SINGAPORE: A consortium of three property developers backed by Singapore state investor Temasek offered to buy media group Singapore Press Holdings for S$3.34 billion (US$2.48 billion) on Friday, seeking to out-bid conglomerate Keppel Corp.

The consortium Cuscaden Peak offered S$2.1 per share in cash for Singapore Press, marginally topping Keppel’s more complicated cash-plus-share offer of S$2.099.

Keppel’s offer to buy Singapore Press, which publishes the city-state’s main newspaper, comes after the latter’s decision to transfer its media business – comprising publications including the Strait Times and the Business Times – into a not-for-profit company in May.

Trading in shares of the newspaper publisher were halted on Friday morning and it was yet to respond to a Reuters request for comment. Keppel said in a statement that it would review the Cuscaden Peak’s all-cash offer and make an announcement at an appropriate time.

Cuscaden Peak is 40% held by a unit of Singapore-based Hotel Properties Tiga Stars, and 30% each by units of Adenium and Mapletree Fortress, which are part of Temasek portfolio companies CLA and Mapletree, respectively.

WRITER: REUTERS

សុខុម

សិង្ហបុរី: នៅថ្ងៃសុក្រ ទី២៩ តុលា នេះ សម្ព័ន្ធនៃក្រុមហ៊ុនអភិវឌ្ឍន៍អចលនទ្រព្យចំនួន៣ដែលមានក្រុមហ៊ុនវិនិយោគរបស់រដ្ឋសិង្ហបុរី Temasek បានឱ្យថ្លៃ៣,៣៤ពាន់លានដុល្លារសិង្ហបុរី (២,៤៨ពាន់លានដុល្លារអាមេរិក) ទិញយកក្រុមហ៊ុនកាសែត Singapore Press Holdings។

សម្ព័ន្ធក្រុមហ៊ុន Cuscaden Peak បានឱ្យថ្លៃក្រុមហ៊ុនកាសែត Singapore Press ២,១ដុល្លារសិង្ហបុរី ក្នុង១ភាគហ៊ុន ខណៈក្រុមហ៊ុន Keppel ឱ្យថ្លៃ២,០៩៩ដុល្លារសិង្ហបុរី។

ការសុំទិញក្រុមហ៊ុនកាសែត Singapore Press ពីសំណាក់ក្រុមហ៊ុន Keppel ធ្វើឡើងក្រោយពីក្រុមហ៊ុនកាសែតនេះកាលពីខែឧសភា បានសម្រេចផ្ទេរអាជីវកម្មប្រព័ន្ធផ្សព្វផ្សាយរបស់ខ្លួនដែលរួមមានទាំងស្ថាប័នសារព័ត៌មាន The Strait Times និងសារព័ត៌មាន Business Times ផងទៅជាក្រុមហ៊ុនមិនស្វែងរកប្រាក់ចំណេញ។

ទោះជាយ៉ាងណា ការជួញដូរភាគហ៊ុនរបស់ក្រុមហ៊ុនកាសែតនេះត្រូវបានផ្អាកនៅព្រឹកថ្ងៃសុក្រ នេះ ហើយក្រុមហ៊ុននេះមិនទាន់បានឆ្លើយតបទៅនឹងទីភ្នាក់ងារព័ត៌មាន Reuters ដែលសុំការឆ្លើយបំភ្លឺជុំវិញបញ្ហានេះនៅឡើយទេ។

ក្រុមហ៊ុន Keppel បានចេញសេចក្តីថ្លែងការណ៍ថា ខ្លួននឹងពិនិត្យមើលការឱ្យថ្លៃដោយទូទាត់ជាសាច់ប្រាក់សុទ្ធពីសំណាក់សម្ព័ន្ធក្រុមហ៊ុន Cuscaden Peak ហើយនឹងចេញសេចក្ដីប្រកាសនៅពេលសមស្របណាមួយ។

ភាគហ៊ុន៤០%របស់សម្ព័ន្ធក្រុមហ៊ុន Cuscaden Peak ត្រូវបានកាន់កាប់ដោយបុត្រសម្ព័ន្ធនៃក្រុមហ៊ុន Hotel Properties Tiga Stars ៣០%កាន់កាប់ដោយបុត្រសម្ព័ន្ធនៃក្រុមហ៊ុន Adenium ហើយ៣០%ទៀតកាន់កាប់ដោយក្រុមហ៊ុន Adenium និងក្រុមហ៊ុន Mapletree Fortress៕ Reuters៕

