Facebook has posted better-than-expected profits for the third quarter, as it continues to face bad press over leaked internal documents.

The social media giant made $9bn (£6.5bn) of profit in the three months to September, up from $7.8bn last year.

However, it was hit by a new privacy update to Apple’s iOS 14 operating system, which made it harder for brands to target ads at specific users.

It comes amid fresh claims of unethical behaviour made by a former employee.

Frances Haugen has released a cache of internal documents to the public, alleging that Facebook put profit before user safety.

Multiple media reports say the documents show Facebook struggled to moderate content that promoted hate speech and sex trafficking outside of the US.
On Monday, Facebook chief executive Mark Zuckerburg told investors on a conference call: “What we are seeing is a coordinated effort to selectively use leaked documents to paint a false picture of our company.”

‘Headwinds’
In the 12 months to 30 September, the social media giant said its monthly user-base had grown 6% to 2.91 billion.

However, despite its strong profits, its revenue slightly undershot analyst expectations, amid “headwinds” caused by Apple’s privacy rules.

Facebook said the privacy update would also have an impact on its digital business in the final quarter of the year, but that it expected to adjust to the changes in time.

The firm said it would spend some $10bn on its metaverse division this year – known as Facebook Reality Labs – which is tasked with creating augmented and virtual reality hardware, software and content.
The world’s largest social media network is under scrutiny from global lawmakers and regulators, including from the Federal Trade Commission, which has filed an antitrust lawsuit alleging anticompetitive practices.

The whistleblower documents, which were first reported by the Wall Street Journal, have only intensified that pressure.
They include internal research about Instagram’s effects on teen mental health; whether Facebook’s platforms stoke division; and the social media giant’s handling of the 6 January Capitol riot.
At a hearing on Monday, Ms Haugen told UK MPs that Facebook is “unquestionably making hate worse”.
She said Facebook safety teams were under-resourced, and that “Facebook has been unwilling to accept even little slivers of profit being sacrificed for safety”.
The MPs are considering what new rules to impose on big social networks under the planned Online Safety Bill.
But on his conference call, Mr Zuckerberg hit back: “Good faith criticism helps us get better, but my view is that we are seeing a coordinated effort to selectively use leaked documents to paint a false picture of our company.
“The reality is that we have an open culture that encourages discussion and research on our work so we can make progress on many complex issues that are not specific to just us.”
Despite the allegations, shares in Facebook climbed by 1.3% in after hours trading on Monday. The firm’s stock is up by about 20% so far this year.

Source: BBC News

សុខុម

អន្តរជាតិ: ក្រុមហ៊ុន Facebook ទទួលបានប្រាក់ចំណេញខ្ពស់ជាងការរំពឹងទុកសម្រាប់ត្រីមាសទី៣ ឆ្នាំ២០២១ សូម្បីខណៈខ្លួនកំពុងបន្តប្រឈមមុខនឹងសារព័ត៌មានចុះផ្សាយមិនល្អជុំវិញការបែកធ្លាយឯកសារសម្ងាត់ផ្ទៃក្នុងរបស់ខ្លួនយ៉ាងណាក្ដី។ នេះបើយោងតាមសារព័ត៌មាន BBC ចុះផ្សាយកាលពីថ្ងៃទី២៦ តុលា។

ក្រុមហ៊ុនបណ្ដាញទំនាក់ទំនងសង្គមយក្សរបស់សហរដ្ឋអាមេរិក មួយនេះទទួលបានប្រាក់ចំណេញរហូតដល់ទៅ៩ពាន់លានដុល្លារ ក្នុងរយៈពេល៣ខែគិតត្រឹមខែកញ្ញា បើធៀបនឹង៧,៨ពាន់លានដុល្លារ ដែលខ្លួនទទួលបានក្នុងរយៈពេលដូចគ្នាកាលពីឆ្នាំមុន។

ទោះជាយ៉ាងណា ក្រុមហ៊ុននេះបានរងការវាយប្រហារដោយសាររឿងអាស្រូវ Privacy Update ថ្មីទៅកាន់ប្រព័ន្ធដំណើរការ iOS 14 របស់ Apple ដែលធ្វើឱ្យប៊្រែន ឬម៉ាកយីហោនានាកាន់តែពិបាកកំណត់គោលដៅ Ad (ការផ្សាយពាណិជ្ជកម្ម) ទៅកាន់អ្នកប្រើប្រាស់ជាក់លាក់មួយចំនួន។

បញ្ហានេះបានកើតមានឡើង ចំពេលមានការអះអាងថ្មីថា អតីតបុគ្គលិកម្នាក់របស់ក្រុមហ៊ុន Facebook ឈ្មោះ Frances Haugen បានប្រព្រឹត្តអំពើមិនត្រឹមត្រូវដែលប្រាសចាកសីលធម៌។

