ដោយវុត្ថា

ភ្នំពេញ៖ ទីផ្សារជួលការិយាលនៅក្នុងប្រទេសកម្ពុជាមានការធ្លាក់ចុះនៅក្នុងត្រីមាសទី ៣ នៃឆ្នាំនេះ ដោយសារមានការអូសបន្លាយយូនៃការរាតត្បាតនៃជំងឺកូវីដ ១៩ បើធៀបទៅនឹងរយៈពេលដូចគ្នាកាលពីឆ្នាំមុន។

យោងតាមរបាយការណ៍របស់ក្រុមហ៊ុន CBRE Cambodia បង្ហាញថា ចំនួននៃការជួលអគារប្រភេទ B បានធ្លាក់ចុះ ប្រមាណ -៦.៣ ភាគរយ និង -៩.៤ភាគរយ នៅក្នុងតំបន់ពាណិជ្ជកម្ម និងមិនមែនតំបន់ពាណិជ្ជកម្ម (CBD and Non-CBD) នៅក្នុងត្រីមាសទី ៣នេះ ។

របាយការណ៍ដដែលបន្តថា “សម្រាប់ការិយាល័យប្រភេទ C នៅក្នុងតំបន់មិនមែនពាណិជ្ជកម្ម ក៏ត្រូវបានគេកត់សម្គាល់ឃើញដែរថាមានភាពអវិជ្ជមាន ដោយធ្លាក់មក -៤.២ ភាគរយ ខណៈប្រភេទ C នៅក្នុងតំបន់ពាណិជ្ជកម្ម ត្រូវបានគេកត់សម្គាល់នូវការកើនឡើង ២.៦ ភាគរយ នៅក្នុងត្រីមាសនេះ”។

របាយការណ៍បញ្ជាក់ទៀតថា “ម្ចាស់អគារ បានបន្តកាត់បន្ថយបរិមាណ និង ផ្តល់នូវលក្ខខណ្ឌពិសេសដល់ក្រុមហ៊ុនជួល និងចរចាលើកិច្ចសន្យាថ្មី ដើម្បីរក្សាបាននូវកំណើនជួលរបស់ពួកគេ”។

នៅក្នុងអំឡុងពេលត្រីមាសទី ៣នេះ គេឃើញនូវ គម្រោងការិយាល័យចំនួន ៣ ត្រូវបានបញ្ចប់ការសាងសង់ រួមមាន គម្រោងអគារការិយាល័យ TK Central គម្រោងអគារការិយាល័ The Point និង គម្រោងអគារការិយាល័យ Sayon Phnom Penh ។ គម្រោងអគារការិយាល័យបញ្ចប់ថ្មីនេះ នឹងបន្ថែមដល់ការផ្គត់ផ្គង់ទាំងអស់ ចំនួន ៣០,០០៧ ម៉ែត្រការ៉េ។

នៅបំណាច់ឆ្នាំនេះ អត្រានៃការកាន់កាប់ទៅលើទីផ្សារជួលការិយាល័ទាំងអស់ មានការកើនឡើងខ្ពស់ចាប់តាំងពីឆ្នាំ ២០១១ ប៉ុន្តែ នៅក្នុងត្រីមាសទី ៣នេះ អាត្រាកាន់កាប់អគារិយាល័យមានចំនួន ៧៤. ៧ភាគយ ជាមួយនឹងក្តីរំពឹងថានឹងបញ្ចប់គម្រោងថែមទៀតនៅឆ្នាំ ២០២០នេះ ហើយជំនួននេះទំនងជានឹងធ្លាក់ចុះបន្ថែម។

តាមផែនការ មានគម្រោងការិយាល័យចំនួន ៨ ដែលនឹងត្រូវបញ្ចប់នៅក្នុងឆ្នាំ នេះ ដែលនឹងធ្វើឱ្យទំហំនឹងមានការកើនឡើង ប៉ុន្តែ ការអភិវឌ្ឍន៍គម្រោងត្រូវបានពន្យាពេល (៥០០០០ ម៉ែត្រការ៉េ) ហើយនឹងបញ្ចប់នៅពាក់កណ្តាលឆ្នាំ ២០២១ខាងមុខនេះ ៕

ដោយ៖ ប៊ី
ភ្នំពេញ៖ អ្នកជំនាញជាច្រើន នៅតែមានសុទិដ្ឋិនិយមចំពោះវិស័យខុនដូ ដោយអះអាងថា ការវិនិយោគលើខុនដូនាពេលបច្ចុប្បន្ននឹងហុចផលប្រយោជន៍នាពេលអនាគត។

លោក Alan Neos នាយកប្រតិបត្តិក្រុមហ៊ុន CSA បានថ្លែងប្រាប់ថា បន្ទាប់ពីវិបត្តិជំងឺកូវីដ១៩ អ្នកភិវឌ្ឍន៍អចលនទ្រព្យនឹងបង្កើនតម្លៃ ដូច្នេះពេលនេះគឺជាឱកាសល្អ ដែលបច្ចុប្បន្នតម្លៃខុនដូល្អសម្រាប់ការវិនិយោគ លក្ខខណ្ឌបង់ប្រាក់ងាយស្រួល និងឱកាសក្លាយម្ចាស់ខុនដូយូនីត ជាមួយនឹងការបញ្ចុះតម្លៃ។