ដោយ៖វឌ្ឍនៈ

ភ្នំពេញ៖ សកម្មភាពទិញលក់និងតម្លៃ​ដីធ្លីនៅខេត្តមណ្ឌលបានចាប់ផ្ដើមប្រែប្រួលខ្លាំងនៅក្នុងរយៈពេលចុងក្រោយនេះ ជាពិសេសនៅតំបន់ជិតៗគម្រោងព្រលានយន្តហោះ និងតំបន់មាត់ច្រកព្រំដែនកម្ពុជាវៀតណាម ដោយបច្ចុប្បន្ននេះវិនិយោគិនជាច្រើនបាននាំគ្នាស្វែងរកទិញដីធ្លីនៅមណ្ឌលគីរីកាន់តែច្រើន។

លោកមាឃ ឬទ្ធីជ័យ ប្រធានក្រុមហ៊ុនអចលនទ្រព្យ Century 21 Zillion Holding ប្រចាំខេត្តមណ្ឌលគីរី បានឱ្យដឹង​កន្លងមក​ថា វិនិយោគិនក្នុងស្រុកជាច្រើនបានសម្រុកមកស្វែងរកទិញដីធ្លីនៅខេត្តមណ្ឌលគីរីកាន់តែច្រើន ដែលធ្វើឱ្យសន្ទុះដីធ្លីកាន់តែកើនឡើងខ្ពស់ ជាពិសេសនៅតំបន់ជិតគម្រោងអភិវឌ្ឍន៍ព្រលានយន្តហោះអន្តរជាតិ និងជិតតំបន់មាត់ច្រកព្រំដែនកម្ពុជាវៀតណាម។

លោកបន្តថា តំបន់ខ្លះតម្លៃដីធ្លីបានកើនឡើងទ្វេដង ដោយពីមុនតម្លៃត្រឹមតែ២០០០ដុល្លារអាមេរិកទៅ៣០០០ដុល្លារអាមេរិកក្នុងមួយម៉ែត្រដើរ តែពេលនេះបានហក់ឡើងដល់៥០០០ដុល្លារអាមេរិកក្នុងមួយម៉ែត្រដើរ ។ តំបន់ខ្លះទៀតតម្លៃត្រឹមតែ២០០០ដុល្លារអាមេរិកពីមុន បានហក់ឡើងដល់៤០០០ដុល្លារអាមេរិកក្នុងមួយម៉ែត្រដើរ។

លោកបានមានប្រសាសន៍ថា ”កត្តាដែលជំរុញឱ្យតម្លៃដីធ្លីនៅខេត្តមណ្ឌលគីរីបានហក់ឡើងដូច្នេះ ក៏ព្រោះតែគម្រោងនៃការសាងសង់ព្រលានយន្តហោះអន្តរជាតិរបស់រដ្ឋាភិបាលថានឹងត្រូវចាប់ផ្ដើមនៅអំឡុងខែមករាឆ្នាំ២០២២ខាងមុខ។ ម្យ៉ាងវិញទៀតដោយសារតែ គម្រោងបើកច្រកព្រំដែនរបស់រដ្ឋាភិបាលកម្ពុជា និងវៀតណាមទើបធ្វើឱ្យវិនិយោគិនបានសម្លឹងរកការវិនិយោគបន្ថែមទៀត”។

លោកបន្ត​ថា សម្រាប់វិនិយោគិនដែលទិញដីនៅមណ្ឌលគីរីភាគច្រើនជាវិនិយោគិនក្នុងស្រុក ដែលមកពីរាជធានីភ្នំពេញ និងខេត្តព្រះសីហនុជាដើម។ ពួកគាត់ជាអ្នកទិញទុកចំណេញប៉ុណ្ណោះ មិនមែនជាអភិវឌ្ឍន៍ឡើយ។ ដោយឡែកសម្រាប់វិនិយោគិនបរទេស មានភ្ញៀវចិនជាច្រើនក៏បាននិងកំពុងស្វែងរកឱកាសវិនិយោគនៅក្នុងខេត្តមណ្ឌលគីរីជាច្រើនផងដែរ ដូចជារីសត Homestay ជាដើម។

