដែរ ដើម្បីលើកស្ទួយការអភិវឌ្ឍ សេដ្ឋកិច្ច ចំណេះដឹង វិជ្ជាជីវៈ សុខភាព កីឡា យេនឌ័រ និងចូលរួមដោះស្រាយវិបត្តិសង្គមមួយចំនួនដូចជា ភាពគ្មានការងារធ្វើ ការខ្វះខាតចំណេះដឹង ជំនាញវិជ្ជាជីវៈ ការខ្វះខាតព័ត៌មាន ការគាំពារកុមារកំព្រា ជួយឧបត្ថម្ភដល់សិស្សនិសិ្សតក្រីក្រ។ ជាងនេះទៅទៀត តាមរយៈការបង្កើតអោយមានក្លឹបបណ្តុះបណ្តាល វិជ្ជាជីវៈនានា ភាពជាអ្នកដឹកនាំ (CEO) និងក្លឹបបាលទាត់ ដើម្បីបង្កើតការងារជូនប្រជាពលរដ្ឋ ស្របតាមគោលនយោបាយកាត់បន្ថយភាពក្រីក្ររបស់រាជរដ្ឋាភិបាលកម្ពុជា។

បើតាមលោកឧកញ៉ា ប៊ី សុក្របណ្ឌិត ប្រធានសមាគមវិនិយោគិនខ្មែរ អន្តរជាតិ បានឱ្យដឹងថា សមាគមត្រូវបានបង្គើតឡើងក្នុងគោលបំណង ៣ សំខាន់ៗ រួមមាន ទី១ លើកកម្ពស់ផលប្រយោជន៍ និងកិច្ចសហប្រតិបត្តិការក្នុងភាពជាដៃគូរវាងសមាជិកសមាគម និងអ្នកវិនិយោគ ដើម្បីឧត្តមភាព ការរីកចម្រើន ភាតរភាព និងសាមគ្គីភាព ទី២ គាំទ្រ និងចែករំលែកដើម្បីការរីកចម្រើនខាងផ្នែកសង្គម និងសេដ្ឋកិច្ចស្របតាមគោលនយោបាយសង្គម និងសេដ្ឋកិច្ចរបស់រាជរដ្ឋាភិបាលកម្ពុជា ទី៣ ដាក់ទាញ និងលើកកម្ពស់ការវិនិយោគដោយបុគ្គលសញ្ជាតិខ្មែរ និងបរទេសប្រកបដោយគុណភាព ប្រសិទ្ធភាព និងប្រសិទ្ធិផល សំដៅអភិវឌ្ឍសង្គម និងសេដ្ឋកិច្ចកម្ពុជា។

លោកឧកញ៉ា ប៊ី សុក្របណ្ឌិត មានថា “គោលបំណងប្រមូលផ្ដុំអ្នកវិនិយោគគិនខ្មែរដើម្បីចូលសមាគមន៍ឱ្យវិនិយោគជាមួយគ្នានិងទាក់ទាញវិនិយោគក្រៅប្រទេសឱ្យចាប់ដៃគូរជាមួយនិងអ្នកវិនិយោគខ្មែរ។ យើងឱ្យនិស្សិតនិងអ្នកមានបំណងចង់រកស៊ី ឱ្យគាត់ចូលជាសមាជិកធម្មតាយើងនិងបណ្ដុះបណ្ដាលគាត់ឱ្យក្លាយជា CEO ដើម្បីត្រៀមគ្រប់គ្រងនូវក្រុមហ៊ុនរបស់ដៃគូរសមាជិកយើងទាំងជាតិនិងអន្តរជាតិ។ ថ្ងៃក្រោយគាត់និងមានឱកាសបង្កើតក្រុមហ៊ុនដោយខ្លួនឯង បណ្ដុះបណ្ដាលឱ្យគាត់មានអាជីវកម្ម “។

លោកឧកញ៉ាបានបន្តថា សមាគមត្រូវបានបង្គើតឡើងក្នុងគោលដៅបង្កើតទំនាក់ទំនង និងការចែករំលែកក្នុងចំណោមសមាជិក ធុរកិច្ចជន និងអ្នកវិនិយោគ ដើម្បីរួមចំណែកជាមួយរាជរដ្ឋាភិបាលកម្ពុជាក្នុងការសេដ្ឋកិច្ចនៅកម្ពុជាតាមរយៈការផ្សព្ចផ្សាយគោលនយោបាយសេដ្ឋកិច្ច និងអភិវឌ្ឍ និងធ្វើជាតំណាង និងការពារផលប្រយោជន៍ក្នុងភាពជាដៃគូរវាងសមាជិកសមាគម និងអ្នកវិនិយោគជាតិនិងអន្តរជាតិ។