លោក បានថ្លែងថា “បន្ទាប់វិបត្តិនេះ ខ្ញុំគិតថា តម្លៃខុនដូនឹងមានការកើនឡើងខ្លាំង ព្រោះវាគឺជានិន្នាការទីផ្សារ ហើយអំឡុងពេលវិបត្តិនេះ វាគឺជាឱកាសដើម្បីទិញខុនដូសម្រាប់ផលចំណេញនាពេលអនាគត។

លោក បានថ្លែងបន្តថា “ខ្ញុំជឿជាក់យ៉ាងមុតមាំថា តម្លៃខុនដូនឹងកើនឡើង។ យោងតាមរបាយការណ៍ក្រុមហ៊ុន CBRE តម្រូវការខុនដូនៅតែខ្ពស់ ហើយការផ្គត់ផ្គង់នៅតែមានការឆ្លើយតបជាមួយនឹងតម្រូវការបច្ចុប្បន្ន”។ លោក “ថាហើយមួយវិញទៀត បន្ទាប់ពីវិបត្តិនេះ ជនជាតិបរទេសជាច្រើននឹងហូរចូលទីផ្សារកម្ពុជា ដើម្បីស្វែងរកឱកាសវិនិយោគ ព្រោះកម្ពុជាគឺទីផ្សារមួយ ដែលកំពុងរីកចម្រើនខ្លាំង ដូច្នេះយើងឃើញអ្នកវិនិយោគជាច្រើនមកពីចិន ជប៉ុន តៃវ៉ាន់ សឹង្ហបុរី និងសហរដ្ឋអាមេរិក និងជាច្រើនប្រទេសទៀតដើម្បីវិនិយោគនៅកម្ពុជា”។

លោក បានបន្តទៀតថា “អ្វីដែលខ្ញុំមើលឃើញ គឺថា ប្រជាជនវ័យក្មេងចាប់ផ្តើមទទួលយកការរស់នៅបែបស៊ីវីល័យ ដូចជារស់នៅខុនដូ ហើយក្នុងរយៈពេល៣ទៅ៥ឆ្នាំខាងមុខ ចំនួនប្រជាជនកម្ពុជាកើនឡើងច្រើននៅក្នុងទីក្រុងភ្នំពេញ ដូច្នេះតម្រូវការខុនដូក៏នឹងកើនឡើងផងដែរ”។

លោកខន គង្គា អគ្គនាយកក្រុមហ៊ុនអចលនទ្រព្យអន្តរជាតិ ERA Cambodia បានថ្លែងប្រាប់ថា អ្នកដែលមានហិរញ្ញវត្ថុល្អនៅពេលនេះ នឹងទទួលបានផលត្រឡប់មកវិញខ្ពស់ បើធៀបនឹងរយៈពេលកាលពីរយៈពេលមុន ដោយសារមូលហេតុទី១ គឺតម្លៃខុនដូ មិនទាន់មានការកើនឡើងទេ ដូច្នេះតម្លៃស្ថិតនៅសភាពនៅទ្រឹង ហើយអនាគតតម្លៃខុនដូនឹងកើនឡើង។

លោកបានថ្លែងបន្តថា “បច្ចុប្បន្ន យើងសង្កតឃើញមានមិនត្រឹមតែ យុវជននោះទេ ប៉ុន្តែប្រជាជនវ័យចំណាស់ ក៏បាននិងកំពុងចាប់ផ្តើមផា្លស់ប្តូរការរស់នៅនៅខុនដូ ព្រោះខុនដូមានសុវត្តិ ឯកជនភាព និងភាពស៊ីវីល័យ” ។ លោកបានថ្លែងថា “លក្ខខណ្ឌក្នុងការបង់ប្រាក់នាពេលបច្ចុប្បន្ន មានភាពបត់បែនច្រើន ហើយអ្នកអភិវឌ្ឍន៍បច្ចុប្បន្នកំពុងបំពេញចិត្តអ្នកវិនិយោគ ដូច្នេះការលក្ខខណ្ឌ ក្នុងការបង់ប្រាក់មានភាពងាយស្រួលជាងមុន” ។

លោក បានថ្លែងថា ការវិនិយោគអចលនទ្រព្យ ពិសេសខុនដូ គឺសំខាន់ ទី១ ផ្តោតលើតម្លៃ ទី២ ទីតាំង ទី៣លក្ខខណ្ឌក្នុងការបង់ប្រាក់។
លោកខន គង្គាបានឱ្យដឹងថា ដូច្នេះស្ថិតក្នុងលក្ខខណ្ឌនេះ តម្លៃល្អ ទីតាំងល្អ ហើយលក្ខខណ្ឌក្នុងការបង់ប្រាក់ល្អទៀត ជាមួយការបញ្ចុះតម្លៃផ្សេងៗ វាជាល្អដ៏បំផុតសម្រាប់វិនិយោគក្នុងវិស័យខុនដូ៕