នាង Frances Haugen ដែលជាវិស្វករទិន្នន័យអាមេរិក បានទម្លាយឯកសារសម្ងាត់ផ្ទៃក្នុងជាច្រើនដល់សាធារណជន ដោយចោទប្រកាន់ថា ក្រុមហ៊ុន Facebook ខ្វល់តែពីរឿងប្រាក់ចំណេញដោយមិនគិតពីសុវត្ថិភាពរបស់អ្នកប្រើប្រាស់។

ការចុះផ្សាយជាច្រើនរបស់ប្រព័ន្ធផ្សព្វផ្សាយលើកឡើងថា ឯកសារសម្ងាត់ដែលបែកធ្លាយទាំងនេះបង្ហាញថា ក្រុមហ៊ុន Facebook បានព្យាយាមនិយាយសម្រាលស្ថានការណ៍ជុំវិញមាតិកាព័ត៌មាន (Content) ដែលបានជំរុញឱ្យមានការនិយាយស្ដីដែលបង្ហាញពីភាពស្អប់ខ្ពើម និងការជួញដូរផ្លូវភេទនៅក្រៅសហរដ្ឋអាមេរិក។

ជាការឆ្លើយតបកាលពីថ្ងៃច័ន្ទ ទី២៥ តុលា លោក Mark Zuckerburg នាយកប្រតិបត្តិ Facebook បានថ្លែងទៅកាន់បណ្ដាវិនិយោគិនតាម Video Conference ថា “អ្វីដែលពួកយើងកំពុងឃើញ គឺជាការប្រឹងប្រែងដែលមានការសម្របសម្រួលក្នុងការប្រើប្រាស់ឯកសារបែកធ្លាយ ដើម្បីធ្វើការចោទប្រកាន់ដោយគ្មានការពិតមកលើក្រុមហ៊ុនរបស់យើង”។

ក្នុងរយៈពេល១២ខែគិតត្រឹមថ្ងៃទី៣០ ខែកញ្ញា ក្រុមហ៊ុនបណ្ដាញទំនាក់ទំនងសង្គម Facebook និយាយថា ចំនួនអ្នកប្រើប្រាស់ប្រចាំខែរបស់ខ្លួនបានកើនឡើង៦%ដល់២,៩១ពាន់លាននាក់៕ BBC៕

ដោយៈ វឌ្ឍនៈ

ភ្នំពេញៈ ក្រុមហ៊ុនហនុមានប៊ែវើរីជីស ឯ.ក ដែលបានចំណាយថវិកាប្រមាណ១៦០លានដុល្លារអាមេរិក សាងសង់រោងចក្រនៅស្រុកអង្គស្នួល ខេត្តកណ្ដាលបានប្រកាសពីការចាប់ផ្ដើមសម្រុកទីផ្សារនៅក្នុងប្រទេសកម្ពុជា ដោយរកដៃគូសម្រាប់ចែកចាយទូទាំងប្រទេសកម្ពុជា។

យោងតាមសេចក្តីប្រកាសព័ត៌មាន របស់ក្រុមហ៊ុនហនុមានផលិតស្រាបៀរហនុ​មានបានឱ្យដឹងថា បន្ទាប់ពីបញ្ចប់ទស្សនកិច្ចខ្សែសង្វាក់ ផលិតកម្មស្រាបៀរហនុមានរួចមក បណ្តាដៃគូអាជីវកម្មទាំងអស់ បានកោតសរសើរចំពោះទំនើបកម្ម និងភាពសម្រិតសម្រាំងយ៉ាងហ្មត់ចត់ដ៏ល្អឥតខ្ចោះ នៃការផលិតស្រាបៀរហនុមាន ដែលរាប់ចាប់តាំងពីការជ្រើសរើសគ្រឿងផ្សំ រហូតដល់ការវេចខ្ចប់ផលិតផលសម្រេច ដោយបានឆ្លងកាត់នូវដំណាក់កាលផលិត ក៏ដូចជាការពិសោធន៍ត្រឹមត្រូវ តាមបទដ្ឋានស្តង់ដារមុននឹងចែកចាយនៅលើទីផ្សារ។

សេចក្តីឱ្យដឹងទៀតថា ក្រុមហ៊ុនហនុមាន ប៊ែវើរីជីស ឯ.ក ត្រូវបានបង្កើតឡើងដោយកូនខ្មែរ ជាមួយទុនវិនិយោគប្រមាណ១៦០លានដុល្លារ  ដែលបំពាក់ដោយបច្ចេកវិទ្យាទំនើបចុងក្រោយបង្អស់ពីអឺរ៉ុប ស្របទៅតាមបទដ្ឋានស្តង់ដារលំដាប់ពិភពលោក ដោ​យមានសមត្ថភាពផលិតរហូត ដល់ប្រមាណ៣០លានកេសក្នុងមួយឆ្នាំ ពោលគឺនឹងផ្តល់ឱកាសការងារប្រមាណ១.៦០០កន្លែង ព្រមជាមួយការប្តេជ្ញាចិត្តដ៏មោះមុត ក្នុងការរួមចំណែកអភិវឌ្ឍសេដ្ឋកិច្ច នៃព្រះរាជាណាចក្រកម្ពុជា  ស្របជាមួយទិសដៅរបស់រាជរដ្ឋាភិបាលដែលបាន នឹងកំពុងជំរុញដល់ការបង្កើនវិស័យឧស្សាហកម្មផលិតក្នុងស្រុក។