លោកស៊ីន ចាន់សិរីវុត្ថា អ្នកនាំពាក្យរដ្ឋលេខាធិការអាកាសចរណ៍ស៊ីវិល បានឱ្យដឹងផងដែរថា តាមពិតទៅគម្រោងព្រលានយន្តហោះអន្តរជាតិខេត្តមណ្ឌលគីរីនឹងត្រូវបើកការដ្ឋានសាងសង់នៅឆ្នាំ២០២២ខាងមុខនេះ តែវាស្ថិតនៅក្នុងផែនចាស់ទេ ប៉ុន្តែដោយសារតែបញ្ហាកូវីដ១៩ ធ្វើឱ្យគម្រោងនេះត្រូវបានពន្យារទៅឆ្នាំ២០២៣វិញ ហើយនៅអំឡុងពេលនោះក៏យើងមិនអាចនិយាយបានថាអាចសាងសង់បាននោះដែរ។

លោកបន្តថា យើងត្រូវការបទដ្ឋានគតិយុត្តិច្រើនណាស់ ហើយដោយសារតែកូវីដ១៩ អ្នកជំនាញការសាងសង់ព្រលានយន្តហោះនេះ ក៏មិនបានមកសិក្សាលម្អិតបន្ថែមទៀតដែរ ហើយមួយទៀត ក្រុមហ៊ុនដែលទទួលបានសិទ្ធិអភិវឌ្ឍន៍គម្រោងនេះក៏ហាក់ដូចជាបង្អង់ឬទុចមួយរយៈពេលសិន ដោយរង់ចាំមើលសភាពការណ៍បន្តបានន័យថាគេអត់ប្រញាប់ប្រញាល់ក្នុងការអភិវឌ្ឍនោះឡើយ៕

ដោយ៖ សុផារី

អាមេរិក៖ ក្រុមហ៊ុន Facebook Inc បានប្រកាសប្ដូរឈ្មោះក្រុមហ៊ុនជាផ្លូវការទៅជា «Meta» ដែលគោលបំណងនៃការប្ដូរឈ្មោះនេះគឺចង់ ផ្ដោតសំខាន់ទៅលើការបង្កើតចក្រវាឡ «metaverse» ឬហៅម្យ៉ាងទៀតថា ជាពិភព «និម្មិត»។ នេះបើយោងតាមការចេញផ្សាយរបស់ សារព័ត៌មាន Reuters នៅថ្ងៃទី២៩ ខែតុលា ឆ្នាំ២០២១។
ការផ្លាស់ប្ដូរឈ្មោះនេះផងដែរ ត្រូវបានគេមើលឃើញថា បានធ្វើឡើងក្រោយពេលបណ្ដាញសង្គមដ៏ធំជាងគេបំផុតបំផុតនៅលើពិភពលោក មួយនេះទទួលរងនូវការរិះគន់យ៉ាងខ្លាំងពីសមាជិកសភាអាមេរិក ជុំវិញការប្រើប្រាស់អំណាចរបស់ខ្លួនដើម្បីរំលោភបំពានលើទីផ្សារប្រកួតប្រជែង។

លោក Mark Zuckerberg ស្ថាបនិក និងជានាយកប្រតិបត្តិក្រុមហ៊ុន Facebook បានថ្លែងឱ្យដឹងថា ឈ្មោះថ្មីនេះគឺបានឆ្លុះបញ្ចាំង ពីការងារ និងការវិនិយោគរបស់ខ្លួនទៅលើគម្រោង «metaverse» ក្នុងការបង្កើតនូវឧបរណ៍ជាច្រើនសម្រាប់ពិភពលោកនាពេលអនាគត ហើយចំពោះ បណ្ដាញសង្គម Facebook គឺនៅប្រើឈ្មោះ Facebook ដដែល។

លោក Mark Zuckerberg បានបន្ថែមទៀតថា នៅពេលនេះក្រុមហ៊ុនគឺនឹងផ្ដោតសំខាន់លើការបណ្ដាក់ទុន និងវិនិយោគទៅលើ ឧបករណ៍ VR ព្រោះវានឹងជួយឱ្យពិភពលោក និងពិភពនិម្មិតកាន់តែខិតជិតគ្នា ហើយអ្វីដែលអស្ចារ្យនោះគឺបច្ចេកវិទ្យានឹងធ្វើឱ្យពិភពលោករបស់មនុស្សនាពេល អនាគតកាន់តែអស្ចារ្យ៕

ដោយៈសុខុម

ប៉េកាំង: រដ្ឋមន្ត្រីការបរទេសចិន លោក វ៉ាង អ៊ី (Wang Yi) កាលពីថ្ងៃពុធ ទី២៧ តុលា បានចេញមុខទទូចសុំឱ្យធនាគារពិភពលោក (World Bank) និងមូលនិធិរូបិយវត្ថុអន្តរជាតិ (IMF) បន្តផ្ដល់ហិរញ្ញប្បទាន ជួយស្រោចស្រង់អាហ្វហ្គានីស្ថាន ដែលកំពុងជួបវិបត្តិសាច់ប្រាក់ សម្រាប់ការកសាងប្រទេសឡើងវិញ។ នេះបើយោងតាមសារព័ត៌មាន The Edge Markets ចុះផ្សាយនៅថ្ងៃព្រហស្បរតិ៍ ទី២៨ តុលា នេះ។

