រយៈពេលបីត្រីមាសរដ្ឋាភិបាលអនុម័តគំរោងវិនិយោគមានទឹកប្រាក់៣៣០០លានដុល្លារអាមេរិក

ដោយៈជេស៊ីកា

ភ្នំពេញៈ រដ្ឋាភិបាលដែលមានក្រុមប្រឹក្សាអភិវឌ្ឍន៍កម្ពុជា (CDC) ជាសេនាធិការបានសម្រេចអនុម័តទុនវិនិយោគ៣៣០០លានដុល្លារអាមេរិក។ នេះបើតាមទិន្នដែលបានបង្ហាញដោយ CDC។

របាយការណ៍របស់ស្ថាប័ន ដែលទទួលបន្ទុកលើការត្រួតពិនិត្យ និងអនុម័តទុនវិនិយោគមានទំហំទឹកប្រាក់ ចាប់ពី១លានដុល្លារអាមេរិកឡើងបានឲ្យដឹងថា ក្នុងរយៈពេល ៩ ខែ នៃឆ្នាំ២០២១ ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគម្រោងវិនិយោគទាំងក្នុងតំបន់សេដ្ឋកិច្ចពិសេស និងក្រៅតំបន់សេដ្ឋកិច្ចពិសេសសរុបចំនួន១៣៤គម្រោង ។

របាយការណ៍ដដែលបានបន្តថា ចំនួនគម្រោងវិនិយោគ បានថយចុះ២៨,៧% ខណៈទុនវិនិយោគក៏ថយចុះ៤៨% បើធៀបនឹងរយៈពេលដូចគ្នាកាលពីឆ្នាំមុន ។ ការអនុម័តគម្រោងវិនិយោគទាំងនេះ ក៏បានបង្កើតចំនួនការងារ ចំនួន៨៥,៥៧២កន្លែង ដល់ប្រជាពលរដ្ឋក្នុងស្រុក។

ក្នុងចំណោមគម្រោងទាំងអស់ ការវិនិយោគនៅក្រៅតំបន់សេដ្ឋកិច្ចពិសេស មានចំនួន១០១គម្រោង សរុបទុនវិនិយោគ ១,៤ពាន់លានដុល្លារ និងនៅក្នុងតំបន់សេដ្ឋកិច្ចពិសេស មានចំនួន៣៣គម្រោង សរុបទុនវិនិយោគ ១,៩ពាន់លានដុល្លារ។

របាយការណ៍ដដែលបញ្ជាក់ថា គម្រោងភាគច្រើនគឺផ្តោតលើវិស័យ កសិកម្ម និងកសិឧស្សាហកម្ម ឧស្សាហកម្ម ទេសចរណ៍ និងហេដ្ឋារចនាសម្ព័ន្ធ។

កាលពីឆ្នាំ២០២០កន្លងទៅ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគសរុប២៣៨គម្រោង ជាមួយនឹងទុនវិនិយោគសរុប៨,២ពាន់លានដុល្លារ ធ្លាក់ចុះ ១២% ធៀបនឹងឆ្នាំ២០១៩៕

កម្ពុជានឹងទទួលបានចំណែកនៃកញ្ចប់ថវិកា១០០ពាន់លានដុល្លារពីADBក្នុង គំរោងកាត់បន្ថយការប្រែប្រួលអាកាសធាតុ

         ដោយៈគង់ សិរីជេស៊ីកា

         ភ្នំពេញៈ ធនាគារ​អភិវឌ្ឍន៍​អាស៊ី​ (ADB) ​បានប្រកាស​ថា ​ខ្លួន​កំពុង​បង្កើន​មហិច្ឆតា​ក្នុង​ការផ្តល់​ហិរញ្ញប្បទាន​អាកាសធាតុ​ ដល់​ប្រទេស​កំពុង​អភិវឌ្ឍន៍​ជាសមាជិក​របស់​ខ្លួន​រួមទាំង​កម្ពុជា​ផង​ដែរ ​ដល់ ១០០ពាន់​លាន​ដុល្លារ​សម្រាប់​ឆ្នាំ​ ២០១៩​-២០៣០។

មន្រ្ដី​នាំពាក្យ​ក្រសួង​បរិស្ថា​កម្ពុជា ​ស្វាគមន៍​ចំពោះ​ការផ្តល់​ហិរញ្ញ​វត្ថុ​នេះ ​និង​ចាត់ទុក​ជា​ការចូលរួម​ដ៏ធំធេង ​ក្នុង​ការប្រយុទ្ធ​ប្រឆាំង​នឹង​ការប្រែប្រួល​អាកាសធាតុ ​នៅ​អាស៊ី​និង​ប៉ាស៊ី​ហ្វិក។ នេះ​បើ​តាម​សេចក្តី​ប្រកាស​នា​ថ្ងៃទី ១៣ ​តុលា។