ការផ្គត់ផ្គង់ខុនដូសរុបនៅទូទាំងរាជធានីភ្នំពេញ មានការកើនឡើង ៣,៩៧%ក្នុងរយៈពេលត្រីមាសទី៣ ខណៈការកើនឡើងនេះមានការចូលរួមតែមួយពីការបចញ្ចប់ដំណាក់កាលទី១របស់គម្រោងUrban Village ហើយបានបង្កើនការផ្គត់ផ្គង់ខុនដូតម្លៃសមរម្យ ១៥.៦៧%។ នេះបើយោងតាមការបាយការណ៍ចុងក្រោយរបស់ក្រុមហ៊ុន CBRE Cambodia ។

អំឡុងត្រីមាសទី៣នេះ មិនមានគម្រោងថ្មីណាមួយ ត្រូវបានដាក់ឱ្យដំណើរការទេ ប៉ុន្តែមានគម្រោង៣ បានដាក់ចេញការអភិវឌ្ឍនូវដំណាក់កាលថ្មីៗ ទៅក្នុងទីផ្សារផ្គត់ផ្គង់ ដែលបង្ហាញថា អ្នកអភិវឌ្ឍន៍ដែលស្គាល់ពីទីផ្សារក្រុងភ្នំពេញ នៅតែមានសុទិដ្ឋិនិយមចំពោះវិស័យនេះ។

របាយការណ៍បានឱ្យដឹងថា គេរំពឹងថានៅត្រីមាសទី៤ឆ្នាំនេះ នឹងឃើញការបញ្ចប់គម្រោងចំនួន៤បន្ថែមទៀត ដែលនឹងចូលរួមចំណែកក្នុងទីផ្សារ ប្រមាណ២,៦០០យូនីត ។ ទោះយ៉ាងណា ការពន្យាពេលនៃការសាងសង់ នៅតែបន្តកើតមាននៅក្នុងវិស័យនេះ ដោយបច្ចុប្បន្នមានគម្រោងចំនួន៦ ពន្យាពេលបញ្ចប់គម្រោងទៅឆ្នាំ២០២១ ។

តម្លៃលក់ជាមធ្យមនៅគ្រប់ផ្នែក បានបន្តប្រឈមនឹងសម្ពាធធ្លាក់ចុះ នៅក្នុងត្រីមាសទី។ ខុនដូតម្លៃមធ្យមធ្លាក់ចុះ១,៣៩% ខុនដូតម្លៃសមរម្យធ្លាក់ចុះ១,១៧% និងខុនដូប្រណីត ធ្លាក់ចុះ ១,០២% ។
អ្នកអភិវឌ្ឍន៍នៅតែសកម្ម ក្នុងការផ្តល់ការបញ្ចុះតម្លៃ និងការផ្សព្វផ្សាយពីខុនដូយូនីតនៅក្នុងគម្រោងរបស់ពួកគេ ដើម្បីរក្សាល្បឿនលក់។

អ្នកអភិវឌ្ឍន៍ជាច្រើន បានផ្តោតលើការផ្តោតលើអ្នកទិញក្នុងស្រុក ហើយវាគឺជានិន្នាការនេះដែលបានកាត់បន្ថយតម្លៃ ខណៈអ្នកអភិវឌ្ឍន៍ប្រកួតប្រជែង សម្រាប់ការលក់៕

ដោយ ៖ រ៉ាណេត
ភ្នំពេញ ៖ ក្រុមហ៊ុន Realestate.com.kh មានក្ដីរំភើបយ៉ាងខ្លាំង សូមប្រកាសជាផ្លូវការនូវព្រឹត្តិការណ៍ពិព័រណ៍អចលនទ្រព្យលើកទី៦ របស់យើង។ ក្រុមហ៊ុនយើងខ្ញុំរំពឹងយ៉ាងមុតមំាថា ព្រឹត្តិការណ៍ខាងមុខនេះដែលមានឈ្មោះថា «ពិព័រណ៍អចលនទ្រព្យដំណាច់ឆ្នាំ ២០២០» នឹងដើរតួយ៉ាងសំខាន់ក្នុងការជំរុញវឌ្ឍនភាពនៃវិស័យអចលនទ្រព្យកម្ពុជា!

ព្រឹត្តិការណ៍នេះនឹងប្រព្រឹត្តធ្វើឡើងនៅមជ្ឈមណ្ឌល The Premier Center Sen Sok (ក្បែរផ្សារទំនើបអ៊ីអនម៉លទី២) នាថ្ងៃទី២៧ និង ២៨ ខែវិច្ឆិកា ឆ្នាំ២០២០ ដោយប្រមូលផ្ដុំនូវក្រុមហ៊ុនអភិវឌ្ឍន៍បុរី ខុនដូ និង គម្រោងអភិវឌ្ឍន៍ចម្រុះឈានមុខគេមកពីទូទាំងប្រទេសកម្ពុជា ក៏ដូចជាភ្នាក់ងារអចលនទ្រព្យ បណ្ដាធនាគារធំៗ អ្នកជំនាញផ្នែកច្បាប់ ព្រមទាំងក្រុមហ៊ុនពាណិជ្ជកម្មជាច្រើនទៀតក្នុងវិស័យអចលនទ្រព្យ។