ក្រៅពីនេះ សមាគមក៏មានការបង្កើតវេទិកា សិក្ខាសាលា ពិពរណ៌បង្ហាញស្នាដៃថ្មីៗ និងការផ្លាស់ប្តូរបទពិសោធន៍ពាក់ព័ន្ធនឹងធុរកិច្ច ពាណិជ្ជកម្មភាពជាអ្នកដឹកនាំ និងសហគ្រិនភាព ព្រមទាំងផ្សព្វផ្សាយ និងផ្តល់យោបល់ផ្នែកច្បាប់ពាណិជ្ជកម្ម ពន្ធដារ និងលិខិតបទដ្ឋានពាក់ព័ន្ធ។ សមាគមក៏បណ្ដុះបណ្ដាល ប្រឹក្សាយោបល់ និងការស្រាវជ្រាវផ្សេងៗទាក់ទងនឹងទីផ្សារ សហគ្រិនភាពផងដែរ។៕

គេហទំព័រPropertyareaនឹងចញផ្សាយកិច្ចសម្ភាសន៍ពិសេសរបស់ក្រសួងពាណិជ្ជកម្មនៅម៉ោង៧ល្ងាចថ្ងៃនេះ

ដោយ: ម៉ាលីស

ភ្នំពេញៈ កិច្ចសម្ភាសន៍៍ពិសេសមួយ បានរៀបចំដោយគេហទំព័រPropertyarea.asia ជាមួយលោកប៉ែន សុវិជាតិអ្នកនាំពាក្យ និងជាអនុរដ្ឋលេខាធិការក្រសួងពាណិជ្ជកម្ម។

កិច្ចសម្ភាសន៍នេះ នឹងចេញផ្សាយនៅវេលាម៉ោង៧ និង០០នាទីថ្ងៃទី២៩ ធ្នូនេះ ដែលវាជាកិច្ចសម្ភាសន៍ពិសេសផ្តោត លើ់កាលានុវត្តន៍ភាព ដំណើរការរៀបចំតាក់តែងច្បាប់ បទដ្ឋានគិតិយុត្តិនានារបស់ក្រសួងពាណិជ្ជកម្ម ដែលបានធ្វើកន្លងមក និងផែនការ  គោលនយោបាយ ក៏ដូចជាចក្ខុវិស័យរបស់ក្រសួងនាពេលខាងមុខ ដើម្បីពង្រីកកាលានុវត្តន៍ភាពសេដ្ឋកិច្ច ក៏ដូចជា ការជំរុញការនាំចេញរបស់កម្ពុជា ទៅកាន់បរទេសកាន់តែប្រសើរឡើងថែមទៀត។

សំរាប់ព៌តមាន និងខ្លឹមសារបន្ថែមសូមរង់ចាំស្តាប់ កិច្ចសម្ភាសន៍នាល្ងាចថ្ងៃទី២៩ ធ្នូនេះ៕

 

សេចក្តីព្រាងច្បាប់ចំនួន៣ត្រូវបានរដ្ឋសភាអនុម័តសម្រាប់លើកកម្ពស់វិស័យពាណិជ្ជកម្ម

ដោយ:ម៉ាលីស

ភ្នំពេញ: សម្ដេចអគ្គមហាពញាចក្រីហេង សំរិន ប្រធានរដ្ឋសភា បានដឹកនាំបន្តសម័យប្រជុំរដ្ឋសភាលើកទី៦ នីតិកាលទី៦ នៅថ្ងៃពុធ ទី២៩ ខែធ្នូ ឆ្នាំ២០២១នេះ ដោយមានរបៀបវារៈចំនួនបី ពាក់ព័ន្ធវិស័យពាណិជ្ជកម្មក្នុង និងក្រៅប្រទេស។