លោក Chas GESCHKE  នាយកប្រតិបត្តិក្រុមហ៊ុនហនុមានប៊ែវើរីជីស បានមានប្រសាសន៍ថា បន្ទាប់ពីការសាងសង់អស់រយៈពេលជាងពីរឆ្នាំ យើងបានឆ្លងកាត់នូវឧប​សគ្គជាច្រើន ក្នុងស្ថានភាពការរីករាលដាលនៃជំងឺកូវីដ-១៩ ដែលបានជះឥទ្ធិពលដល់ល្បឿននៃការសាងសង់របស់យើង។ យ៉ាងណាមិញក្រុមហ៊ុនបានខិតខំស្វែងរក ដំណោះស្រាយ ក្នុងការជំរុញដំណាក់កាលនីមួយៗបន្តទៅមុខជានិច្ច។ ទីបំផុតយើងសម្រេច បាននូវគោលដៅដំបូងរបស់ក្រុមហ៊ុន។ យើងពិតជាមោទកភាព ក្នុងការទទួលបានជោគជ័យ នៃការផលិតនូវផលិតផលដំបូងរបស់យើង គឺស្រាបៀរហនុមាន-Hanuman Premium Lager ព្រមទាំងបានចែកចាយលើទីផ្សារកាលពីថ្មីៗនេះ។

លោកបន្តថា នេះទើបតែជាការចាប់ផ្តើមប៉ុណ្ណោះ យើងនឹងមានផលិតផលសក្តានុពលជាច្រើនទៀត នាពេលដ៏ខ្លីខាងមុខនេះ ដើម្បីបំពេញនូវតម្រូវការ របស់អតិថិជន ដែលតែងតែទន្ទឹងរង់ចាំនូវផលិតផលថ្មីប្លែក ហើយមានគុណភាពពិតប្រាកដ។

លោកជំទាវ ខៀវ សស៊ីលៀប ស្ថាបនិក និងនាយិកាក្រុមប្រឹក្សាភិបាលក្រុមហ៊ុន ហនុមាន ប៊ែវើរីជីស ក៏បានមានប្រសាសន៍ដែរថា ផលិតផលដំបូងរបស់យើង ទទួលបានការគាំទ្រពេញចិត្ត និងកោតសរសើរមិនដាច់ពីមាត់ ពីសំណាក់បងប្អូនប្រជាជនកម្ពុជា និងភ្ញៀវអន្តរជាតិ អំពីរសជាតិដ៏ឆ្ងាញ់ គុណភាពល្អ និងមានរូបរាងគួរឲ្យទាក់ទាញ ដែលនេះជាសមិទ្ធផលផ្លែផ្កាដ៏វិសេសវិសាលដំបូងសម្រាប់ក្រុមហ៊ុន។

លោកជំទាវបន្តថា “ក្រុមហ៊ុនមានចក្ខុវិស័យវែងឆ្ងាយ ប្រកបដោយវិសាលភាព។ យើងផ្តោតសំខាន់លើ ឧត្តមភាព នៃគុណតម្លៃ ក្នុងការផ្តល់បរិយាកាសការងារល្អដល់បុគ្គលិក ស្ថិរភាពលើគុណភាពផលិតផល ក៏ដូចជាការគាំទ្រលើយុទ្ធសាស្រ្តល្អៗ ដើម្បីនិរន្តរភាពដល់ការពង្រីកអាជីវកម្មជាចម្បង ជាពិសេសគឺជំរុញបន្ថែមលើការកសាងគុណភាពម៉ាកសញ្ញាកូនខ្មែរទៅកាន់សកលលោក”៕

ដោយៈ សុផារី

ប្រទេសថៃៈ អាជ្ញាធរផលិតអគ្គិសនីនៃប្រទេសថៃ (EGAT) សាងសង់គម្រោងផ្ទាំងសូឡាបណ្ដែតទឹកដំបូងបង្អស់ ដែលរួមបញ្ចូលគ្នារវាងថាមពលទឹក និងថាមពលពន្លឺព្រះអាទិត្យ ដោយបំប្លែងទៅជាថាមណលអគ្គិសនី។

នេះជាគម្រោងផ្ទាំងសូឡាបណ្ដែតទឹក ដែលអាជ្ញាធរផលិតអគ្គិសនីនៃប្រទេសថៃអះអាងថា ”ធំជាងគេបំផុតនៅលើពិភពលោក” មានទីតាំងក្នុងខេត្ត Ubon Ratchathani និងអាចផលិតថាមពលសរុប៤៥MW។