មិនថាលោកអ្នកកំពុងស្វែងរកទិញអចលនទ្រព្យ ទិញផ្ទះដំបូង ឬ វិនិយោគផ្នែកអចលនទ្រព្យឡើយ អ្នកនឹងទទួលបានការផ្ដល់ជូនពិសេសបំផុតពីសំណាក់ក្រុមហ៊ុនអភិវឌ្ឍន៍ ក៏ដូចជាមានឱកាសធ្វើការប្រឹក្សាយោបល់ដោយផ្ទាល់ជាមួយនឹងអ្នកតំណាងមកពីបណ្ដាធនាគារឈានមុខក្នុងប្រទេសកម្ពុជា ក៏ដូចជាអ្នកជំនាញផ្នែកឥណទានដ៏មានបទពិសោធន៍ ដែលសម្រួលដល់ដំណើរការទិញផ្ទះក្នុងក្តីសុបិនរបស់អ្នក។

ក្នុងព្រឹត្តិការណ៍នេះផងដែរ លោកអ្នកនឹងមានឱកាសចូលរួមសិក្ខាសាលាស្តីពីបច្ចុប្បន្នភាពក្នុងវិស័យអចលនទ្រព្យកម្ពុជា ដែលនឹងត្រូវផ្សាយផ្ទាល់ទៅកាន់ទស្សនិកជនរាប់ពាន់នាក់ ទាំងនៅក្នុងស្រុក និងជុំវិញពិភពលោក។

ចូលរួមនៅទីតាំងដោយផ្ទាល់ ឬ ទស្សនាតាមអនឡាញ

កាលពីដើមឆ្នាំ២០២០ កន្លងទៅនេះ ក្រុមហ៊ុន Realestate.com.kh ទទួលបានភាពជោគជ័យយ៉ាងខ្លាំងក្នុងការរៀបចំព្រឹត្តិការណ៍លក់អចលនទ្រព្យអនឡាញដំបូងបំផុតក្នុងប្រទេសកម្ពុជា ដែលបានលក់ដាច់អចលនទ្រព្យសរុបជាង ១៥ លានដុល្លារអាមេរិក ត្រឹមរយៈពេល ៤ម៉ោងតែប៉ុណ្ណោះ! ដោយមើលឃើញពីវិបត្តិនៃជំងឺកូវីដ-១៩ ក្រុមហ៊ុន Realestate.com.kh បានសម្រេចចិត្តក្នុងពាំនាំពិព័រណ៍អចលនទ្រព្យជាថ្មីម្តងទៀត ដោយព្រឹត្តិការណ៍បន្ទាប់នឹងត្រូវរៀបចំនៅមជ្ឈមណ្ឌល The Premier Center Sen Sok ផ្ទាល់ និងតាមបណ្ដាញអនឡាញ ពោលគឺផ្ដល់លទ្ធភាពដល់អតិថិជនទាំងនៅក្នុងស្រុក និងក្រៅប្រទេសក្នុងការទិញអចលនទ្រព្យក្នុងតម្លៃពិសេសបំផុត។

អចលនទ្រព្យក្នុងតម្លៃជាង ១១៥លានដុល្លារបានលក់ដាច់ក្នុងអំឡុងពិព័រណ៍កន្លងមករបស់ Realestate.com.kh

ព្រឹត្តិការណ៍ ពិព័រណ៍អចលនទ្រព្យដំណាច់ឆ្នាំ ២០២០ ខាងមុខនេះ នឹងយកគំរូតាមព្រឹត្តិការណ៍កន្លងមករបស់ក្រុមហ៊ុន Realestate.com.kh។ ក្នុងអំឡុងពិព័រណ៍អចលនទ្រព្យចំនួន ៤លើក ដែលត្រូវបានរៀបចំនៅទីតាំងផ្ទាល់ អចលនទ្រព្យសរុបប្រហែល ១០០ លានដុល្លារអាមេរិកត្រូវបានលក់ដាច់ដោយបណ្ដាក្រុមហ៊ុនចូលរួមក្នុងព្រឹត្តិការណ៍ទាំង៤លើកនេះ ខណៈដែលពិព័រណ៍អនឡាញ Black Friday Property Sale លក់ដាច់ជាង ១៥លានដុលា្លរអាមេរិក។ ជារួម ពិព័រណ៍ទាំង៥លើកបានទាក់ទាញអ្នកចូលរួមទស្សនាប្រមាណជាង ៣៥,០០០នាក់។

