ដោយៈសុខុម

តូក្យូ: ក្រុមហ៊ុនជប៉ុន ទើបបង្កើតថ្មីមួយដែលមានកីឡាករបាល់ទាត់ជប៉ុន Keisuke Honda នៅពីក្រោយ បានផលិតម៉ូតូហោះ (hoverbike) ដ៏អស្ចារ្យដែលមានតម្លៃរហូតដល់ទៅ៧៧,៧លានយ៉េន (៦៨០,០០០ដុល្លារអាមេរិក)ក្នុង១គ្រឿង ដើម្បីទាក់ទាញអ្នកប្រើប្រាស់កំពូលរថយន្តឱ្យងាកមកប្រើម៉ូតូនេះ។

យោងតាមការចុះផ្សាយរបស់សារព័ត៌មាន CNA ឱ្យដឹងថា ម៉ូតូហោះនេះត្រូវបានក្រុមហ៊ុនប្រកាសដាក់លក់ លើទីផ្សារកាលពីថ្ងៃអង្គារ ទី២៦ តុលា។

ម៉ូតូហោះមានឈ្មោះថា XTurismo Limited Edition ដែលផលិតឡើងដោយក្រុមហ៊ុនមានមូលដ្ឋាននៅទីក្រុងតូក្យូ A.L.I. Technologies នេះបំពាក់ដោយម៉ាស៊ីនធម្មតាមួយគ្រឿង និងម៉ូទ័រ៤ដែលដើរដោយថាមពលអាគុយ ហើយអាចហោះបានរយៈពេល៤០នាទីក្នុងល្បឿន រហូតដល់ទៅ១០០គីឡូម៉ែត្រក្នុងមួយម៉ោង។ ម៉ូតូហោះដែលមានពណ៌ខ្មៅលាយក្រហមនេះ មានតួម៉ូតូធម្មតាមួយដែលបន្តុបពីស្លាបចក្រ។

លោក Daisuke Katano នាយកប្រតិបត្តិក្រុមហ៊ុននេះ បានប្រាប់ទីភ្នាក់ងារព័ត៌​មាន Reuters ថា “ពេលនេះយើងមានជម្រើស អាចធ្វើដំណើរលើដីក៏បាន ឬលើអាកាសក៏បាន។ យើងសង្ឃឹមថានឹងផ្តល់មធ្យោបាយធ្វើដំណើរថ្មី”។

ក្រុមហ៊ុនទើបបង្កើតថ្មី ដែលមានក្រុមហ៊ុនឧស្សាហកម្មធុនធ្ងន់ ដូចជា Mitsubishi Electric និង Kyocera ជួយជ្រោមជ្រែងនៅពីក្រោយនេះ បានធ្វើការបង្ហាញពីសមត្ថភាពរបស់ម៉ូតូហោះនេះ ហើយបានបង្ហោះវាមួយសន្ទុះ ក្នុងកម្ពស់ប៉ុន្មានម៉ែត្រពីដីនៅទីលានរត់ប្រណាំងជិតភ្នំ Mount Fuji។

លោក Daisuke Katano បានលើកឡើងថា ក្នុងពេលដ៏ខ្លីខាងមុខម៉ូតូហោះនេះនឹងមិនត្រូវបានអនុញ្ញាតឱ្យហោះពីលើផ្លូវថ្នល់នានា ដែលមានចរាចរណ៍មមាញឹកនោះឡើយ ដោយសារច្បាប់សន្តិសុខដ៏តឹងរ៉ឹងក្នុងប្រទេសជប៉ុន។

ទោះជាយ៉ាងណា ក្រុមជួយសង្គ្រោះអាចប្រើប្រាស់វាបាន សម្រាប់ហោះទៅកាន់កន្លែងណាដែលពិបាកចូលទៅដល់៕ Reuters៕

ដោយៈសិរី ជេស៊ីកា

ភ្នំពេញៈ រាជរដ្ឋាភិបាលកម្ពុជាបានដាក់ចេញផែនការអាទិភាព ដោយស្នើសុំកញ្ចប់ឥណទានពីដៃគូអភិវឌ្ឍន៍ចំនួន១៦០០លាន SDR សម្រាប់ជម្រុញកំនើនសេដ្ឋកិច្ចរបស់ខ្លួនសម្រាប់ឆ្នាំ២០២២ខាងមុខ។