សេចក្តីព្រាងច្បាប់ដែលរដ្ឋសភាលើកយកមកពិភាក្សា និងអនុម័តនាពេលនេះមាន ទី១ សេចក្តីព្រាងច្បាប់ស្តីពី វិសោធនកម្មច្បាប់ស្តីពីសហគ្រាសពាណិជ្ជកម្ម ទី២ សេចក្តីព្រាងច្បាប់ស្តីពី វិសោធនកម្មច្បាប់ស្តីពីវិធានពាណិជ្ជកម្ម និងបញ្ជីពាណិជ្ជកម្ម​ និងទី៣. សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងពាណិជ្ជកម្មសេរី រវាងរាជរដ្ឋាភិបាល នៃព្រះរាជាណាចក្រកម្ពុជា និងរដ្ឋាភិបាល នៃសាធារណរដ្ឋកូរ៉េ។

សេចក្តីព្រាងច្បាប់ស្តីពី វិសោធនកម្មច្បាប់ស្តីពី សហគ្រាសពាណិជ្ជកម្ម មានគោលបំណងចូលរួមចំណែក ក្នុងការបន្តកំណែទម្រង់របស់រាជរដ្ឋាភិបាលក្នុងការស្តារសង្គម សេដ្ឋកិច្ចកម្ពុជាពីវិបត្តិកូវីដ-១៩ និងដើម្បីលើកកម្ពស់ភាពងាយស្រួល នៃការធ្វើធុរកិច្ចនៅកម្ពុជា ដោយសារច្បាប់ស្តីពីសហគ្រាសពាណិជ្ជកម្ម ត្រូវបានប្រកាសឱ្យប្រើដោយព្រះរាជក្រម តំាងពីថ្ងៃទី១៩ ខែមិថុនា ឆ្នាំ២០០៥។

ចំណែកសេចក្តីព្រាងច្បាប់ស្តីពី វិសោធនកម្មច្បាប់ស្តីពី វិធានពាណិជ្ជកម្ម និងបញ្ជីពាណិជ្ជកម្ម មានគោលបំណងជួយសម្រួលដល់ការធ្វើពាណិជ្ជកម្ម នៅក្នុងសម័យបច្ចេកវិទ្យា ។

ចំពោះសេចក្តីព្រាងច្បាប់ ស្តីពីការអនុម័តយល់ព្រម លើកិច្ចព្រមព្រៀងពាណិជ្ជកម្មសេរី រវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋកូរ៉េ នឹងក្លាយជាបទដ្ឋានគតិយុត្តទ្វេភាគី ក្នុងការដោះដូរពាណិជ្ជកម្មគ្នាទៅវិញទៅមក។

តាមរយៈច្បាប់នេះ នឹងធ្វើឱ្យកសិផលកម្ពុជាមានទីផ្សារកាន់តែធំ តាមរយៈការនាំចេញទៅកាន់ទីផ្សារនៅសាធា រណរដ្ឋកូរ៉េ ដែលនឹងចូលរួមចំណែកដ៏សំខាន់ នៅក្នុងការលើកកម្ពស់ជីវភាពប្រជាកសិករ។ សេចក្តីព្រាងច្បាប់នេះនឹងជំរុញលំហូរពាណិជ្ជកម្ម និងការវិនិយោគ រវាងព្រះរាជាណាចក្រកម្ពុជា និងសាធារណរដ្ឋកូរ៉េ ដែលនឹងផ្តល់ប្រយោជន៍ឱ្យគ្នាទៅវិញទៅមក ផ្នែកសេដ្ឋកិច្ច ការអភិវឌ្ឍ សុខុមាលភាពប្រជាជន និងការផ្សាភ្ជាប់ធុរកិច្ច នៃប្រទេសទាំងពីរ ឱ្យកាន់តែប្រសើរឡើងបន្ថែមទៀត ព្រមទាំងអាចបង្កើតការងារថ្មីៗជូនប្រជាជនទៀតផង ៕

សម្ដេចតេជោនឹងរៀបចំឱ្យមានច្បាប់កំណត់អាយុចូលនិវត្តិន៍របស់នាយករដ្ឋមន្ត្រី

ដោយៈសុផារី

ភ្នំពេញៈ ថ្លែងពីវេទិកាសម្ពោធដាក់ឱ្យប្រើប្រាស់ជាផ្លូវការ នូវអគាររដ្ឋបាល និងសាលប្រជុំទីស្តីការក្រសួងការពាជាតិថ្មី នាព្រឹកថ្ងៃទី ២៩ ខែធ្នូនេះ សម្ដេចតេជោ ហ៊ុន សែន បានប្រកាសទុកមុនថា នៅពេលដែលចាកចេញពីតំណែងជានាយករដ្ឋមន្ត្រី សម្ដេចនឹងសម្រេចបំណងរបស់អ្នកស្នើសុំ ដែលចង់ឲ្យមានការកំណត់អាយុចូលនិវត្តិន៍ របស់នាយករដ្ឋមន្ត្រី។