លោក ​Masatsugu Asakawa ​ប្រធាន​ធនាគារ​អភិវឌ្ឍន៍​អាស៊ី​ថ្លែង​ថា ​ការប្រយុទ្ធ​ប្រឆាំង​នឹង​ការប្រែប្រួល​អាកាស​ធាតុ​នៅ​អាស៊ី​ និង​ប៉ាស៊ី​ហ្វិក​នឹង​ឈ្នះ​ឬ​ក៏​ចាញ់។ វិបត្តិ​អាកាសធាតុ​ កាន់តែ​អាក្រក់​ទៅៗ​ជារៀងរាល់​ថ្ងៃ ​ដែល​ជំរុញ​ឱ្យ​អ្នក​ពាក់ព័ន្ធ​ជាច្រើន​អំពាវនាវ​ឱ្យ​មានការ​បង្កើន​ហិរញ្ញវត្ថុ​គាំទ្រ​ផ្នែក​​អាកាស​ធាតុ។

លោក​ថ្លែង​ថា​ “យើង​កំពុង​ចាត់​វិធានការ ​ដើម្បី​ឆ្លើយតប​តាម​ការអំពាវនាវ​នេះ ​ដោ​យ​​បង្កើន​មហិច្ឆតា​របស់​យើង​ដល់​ ១០០ ពាន់​លាន​ដុល្លារ ​សម្រាប់​ហិរញ្ញ​វត្ថុ​អាកាស​ធាតុ​ត្រឹម​ឆ្នាំ ២០៣០ ​ដោយ​ប្រើ​ធនធាន​របស់​យើង​ផ្ទាល់”។

លោក នេត្រ ភក្ត្រា​ អ្នក​នាំពាក្យ​ក្រសួង​បរិស្ថានថ្លែង​នៅ​ថ្ងៃទី១៣​តុលាថា ​កម្ពុជា​សូម​ស្វាគមន៍ ​ចំពោះ​ការផ្តល់​ហិរញ្ញវត្ថុ​ គាំទ្រ​របស់​ធនាគារ​អភិវឌ្ឍន៍​អាស៊ី​ទាក់ទង​នឹង​អាកាស​ធាតុ ​ដែល​មាន​ទឹកប្រាក់​រហូត​ដល់​១០០ពាន់​លាន​ដុល្លារ ​សហរដ្ឋ​អាមេរិក ​សម្រាប់​ឆ្នាំ​ ២០១៩​ ដល់​ឆ្នាំ ២០៣០។ នេះ​គឺជា​ការចូលរួម​ដ៏ធំធេង​ក្នុង​ការប្រយុទ្ធ​ប្រឆាំង​នឹង​ការប្រែប្រួល​អាកាស​ធាតុ​នៅ​អាស៊ី​និង​ប៉ាស៊ី​ហ្វិក។

លោកបានបន្តថា “កម្ពុជា​មិនមែន​ជា​ប្រទេស ​ដែល​បង្កឱ្យ​មាន​ការប្រែប្រួល​អាកា​ស​ធាតុ​ទេ​ តែ​ជាប្រទេសដែល​ងាយ​នឹង​រងគ្រោះ ​ពី​ការប្រែប្រួល​អាកាស​ធាតុ។​ តាមរយៈ​ការគាំទ្រ​ថវិកា​មួយចំនួន ​ពី​ធនាគារ​អភិវឌ្ឍន៍​អាស៊ី ​នឹង​ធ្វើឱ្យ​កម្ពុជា​កាន់តែ​មាន​លទ្ធភាព​ច្រើន​បន្ថែម​ទៀត ​ក្នុង​ការប្រយុទ្ធ​ប្រឆាំង​នឹង​ការ​ប្រែប្រួល​អាកាស​ធាតុ​បន្ថែម ​ពី​លើ​ការខិតខំ​ប្រឹងប្រែង​របស់​រាជរដ្ឋាភិបាល​និង​ដៃគូ​អភិវឌ្ឍន៍​ផ្សេង​ទៀត”។

យោងតាម​សេចក្ដី​ប្រកាស​ព័ត៌មាន ​នៅ​ឆ្នាំ២០១៨ ​បានឲ្យដឹងថា ADB ​បាន​ប្តេជ្ញា​ធានា​យ៉ាង​ហោច​ ៧៥% ​នៃ​ចំនួន​ប្រតិបត្តិការ​សរុប​របស់​ខ្លួន​ គាំទ្រ​សកម្មភាព​ទាក់ទង​នឹង​អាកាសធាតុ​ ហើយ​ធនធាន​ហិរញ្ញវត្ថុ​អាកាស​ធាតុ​របស់​ខ្លួន ​ឈាន​ដល់​យ៉ាងហោច​ណាស់៨០ពាន់​លាន​ដុល្លារ​នៅ​ឆ្នាំ២០៣០។​