ការចូលកាន់កាប់ប្រទេស ដោយក្រុមសកម្មប្រយុទ្ធតាលីបង់ ក្រោមរដ្ឋប្រហារកាលពីខែសីហា កន្លងទៅ បានធ្វើឱ្យទ្រព្យសម្បត្តិច្រើនពាន់លានដុល្លារ របស់ធនាគារកណ្តាលអាហ្វហ្គានីស្ថាន ត្រូវបានបង្កកទុក ហើយស្ថាប័នហិរញ្ញវត្ថុអន្តរជាតិនានា បានផ្អឹបទ្រព្យសម្បត្តិទាំងនោះមិនឱ្យយកទៅប្រើប្រាស់ឡើយ។

ធនាគារនានាក្នុងប្រទេសអាហ្វហ្គានីស្ថាន កំពុងតែអស់សាច់ប្រាក់ គ្មានលុយបើកប្រាក់ខែជូនមន្ត្រីរាជការ ហើយតម្លៃម្ហូបអាហារក៏ឡើងថ្លៃខ្ពស់។

ស្ថាប័ន IMF បានលើកឡើងកាលពីថ្ងៃអង្គារ ទី២៦ តុលាកន្លងមកថា តាមការព្យាករបង្ហាញថា សេដ្ឋកិច្ចរបស់ប្រទេសអាហ្វហ្គានីស្ថាន នឹងដាំក្បាលចុះរហូតដល់ទៅ៣០%នៅឆ្នាំនេះ ដែលអាចធ្វើឱ្យវិបត្តិជនភៀសខ្លួនកាន់តែធ្ងន់ធ្ងរឡើង។

លោកវ៉ាង យីបានថ្លែងតាម Video Conference ទៅកាន់រដ្ឋមន្ត្រីការបរទេសមកពីប្រទេសនានា ដែលនៅក្បែរខាងអាហ្វហ្គានីស្ថាន ថា “អាហ្វហ្គានីស្ថាន ពិតជាត្រូវការការរស់រានឡើងវិញលើគ្រប់វិស័យ ហើយការអភិវឌ្ឍគឺជាអាទិភាពកំពូល”។

លើសពីនេះ លោកក៏បានអំពាវនាវជាថ្មីម្ដងទៀត សុំឱ្យសហរដ្ឋអាមេរិក និងបណ្តាប្រទេសលោកខាងលិចផ្សេងទៀត ដកទណ្ឌកម្មឯកតោភាគី លើអាហ្វហ្គានីស្ថាន និងសុំឱ្យអង្គការសុខភាពពិភពលោក (WHO) ផ្តល់វ៉ាក់សាំង និងសម្ភារៈបរិក្ខារវេជ្ជសាស្ត្របន្ថែមទៀត ដើម្បីជួយដល់ប្រទេសអាហ្វហ្គានីស្ថាន ក្នុងយុទ្ធនាការប្រយុទ្ធប្រឆាំងវីរុសកូវីដ-១៩ ផងដែរ។

ប្រទេសចិន ខ្លួនឯងបានប្រកាសថា ខ្លួននឹងបញ្ជូនជំនួយមនុស្សធម៌បន្ទាន់ ក្នុងទំហំទឹកប្រាក់៣០លានដុល្លារ ទៅកាន់ប្រទេសអាហ្វហ្គានីស្ថាន។ ប្រទេសចិន តែងតែអំពាវនាវឱ្យសហគមន៍អន្តរជាតិ អនុញ្ញាតឱ្យក្រុមតាលីបង់ ចូលរួមជាជាងទុកឱ្យពួកគេនៅឯកោ។

លោក វ៉ាង យីបានថ្លែងថា “ខ្ញុំសុំបង្ហាញចំណាប់អារម្មណ៍ជារួមថា ក្រុមតាលីបង់ ពិតជាចង់មានកិច្ចសន្ទនា និងកិច្ចសហប្រតិបត្តិការជាមួយមជ្ឈដ្ឋានខាងក្រៅ (អន្តរជាតិ) ហើយពួកគេយកចិត្តទុកដាក់ចំពោះរឿងនេះខ្លាំងណាស់”៕ The Edge Markets៕