ក្រុមហ៊ុន Realestate.com.kh រំពឹងថាព្រឹត្តិការណ៍បន្ទាប់នឹងរក្សាសន្ទុះនៃការគាំទ្ររបស់អតិថិជន ហើយ Realestate.com.kh រំពឹងថានឹងអាចទាក់ទាញក្រុមហ៊ុនចូលរួមតាំងពិព័រណ៍ច្រើនជាង ៥០ ក្រុមហ៊ុន ព្រមទាំងទទួលស្វាគមន៍អ្នកចូលរួមទស្សនាជាង ១ម៉ឺននាក់ ទាំងនៅទីតាំងផ្ទាល់ និងតាមបណ្ដាញអនឡាញ។
ពិព័រណ៍អចលនទ្រព្យដំណាច់ឆ្នាំ ២០២០ ត្រូវបានរំពឹងថានឹងក្លាយជាព្រឹត្តិការណ៍អចលនទ្រព្យលេចធ្លោបំផុតក្នុងវិស័យអចលនទ្រព្យកម្ពុជា តំបន់អាស៊ាន និង ទូទាំងពិភពលោក។

ក្រុមហ៊ុនចូលរួមពិព័រណ៍ និងអ្នកឧបត្ថម្ភកម្មវិធី
ខណៈដែលពិព័រណ៍អចលនទ្រព្យកន្លងមករបស់ក្រុមហ៊ុន Realestate.com.kh អនុញ្ញាតក្រុមហ៊ុនចូលរួមតាំងពិព័រណ៍ជាង ១០០ ក្រុមហ៊ុនផ្សេងគ្នា ព្រឹត្តិការណ៍នៅចុងឆ្នាំនេះវិញនឹងសម្រិតសម្រាំងយកក្រុមហ៊ុនចូលរួម ក៏ដូចជាអ្នកឧបត្ថម្ភកម្មវិធីក្នុងចំនួនជាក់លាក់មួយ ដើម្បីធានាពីគុណភាព និងការផ្ដល់ជូនពិសេសបំផុតសម្រាប់អ្នកចូលរួមទស្សនា។

លើសពីនេះទៀត Realestate.com.kh ជឿជាក់ថាសិក្ខាសាលាដែលនឹងត្រូវរៀបចំឡើងក្នុងពិព័រណ៍ខាងមុខនេះ នឹងទាក់ទាញការចាប់អារម្មណ៍ពីសំណាក់អ្នកចូលរួមទស្សនាកាន់តែច្រើនជាងមុន ខណៈដែលអ្នកស្វែងរកទិញអចលនទ្រព្យ និងវិនិយោគិនសុទ្ធសឹងតែចង់ដឹងពីការផ្លាស់ប្តូរសំខាន់ៗនៃផ្នែកច្បាប់អចលនទ្រព្យ គោលនយោបាយរាជរដ្ឋាភិបាល ស្ថានភាពបច្ចុប្បន្ននៃទីផ្សារ ក៏ដូចជាឱកាសថ្មីៗនៅក្នុងវិស័យអចលនទ្រព្យកម្ពុជា។Realestate.com.kh នឹងបម្រុងទុក ១ភាគ៤ នៃបរិវេណព្រឹត្តិការណ៍ទាំងមូលសម្រាប់រៀបចំសិក្ខាសាលាទាំងអស់នេះ។
ប្រសិនបើអ្នកមានចំណាប់អារម្មណ៍ក្នុងការជួលស្តង់ ឬ ចូលរួមឧបត្ថម្ភក្នុងពិព័រណ៍នេះ សូមប្រញាប់រួសរាន់ឡើយ ព្រោះចំនួនមានកំណត់!
សម្រាប់ក្រុមហ៊ុនអភិវឌ្ឍន៍គម្រោងបុរី ឬ ដីឡូតិ៍៖
កញ្ញា Mey Soun (ភាសាខ្មែរ / ភាសាអង់គ្លេស)
[email protected]
+855 77 241 285
សម្រាប់ក្រុមហ៊ុនអភិវឌ្ឍន៍គម្រោងខុនដូ ឬ គម្រោងអភិវឌ្ឍន៍ប្រើប្រាស់ចម្រុះ៖
លោក Nin Kang (ភាសាខ្មែរ / ភាសាចិន)
+855 78 637 323 / +855 93 552 305
សម្រាប់ក្រុមហ៊ុនអភិវឌ្ឍន៍គម្រោងខុនដូ ឬ គម្រោងអភិវឌ្ឍន៍ប្រើប្រាស់ចម្រុះ៖
លោក James Whitehead (ភាសាអង់គ្លេស)
[email protected]
+855 086 972 061

ដោយ ៖ រ៉ាណេត

ភ្នំពេញ ៖ គម្រោងអភិវឌ្ឍន៍លំនៅដ្ឋានបែបទាន់សម័យកម្រិតខ្ពស់របស់បុរី វិមានភ្នំពេញ ដែលជាគម្រោងទី១១ ឈ្មោះ ឌឹអេមផាយអឺ (The Empire) កំពុងទទួលបានការចាប់អារម្មណ៍ពីសំណាក់អតិថិជនយ៉ាងច្រើន បន្ទាប់ពីប្រារព្វពិធីបុកគ្រឹះសាងសង់ និងប្រកាសបើកលក់ជាផ្លូវការកាលពីអំឡុងចុងខែកញ្ញា កន្លងទៅនេះ។