ការផលិតថាមពលនៅលើផ្ទៃដីទឹកនេះ ត្រូវការផ្ទៃដីទំហ៤៥០រៃ (ប្រហែល៧២ហិកតា) ស្មើនឹងកសិដ្ឋានថាមពលពន្លឺព្រះអាទិត្យនៅលើដី។ គម្រោងនេះត្រូវបានបញ្ចូលក្នុងផែនការអភិវឌ្ឍន៍ថាមពល សម្រាប់ឆ្នាំ២០១៨ -២០៣៨ (PDP២០១៨) និងត្រូវបានចាត់ទុកថាជា គម្រោងផ្ទាំងសូឡាបណ្ដែតទឹក ដ៏ធំបំផុតនៅលើពិភពលោក។ នៅក្រោមផែនការអភិវឌ្ឍន៍ថាមពលជាតិឆ្នាំ២០១៨ អាជ្ញាធរផលិតអគ្គិសនីនៃប្រទេសថៃ នឹងសាងសង់កសិដ្ឋានថាមពលពន្លឺព្រះអាទិត្យ បណ្តែតបន្ថែមទៀតនៅលើទំនប់ទាំង៩ ទូទាំងប្រទេស ក្នុងរយៈពេល២០ឆ្នាំខាងមុខ ដែលមានសមត្ថភាពផ្តល់ថាមពលសរុប ២,៧២៥ MW ។

សម្រាប់ការផលិតអគ្គិសនី គម្រោងនេះរួមបញ្ចូលគ្នានូវថាមពលពន្លឺព្រះអាទិត្យក្នុងពេលថ្ងៃ ជាមួយនឹងថាមពលវារីអគ្គិសនី នៅពេលដែលមានកម្រិតពន្លឺ ឬក្នុងពេលយប់។ ប្រព័ន្ធកូនកាត់នេះអាចពន្យារការផលិតថាមពល និងកាត់បន្ថយការប្រែប្រួលនៃថាមពលកកើតឡើងវិញ ដែលជាធម្មតាអាស្រ័យលើលក្ខខណ្ឌអាកាសធាតុ។ ការដំឡើងបន្ទះស្រូបពន្លឺព្រះអាទិត្យនៅក្នុងអាងស្តុកទឹក មិនមានផលប៉ះពាល់ដល់តំបន់កសិកម្ម និងកាត់បន្ថយការបំភាយឧស្ម័នផ្ទះកញ្ចក់ ប្រមាណ៤៧,០០០តោនក្នុងមួយឆ្នាំ ស្មើនឹងការដាំដើមឈើឡើងវិញចំនួន៣៧,៦០០រ៉ៃ។

លោកប្រាយុទ្ធ ចាន់អូចា នាយករដ្ឋមន្ត្រីថៃ ក្នុងដំណើរទស្សនកិច្ចរបស់លោកកាលពីពាក់កណ្តាលខែតុលា បានសម្តែងការអបអរសាទរ ចំពោះគម្រោងផ្ទាំងសូឡាបណ្ដែតទឹកដ៏ធំបំផុតរបស់ពិភពលោកមួយនេះ។ លោកមានប្រសាសន៍ថា ប្រព័ន្ធថាមពលស្អាតរួមបញ្ចូលគ្នាផលិតថាមពល ពីថាមពល “ពន្លឺព្រះអាទិត្យ” និង “វារីអគ្គិសនី” អាចជួយកាត់បន្ថយការឡើងកម្តៅផែនដី និងធានាបាននូវការចំណាយទាបផងដែរ។

ក្រៅពីនេះ លោកក៏បានសម្តែងភាពរីករាយ ដល់ប្រជាជននៅក្នុងមូលដ្ឋាន ដោយអាជ្ញាធរផលិតអគ្គិសនី នៃប្រទេសថៃបាននិងកំពុងសាងសង់ផ្លូវដើរធម្មជាតិ ប្រវែង៤១៥ម៉ែត្រនៅគ្រប់អាងស្តុកទឹករបស់ខ្លួន ដើម្បីអភិវឌ្ឍបន្ថែមទៀតទៅជាតំបន់ទេសចរណ៍ថ្មីៗ ដែលនេះ នឹងលើកកំពស់ទេសចរណ៍ចម្រុះពណ៌សម្រាប់ប្រទេសថៃ៕

ដោយៈ សុផារី

ភ្នំពេញៈ គិតត្រឹមថ្ងៃទី២៦ ខែតុលា ឆ្នាំ២០២១ រថយន្តអត់ពន្ធជ្រកក្រោមផ្លាកលេខផ្សេងៗទាំងចង្កួតឆ្វេង និងស្តាំចំនួន៥៤២គ្រឿងហើយ បានចូលមកបង់ពន្ធ និងប្រាក់កក់ ដោយទទួលចំណូលពន្ធជាង ៧លានដុល្លារអាមេរិក។ នេះបើតាមការបញ្ជាក់ឲ្យដឹងថាពីលោក គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយកនៃអគ្គនាយកដ្ឋានគយ និងរដ្ឋាករកម្ពុជា។