ការប្រកាសកាលពី​ថ្ងៃ​ទី ១៣ ​តុលា ​បង្កើន​មហិច្ឆតា ​នៃ​ការផ្តល់​ហិរញ្ញប្បទាន​ទាំង​នេះ។ ADB ​រំពឹង​ថា ​ហិរញ្ញប្បទាន​អាកាស​ធាតុ​សរុប ​ដោយ​ប្រើ​ធនធាន​របស់​ខ្លួន​សម្រាប់​​ឆ្នាំ ២០១៩​-២០២១​ នឹង​ឈាន​ដល់​ប្រមាណ​១៧ពាន់​លាន​ដុល្លារ៕

 

ខេត្តកណ្ដាលទាក់ទាញទុនវិនិយោគជាង១៧៥លានដុល្លារលើគំរោងជាង២០

         ដោយៈវឌ្ឍនៈ

ភ្នំពេញៈ ខេត្តកណ្ដាលជាខេត្តមួយ ទទួលបានគម្រោងវិនិយោគច្រើនជាងគេមួយក្នុងប្រទេសកម្ពុជា ជាពិសេសលើគម្រោងវិនិយោគ លើរោងចក្រ ឧស្សាហកម្ម ជាក់ស្ដែងក្នុងរយៈពេល៩ខែខេត្តនេះ ទទួលបានគម្រោងវិនិយោគចំនួន២៤គម្រោងនេះ ។

 

យោងតាមរបាយការណ៍របស់ ក្រុមប្រឹក្សាអភិវឌ្ឍន៍កម្ពុជាបានឲ្យដឹងថា គិតចាប់ពីខែមករា ដល់ដំណាច់ខែកញ្ញា ឆ្នាំ២០២១ បានបង្ហាញថា ខេត្តកណ្តាលទទួលបានគម្រោងវិនិយោគ២៤គម្រោង។ គម្រោងទាំងនេះ បូកបញ្ចូលគ្នាមានទុនវិនិយោគប្រមា​ណ១៧៥លានដុល្លារ ហើយអាចបង្កើតឱកាសការងារដល់ទៅជាង២២.០០០នាក់។

គម្រោងទាំងនេះ ភាគច្រើនផ្តោតលើរោងចក្រ ឧស្សាហកម្ម ដូចជា រោងចក្រកាត់ដេរសម្លៀកបំពាក់ កាបូប និងស្បែកជើង ហើយគម្រោងទាំងនេះបានបោះទីតាំងវិនិយោគក្នុងតំបន់មួយចំនួនដូចជា ក្រុងតាខ្មៅ ស្រុកអង្គស្នូល ស្រុកកណ្តាលស្ទឹង ស្រុកកៀន​ស្វាយ និងស្រុកពញាឮជាដើម ។

អ្នកជំនាញនៃវិស័យអចលនទ្រព្យបានលើកឡើងថា កត្តាដែលជំរុញឱ្យខេត្តកណ្ដា​លទទួលបានការទាក់ទាញ លើការវិនិយោគជាបន្តបន្ទាប់បែបនេះ ដោយសារតែខេត្តកណ្ដាលមានទីតាំងនៅជុំវិញរាជធានីភ្នំពេញ ហើយរដ្ឋាភិបាលក៏បានកសាងហេដ្ឋារចនាសម្ព័ន្ធ និងគម្រោងជាច្រើនទៀត នៅក្នុងខេត្តកណ្ដាលនេះដែរ។ អ្វីដែលពិសេសតម្លៃដីធ្លីនៅខេត្តកណ្ដាលក៏មានកម្រិត បើធៀបនឹងដីធ្លីនៅរាជធានីភ្នំពេញ ដែលធ្វើឱ្យវិនិយោគិនអាចបណ្ដាក់ទុនវិនិយោគលើគម្រោងរបស់ខ្លួនបានផងដែរ ។

លោកស៊ូ ប៊ុនសុង ប្រធានសាខាក្រុមហ៊ុន Century 21 Zillion Holding ប្រចាំខេត្តកណ្តាល បានបញ្ជាក់ថា ខេត្តកណ្តាល មិនត្រឹមតែមានកំណើនលើការវិនិយោគឧស្សាហកម្មប៉ុណ្ណោះទេ តែគម្រោងលំនៅឋានធំៗ ក៏កំពុងបង្ហាញវត្តមានកាន់តែច្រើនឡើងក្នុងខេត្តនេះផងដែរ ដែលបច្ចុប្បន្នមាន៩គម្រោង។