សម្ដេចតេជោនាយករដ្ឋមន្ត្រី មានប្រសាសន៍ថា“ប្រកាសទុកឱ្យ​ហើយ នៅពេលដែលខ្ញុំចាកចេញពីនាយករដ្ឋមន្ត្រី ខ្ញុំនឹងសម្រេចបំណងអ្នក ដែលស្នើសុំឱ្យរៀបចំច្បាប់កំណត់អាយុ ចូលនិវត្តិន៍របស់នាយករដ្ឋមន្ត្រី ខ្ញុំនឹងធ្វើជូន”។

សម្ដេចតេជោ ហ៊ុន សែន ក៏បានបញ្ជាក់ផងដែរថា អាណត្តិនាយករដ្ឋមន្ត្រី មិនអាចកំណត់បាននោះទេ ពីព្រោះតែការបោះឆ្នោត គឺបោះឆ្នោតជ្រើ​សរើសសមាជិកសភា មិនមែនបោះឆ្នោតជ្រើសរើសនាយករដ្ឋមន្ត្រី ដោយផ្ទាល់នោះទេ។ ប៉ុន្តែសមាជិករដ្ឋសភាទេ ដែលបោះឆ្នោតជ្រើសរើសនាយករដ្ឋមន្ត្រី។ ជាមួយគ្នានេះ សម្ដេចតេជោនាយករដ្ឋមន្ត្រី បានផ្ដាំទៅក្រុមអតីតគណបក្សប្រឆាំងថា “ហើយរឿងអ្នកណាធ្វើនាយករដ្ឋមន្ត្រី នៅពេលណា គឺជារឿងបក្សរបស់គេ”។

សម្ដេចតេជោ ហ៊ុន សែន បានលើកឡើងបន្តថា នៅពេលដែលសម្ដេច ចាកចេញពីតំណែង ជានាយករដ្ឋមន្ត្រីនាពេលខាងមុខ ហើយក្លាយសមា​ជិករដ្ឋសភាវិញ នឹងពិភាក្សាជាមួយសមាជិករដ្ឋសភាផ្សេងទៀត ដើម្បីរៀបចំឲ្យមានច្បាប់កំណត់អាយុ នាយករដ្ឋមន្ត្រី ដែលត្រូវចូលនិវត្តិន៍។

សម្ដេចតេជោនាយករដ្ឋមន្ត្រី បានថ្លែងទៀតថា “កាលហ្នឹងគេថា កំណ​ត់អាយុនាយករដ្ឋមន្ត្រី អូខេ! ចាំពេលហ្នឹង បោះឆ្នោតជ្រើសរើស ផ្ដល់ការទុកចិត្តឱ្យរដ្ឋាភិបាលថ្មីរួចហើយ ចេញមកយើងជាសមាជិកសភា គិតថា បបួលគ្នាប៉ុន្មាននាក់យើង ពេលដែលយើងចេញមកប្រជុំកាសែតទាំងអស់គ្នា ហើយយើងផ្ដួចផ្ដើមគំនិតស្នើសុំ ធ្វើច្បាប់កំណត់អាយុនាយករដ្ឋមន្ត្រី”៕

សមាគមអ្នកអភិវឌ្ឍន៍ដីឡូត៍កម្ពុជារៀបចំបូកសរុបការងារប្រចាំឆ្នាំ

ដោយៈគង់ សូរិយា

 ភ្នំពេញៈ សមាគមអ្នកអភិវឌ្ឍន៍ដីឡូត៍កម្ពុជា ដឹកនាំដោយលោកឧក​ញ៉ា​ម៉ន សុខា បានដឹកនាំកិច្ចប្រជុំបូកសរុបការងារប្រចាំឆ្នាំ និងពិភាក្សាការងារជាមួយថ្នាក់ដឹកនាំ ទីប្រឹក្សា និងសមាជិក សមាជិកាសមាគម។