ថ្លែងក្នុងសន្និសីទសារព័ត៌មាន ស្តីពីវឌ្ឍនភាពនៃការអនុវត្តការប្រមូលពន្ធនាំចូល លើយន្តយន្តគ្មានពន្ធដែលមានស្រាប់ នៅព្រឹកថ្ងៃទី២៧ ខែតុលា ឆ្នាំ២០២១នេះ តាមរយៈប្រព័ន្ធវីដេអូ លោកគុណ ញឹមបានឲ្យដឹងថា គិតតាំងពីថ្ងៃទី៩ ខែកញ្ញា ឆ្នាំ២០២១ ពេលដែលអគ្គនាយដ្ឋានគយ ជូនដំណឹងឲ្យរថយន្តគ្មានពន្ធ ចូលមកបង់ពន្ធ រហូតមកដល់ថ្ងៃទី២៦ ខែតុលា ឆ្នាំ២០២១ ដែលមានរយៈពេល៤០ថ្ងៃ គឺមានម្ចាស់រថយន្តចង្កួតឆ្វេងចំនួន៣៥២គ្រឿង បានចូលមកបង់ពន្ធ បានចំណូលពន្ធ៥.៨ដុល្លារអាមេរិក។ ចំណែ​ករថយន្តចង្កួតស្តាំ ដែលមានមកបង់ប្រាក់កក់ (កែចង្កូតស្តាំទៅឆ្វេង ទើបអនុញ្ញាតឲ្យបង់ពន្ធ) ចំនួន១៩០គ្រឿង មានទឹកប្រាក់ចំនួន១.៥លានដុល្លារអាមេរិក”។

តាមការប៉ាន់ស្មានរបស់អគ្គនាយកដ្ឋានគយ និងរដ្ឋាករកម្ពុជា នៅកម្ពុជាមានរថយន្តចង្កូតឆ្វេង និងចង្កូតស្តាំ ដែលជ្រកក្រោមផ្លាកលេខផ្សេងៗ ដូចជាផ្លាកលេខ ខ.ម ផ្លាកលេខរដ្ឋ ផ្លាកលេខ ន.ប និងប្រភេទផ្លាកលេខស៊ីវិល ទាំងរថយន្តទេសចរណ៍ រថយន្តដឹកទំនិញ រថយន្តដឹកដីអត់ពន្ធ មានប្រមាណជិតមួយម៉ឺនគ្រឿង។

ជាមួយគ្នានេះលោកគុណ ញឹម បានអំពាវនាវជាថ្មី ឱ្យម្ចាស់រថយន្តចង្កូតឆ្វេង ដែ​លជ្រកក្រោមផ្លាកលេខផ្សេងៗគ្មានពន្ធ បំពេញកាតព្វកិច្ចពន្ធ ឱ្យបានយ៉ាងយូរថ្ងៃទី៣១ ខែធ្នូ ឆ្នាំ២០២១ ដើម្បីទទួលបានការអនុគ្រោះបន្ធូរបន្ថយពន្ធ និងអាករចំនួន១០%។ ចំណែករថយន្តចង្កូតស្តាំ ត្រូវមកប្រកាសបង់ពន្ធ និងកែចង្កូតពីស្តាំមកឆ្វេង ឱ្យបានរួចរាល់យ៉ាងយូរត្រឹមថ្ងៃទី៣០ ខែមិថុនា ឆ្នាំ២០២២៕

ដោយៈ សុផារី

អាស៊ានៈ ប្រមុខរដ្ឋាភិបាលអាស៊ានបានប្រកាសស្វាគមន៍ជប៉ុន ចំពោះការប្រកាសផ្តល់កម្ចី២៥០ពាន់លានដុល្លារ ព្រមទាំងការឆ្លើយតបនឹងគ្រោះមហន្តរាយនៃជំងឺកូវីដ១៩ និងបានស្វាគមន៍ ចំពោះការផ្តល់ជំនួយសរុបជាទឹកប្រាក់ប្រមាណ២០០លានដុល្លារ ជាគ្រឿងបរិក្ខារពេទ្យ ឧបករណ៍ និងបច្ចេកទេសផ្សេងៗសម្រាប់អាស៊ាន។

ការលើកឡើងនេះនៅព្រឹកថ្ងៃពុធ ទី២៧ ខែតុលា ឆ្នាំ២០២១ ក្នុងកិច្ចប្រជុំកំពូលអាស៊ាន-ជប៉ុន លើកទី២៤ ដែលមានការអញ្ជើញចូលរួមពីលោក ហ្វូមីអូ គីស៊ីដា (Fumio Kishida) នាយករដ្ឋមន្ត្រីជប៉ុន ព្រមទាំងមេដឹកនាំអាស៊ានដទៃទៀត លើកលែងប្រទេសមីយ៉ាន់ម៉ា ជាកិច្ចប្រជុំស្ថិតនៅក្នុងរបៀបវារៈនៃកិច្ចប្រជុំកំពូលអាស៊ាន នៅឆ្នាំ២០២១នេះ ចាប់ពីថ្ងៃទី២១ ដល់ថ្ងៃទី២៨ ខែតុលា។