យោងតាមឯកសាររបស់ក្រសួងសេដ្ឋកិច្ច និងហិរញ្ញវត្ថុ ដែលបានបង្ហាញកាលពីពេលថ្មីៗនេះបានឲ្យដឹងថា កញ្ចប់​ថវិកា​ទាំងនេះ រដ្ឋាភិបាលបាន​កំណត់​យកទៅ​ប្រើប្រាស់ ​ក្នុង​វិស័យ​អាទិភាព​មាន​ដូចជា

១/វិស័យថាមពលចំនួន៩គម្រោង
គំរោងទាំងនោះរួមមាន -គម្រោងពង្រីកសមត្ថភាពផ្គត់ផ្គង់អគ្គិសនី ជំហានទី១ -គម្រោងពង្រីកសមត្ថភាពផ្គត់ផ្គង់អគ្គិសនីជំហានទី២ -គម្រោងពង្រីកខ្សែបញ្ជូនអគ្គិសនី ជនបទជំហានទី៨ -គម្រោងពង្រីកប្រព័ន្ធខ្សែបញ្ជូន និងចែកចាយនៅរាជធានីភ្នំពេញជំហានទី២-គម្រោងពង្រឹងសមត្ថភាពប្រព័ន្ធបណ្តាញបញ្ជូនអគ្គិសនី -គម្រោងសាងសង់ខ្សែបញ្ជូន ១១៥គីឡូវ៉ុលបារាយណ៍-ស្ទឹងត្រង់ -គម្រោងប្រសិទ្ធភាពថាមពលសម្រាប់ការផ្គត់ផ្គង់ អគ្គិសនីជនបទជំហានទី២ និងកម្មវិធីអភិវឌ្ឍន៍ប្រសិទ្ធភាពវិស័យថាមពល។

២/វិស័យធារាសាស្ត្រចំនួន៦គម្រោង
-គម្រោងអភិវឌ្ឍន៍អាងទឹកដងកាំបិតខេត្តកំពង់ធំ -គម្រោងអភិវឌ្ឍន៍ទំនប់ដូនទ្រីនៅខេត្តបាត់ដំបង (ហិរញ្ញប្បទានបន្ថែម) -គម្រោងស្តារឡើងវិញស្ទឹងស្វាយចេក
-កម្មវិធីគ្រប់គ្រងធនធានទឹក និងការផ្លាស់ប្តូរវិស័យកសិកម្មជំហានទី២ -គម្រោងជួសជុល និងស្តារផលប៉ះពាល់ទឹកជំនន់ឆ្នាំ២០២០ និងគម្រោងលើកកម្ពស់សមត្ថភាពបន្សំ នៅជនបទ។

៣/វិស័យហេដ្ឋារចនាសម្ព័ន្ធរូបវន្តចំនួន ៦គម្រោង
-គម្រោងសាងសង់ស្ពានទន្លេមេគង្គ និងផ្លូវតភ្ជាប់ខេត្តក្រចេះ -គម្រោងពង្រីកកំណាត់ផ្លូវជាតិលេខ៧ (ស្គន់-កំពង់ចាម) -គម្រោងរៀបចំ ច្រកទ្វារអន្តរជាតិស្ទឹងបត់ និងផ្លូវតភ្ជាប់ផ្លូវជាតិលេខ៥ ជំហានទី២ -គម្រោងធ្វើឱ្យប្រសើរឡើងកំណាត់ផ្លូវជាតិលេខ៥ ពីធ្លាម្អមខេត្តពោធិ៍សាត់ ទៅក្រុងបាត់ដំបង និងក្រុងសិរីសោភ័ណ (កញ្ចប់ឥណទានដំណា​ក់កាលទី៣)។ -គម្រោងកែលម្អបណ្តាញតភ្ជាប់ជនបទដោយចីរភាព -គម្រោងសាងសង់ស្ពានមិត្តភាពកម្ពុជា-កូរ៉េ។