គម្រោងអភិវឌ្ឍន៍ បុរី វិមានភ្នំពេញ ឌឹអេមផាយអឺ (The Empire) ដែលជាប្រភេទផ្ទះវីឡាប្រណីតតម្លៃខ្ពស់ ស្ថិតនៅក្នុងគម្រោងទី១១ របស់ក្រមហ៊ុន លី ហួរ ឌីវេឡុបម៉ិន វិមានភ្នំពេញ ឯ.ក នៅភូមិបាក់ខែង (ស្ពានទី៤) សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ បច្ចុប្បន្ននេះកំពុងទទួលបានការចាប់អារម្មណ៍ និងគាំទ្រពីសំណាក់អតិថិជនយ៉ាងច្រើន ដែលក្នុងនោះរួមមានទាំងអ្នកដែលដែលមានតម្រូវការលំនៅដ្ឋានស្នាក់នៅពិតប្រាកដ និងអ្នកដែលទិញទុកវិនិយោគបន្តយកចំណេញ។

ជាមួយនឹងសកម្មភាពនៃការចាប់ដំណើរការសាងសង់សំណង់លំនៅដ្ឋានកម្រិតខ្ពស់ ដែលមានភាពប្រណីត និងទាន់សម័យ ស្ថិតនៅលើផ្ទៃដីទំហំ២០ហិកតា លោកឧកញ៉ា លី ហួរ ប្រធានក្រុមប្រឹក្សាភិបាលក្រុមហ៊ុន លី ហួរ ឌីវេឡុបម៉ិន វិមានភ្នំពេញ ឯ.ក បានមានប្រសាសន៍ថា ចាប់តាំងពីឆ្នាំ២០១១រហូតមកដល់ពេលបច្ចុប្បន្ននេះ ក្រុមហ៊ុនបានចាប់ដំណើរការអភិវឌ្ឍន៍នៅវិស័យអចលនទ្រព្យ ជាពិសេសវិស័យលំនៅដ្ឋានគ្រប់ប្រភេទបានរហូតដល់ចំនួន១១គម្រោង ដែលក្នុងនោះរួមមានដូចជា អគារពាណិជ្ជកម្ម ផ្ទះពាណិជ្ជកម្ម ភូមិគ្រឹះ ផ្ទះវីឡាទោល វីឡាភ្លោះ វីឡាកូនកាត់ ផ្ទះល្វែង និងផ្ទះកម្រិតមធ្យម ដោយទទួលបានការគាំទ្រពីអតិថិជនយ៉ាងច្រើន”។

លោកឧកញ៉ាបានបន្តថា “កត្តាដែលធ្វើឱ្យក្រុមហ៊ុនអាចឈានជំហានបោះទុនវិនិយោគអភិវឌ្ឍន៍សាងសង់លំនៅដ្ឋានបានរហូតដល់គម្រោងទី១១ រួមជាមួយនឹងផែនការអភិវឌ្ឍន៍គម្រោងថ្មីៗបន្ថែមទៀតនៅថ្ងៃខាងមុខនេះ ក៏ព្រោះតែក្រុមហ៊ុនបានយកចិត្តទុកដាក់ទៅលើគុណភាពសំណង់ គុណភាពសេវាកម្ម ទីតាំងភូមិសាស្ត្រអភិវឌ្ឍន៍ និងផ្តល់នូវលក្ខខណ្ឌបង់ប្រាក់ងាយស្រួលស្របតាមស្ថានភាពកម្រិតជីវភាពរបស់អតិថិជន និងទៅតាមប្រភេទម៉ូតផ្ទះ”។

ជាមួយនឹងភាពល្អប្រណីតនៃគេហដ្ឋាន ជាពិសេសគុណភាពសំណង់សម្រាប់គម្រោងអភិវឌ្ឍន៍ទី១១ ខាងលើនេះបានផ្តល់ជូននូវលក្ខខណ្ឌនៃការទិញកាន់តែមានភាពងាយស្រួល រួមជាមួយនឹងការទទួលបានអត្ថប្រយោជន៍បន្ថែមជាច្រើន ដូចជាការអនុគ្រោះដល់ការបង់រំលស់ដោយគ្មានការប្រាក់រហូតដល់២៤ខែ ជាពិសេសមានការបញ្ចុះតម្លៃបន្ថែមរហូតដល់៥ភាគរយសម្រាប់រាល់ការទិញដែលបង់ផ្តាច់១០០ភាគរយ។

អ្វីដែលកាន់តែពិសេស នៅក្នុងគម្រោងអភិវឌ្ឍន៍បុរីលំនៅដ្ឋានបែបទំនើប និងទាន់សម័យកម្រិតខ្ពស់ វិមានភ្នំពេញ ឌឹអេមផាយអឺ (The Empire) ក្រៅពីមានការរចនាម៉ូដយ៉ាងវិចិត្រគួរជាទីទាក់ទាញនៅក្នុងលំនៅដ្ឋាន ថែមទាំងមានការរៀបចំយ៉ាងពិសេសទៅលើទីកន្លែងសាធារណៈ ដូចជាកន្លែងហាត់ប្រាណដ៏ស្រស់ស្អាត់ អាងហែលទឹកយ៉ាងល្អប្រណីត មានសួនច្បារ និងកន្លែងអង្គុយស្រូបយកខ្យល់អាកាស ក៏ដូចជាកន្លែងជួបជុំជជែកគ្នាលេងជាមួយអ្នកជិតខាង បង្កើនមិត្តភាព និងភាពស្និទ្ធស្នាលផងដែរ។

