ដោយ ហ្សូលី
ភ្នំពេញៈ ការទិញ-លក់អចលនទ្រព្យអាចដំណើរការទៅមុខបាន ដោយសារមានភ្នាក់ងារលក់អចលនទ្រព្យល្អ កិរិយាមាយាទទន់ភ្លន់ ចំណេះដឹងអំពីគម្រោងអចលនទ្រព្យ និងព័ត៌មានទូរទៅ។
ក្នុងនោះការនិយាយបញ្ចុះបញ្ចូល ទៅកាន់អតិថិជន ពិតជាមានឥទ្ធិពលជម្រុញឱ្យការលក់នោះទទួលបានជោគជ័យ។ វិធីសាស្ត្រនៃការបញ្ចុះបញ្ចូលអតិថិជន ឱ្យមានចិត្តចង់ទិញអចលនទ្រព្យពីអ្នកមានដូចជា
១. ស្វែងយល់ឱ្យច្បាស់ពីចំណេះដឹងនិងព័ត៌មានគម្រោងអចលនទ្រព្យ
ចំណេះដឹងគឺជាកម្លាំងដ៏អស្ចារ្យ ដែលអាចឱ្យអ្នកលក់បញ្ជូនសារ ទៅកាន់អ្នកទិញ ហើយនេះ ក៏ជាអន្ទាក់សុច្ចរិតមួយ ដែលបណ្តាលចិត្តឱ្យអតិថិជនជឿជាក់ មកលើអ្នកលក់ដូចគ្នា។ ដូច្នេះមុននឹងធ្វើការលក់ប្រភេទអចលនវត្ថុណាមួយ សូមហ្វឹកហាត់និងស្រូបយកចំណេះដឹងឱ្យច្រើន មិនថាជាព័ត៌មានអំពីទីតាំងគម្រោង សក្តានុពលគម្រោងនៅថ្ងៃអនាគត តែក៏ត្រូវដឹងពីស្ថានភាពវិស័យអចលនទ្រព្យបច្ចុប្បន្ន ដោយអានព័ត៌មានឱ្យបានច្រើនជាប្រចាំ។
ទោះបីជាការជួល ឬលក់ក៏ដោយ អ្នកលក់ត្រូវប្រាកដថា ខ្លួនមានការសិក្សាស្វែងយល់ឱ្យបានស៊ីជម្រៅ។
យោងតាមអ្នកជំនាញលក់អចលនទ្រព្យជាច្រើនរូប ធ្លាប់បានឱ្យដឹងស្រដៀងគ្នាកាលពីពេលកន្លងមកថា អ្នកដែលចូលមកប្រឡូក នៅក្នុងវិស័យអចលនទ្រព្យ ដោយផ្ដើមចេញពីការងារជា ភ្នាក់ងារលក់ គឺមានច្រើនហើយក៏មានអ្នក បោះបង់ឱកាសទៅវិញក៏មានច្រើនដែរ ដោយសារតែភាពបរាជ័យលើការលក់របស់ខ្លួន ហើយមិនមានការអត់ធ្មត់ និងសិក្សាបន្ថែមដើម្បីអភិវឌ្ឍន៍អាជីព។
២. យកភាពស្មោះត្រង់ជាអាទិភាព
យោងតាមទស្សនាវដ្តីបរទេសដ៏ល្បី Forbes បានឱ្យដឹងថា ភាពស្មោះត្រង់គឺជាធាតុផ្សំ ដ៏មានសក្តានុពលនៅក្នុងការលក់។ ដូចនេះសូមចំណាំថា កាលណាបើអ្នកបញ្ចុះបញ្ចូល ដោយប្រើប្រាស់ផ្នត់គំនិតថា «ធ្វើយ៉ាងណាក៏បានឱ្យតែលក់ចេញបាន» នោះដោយមិនយកភាពស្មោះត្រង់ជាអាទិភាព ការលក់របស់ លោក អ្នកអាចនឹងឈានទៅរកបរាជ័យ។
ក្រៅពីបរាជ័យនេះ អ្នកលក់អាចនឹងប្រឈមនឹងការបាត់បង់កិត្តិយស និងកេរ្តិ៍ឈ្មោះផងដែរ នាំឱ្យគ្មានអ្នកទិញនាពេលអនាគត។ ទំនុកចិត្ត ភាពជឿជាក់ ប្រៀបបីដូចជាកញ្ចក់ កាលណាដែលប្រេះស្រាំហើយ មិនងាយនឹងបញ្ចុះបញ្ចូលមកវិញបានឡើយ ព្រោះនេះជាសមាសធាតុយ៉ាងសំខាន់ក្នុងការលក់។
៣. សិក្សាពីតម្រូវការអតិថិជន
វិធីសាស្ត្រនេះជារឿងសំខាន់មួយផ្នែកដែរ ដែលអ្នកលក់អចលនទ្រព្យដាច់ខាតមិនគួរមើលរំលង។ ឧទាហរណ៍ អ្នកលក់មិនអាចលក់អចលនទ្រព្យ ដែលមានតម្លៃរាប់លានដុល្លារ ដោយមិនបានសួរអតិថិជនថា តើពួកគេចង់បានប្រភេទណា? នៅទីតាំងណា? ខ្ទង់តម្លៃប៉ុន្មាន?នោះឡើយ។ ការប្រព្រឹត្តបែបនេះបញ្ជាក់ថា អ្នកលក់រូបនោះមិនបានសិក្សាច្បាស់ពីតម្រូវការអតិថជនឡើយ។
ហេតុនេះទើបអ្នកជំនាញលក់អចលនទ្រព្យបានបញ្ជាក់ថា ការដែលអាចស្វែងរកទីផ្សារបាន ទាល់តែអ្នកលក់ធ្លាប់មានបទពិសោធន៍ ធ្លាប់ដឹង និងស្គាល់ពីតម្រូវការទីផ្សាររួមជាមួយនឹងកិច្ចទំនាក់ទំនងល្អ ជាមួយបណ្តាញនៅក្នុងវិស័យមួយនេះ។ វាអាចពង្រីកវិសាលភាពនៃទីផ្សារកាន់តែទូលាយ ហើយជួយជំរុញដល់ការលក់របស់អ្នកកាន់ តែមានប្រសិទ្ធភាពខ្ពស់៕ Forbes
លោក Lee JaeHoo ប្រធានក្រុមហ៊ុនDaehan Groupប្រចាំកម្ពុជា នៅក្នុងជំនួបពិភាក្សាងារជាមួយលោក ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនកាលពីថ្ងៃទី ៥មិថុនាម្សិលមិញនេះបានឱ្យដឹងថា គម្រោងនាំចូល និងដាក់ឲ្យដំណើរការម៉ូតូសាកថ្ម (Electric Vehicle) ដែលអាចប្តូរថ្មមានសាកនៅតាមស្ថានីយ៍ ហើយអាចប្រើប្រាស់ សម្រាប់ធ្វើដំណើរបានចម្ងាយប្រមាណ១០០គីឡូម៉ែត្រ ហើយអាចកាត់បន្ថយផលប៉ះពាល់ផ្នែកបរិស្ថាន។
លោកបន្តថា “ម៉ូតូនេះមានតម្លៃចន្លោះពី១០០០ ទៅ១៥០០ ដុល្លារសហរដ្ឋអាមេរិក និងបានស្នើសុំអនុសាសន៍ និង ការគាំទ្រពីឯកឧត្តមទេសរដ្ឋមន្ត្រីមុននឹងនាំចូលនិងដាក់ឱ្យដំណើរការគម្រោងនេះជាផ្លូវការ”។
