ដោយៈ វុត្ថា
ភ្នំពេញៈ ដោយមើលឃើញពីវិសាលភាព និងការទទួលបានផលចំណេញយ៉ាងច្រើនពីវិស័យអចលនទ្រព្យ បច្ចុប្បន្ននបានជម្រុញឱ្យមនុស្សជាច្រើនចាប់អារម្មណ៍ និងងាកមកប្រឡូកក្នុងមុខជំនួញជាអ្នកទិញ-លក់អចលនទ្រព្យយ៉ាងច្រើន។
អគ្គនាយកក្រុមហ៊ុនអចលនទ្រព្យ Century21 Advance លោក ឡុង គឹមសួគ៌ បានលើកឡើងថា មិនមែនការរកស៊ីនៅក្នុងវិស័យអចលនទ្រព្យ សុទ្ធតែទទួលបានចំណេញ និងជោគជ័យទាំងអស់នោះទេ ដែលក្នុងនោះភាពបរាជ័យក៏កើតមានច្រើនដែរ ជាពិសេសសម្រាប់អ្នកដែលរកស៊ីតាមគ្នា ដោយគ្មានជំនាញច្បាស់ និងការស្វែងយល់ពីទីផ្សារមួយនេះ។
លោកមានប្រសាសន៍ថា “ទោះជាអ្នកទាំងនោះ បានសម្រេចចិត្តចេញមកប្រកបជំនួញមួយនេះក៏ដោយ តែភាពជាក់ស្តែងត្រូវបានគត់សម្គាល់ឃើញថា មានមួយចំនួនអាចសម្រេចបានភាពល្អប្រសើរ និងរីកចម្រើនទទួលបានប្រាក់ចំណេ ញពីការវិនិយោគ ហើយក៏មានមនុស្សមួយក្រុមទៀត ជួបភាពបរាជ័យលើការធ្វើជំនួញ ក្នុងវិស័យមួយនេះទៅវិញ ដែលភាពបរាជ័យ និងភាពជោគជ័យ គឺមានការជាប់ព័ន្ធទៅនឹងចំណុចធំៗចំនួន៣ ដែលវាជាគ្រឹះក្នុងការប្រកបជំនួញទិញ-លក់អចលនទ្រព្យ” ។
លោកបានបញ្ជាក់ថា គោលការណ៍គ្រឹះទាំង៣ ដែលចាំបាច់ត្រូវតែដឹងមុនពេលចេញប្រឡូកក្នុងវិស័យអចលនទ្រព្យរួមមានដូចជា
ទី១ ស្វែងយល់ឱ្យបានច្បាស់ពីតម្លៃទីផ្សារ និងតម្រូវការជាក់ស្ដែង
នេះជាកិច្ចការដំបូង ដែលអ្នកត្រូវដឹងតម្លៃអចលនទ្រព្យជាក់ស្ដែងនៅក្នុងតំបន់នីមួយៗ ជាពិសេសគឺតំបន់កំពុងអភិវឌ្ឍន៍ និងតំបន់គ្រោងអភិវឌ្ឍន៍។ នៅពេលដែលអ្នកដឹងពីតម្លៃអចលនទ្រព្យ ក្នុងតំបន់ណាមួយច្បាស់ នោះអ្នកនឹងងាយស្រួលក្នុងការលក់ ឬទិញ ដោយទទួលបានផលចំណេញច្រើន។ អ្នកត្រូវដឹងឱ្យច្បាស់ថា តម្លៃនៃអចលនទ្រព្យមួយនេះ វានឹងកើនតម្លៃនៅក្នុងរយៈពេលប៉ុន្មានឆ្នាំទៀត ជាពិសេសត្រូវដឹងថា ហេតុអ្វីតំបន់នេះមានការអភិវឌ្ឍន៍ច្រើន ប៉ុន្តែតម្លៃនៃអចលនទ្រព្យមិនកើនឡើងសោះ?។
ទី២ សម្លឹងទៅតំបន់ជាយក្រុងដែលមានសក្ដានុពល
ជាការពិតណាស់ នៅពេលការអភិវឌ្ឍ តំបន់ក្នុងក្រុងកាន់តែតូចទៅៗ នោះក្រុមអ្នកវិនិយោគនឹងងាកទៅជាយក្រុងវិញម្ដង ដូច្នេះ អ្នកត្រូវដឹងថា បច្ចុប្បន្នតើការអភិវឌ្ឍនៅក្នុងទីក្រុងដល់កម្រិតណាហើយ ហើយវានឹងជះឥទ្ធិពលទៅដល់ជាយក្រុងនៅពេលណា? នៅពេលដែលអ្នកដឹងថា តំបន់ជាយក្រុងណាមួយ នឹងក្លាយជាតំបន់អភិវឌ្ឍន៍ នោះអ្នកនឹងមើលឃើញពីការរកស៊ី និងទទួលបានផលចំណេញ ពីការរកស៊ីនៅក្នុងវិស័យអចលនទ្រព្យមួយនេះ។
ទី៣ តាមដានព័ត៌មានដែលពាក់ព័ន្ធ