អភិបាលខណ្ឌជ្រោយចង្វារ លោក ឃ្លាំង ហួត ក៏បានបង្ហាញពីចំណាប់គាំទ្រទៅនឹងគម្រោងអភិវឌ្ឍន៍លំនៅដ្ឋានទំនើប និងទាន់សម័យមួយនេះផងដែរ ដោយលោកបានបញ្ជាក់ថា “ទីតាំងនៃការអភិវឌ្ឍន៍គម្រោងលំនៅដ្ឋានកម្រិតខ្ពស់ បុរី វិមានភ្នំពេញ ឌឹអេមផាយអឺ (The Empire) គឺមានភាពទាក់ទាញ និងមានសក្ដានុពលបំផុត ដោយសារតែស្ថិតនៅក្នុងតំបន់ដែលកំពុងមានការអភិវឌ្ឍ ជាពិសេសមានគម្រោងទីក្រុងរណបធំៗចំនួន២ដែលមានតម្លៃរាប់ពាន់លានដុល្លារ នៅអមសងខាង គឺគម្រោងក្រុងរណបរបស់ក្រុមហ៊ុន OCIC និងគម្រោងក្រុងរណបរបស់ក្រុមហ៊ុន លី យ៉ុងផាត់”។

លោកអភិបាលបានបន្តថា “ក្រៅពីគម្រោងអភិវឌ្ឍន៍ក្រុងរណបដូចបានលើកឡើងខាងលើនេះ រដ្ឋបាលក្រុងក៏មានគម្រោងអភិវឌ្ឍន៍ផ្លូវថ្មីចំនួន៣ខ្សែបន្ថែមទៀត ដែលស្ថិតជុំវិញគម្រោងអភិវឌ្ឍន៍លំនៅដ្ឋានខាងលើនេះ ដែលកាន់តែជំរុញឱ្យតំបន់ជ្រោយចង្វារមានភាពទាក់ទាញកាន់តែខ្លាំងបន្ថែមពីលើអ្វីដែលមានស្រាប់”។

នៅពេលបច្ចុប្បន្ននេះ សម្រាប់តំបន់ជ្រោយចង្វារ មានគម្រោងសាងសង់សំណង់លំនៅដ្ឋានបង្ហាញរូបរាងយ៉ាងស្អេកស្កះ ហើយលំនៅដ្ឋានខ្លះមានតម្លៃរហូតដល់ជាង៥០ម៉ឺនដុល្លារក៏មាន។ ក្រៅពីនេះ នៅមានសំណង់អគារពាណិជ្ជកម្ម ខុនដូ អាផាតមិនខ្ពស់ៗជាច្រើនគម្រោង ដែលគម្រោយខ្លះកំពុងសាងសង់ ហើយគម្រោងខ្លះទៀតបានបញ្ចប់ការសាងសង់ជាស្ថាពរ និងដាក់ដំណើរការជាផ្លូវការផងដែរ ខណៈដែលរាជរដ្ឋាភិបាលក៏កំពុងជំរុញការវិនិយោគបន្ថែមទៅលើវិស័យហេដ្ឋារចនាសម្ព័ន្ធផងដែរ៕

ដោយ ៖ រតនា

ភ្នំពេញ ៖ បន្ទាប់ពីបាន​ផ្សព្វផ្សាយពីវីឡាកូនកាត់ LV ម៉ូដថ្មី​កាលពីថ្ងៃទី៩ ខែតុលា ឆ្នាំ២០២០ កន្លងទៅ​នេះ បានធ្វើឱ្យអតិថិជន​រង់ចាំយ៉ាងអន្ទះសារ​តាម​រយៈ​ប្រអប់សារទំព័រហ្វេសប៊ុក និងការទាក់ទងទូរស័ព្ទផ្ទាល់​យ៉ាង​ច្រើន​ហូរហែ។ នា​ព្រឹក​ថ្ងៃទី១៥ ខែតុលា ឆ្នាំ២០២០ ម្សិលមិញនេះ បុរី​ ប៉េង ហួត បានប្រកាសបើកលក់ជាផ្លូវការ​នូវវីឡាកូនកាត់ LV ម៉ូដថ្មី លើទីតាំងដ៏មានសក្តានុពល ហ្គ្រេនស្តាផ្លាទីនីម ដំណាក់កាលទី២ អេកូ ខូឡិកសិន។