លោកបន្តថា ទីតាំងដីដែលមានតម្លៃខ្ពស់ជាងគេ ក្នុងខេត្តកណ្តាលគឺស្ថិតនៅតាមបណ្តោយផ្លូវជាតិលេខ២ និងផ្លូវជាតិលេខ២១ ដែលមានតម្លៃចន្លោះពី២០០ រហូតដល់ ១ ២០០ដុល្លារក្នុងមួយម៉ែត្រការ៉េ។ ទីផ្សារដីធ្លីនៅតាមបណ្តោយផ្លូវជាតិលេខ ៥មានតម្លៃទាបជាងគេក្នុងខេត្តកណ្តាល ដែលមានតម្លៃចន្លោះពី២៥០ ទៅ៤០០ដុល្លារក្នុងមួយម៉ែត្រការ៉េ៕

កម្ពុជាប្រកាសដាក់ឲ្យប្រើប្រាស់ផ្លូវការនូវច្បាប់ស្តីពីកិច្ចព្រមព្រៀងពាណិជ្ជកម្ម សេរិកម្ពុជា ចិន

         ដោយៈគង់ សូរិយា

ភ្នំពេញៈ រាជរដ្ឋាភិបាលកម្ពុជា បានប្រកាសដាក់ឲ្យប្រើច្បាប់ស្តីពី ការអនុម័តយល់ព្រមលើកិច្ចព្រមព្រៀងពាណិជ្ជកម្មសេរី រវាងរាជរដ្ឋាភិបាលនៃកម្ពុជា និងរដ្ឋាភិបាលនៃសាធារណរដ្ឋប្រជាមានិតចិន(FTA កម្ពុជា-ចិន)ចាប់ពីពេលនេះតទៅ និងតម្រូវឲ្យរដ្ឋាភិបាលកម្ពុជាត្រូវបន្តរាល់នីតិវិធីដើម្បីអនុវត្តកិច្ចព្រមព្រៀងនេះ។

នៅក្នុងច្បាប់ខាងលើនេះ ដែលឡាយព្រះហស្តលេខារបស់ ព្រះករុណាព្រះបាទសម្តេចព្រះបរមនាថ នរោត្តម សីហមុនី ថ្ងៃទី៥ ខែតុលា ឆ្នាំ២០២១នេះ បានឲ្យដឹងថា ច្បាប់ស្តីពីការអនុម័ត យល់ព្រមលើកិច្ចព្រមព្រៀងពាណិជ្ជកម្មសេរីរវាងកម្ពុជា និងចិន ត្រូវបានរដ្ឋសភាបានអនុម័តកាលពីថ្ងៃទី៩ ខែកញ្ញា ឆ្នាំ២០២១ នាសម័យប្រជុំរដ្ឋសភាលើកទី៦ នីតិកាលទី៦ ហើយដែលព្រឹទ្ធសភាបានពិនិត្យចប់សព្វគ្រប់ លើទម្រង់និងគតិច្បាប់នេះទាំងស្រុងកាលពីថ្ងៃទី២០ ខែកញ្ញា ឆ្នាំ២០២១នាសម័យប្រជុំពេញអង្គលើកទី៧ នីតិកាលទី៤ ហើយដែលមានសេចក្តីទាំងស្រុង។

អនុម័តយល់ព្រមលើកិច្ចព្រមព្រៀងពាណិជ្ជកម្មសេរី រវាងរដ្ឋាភិបាលប្រទេសទាំងពីរ ដែលកម្ពុជាបានចុះហត្ថលេខានៅរាជធានីភ្នំពេញ នាថ្ងៃទី១២ ខែតុលា ឆ្នាំ២០២០ ហើយដែលមានអត្ថបទទាំងស្រុងភ្ជាប់ជាមួយនេះ។

អត្ថប្រយោជន៍សំខាន់ៗ នៃកិច្ចព្រមព្រៀងពាណិជ្ជកម្មសេរីរវាងកម្ពុជា-ចិន កម្ពុជានឹងទទួលបានការបើកទីផ្សារឱ្យបានធំនិងប្រសើរជាងមុន សម្រាប់មុខទំនិញកសិផល បន្លែផ្លែឈើ ផលិតផលកែច្នៃ និងសិប្បកម្ម និងផលិតផលជាច្រើនទៀត ស្របពេលដែលកម្ពុជាអាចផលិតបាន និងអនុលោមតាមវិធានអនាម័យ និងស្តង់ដារ។ ក្នុងនោះកម្ពុជាក៏នឹងទទួលបានលំហូរទីផ្សារពាណិជ្ជកម្មសេវាកម្ម ដែលអាចនាំចេញក្នុងករណីមានការបណ្តុះបណ្តាលជំនាញ និងមានគុណវុឌ្ឍិគ្រប់គ្រាន់, ផ្តល់កាលានុវត្តភាពផ្នែកវិនិយោគដល់កម្ពុជាបានកាន់តែច្រើន ដែលនឹងផ្តល់ឱកាសដល់ធុរជនកម្ពុជាដែលមានបំណងពង្រីកទីផ្សារសេវាកម្ម និងទំនិញនាំចេញឱ្យកាន់តែសម្បូរបែបទៅកាន់ទីផ្សារចិន និងការរៀបចំនិងការបង្កើតនូវបរិយាកាសវិនិយោគ និងនយោបាយទាក់ទាញវិនិយោគទុនពីបរទេសជាដើម។