ក្នុងកិច្ចប្រជុំនេះ ប្រមុខរដ្ឋាភិបាល បានស្នើជប៉ុនជួយកសាងសហគមន៍អាស៊ាន ជាពិសេសផែនការមេ នៃការតភ្ជាប់របស់អាស៊ានឆ្នាំ២០២៥ និងជួយដល់ការធ្វើសមាហរណកម្មអាស៊ាន។ ប្រមុខរដ្ឋាភិបាលអាស៊ាន ក៏បានស្នើជប៉ុនជួយកាត់បន្ថយគម្លាតការអភិវឌ្ឍប្រទេសសមាជិកអាស៊ាន និងជួយដល់ប្រទេសតំបន់មេគង្គ។

ប្រមុខរដ្ឋាភិបាលអាស៊ាន បានបង្ហាញនូវការពេញចិត្ត ចំពោះកិច្ចសហប្រតិបត្តិការអាស៊ាន-ជប៉ុន និងស្នើបន្តជំរុញភាពជាដៃគូយុទ្ធសាស្ត្រឱ្យកាន់តែប្រសើរ។ ជាពិសេសពង្រីកពង្រឹងកិច្ចសហប្រតិបត្តិការលើគ្រប់វិស័យ រួមទាំងវិស័យឌីជីថល វិស័យសេដ្ឋកិច្ច វិស័យសង្គម វប្បធម៌ សន្តិសុខ និងវិស័យផ្សេងៗទៀត។

ក្នុងកិច្ចប្រជុំនេះ លោកនាយករដ្ឋមន្ត្រីជប៉ុនបានប្រកាសថា ជប៉ុននឹងបន្តគាំទ្រដល់តួនាទីស្នូលរបស់អាស៊ាននៅក្នុងតំបន់ ហើយជប៉ុន នឹងបន្តគាំទ្ររាល់គម្រោងទាំងឡាយរបស់អាស៊ាន។ ជាចុងក្រោយប្រមុខរដ្ឋាភិបាលជប៉ុន និងអាស៊ាន បានពិភាក្សាទៅលើបញ្ហាតំបន់ដូចជាសមុទ្រចិនខាងត្បូង មីយាន់ម៉ា និងឧបទ្វីបកូរ៉េជាដើម។

ជប៉ុនជាដៃគូសន្ទនាដ៏ចំណាស់មួយរបស់អាស៊ាន ដែលមកដល់ឆ្នាំនេះ មានរយៈពេល៤៨ឆ្នាំហើយ។ ប្រមុខរដ្ឋាភិបាលអាស៊ាន បានអរគុណរដ្ឋាភិបាលនិងប្រជាជនជប៉ុន ដែលបានផ្តល់ជំនួយសន្ធឹកសន្ធាប់ សម្រាប់ការអភិវឌ្ឍប្រទេសតំបន់អាស៊ាន ជាពិសេសការផ្តល់ជំនួយវ៉ាក់សាំងបង្ការជំងឺកូវីដ១៩ ទៅអាស៊ាន និងទៅប្រទេសសមាជិកអាស៊ាននិង ដែលបានប្រកាសផ្តល់វិភាគទាននូវថវិកា៥០លានដុល្លារ ដល់មជ្ឈមណ្ឌលអាស៊ានសម្រាប់គ្រោះអាសន្នសុខភាពសាធារណៈ និងជំងឺកើតថ្មី៕

ដោយៈសុខុម

អន្តរជាតិ: កំពូលមហាសេដ្ឋី Jack Ma ដែលជាស្ថាបនិកក្រុមហ៊ុនបច្ចេកវិទ្យាយក្ស Alibaba តែងតែបង្ហាញមុខជាប្រចាំតាមប្រព័ន្ធផ្សព្វផ្សាយអន្តរជាតិ ជាពិសេសលោកចូលចិត្តផ្ដល់បាឋកថា ចែករំលែកបទពិសោធន៍ផ្ទាល់ខ្លួនរបស់លោក ក៏ដូចជាផ្ញើសារជំរុញលើកទឹកចិត្តឱ្យយុវជនជំនាន់ក្រោយកុំបោះបង់ក្ដីសង្ឃឹមជាដើមបានបង្ហាញមុខជាថ្មី នៅប្រទេសហូឡង់ក្រោយបាត់មុខរយៈពេលជិត១ឆ្នាំ។

ប៉ុន្តែនៅខែវិច្ឆិកា ឆ្នាំ២០២០ កំពូលមហាសេដ្ឋីចិន ដែលចូលចិត្តនិយាយអ្វីចំៗមិនសំចៃមាត់រូបនេះ ស្រាប់តែបាត់ខ្លួនភ្លាមៗយ៉ាងអាថ៍កំបាំង ជាហេតុធ្វើឱ្យពិភពលោកមានការភ្ញាក់ផ្អើល និងងឿងឆ្ងល់យ៉ាងខ្លាំង។