៤/វិស័យសុខាភិបាលចំនួន៣គម្រោង
-គម្រោងធ្វើឱ្យប្រសើរឡើងមន្ទីរពេទ្យបង្អែកខេត្ត -គម្រោងពង្រឹងវិស័យសុខាភិបាលក្នុងតំបន់សេដ្ឋកិច្ចពិសេស ក្នុងមហាអនុតំបន់មេគង្គ -គម្រោងលើកកម្ពស់គុណភាព និងសមធម៌សុខាភិបាលជំហានទី២។

៥/វិស័យអប់រំ និងបណ្តុះបណ្តាលវិជ្ជាជីវៈចំនួន២
-គម្រោងបណ្តុះបណ្តាលជំនាញ សម្រាប់តម្រូវការសេដ្ឋកិច្ចពេលអនាគត -គម្រោងវិទ្យាសាស្រ្ត និងបច្ចេកវិទ្យានៅមធ្យមសិក្សាទុតិយភូមិ។

៦/វិស័យកសិកម្មចំនួន ៤គម្រោង
-កម្មវិធីអភិវឌ្ឍន៍កសិកម្មតំបន់ ពឹងលើទឹកភ្លៀងសម្រាប់ប្រទេសកម្ពុជា -គម្រោងនេសាទនៅតាមតំបន់ឆ្នេរប្រកបដោយនិរន្តភាព(២គម្រោង) -គម្រោងផលិតកម្មសត្វឆ្លងដែន និងការជំរុញខ្សែច្រវ៉ាក់ផលិតកម្មមហាអនុតំបន់មេគង្គ។

វិស័យអាទិភាពផ្សេងទៀត
-គម្រោងអភិវឌ្ឍន៍ប្រព័ន្ធចម្រុះទឹកកខ្វក់ក្រុងតាខ្មៅ (ឥណទានបន្ថែម) -កម្មវិធីពង្រឹងការគ្រប់គ្រងហិរញ្ញវត្ថុសាធារណៈ។ -គម្រោងគាំទ្រការសិក្សាសមិទ្ធិ លទ្ធកម្ម និងការអនុវត្តគម្រោងកម្មវិធីជំរុញពាណិជ្ជកម្ម និងការប្រកួតប្រជែងគម្រោង គ្រប់គ្រងធនធានធម្មជាតិ។ -គម្រោងសេដ្ឋកិច្ចឌីជីថល និងការវិនិយោគលើការប្រកួតប្រជែងនៅកម្ពុជា៕

សុខុម

សេអ៊ូល: ទំហំពាណិជ្ជកម្មរបស់ប្រទេសកូរ៉េខាងត្បូង នៅថ្ងៃអង្គារ ទី២៦ តុលា នេះបានឈានដល់១ទ្រីលានដុល្លារអាមេរិក គួរឱ្យភ្ញាក់ផ្អើលក្នុងឆ្នាំ២០២១ ហើយត្រៀមសាងកំណត់ត្រាឯតទគ្គកម្មសម្រាប់ឆ្នាំនេះ ក្រោយពីធ្លាក់ចុះដល់កម្រិតទាបបំផុតរយៈពេល៤ឆ្នាំក្នុងឆ្នាំ២០២០ ជាពេលដែលការរីករាលដាលវីរុសកូវីដ-១៩ ជះផលប៉ះពាល់ដល់ពាណិជ្ជកម្មទូទាំងពិភពលោក។

ទីភ្នាក់ងារគយកូរ៉េខាងត្បូង (Korea Customs Service) បានគូសបញ្ជាក់ថា ទំហំពាណិជ្ជកម្មរបស់ប្រទេសនេះដែលបានឈានដល់កម្រិតនេះគឺមានតែ៧ដងប៉ុណ្ណោះនៅក្នុងប្រវត្តិសាស្ត្រ។ នេះបើយោងតាមការចុះផ្សាយរបស់សារព័ត៌មាន CNA។

ទីភ្នាក់នេះបានសេចក្តីថ្លែងការណ៍ថា “ប្រសិនបើនិន្នាការនេះនៅតែបន្ត ទំហំពាណិជ្ជកម្មប្រចាំឆ្នាំសម្រាប់ឆ្នាំនេះនឹងឈានដល់កម្រិតសាងកំណត់ត្រាឯតទគ្គកម្ម ហើយនេះជាសញ្ញាបង្ហាញថា សេដ្ឋកិច្ចរបស់កូរ៉េខាងត្បូង បានងើបផុតពីផលប៉ះពាល់នៃវិបត្តិកូវីដ-១៩ ទាំងស្រុងហើយ”។