លោកប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម ធ្លាប់បានមានប្រសាសន៍ថា ការសម្រេចបាននូវកិច្ចព្រមព្រៀងពាណិជ្ជកម្មសេរីកម្ពុជា-ចិន ពិតជាបានចូលរួមអនុវត្តយុទ្ធសាស្រ្តចតុកោណដំណាក់កាលទី៤ របស់រាជរដ្ឋាភិបាលនីតិកាលទី៦នៃរដ្ឋសភា ស្របតាមចំណុចទី៤ ស្តីពីការពង្រឹងសមត្ថភាពកម្ពុជា ដើម្បីបន្តសមាហរណកម្មខ្លួនចូលក្នុងសេដ្ឋកិច្ចតំបន់និងពិភពលោក ដែលបានកំណត់ ស្តីពីបរិស្ថានគ្របដណ្តប់សម្រាប់ការអនុវត្តយុទ្ធសាស្រ្តទាំងមូល។

លោកបន្តថា ជាពិសេសក្នុងកាលៈទេសៈវិបត្តិកូវីដ១៩ កិច្ចព្រមព្រៀងនេះក៏នឹងជួយដល់យុទ្ធសាស្រ្តស្តារឡើងវិញនូវសេដ្ឋកិច្ចកម្ពុជា ដែលបានរងការញាំញីយ៉ាងធ្ងន់ធ្ងរពីជំងឺកូវីដ១៩ ព្រមទាំងជួយឱ្យមានភាពសាំនៃសង្គម-សេដ្ឋកិច្ច ក្នុងប្រក្រតីភាពថ្មីនៃសង្គមកម្ពុជា តាមរយៈកំណើននៃការនាំចេញទៅទីផ្សារចិន និងលំហូរវិនិយោគចូលមកកម្ពុជា ដែលនឹងជួយបង្កើតការងារ និងចំណូលជូនប្រជាពលរដ្ឋផងដែរ៕

National Bank of Cambodia announces $ 50 million auction

by: Sophary

Phnom Penh: The National Bank of Cambodia (NBC) has issued a notice to banks, microfinance institutions and money changers to participate in the US $ 50,000,000 bid for October 18, 2021 tomorrow.

According to the announcement of the National Bank of Cambodia, the minimum bidding rate will be announced on the morning of the actual bidding day.

According to the National Bank of Cambodia, the dollar auction is to keep the riel and the dollar stable on the market.

ស្ពានថ្មថ្មី នៅរមណីយដ្ឋានក្បាលស្ពានខេត្តសៀមរាប ចាប់ផ្ដើមដំណើរការ សាងសង់ហើយ

ដោយៈ សុផារី

សៀមរាបៈ លោកពុទ្ធ សុទ្ធ មន្ត្រីជំនាញនាយកដ្ឋានអភិរក្សប្រាសាទក្រៅឧទ្យានអង្គរ បានឱ្យដឹងនាថ្ងៃទី១៣ ខែតុលា ឆ្នាំ២០២១ថា ក្រុមការងារអភិរក្សក្រៅឧទ្យានអង្គរ នៃអាជ្ញាធរជាតិអប្សរា ចាប់ផ្ដើមដំណើរការសាងសង់ស្ពានថ្មថ្មី ជំនួសស្ពានចាស់។

ស្ពាននេះមានទំហំទទឹង២.៤ម៉ែត្រ បណ្ដោយប្រវែង១២ម៉ែត្រ ធ្វើពីបេតុងក្រាលក្តារ នៅតំបន់រមណីយដ្ឋានក្បាលស្ពាន ក្នុងខេត្តសៀមរាប។

កាលពីថ្ងៃទី ១១ ខែតុលា កន្លងមក នៅរមណីយដ្ឋានក្បាលស្ពាន មានការបានរៀបចំពិធីសែនសុំម្ចាស់ទឹក ម្ចាស់ដីព្រៃភ្នំដងស្ទឹងអូរ រើស្ពានចាស់ ដើម្បីសាងសាង់ស្ពានថ្មីបេតុងក្រាលក្តារ និងជួសជុលជម្រកសម្រាប់ភ្ញៀវជ្រកភ្លៀង សម្រាកពេលឡើងហត់។