កម្មវិធីនេះ មានការទទួលទានអាហារសាមគ្គី និងការចែករំលែកបទពិសោធន៍ជាច្រើនពីថ្នាក់ដឹកនាំ ទីប្រឹក្សាសមាគមដល់សមាជិក សមាជិកាដដែលបានចូលរួមផងដែរ។

លោកឧកញ៉ាម៉ន សុខាប្រធានសមាគមអ្នកអភិវឌ្ឍន៍ដីឡូត៍កម្ពុជាបានមានប្រសាសន៍ឲ្យដឹងកាលពីថ្ងៃទី២៨ ធ្នូកន្លងមក ដោយបានថ្លែងអំណរគុណដល់ថ្នាក់ដឹកនាំ ទីប្រឹក្សាសមាគម និងសមាជិក សមាជិកាដែលបានចូលរួមកម្មវិធីនេះ។

លោកបន្តថា “សមាគមអ្នកអភិវឌ្ឍន៍ដីឡូត៍កម្ពុជា បាននិងកំពុងបំពេ​ញតួនាទីយ៉ាងសកម្ម ដើម្បីជួយសម្រួលការងារទាក់ទងនឹងច្បាប់ បទដ្ឋានគតិយុត្តិនានា ដើម្បីសម្រួលការងាររវាងសមាជិកសមាគម និងជាមួយមន្រ្តីពាក់ព័ន្ឋ ដើម្បីធ្វើយ៉ាងណាឲ្យដំណើរការការងារ បានប្រព្រឹត្តទៅដោយរលូន និងជម្រុញការអភិវឌ្ឍក្នុងវិស័យនេះ ប្រកបដោយនិរន្តរភាព”។

លោកឧកញ៉ាម៉ន សុខាបានបន្តថា បច្ចុប្បន្នសមាគមមានថ្នាក់ដឹកនាំ សមាជិក សមាជិកាចំនួន៤៦នាក់ ដែលបាននិងកំពុងចូលរួមចំណែកលើ​ការអភិវឌ្ឍទីផ្សារដីឡូត៍ សំណង់ និងអចលនទ្រព្យដទៃទៀតឲ្យទទួលបានជោគជ័យ និងជាគំរោងដែលមានការទទួលខុសត្រូវផ្នែកសង្គមផងដែរ។

ក្នុងកម្មវិធីទទួលទានអាហារសាមគ្គី សមាគមក៏បានទទួល​ការឧបត្ថម្ភពីថ្នាក់ដឹកនាំជាឧកញ៉ា ថ្នាក់ដឹកនាំសមាគមដទៃទៀតចំនួន១២,០០០ដុល្លារ ដើម្បីឲ្យសមាគមអាចដំណើរការទៅមុខ ប្រកបដោយនិរន្តរភាពផងដែរ៕

 

សម្តេចតេជោស្នើអោយអគ្គិសនីកម្ពុជានិងក្រសួងសេដ្ឋកិច្ចពិនិត្យលុបបំណុលអគ្គីសនីក្រសួងការពារជាតិជាង២លានដុល្លារ

ដោយ៖ សុផារី

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី២៩ ខែធ្នូ ឆ្នាំ២០២១នេះ បានណែនាំដល់ក្រសួងរ៉ែ និងថាមពលអគ្គិសនីកម្ពុជា និងក្រសួងសេដ្ឋកិច្ច និងហិរញ្ញវត្ថុ ពិនិត្យលទ្ធភាពក្នុងការលុបបំណុលថ្លៃអគ្គិសនី ដែលក្រសួងការពារជាតិជំពាក់ជាង៩ពាន់លានរៀល ឬស្មើនឹងជាង២លានដុល្លារអាមេរិក។
ការណែនាំរបស់សម្តេចតេជោ ហ៊ុន សែន ធ្វើឡើងតាមសំណើរបស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ សុំលុបបំណុលថ្លៃប្រើប្រាស់អគ្គិសនី តាមកងឯកភាពក្នុងកងយោធពលខេមរភូមិន្ទចំនួន ៩,១៩០,០០០,០០០រៀល ដែលជាបំណុលរយៈពេល៥ឆ្នាំ ចាប់តាំងពីឆ្នាំ២០១៦ រហូតត្រឹមថ្ងៃទី៣ ខែកញ្ញា ឆ្នាំ២០២១។