ទំហំពាណិជ្ជកម្មរបស់កូរ៉េខាងត្បូង បានឈានដល់កម្រិតដ៏គួរឱ្យអបអរសាទរនេះនៅម៉ោង ១:៥៣ នាទីរសៀល។ ទីភ្នាក់ងារដដែលបានបន្ថែមថា ទំហំពាណិជ្ជកម្មសរុបនេះបានពីការបូកបញ្ចូលគ្នានូវទំហំនាំចេញចំនួន៥១២,២ពាន់លានដុល្លារអាមេរិក និងទំហំនាំចូលចំនួន៤៨៧,៨ពាន់លានដុល្លារអាមេរិក។

ទំហំពាណិជ្ជកម្មរបស់កូរ៉េខាងត្បូង បានឈានដល់៩៨០,១ពាន់លានដុល្លារអាមេរិក ក្នុងឆ្នាំ២០២០ ដែលជាកម្រិតទាបបំផុតចាប់តាំងពីឆ្នាំ២០១៦ មក៕ Reuters៕

Tesla’s US$1 trillion value a double bonanza for Musk

Reporting by Noel Randewich; Additional reporting by Hyunjoo Jin; Editing by Richard Chang

The surge in Tesla Inc’s stock market value beyond US$1 trillion on Monday is a double bonanza for Chief Executive Elon Musk, the electric car maker’s largest shareholder.

The stock rallied 12.7per cent on news that Tesla landed its biggest-ever order from rental car company Hertz.

With Tesla’s stock at a record high close of US$1,024.86, Musk’s 23per cent stake in the newly minted trillion-dollar company is now worth about US$230 billion, according to Refinitiv.

That stake includes options worth over US$50 billion that have vested under Musk’s 2018 compensation package.

In addition, Musk is a major shareholder and CEO of rocket maker SpaceX, a private company worth US$100 billion as of an October secondary share sale, according to a CNBC report.

Musk receives no salary at Tesla: his pay package provides 12 options tranches that vest when Tesla’s market capitalization and financial growth hit a series of rising milestones. The options let Musk buy Tesla shares at US$70 each, a discount of more than 90per cent from their current price.

Last week, Tesla reported adjusted earnings before interest, taxes, depreciation and amortization (EBITDA) of US$3.2 billion, up 77per cent from the year before. That was enough to vest his seventh options tranche, worth over US$8 billion as of Monday.

Tesla’s six-month average stock market valuation is over US$650 billion, clearing the way for all 12 of the options tranches in Musk’s pay package, should the company reach increasingly higher targets related to revenue and adjusted EBITDA for the remaining five tranches.

Source: Reuters

ដោយៈគង់ សិរីជេស៊ីកា

ភ្នំពេញៈ ផលិតផលម្សៅទឹកដោះគោ ជាអាហារសំខាន់ណាស់សំរាប់ផ្តល់ការលូតលាស់ដល់សតិបញ្ញា ស្មារតីរបស់ទារកនិងកុមារ ហេតុនេះការជ្រើសរើសផលិតផលត្រឹមត្រូវមានសារៈសំខាន់ណាស់។

ផលិតផ្តោតលើគុណភាពនិងក្តីស្រលាញ់ចំពោះទារកនិងកុមារ Balactan ជាផលិតផលទឹកដោះគោ ដែលផលិតនៅសហគមន៍អឺរ៉ុនិងត្រូវបាននាំចូលមកដោយក្រុមហ៊ុន MTSL Investment Co., Ltd ជាផលិតផលទឹកដោះគោដែលគ្មានជាតិសណ្តែកដំបូងបង្អស់នៅកម្ពុជា។

តើផលិតផលម្សៅទឹកដោះគោ គ្មានជាតិសណ្តែកផ្តល់ផលប្រយោជន៍ បែបណាដល់កុមារ?