លោកបានសរសេថា “ដោយហេតុនេះកំឡុងពេលនេះ លោកអំពាវនាវឱ្យអ្នកទេសចរណ៍ និងប្រជាជន ធ្វើដំណើរឆ្លងតាមស្ពានវាង ដែលសាងសង់បណ្តោះអាសន្នសិន”៕

សហរដ្ឋអាមេរិកគ្រោងជួយគម្រោងដឹកជញ្ជូនត្រជាក់នៅកម្ពុជាដើម្បីលើក កម្ពស់ផលិតកម្មកសិកម្ម

         ដោយៈគង់ សូរិយា

         ភ្នំពេញៈទីភ្នាក់ងារសហរដ្ឋអាមេរិកសំរាប់កិច្ចសហប្រតិបត្តិការអន្តរជាតិ(USAID)​បាននិងកំពុងត្រៀមជួយកម្ពុជា លើគំរោងដឹកជញ្ជូនប្រព័ន្ឋត្រជាក់ ដើម្បីលើកកំពស់ផលិតកម្មកសិកម្ម។

ក្នុងជំនួបរវាង លោកវេង សាខុនរដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ជាមួយលោក W. Patrick Murphy ឯកអគ្គរដ្ឋទូតសហរដ្ឋអាមេរិកប្រចាំកម្ពុជានាព្រឹកថ្ងៃទី១៣ តុលានេះ លោកវេង សាខុនបានសរសេរលើបណ្តាញទំនាក់ទំនងសង្គមរបស់លោកថា ក្រោយទទួលស្តាប់នូវគម្រោង Harvest 2 ទាក់ទងអនុវិស័យសាកវប្បកម្ម ក្នុងការធ្វើឲ្យប្រសើរឡើងនូវប្រព័ន្ធដឹកជញ្ជូនត្រជាក់ Cold Chain Logistic System ដោយប្រើសូឡា ដើម្បីជួយដល់វិស័យដឹកជញ្ជូនបន្លែ ផ្លែឈើ ត្រី សាច់កម្ពុជាឲ្យកាន់តែល្អប្រសើរ ធានាបានគុណភាព សុវត្ថិភាព និងតម្លៃរបស់លោកឯកអគ្គរដ្ឋទូត លោករដ្ឋមន្ត្រីបានសម្តែងនូវការគាំទ្រ និងស្វាគមន៍ចំពោះគម្រោងនេះ។

លោកបន្តថា “គំរោងនេះនឹងជួយលើកកម្ពស់ប្រសិទ្ធភាពផលិតកម្មបន្លែ ផ្លែឈើ ត្រី សាច់ឲ្យកាន់តែល្អប្រសើរជាជំហានៗ ផ្អែកទៅលើកស្តង់ដារផលិត វេចខ្ចប់ ថែក្សារ ដឹកជញ្ជូន និងដាក់តាំងបង្ហាញពិតប្រាកដមួយ ដែលត្រូវបានទទួលស្គាល់ទាំងក្នុងតំបន់ និងអន្តរជាតិ”។ លោកបន្ថែមថា“នេះគឺជាគម្រោងដែលក្រសួងចង់បាន ដើម្បីលើកកម្ពស់គុណភាព សុវត្ថិភាពនៃផលិតផលកសិកម្ម បង្កើនផលិតកម្ម និងធានាគុណភាពកសិផល សុខភាពអ្នកបរិភោគ និងកំណើនតម្លៃបន្ថែម”។

ជាការឆ្លើយតប ភាគីអាមេរិកបានថ្លែងអំណរគុណ ចំពោះពេលវេលារបស់លោករដ្ឋមន្ត្រី និងជាពិសេសកិច្ចសហការបានល្អប្រសើររវាងក្រសួង និងUSAID ក្នុងការអនុវត្តគម្រោងទាក់ទងនឹងការអភិវឌ្ឍន៍វិស័យកសិកម្ម។

លោកW. Patric Murphy បានណែនាំនាយកUSAIDថ្មីប្រចាំកម្ពុជា នឹងបំពេញការងារសម្រាប់វិស័យកសិកម្ម ហើយសង្ឃឹមថានឹងរួមសហការបានល្អ ជាមួយក្រសួងដើម្បីចូលរួមអភិវឌ្ឍវិស័យកម្ពុជា ឲ្យមានការរីកចម្រើនប្រកបដោយចីរភាព និរន្តរភាព និងវិបុលភាពនាពេលអនាគត៕