មូលហេតុនៃការជំពាក់បំណុលនេះ ដោយសារការប្រើប្រាស់អគ្គិសនីមានការកើនឡើងជារៀងរាល់ឆ្នាំ ទៅតាមភាពរីកចម្រើនរបស់ប្រទេសជាតិ និងវិស័យការពារជាតិ ប៉ុន្តែការប្រើប្រាស់ឥណទានប្រចាំឆ្នាំ ក្រសួងសេដ្ឋកិច្ច និងហិរញ្ញវត្ថុរក្សាទុកនៅដដែល។ ជាក់ស្តែងពីមុនមានតែ១៤០អង្គភាព បច្ចុប្បន្នមានរហូតដល់២៤០អង្គភាព។ នេះបើតាមការថ្លែងរបស់សម្តេចពិជ័យសេនា ទៀ បាញ់។

បន្ថែមពីនេះ សម្តេចពិជ័យសេនា ក៏បានសំណើសុំថវិកាបន្ថែម សម្រាប់ប្រើប្រាស់អគ្គិសនីប្រចាំឆ្នាំ របស់ក្រសួងការពារជាតិ តាមសំណើរបស់កងឯកភាព ក្នុងកងយោធពលខេមរភូមិន្ទផងដែរ។

សម្តេចតេជោ ហ៊ុន សែន បានថ្លែងយ៉ាងដូច្នេះថា “សូមឲ្យអគ្គិសនីកម្ពុជា ពិនិត្យលទ្ធភាពលុបបំណុល របស់ក្រសួងការពារជាតិជាង៩ពាន់លានរៀល ដែលស្មើនឹងជាង២លានដុល្លារ ថាតើអាចលុបចោលទាំងស្រុង ឬលុបពាក់កណ្តាល ឬ៧០ភាគរយ ដែលសល់ពីនោះក្រសួងសេដ្ឋកិច្ច និងហិរញ្ញវត្ថុ បំពេញបន្ថែម។ ខ្ញុំមិនទាន់បញ្ជាដាច់ណាត់ទេ។ ខ្ញុំនឹងចេញបទបញ្ជាឲ្យមានការបន្ថែមថវិកា លើការប្រើប្រាស់អគ្គិសនីរបស់ក្រសួងការពារជាតិប្រចាំឆ្នាំ […] ខ្ញុំក៏សូមត្រឡប់មកវិញ នៅបណ្តាអង្គភាពទាំងអស់ ទូទាំងកងយោធពលខេមរភូមិន្ទ ឲ្យសន្សំសំចៃ ក្នុងការប្រើប្រាស់អគ្គិសនី”។

ទោះយ៉ាងណាក្តី សម្តេចតេជោនឹងចេញបទបញ្ជាពិនិត្យការរៀបចំដើម្បីបន្ថែមថវិកាការប្រើប្រាស់អគ្គិសនីប្រចាំឆ្នាំ ព្រោះតម្រូវការនៃការប្រើប្រាស់អគ្គិសនីមានការកើនឡើងខ្ពស់ តែត្រូវសន្សំសំចៃក្នុងការប្រើប្រាស់ថាមពលអគ្គិសនី មិនខ្ជះខ្ជាយថាមពល៕

Apple rises in pre-market and approaches US$3 trillion value again

CHICAGO (Dec 28): Apple shares rose in pre-market trading on Tuesday, with the iPhone maker on track for a fifth straight positive session as it inches closer to a historic US$3 trillion market value that has proved elusive for weeks.

The stock rose 0.4% to US$180.96 before the bell, amid a positive session for equity futures. Based on Apple’s outstanding shares, it will reach US$3 trillion if the stock hits US$182.86; it rose as high as US$182.13 in intraday trading this month. Should Apple reach the milestone, it would be the first time any company has done so.

The achievement would cap a strong year for Apple, which has surged 36% in 2021 to a US$2.96 trillion value as of Monday’s close. It is also up more than 200% since Covid-19 first sent the world into lockdown early last year and underlined the centrality of technology for work, education, entertainment, and keeping connected.

The stock has been a favourite because of the global popularity of the company’s products, the potential for new offerings to maintain its steady sales growth, and its strong cash balance. Such tailwinds have helped investors look past potential risks like a shortage of chips and the ongoing pandemic, which prompted Apple to shut its New York City retail stores. Wall Street’s other major tech and internet companies are also among the year’s most notable outperformers.