តាមការស្រាវជ្រាវរបស់ស្ថាប័នអន្តរជាតិមួយបានរកឃើញថា ទឹកដោះគោដែលគ្មានជាតិសណ្តែកអាចឲ្យកុមារមានជំងឺអង់ហ្សីម និងជំងឺស្លេកស្លាំងអាចទទួលទានបាន។ ការសិក្សាបានឲ្យដឹងថា នៅពេលទារកកើតមកភ្លាម គ្រូពេទ្យតែងតែជោះកែងជើង បើសិនជាទារកមានជំងឺអង់ហ្សីម គ្រូពេទ្យតែងតែប្រាប់មាតាបិតាគ្រប់រូបពីបុត្រធីតារបស់ពួកគេ ថាកូនរបស់ពួកគេមិនអាចញាំ ឬទទួលទានផលិតផលដែលមានជាតិសណ្តែកឡើយ។

លើសពីនេះ Balactan បានបន្ថែមសារធាតុ DHA សម្រាប់ផលិតផលថ្មីរបស់យើង ដែលសារធាតុនេះ ជួយដល់ការអភិវឌ្ឍលូតលាស់ខួរក្បាលក្មេងឲ្យចងចាំបានល្អ រៀនសូត្រចាប់បានលឿន រហ័ស និងចងចាំបានយូរ។ ពិសេសពួកគាត់អាចប្រើប្រាស់ខួរក្បាលបានល្អ។

លោកប៊ូ ខេមរិន្រ្ទ ប្រធានផ្នែកលក់និងទីផ្សាក្រុមហ៊ុនMTSL Investment Co., Ltd បានមានប្រសាសន៍ថា “អ្វីកាន់តែពិសេសពេលកុមារទទួលបានសារធាតុDHA បានច្រើនរហូតដល់អាយុ៦ឆ្នាំ ធ្វើឲ្យពួកគាត់រៀនសូត្របានចេះចាំលឿន ពិសេសពេលពួកគាត់ចាស់ទៅក៏មិនមានភាពរង្វេងផងដែរ”។ លោកបន្តថា “នៅកម្ពុជាមានផលិតផលទឹកដោះគោ ដែលមានសារធាតុ DHA ផងដែរ ប៉ុន្តែគេលក់តម្លៃថ្លៃ តែសារធាតុ DHA នៅមានកម្រិត បើធៀបនឹងផលិតផលរបស់យើង”។

ផលិតផលទឹកដោះគោ Balactan បាននិងកំពុងចរាចរណ៍លើទីផ្សារយ៉ាងទូលំទូលាយនៅកម្ពុជា និងកំពុងទទួលបានការគាំទ្រច្រើនពីសំណាក់មាតាបិតា អាណាព្យាបាលកុមារនៅទូទាំងប្រទេស។

អគ្គនាយិការងក្រុមហ៊ុន MTSL Investment Co., Ltd លោកជំទាវ ថេង សុខលី បានមានប្រសាសន៍ថា ដោយសារមាននិស្ស័យស្រលាញ់កុមារ ទើបលោកជំទាវបានសម្រេចជ្រើសរើសផលិតផលម្សៅទឹកដោះគោប្រកបដោយភាពសំរិតសំរាំងយកមកចែកចាយនៅកម្ពុជា ព្រោះចង់ឃើញទារកនិងកុមារនៅកម្ពុជាមានសុខភាពល្អ និងបញ្ញាឆ្លាតវៃ ដូចកុមារនៅតាមបណ្តាប្រទេសជឿនលឿនមួយចំនួន។

លោកជំទាវមានប្រសាសន៍ថា “ហេតុនេះមុនសម្រេចចិត្តជ្រើសរើសផលិតផលណាមួយ សំរាប់ទារកនិងបុត្រធីតារបស់លោកអ្នក សូមពិចារណាទៅលើសារធាតុផ្សំនិងជាផលិតផលលំដាប់ ISO ដូចជា Balactan”។ លោកជំទាវបន្តថា “ការសំរិតសំរាំងផលិតផលមានគុណភាព សុវត្ថិភាព ជាការជ្រើសរើសក្តីស្រលាញ់សំរាប់បុត្រ ធីតារបស់ខ្លួន ដែលនាងខ្ញុំផ្ទាល់ក៏បានជ្រើសរើសBalactan សំរាប់កូនរបស់ខ្ញុំផងដែរ”៕