រោងចក្រផលិតអាហារ ហាទ្បាលដ៏ធំមួយបានទទួលវិញ្ញាបនបត្រទទួលស្គាល់ចចំននួន១៧៣លើទំនិញសរុប៧០៣មុខ

ដោយៈ សុផារី

ភ្នំពេញៈ រោងចក្រផលិតអាហារ ហាឡាល់ដ៏ធំមួយនៅជាយរាជធានីភ្នំពេញបានទទួលស្គាល់ពីអ្នកជំនាញ ដោយទទួលបានវិញ្ញាបនបត្រសរុបចំនួន១៧៣ លើមុខទំនិញរហូតដល់៧០៣។

 លោកឧកញ៉ាឧស្មាន់ ហាសាន់ ទេសរដ្ឋមន្រ្តី និងជាអនុប្រធានគណកម្មការត្រួតពិនិត្យផលិតផលហាឡាល់ បានដឹកនាំក្រុមឯកទេសផលិតផលហាឡាលកម្ពុជា សហការជាមួយក្រសួងពាណិជ្ជកម្ម បានចុះត្រួតពិនិត្យវាយតម្លៃលក្ខ​ខណ្ឌ​បច្ចេកទេសស្តង់ដារ ផលិតផលហាទ្បាលកម្ពុជា និងសម្រេចបានការចេញវិញ្ញាប​នបត្រសរុបចំនួន១៧៣ ក្នុងនោះរួមមាន អាហារដ្ឋាន/ភោជនីយដ្ឋាន ចំនួន ២៩ ក្រុមហ៊ុន/សិប្បកម្ម/រោងចក្រ ចំនួនG៨៤ សត្តឃាតដ្ឋានសំឡេះមាន់ចំនួន១ និងមុខទំនិញសរុប ៧០៣មុខ។

លោកបានសរសេរលើបណ្តាញទំនាក់ទំនងសង្គមរបស់ខ្លួនថា ក្រុមហ៊ុន អង្គរ ដេលី ហ៊្វូដ ខូអិលធីឌី ជា ក្រុមហ៊ុនផលិតនិងចែកចាយទឹកផ្លែឈើ និងភេសជ្ជៈប៉ូវកម្លាំង  ត្រូវបានសម្ពោធជាផ្លូវការនៅឆ្នាំ២០១៧ ទទួលបានការទទួលស្គាល់ជាផ្លូវការពីស្ថាប័នជាតិនិងអន្តរជាតិ ព្រមទាំងទទួលបានវិញ្ញាបនបត្រ បញ្ជាក់ស្តង់ដារផលិតផលហាឡាលកម្ពុជាផងដែរ។  សព្វថ្ងៃនេះ ក្រុមហ៊ុនមានភេសជ្ជៈ ដូចជា Champion, Red Ant, Missile, 1-2 Drink និង Selfy ជាមួយសារធាតុផ្សំនិងវីតាមីនសំខាន់ៗ ដើម្បីផលិតភេសជ្ជៈដែលមានរសជាតិឆ្ងាញ់ពិសា។

 

នៅក្រុមហ៊ុន ANGKOR DAILY FOODS CO., LTD. មានទីតាំងស្ថិតនៅ សង្កាត់ព្រៃស ខណ្ឌដង្កោ រាជធានីភ្នំពេញ នៅរសៀលថ្ងៃទី១២ ខែតុលា ឆ្នាំ២០២១ នេះ ជាអ្នកផលិតផលិតផលហាឡាល់៕

Australian state offers US$2 billion to lure hydrogen projects

MELBOURNE: Australia’s New South Wales state on Wednesday (Oct 13) said it would offer A$3 billion (US$2.2 billion) in incentives to attract hydrogen projects to the country’s biggest coal-exporting state as it races to slash its carbon emissions.

State treasurer and energy minister Matt Kean said the plan would not only help the state halve its carbon emissions by 2030 but would create opportunities for heavy industry and boost the economy by more than A$600 million over that period.
“Our major trading partners see hydrogen as part of their energy future. This state has the skills, infrastructure and renewable energy resources to compete globally in this new industry,” state Premier Dominic Perrottet said in a statement.

The biggest incentive the state plans to offer is a 90 per cent exemption from power network charges for electrolysers installed by 2030. Power costs are key for green hydrogen production which involves splitting water with an electrolyser.

The state aims to be producing 110,000 tonnes a year of green hydrogen from 700 megawatts of electrolyser capacity for under A$2.80 per kg by 2030.

“This strategy is forecast to more than halve the cost of green hydrogen production in New South Wales and will make New South Wales the best place to invest in hydrogen in the world,” Kean said in a statement.

The state faces heavy competition from Australia’s other major resource-exporting states – Western Australia and Queensland – which have already lured major green hydrogen project developers, many backed by Japanese companies.