តាមការឱ្យដឹងពីលោកស្រី ទេព កន្និថា ប្រធានផ្នែកលក់ជាន់ខ្ពស់របស់ក្រុមហ៊ុន បុរី ប៉េង ហួត បានថ្លែងបញ្ជាក់ថា ត្រឹមថ្ងៃដំបូងនៃការបើកលក់​វីឡាកូនកាត់ LV ម៉ូដថ្មី​នេះ​ពិតជាទទួលបានការគាំទ្រ និងពេញចិត្តយ៉ាងខ្លាំង​ពីសំណាក់អតិថិជន ទើបធ្វើឱ្យការកក់ថ្ងៃដំបូង​បានរហូតដល់៨០%។  មូលហេតុដែលធ្វើឱ្យទទួលបានការគាំទ្រ​យ៉ាងច្រើនលើសលប់នេះ ដោយសារតែ​បុរី ប៉េង ហួត បានផ្តល់​វីឡាកូនកាត់ LV ម៉ូដថ្មី​លើទីតាំងដ៏មានសក្តានុពល​ក្នុងតម្លៃត្រឹមតែ 99,800 ដុល្លារប៉ុណ្ណោះ ដែលតម្លៃនេះ​មិនធ្លាប់មានពីមុនមកឡើយ បូករួមជាមួយអត្រាការប្រាក់សមរម្យ​ចាប់ពី 6.88% ឡើងទៅពីធនាគារដៃគូសហការ ថែមទៀតផង។

លោកស្រីបានបន្តទៀតថា “វីឡាកូនកាត់ LV ម៉ូដថ្មី​នេះ​ស្ថិតក្នុងគម្រោងដ៏ធំមួយ​ដែលមានឈ្មោះថា ហ្គ្រេនស្តាផ្លាទីនីម ដំណាក់កាលទី2 “អេកូ ខលឡិកសិន” គឺជាគម្រោងអភិវឌ្ឍលំនៅឋានទំនើបចម្រុះ រួមមានឧទ្យានដ៏ធំអស្ចារ្យអមទៅដោយរុក្ខជាតិចម្រុះខៀវស្រងាត់ ទីធ្លាកម្សាន្ត​ហ៊ុមព័ទ្ធដោយបឹងធម្មជាតិ ផ្លូវជិះកង់ ផ្លូវរត់ហាត់ប្រាណ និងកន្លែងក្មេងលេង​ពោរពេញទៅដោយបរិយាកាសបែបធម្មជាតិពិតៗ ដែលនឹងផ្តល់ជូននូវ​បទពិសោធន៍ថ្មីប្លែក និង​ភាពសម្បូរបែបនៃការរស់នៅបែបថ្មី។”

សូមបញ្ជាក់ផងដែរថា វីឡាកូនកាត់ LV ម៉ូដថ្មី​របស់បុរី ប៉េង ហួត គឺជាប្រភេទផ្ទះវីឡាកូនកាត់ម៉ូដថ្មី មានរចនាបថទំនើប​ជាមួយបន្ទប់ធំទូលាយស័ក្ដិសមឥតខ្ចោះ​សម្រាប់គ្រួសារសម័យថ្មី។ វីឡាកូនកាត់ LV នេះមានទំហំធំទូលាយប្រវែង 4.2m x 10m កម្ពស់៣ជាន់ មានបន្ទប់គេង៤ និងបន្ទប់ទឹក៥។

នៅជាន់ផ្ទាល់ដីទាំងមូលមើលទៅឃើញបរិវេណធំទូលាយដែលមានរចនាម៉ូតអមជាមួយជណ្តើរដ៏ទាក់ទាញខុសពីប្រភេទវីឡាកូនកាត់ផ្សេងៗទៀត រួមមានបរិវេណចម្អិនអាហារ បរិវេណទទួលទានអាហារ និងបរិវេណទទួលភ្ញៀវយ៉ាងស៊ីវិល័យ អាចឱ្យខ្យល់អាកាសចេញចូលបានគ្រប់គ្រាន់តាំងពីខាងមុខរហូតដល់ខាងក្រោយ រួមនឹងកន្លែងចតឡាននៅខាងមុខផ្ទះថែមទៀត​ផង។ ចំណែកនៅជាន់ទី១ មានបន្ទប់មេគ្រួសារ ១ ដ៏សាកសម សំរាប់គ្រួសារថ្មីថ្មោង និង បន្ទប់កូនស្រី ១ ។ ឯជាន់ទី២  មានបន្ទប់គេង២ធំទូលាយ និងបន្ទប់ទឹក២ ផ្តល់ផាសុកភាព និងភាពសុខដុមរមនាដល់ការរស់នៅរបស់លោកអ្នក។

រង់ចាំដល់ពេលណាទៀត ប្រញាប់រួសរាន់ឡើង មកមុនបានជម្រើសមុន ព្រោះចំនួនមានកំណត់។ សម្រាប់ព័ត៌មានបន្ថែម សូមទាក់ទងទូរស័ព្ទលេខ 098/ 016 / 017 596 789 ឬ រង់ចាំតាមដាន​ទំព័រ Facebook  ផ្លូវការរបស់បុរី ប៉េង ហួត ឬ អាចអញ្ជើញមកសាកសួរព័ត៌មាន​ពីគ្រប់ការិយាល័យលក់៕