ទោះជាយ៉ាងណា កាសែតហុងកុង South China Morning Post បានចុះផ្សាយដោយដកស្រង់ប្រភពច្បាស់ការនៅថ្ងៃពុធ ទី២៧ តុលា នេះថា ពេលនេះលោក Jack Ma កំពុងជាប់រវល់ផ្ដល់បាឋកថា នៅតាមវិទ្យាស្ថានស្រាវជ្រាវនានាក្នុងប្រទេសហូឡង់ ដើម្បីបន្តអ្វីដែលលោកចាប់អារម្មណ៍លើបច្ចេកវិទ្យាកសិកម្ម។

កំពូលមហាសេដ្ឋី Jack Ma បានបាត់ខ្លួនមិនយូរប៉ុន្មាន ក្រោយពីលោកបានរិះគន់ចំៗចំពោះប្រព័ន្ធហិរញ្ញវត្ថុរបស់ប្រទេសចិន កាលពីខែតុលា ឆ្នាំ២០២០។

ការបាត់ខ្លួនរបស់លោកត្រូវបានមជ្ឈដ្ឋានទូទៅ ក៏ដូចជាប្រព័ន្ធផ្សព្វផ្សាយអន្តរជាតិធ្វើការប៉ាន់ស្មានខុសៗគ្នា អំពីជោគវាសនារបស់លោក ដោយខ្លះលើកឡើងថា លោកប្រហែលជាកំពុងជាប់ពន្ធនាគារ ចំណែកឯខ្លះថាលោកអាចលាចាកលោកនេះបាត់ហើយក៏មិនដឹង។

ក្រោយពីលោកបាត់ខ្លួន ក្រុមហ៊ុន Alibaba ក៏ត្រូវរដ្ឋាភិបាលក្រុងប៉េកាំង ចាត់វិធានការធ្វើនិយ័តកម្មយ៉ាងតឹងរ៉ឹងដើម្បីពិនិត្យផ្ទៀតផ្ទាត់មើល ក្រែងលោកក្រុមហ៊ុនរបស់លោកអនុវត្តពាណិជ្ជកម្មខុសប្រក្រតី ដែលផ្ទុយនឹងច្បាប់រដ្ឋជាដើម។ បន្ថែមពីលើនេះ រដ្ឋាភិបាលក្រុងប៉េកាំង ក៏បានផ្អាកការចុះបញ្ជីរបស់ក្រុមហ៊ុនបច្ចេកវិទ្យាហិរញ្ញវត្ថុ Ant Group ដែលជាបុត្រសម្ព័ន្ធរបស់ក្រុមហ៊ុន Alibaba ផងដែរ។

យោងតាមសារព័ត៌មាន Bloomberg ចុះផ្សាយកាលពីថ្ងៃទី២៥ តុលា ឆ្នាំនេះឱ្យដឹងថា ក្រុមហ៊ុន Alibaba បានខាតបង់ធ្ងន់ធ្ងររហូត ដល់ទៅ៣៤៤ពាន់លានដុល្លារអាមេរិក ដែលជាការខាតបង់ធំបំផុត សម្រាប់ក្រុមហ៊ុននានាទូទាំងពិភពលោក៕  Reuters៕

ដោយៈ ម៉ាលីស

ភ្នំពេញៈ យោងតាមការផ្សព្វផ្សាយរបស់ក្រសួងពត៍មាន រដ្ឋសភា បានទទួលយកសេចក្តីព្រាងច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០២២ ធ្វើការសិក្សា បន្ទាប់ពីរាជរដ្ឋាភិបាល បានបញ្ជូនដើម្បីស្នើសុំការអនុម័តឱ្យបានមុនដំណាច់ឆ្នាំ២០២១នេះ។

កិច្ចប្រជុំគណៈកម្មាធិការអចិន្រ្តៃយ៍នៃរដ្ឋសភា ដឹកនាំដោយសម្តេចពញាចក្រី ហេង សំរិន ប្រធានរដ្ឋសភា តាមប្រព័ន្ធអនឡាញ នាព្រឹកថ្ងៃ ទី២៧ ខែតុលានេះ បានសម្រេចប្រគល់សេចក្តីព្រាងច្បាប់នេះ ឱ្យទៅគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា ពិនិត្យលើភាពចាំបាច់របស់រាជរដ្ឋាភិបាល ក្នុងការបង្កើតក្រ​ប    ខ័ណ្ឌម៉ាក្រូសេដ្ឋកិច្ច និងការដំណើរការស្ថាប័នជាតិ ដើម្បីធានាបានកំណើន សេដ្ឋកិច្ច សង្គម សន្តិសុខ សុខុមាលភាព និងជីវភាពរបស់ប្រជាពលរដ្ឋ ក្នុងបរិការណ៍ដែលកម្ពុជាកំពុងស្ថិតនៅក្នុងវិបត្តិជំងឺកូវីដ១៩ នៅឡើយ។