Apple shares recently came under pressure after the Federal Reserve took a more hawkish stance than had been expected, but investors subsequently bid them back up as they looked for equities that are seen as high quality, and which boast long track records of growth. Apple has risen for four straight sessions, ending at a record close on Monday, and it is up 6.2% over that stretch.

Among other notable names, Microsoft Corp and Meta Platforms Inc both rose 0.5% before the bell on Tuesday.

Source: The Edge Markets

China Evergrande shares rise on vow to boost unit construction

China:Shares in China Evergrande Group jumped more than 8per cent on Tuesday morning after the embattled property developer said it had made initial progress in resuming construction work.

Company chairman Hui Ka Yan vowed in a meeting on Sunday to deliver 39,000 units of properties in December, compared with fewer than 10,000 in each of the previous three months.

Evergrande, grappling with over US$300 billion in liabilities and at risk of becoming China’s biggest ever default, has been scrambling to raise cash by selling assets and shares.

The firm missed a deadline to pay offshore coupons worth US$82.5 million earlier this month, threatening to trigger cross-default on its roughly US$19 billion of international bonds.

Fitch and S&P downgraded Evergrande to “restricted default” and “selective default” respectively following the missed payment.

Evergrande has new coupon payments worth US$255 million due on Tuesday for its June 2023 and 2025 notes.

As of 0200 GMT, Evergrande shares were trading up 7.4per cent at HKUS$1.59, a one-week high, while the Hang Seng Index eased 0.4per cent.

Source: Reuters

ភាគហ៊ុន Apple ហក់ឡើងខ្លាំងធ្វើឱ្យតម្លៃរបស់ក្រុមហ៊ុន​ជិត​ឈានដល់៣ទ្រីលានដុល្លារ

ដោយ សុខុម

អាមេរិក: ភាគហ៊ុនរបស់ក្រុមហ៊ុនបច្ចេកវិទ្យាខ្នាតយក្ស Apple បានហក់ឡើងនៅក្នុងការជួញដូរកាលពីថ្ងៃអង្គារ ទី២៨ ធ្នូ ដោយធ្វើឱ្យតម្លៃក្រុមហ៊ុនផលិតទូរស័ព្ទ iPhone ដ៏ល្បីល្បាញមួយនេះខ្វះតែបន្តិចឈានដល់៣ទ្រីលានដុល្លារ។

ភាគហ៊ុនរបស់ក្រុមហ៊ុនអាមេរិក មួយនេះបានហក់ឡើង០,៤%ដល់១៨០,៩៦ដុល្លារ ក្នុងមួយភាគហ៊ុន។ តម្លៃរបស់ក្រុមហ៊ុន Apple នឹងឈានដល់៣ទ្រីលានដុល្លារ ប្រសិនបើភាគហ៊ុនរបស់ខ្លួនបន្តហក់ឡើងដល់១៨២,៨៦ដុល្លារក្នុងមួយភាគហ៊ុន។

យោងតាមការចុះផ្សាយរបស់សារព័ត៌មាន The Edge Markets ឱ្យដឹងថា ភាគហ៊ុនរបស់ក្រុមហ៊ុននេះធ្លាប់បានហក់ឡើងខ្ពស់រហូតដល់១៨២,១៤ដុល្លារ ក្នុងមួយភាគហ៊ុននៅក្នុងការជួញដូរនៅខែធ្នូ នេះ។

តម្លៃរបស់ក្រុមហ៊ុន Apple បានកើនឡើងដល់៣៦%នៅក្នុងឆ្នាំ២០២១ ឈានដល់២,៩៦ទ្រីលានដុល្លារ គិតត្រឹមថ្ងៃច័ន្ទ ទី២៧ ធ្នូ។

តម្លៃរបស់ក្រុមហ៊ុននេះក៏កើនឡើងខ្ពស់រហូតដល់ទៅជាង២០០%ផងដែរ ចាប់តាំងពីវីរុសកូវីដ-១៩ បានធ្វើឱ្យពិភពលោកជ្រួលច្របល់ ឈានទៅដល់ការបិទខ្ទប់ជាលើកដំបូងកាលពីដើមឆ្នាំ២០២០ ហើយនេះបានឆ្លុះបញ្ចាំងពីសារៈសំខាន់នៃបច្ចេកវិទ្យាសម្រាប់ជំនួយដល់ការធ្វើការងារ ការអប់រំ ការកម្សាន្ត និងការរក្សាទំនាក់ទំនងគ្នា។