New South Wales will also invest A$70 million to establish hydrogen hubs in the Hunter and Illawarra industrial regions and help fund a rollout of hydrogen refuelling stations on trucking routes.
Hydrogen development is the one strategy for tackling climate change that Australian politicians on all sides of the spectrum have backed, following more than a decade of wrangling over energy and emissions policies.

Source: Reuters/vc

ផ្លូវបេតុងមួយខ្សែទៅរមណីយដ្ឋានធម្មជាតិកំពង់ត្រាចបានដាក់សម្ភោធឱ្យប្រើប្រាស់ជាផ្លូវការ

ដោយ កុសមា

ភ្នំពេញ៖ ផ្លូវបេតុងមួយខ្សែទៅកាន់រមណីយដ្ឋានវប្បធម៍ធម្មជាតិភ្នំកំពង់ត្រាច បានដាក់សម្ភោធឱ្យប្រើប្រាស់ជាផ្លូវការ ក្រោមអធិបតីភាពលោក ជាវ តាយ អភិបាលខេត្តកំពត និងលោក ជឹង ផល្លា ប្រធានក្រុមប្រឹក្សាខេត្តកំពត កាលពីថ្ងៃ ១១ ខែតុលា ឆ្នាំ២០២១ កន្លងទៅនេះ។

លោក ជាវ តាយបានមានប្រសាសន៍ ផ្លូវមួយខ្សែនេះពិតជាបានផ្តល់ផលប្រយោជន៍ដ៏សំខាន់ដល់ពលរដ្ឋក្នុងមូលដ្ឋាន សម្រាប់ការប្រើប្រាស់ប្រចាំថ្ងៃ មានដូចជា ទេសចរណ៍ បដិសណ្ឋារកិច្ច ការដឹកជញ្ជូនកសិផលទៅទីផ្សារ ការធ្វើដំនើរទៅមន្ទីរពេទ្យបង្អែកស្រុក ក៏ដូចជាផ្តល់ភាពងាយស្រួលដល់សិស្សានុសិស្សឆ្លងកាត់ទៅសាលារៀន ជាពិសេស សម្រាប់ភ្ញៀវទេសចរណ៍ជាតិនិងអន្តរជាតិ ធ្វើដំនើរកំសាន្តទៅកាន់រមណីយដ្ឋានវប្បធម៍ធម្មជាតិភ្នំកំពង់ត្រាច ជាដើម។

លោក អូន ខន អភិបាលស្រុកកំពង់ត្រាច បានមានប្រសាសន៍អោយដឹងថា ផ្លូវមួយខ្សែនេះ សាងសង់ពីបេតុងសរសៃដែក មានប្រវែងសរុប ១,៨០៨ ម៉ែត្រ ទទឹង៨ ម៉ែត និងកម្រាស់២តឹក មានប្រព័ន្ធលូអមសងខាងផ្លូវ ដែលតភ្ជាប់ពីផ្លូវបំបែកលេខ៣៣ នៃទីរួមស្រុកកំពង់ត្រាច រហូតដល់ រមណីយដា្ឋនវប្បធម៌ធម្មជាតិភ្នំកំពង់ត្រាច។

លោក ជាវ តាយ បានមានប្រសាសន៍បន្ថែមថា “សមិទ្ធិផលទាំងឡាយដែលកើតឡើងទូទាំងប្រទេស ក៏ដូចជានៅក្នុងខេត្តកំពត គឺដោយសារប្រទេសជាតិ មានសុខសន្តិភាព និងផលបរិបូរណ៌ តាមរយៈនយោបាយឈ្នះៗ និងយុទ្ធសាស្ត្រចតុកោណរបស់រាជរដ្ឋាភិបាលកម្ពុជា ដែលគុណតំលៃនៃសុខសន្តិភាពនេះ នាំមកនូវការអភិវឌ្ឍលើគ្រប់វិស័យ និងកាត់បន្ថយភាពក្រីក្រដែលធ្វើអោយ ជីវភាពប្រជាពលរដ្ឋកាន់តែប្រសើរឡើងជាបន្តបន្ទាប់”។

លោកបានផ្តាំផ្ញើទៅកាន់ប្រជាពលរដ្ឋ និងអជ្ញាធរមូលដ្ឋានក៏ដូចជាកងកំលាំងប្រដាប់អវុធ និងមន្ត្រីរាជការទាំងអស់ត្រូវខិតខំយកចិត្តទុកដាក់ថែរក្សា ការពារ សុខសន្តិភាពនិងសមិទ្ធផលនានា ដែលមានសព្វថ្ងៃនេះ អោយបានគង់វង្សយូរអង្វែង ដើម្បីរួមគ្នាជំរុញការអភិវឌ្ឍជាតិ និងសេដ្ឋកិច្ច”៕