ការទទួលយកសេចក្តីព្រាងច្បាប់នេះ ស្ថិតក្នុងចំណោមសេចក្តីព្រាងច្បាប់ចំនួន២ទៀត ដែលរាជរដ្ឋាភិបាល ស្នើទៅកាន់រដ្ឋសភា គឺសេចក្តីព្រាងច្បាប់ស្តីពីការអនុម័តយល់ព្រមលើពិធីសារអាស៊ានស្តីពី ការពង្រឹងយន្តការដោះស្រាយវិវាទ និងសេចក្តីព្រាងច្បាប់ ស្តីពីការទូទាត់ថវិកាទូទៅរបស់រដ្ឋ សម្រាប់ការគ្រប់គ្រងឆ្នាំ២០២០។

រាជរដ្ឋាភិបាលកម្ពុជា គ្រោងថវិការដ្ឋសរុបជាង៣៤ទ្រីលានរៀល ឬត្រូវជាប្រមាណ ៨.៦០០លានដុល្លារអាមេរិក សម្រាប់បន្ទុកចំណាយនៅឆ្នាំ២០២២ខាងមុខ ដែលផ្តោតទៅលើបៀវត្សរបស់មន្ត្រីរាជការស៊ីវិល និងកងកម្លាំងប្រដាប់អាវុធ ព្រមទាំងឆ្លើយតបទៅនឹងបញ្ហាប្រឈមនឹងសង្គម សេដ្ឋកិច្ច និងការពារអាយុជីវិតប្រជាជនពីការរាតត្បាតនៃជំងឺកូវីដ១៩។

យោងតាមសេចក្តីថ្លែងហេតុរបស់រាជរដ្ឋាភិបាលកម្ពុជា ផ្ញើទៅកាន់រដ្ឋសភា បានបញ្ជាក់ថា គម្រោងចំណាយថវិកាសម្រាប់ឆ្នាំ២០២២ មានកំណើន៨,៤ភាគរយ បើធៀបនឹងឆ្នាំ២០២១នេះ ក្នុងគោលបំណងស្តារ និងជំរុញសេដ្ឋកិច្ចឱ្យបន្តស្ថិតនៅលើគន្លងនៃកំណើនខ្ពស់ និងរស់រវើកឡើងវិញ និងស្តារជីវភាពរបស់ប្រជាជន។ ជាមួយគ្នានេះ ក៏មានគោលដៅជម្នះ និងទប់ទល់ផលប៉ះពាល់អវិជ្ជមាននានា បណ្តាលមកពីការរីករាលដាលនៃជំងឺកូវីដ-១៩ និងបញ្ហាប្រឈមផ្សេងៗទៀត ទាំងក្នុង និងក្រៅប្រទេស ក្នុងស្មារតីធានាឱ្យកម្ពុជា អាចឈររឹងមាំ និងធ្វើជាម្ចាស់លើជោគវាសនារបស់ខ្លួន ទាំងនៅក្នុងពេលបច្ចុប្បន្ន និងតទៅអនាគត។ សេចក្តីព្រាងច្បាប់ថវិកាសម្រាប់ឆ្នាំ២០២២ ត្រូវបានស្នើគម្រោងចំណាយសម្រាប់វិស័យរដ្ឋបាលទូទៅ ចំនួន១,៦៨ភាគរយ, វិស័យការពារជាតិ សន្តិសុខ និងសណ្តាប់ធ្នាប់សាធារណៈ ចំនួន៣,៨៦ភាគ, វិស័យសង្គមកិច្ចចំនួន៦,៨១ភាគរយ, និងវិស័យសេដ្ឋកិច្ច ចំនួន៥,២៦ភាគរយ។

សេចក្តីព្រាងច្បាប់នេះ ត្រូវបានធានាការបើកផ្តល់បៀវត្សរបស់មន្ត្រីរាជការឱ្យទាន់ពេលវេលា គឺ២ដង ក្នុង១ខែ ដោយមិនមានការកាត់ ប្រាក់បៀវត្សរបស់មន្ត្រីរាជការគ្រប់ប្រភេទ ដោយក្នុងនោះ កម្រិតប្រាក់បៀវត្សអប្បបរមាឆ្នាំ២០២២ សម្រាប់មន្ត្រីរាជការស៊ីវិល ត្រូវបាន រក្សាជាង១លាន១៧ម៉ឺនរៀល ខណៈបៀវត្សគ្រូបង្រៀននិងគ្រូពេទ្យ រក្សាស្មើនឹងប្រមាណ១លាន២៧ម៉ឺនរៀល ហើយបៀវត្សនគរបាល ត្រូវបានរក្សាទាបបំផុតចាប់ពី១លាន១២ម៉ឺនរៀលឡើងទៅ៕