ត្រូវមានទំនាក់ទំនងល្អជាមួយនឹងស្ថាប័នឯកជន ឬស្ថាប័នរដ្ឋ ដើម្បីទទួលបានព័ត៌មាននានា ពាក់ព័ន្ធទៅវិស័យអចលនទ្រព្យ ព្រោះអ្នកនឹងដឹងថា តំបន់ណានឹងក្លាយជាតំបន់អភវិឌ្ឍន៍ពិតប្រាកដ តំបន់ណានឹងត្រូវរដ្ឋាភិបាលកាត់ធ្វើជារបស់រដ្ឋ។ មួយវិញទៀត ការមានទំនាក់ទំនងល្អជាមួយនឹងស្ថាប័នរដ្ឋ អ្នកក៏អាចនឹងទទួលបានផលចំណេញច្រើន ព្រោះនៅពេលមានក្រុមវិនិយោគមក គេអាចនឹងរុញច្រានគម្រោងណាមួយ ឱ្យមកអ្នកដឹងក៏ថាបានដែរ៕
វិបត្តិនេះអាចបង្ខំឲ្យអ្នកកាន់កាប់អចលនទ្រព្យក្នុងស្រុក លក់ក្នុងតម្លៃខាតបង់យ៉ាងច្រើន និងបង្កការភ័យខ្លាចថា ប្រជាជនហ្វីលីពីនអាចនឹងត្រូវលក់ដាច់នៅពេលនេះ ទំរាំតែទីផ្សារអចលនទ្រព្យងើបឡើងវិញ។
លោក ងួន រតនៈ អភិបាល នៃគណៈអភិបាលខេត្ត នៅក្នុងពិធីសម្ពោធដាក់ឲ្យប្រើប្រាស់ជាផ្លូវការនូវធនាគារជីបម៉ុង ខមមើសលប៊ែង សាខាខេត្តបាត់ដំបង កាលពីថ្ងៃទី ៥ ខែមិថុនា ម្សិលមិញនេះឱ្យដឹងថា ធនាគារ និងគ្រឹះស្ថានមីក្រូហិរញ្ញវត្ថុនេះ មិនត្រឹមតែបោះទុនវិនិយោគនេះក្នុងក្រុងតែប៉ុណ្ណោះទេ គឺមានការបោះទុនវិនិយោគដល់ទីជនបទ ដែលនេះសបញ្ជាក់ថា ខេត្តបាត់ដំបងមានសុវត្ថិភាពពេញលេញ គ្មានភាពភ័យខ្លាចដល់វិនិយោគិនឡើយ ។
តាមរយៈគណនីទំនាក់ទំនាក់ទំនងសង្គមរបស់សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រ កម្ពុជាបានឱ្យដឹងថាកាលពីល្ងាចថ្ងៃទី៥ ខែមិថុនា ឆ្នាំ២០២០បានឱ្យដឹងថា ផ្លូវក្រវាត់ក្រុងទី៣ បានបើកការដ្ឋានសាងសង់កាលពីថ្ងៃទី១៤ ខែមករា ឆ្នាំ២០១៩ ក្រោមអធិបតីភាពសម្តេចតេជោហ៊ុន សែន នាយករដ្ឋមន្រ្តីនៃកម្ពុជា និងឯកអគ្គរដ្ឋទូតចិនប្រចាំនៅកម្ពុជា ដែលរហូតមកដល់ពេលនេះ សម្រេចការសាងសង់បានជា៣៧ភាគរយហើយ។
សម្តេចតេជោនាយករដ្ឋមន្រ្តីបានបញ្ជាក់ថា ផ្លូវក្រវាត់ក្រុងខ្សែទី៣ គឺជាផ្លូវដ៏សំខាន់ក្នុងការជួយកាត់បន្ថយការកកស្ទះ និងជួយសម្រួលចរាចរណ៍ក្នុងរាជធានីភ្នំពេញ ម្យ៉ាងទៀតគឺជាការតភ្ជាប់ផ្ទៃក្នុង និងសមាហរណកម្មតំបន់ ពិសេសតភ្ជាប់ផ្លូវអាស៊ានហាយវ៉េ និងផ្លូវរបៀងសេដ្ឋកិច្ចសំខាន់ៗ របស់មហាអនុតំបន់មេគង្គ។ រួមចំណែកក្នុងការសម្រួលការដឹកជញ្ជូនឆ្លងកាត់ព្រំដែន ជំរុញពាណិជ្ជកម្មអន្តរជាតិ និងប្រែក្លាយទឹកដីដែលនៅសងខាងផ្លូវខ្សែក្រវាត់ក្រុងនេះ ទៅជាតំបន់អភិវឌ្ឍថែមទៀតផង។
ក្រសួងសាធារណការ និងដឹកជញ្ជូន ក្នុងនាមរាជរដ្ឋាភិបាលកម្ពុជាបាន ចុះកិច្ចសន្យាសាងសង់ ជាមួយក្រុមហ៊ុនសំណង់សៀងហៃចិន ក្នុងការអនុវត្តការងារសាងសង់ផ្លូវក្រវ៉ាត់ក្រុងទី៣ នេះ ដែលនឹងមានការត្រួតពិនិត្យបច្ចកទេសដោយក្រុមហ៊ុន ក្វាងចូវវ៉ាន់អាន មកពីប្រទេសចិនផងដែរ។
