ដោយ ប៊ី

ភ្នំពេញ៖ ក្រុមហ៊ុនផលិតចំណីសត្វយក្សរបស់ចិន Yantai China Pet Foods Co. , Ltd កំពុងវិនិយោគលើក្រុមហ៊ុនផលិតចំណីសត្វចិញ្ចឹមថ្មីមួយនៅក្នុងប្រទេសកម្ពុជាដែលនឹងត្រូវបានហៅថា I Tao Pet Supplies (Cambodia) Co. Ltd។

រោងចក្រថ្មីនេះនឹងមានទីតាំងនៅខេត្តព្រះសីហនុ ប្រទេសកម្ពុជា ហើយនឹងផលិតផលិតផលរបស់ក្រុមហ៊ុន Yantai រួមទាំងផលិតផលម៉ាក Wanpy។

ក្រុមហ៊ុន Yantai China Pet Foods Co. , Ltd មានទីតាំងនៅទីក្រុង Yantai ដោយប្រើប្រាស់ទុកវិនិយោគ ១២ លានដុល្លារ លើផ្ទៃដី ៤០០ ០០០ ម៉ែត្រការ៉េ។ ក្រុមហ៊ុនមានរោងចក្រ ១៤ កន្លែងនៅលើពិភពលោក និងរោងចក្រ ១៦ នៅក្នុងប្រទេសចិន។

លោក Hao Zhongli សា្ថនិកក្រុមហ៊ុន Yantai China Pet Foods Co. , Ltd ដែលបានចាប់អាជីវកម្មផលិតចំណីសត្វនេះតាំងពីឆ្នាំ ១៩៩៨ បានថ្លែងថា “សត្វចិញ្ចឹមគឺមិត្តភក្តិ និងគ្រួសាររបស់យើង ហើយក្រុមហ៊ុនព្យាយាមផ្គត់ផ្គង់ចំណីសត្វទៅកាន់អតិថិជនរបស់យើង”។

ប្រទេសកម្ពុជានឹងនៅបន្តទាក់ទាញការវិនិយោគផ្ទាល់ពីបរទេស (FDI) ដែលត្រូវបានព្យាករណ៍ថានឹងនៅតែមានកំណើនរឹងមាំនៅក្នុងឆ្នាំ ២០២០ នេះ។

លំហូរចូលនៃការវិនិយោគផ្ទាល់នៅកម្ពុជានឹងមានតម្លៃប្រមាណ ៣,៩៥ ពាន់លានដុល្លារអាមេរិកនៅឆ្នាំ ២០២០ កើនឡើង ១០ ភាគរយ បើធៀបនឹង ៣,៦ ពាន់លានដុល្លារអាមេរិកក្នុងឆ្នាំ ២០១៩។ នេះបើយោងតាមការព្យាករណ៍របស់ធនាគារជាតិនៃកម្ពុជា។

កម្ពុជាបានទាក់ទាញការវិនិយោគផ្ទាល់ពីបរទេស (FDI) ដែលមានទឹកប្រាក់ជិត ៣,៦ ពាន់លានដុល្លារអាមេរិកក្នុងឆ្នាំ ២០១៩ កើនឡើង ១២ ភាគរយ ធៀបនឹងឆ្នាំ ២០១៨។

ចំនួន ៤៣ ភាគរយ នៃវិនិយោគផ្ទាល់ពីបរទេសកាលពីឆ្នាំមុនបានមកពីប្រទេសចិន ១១ ភាគរយមកពីប្រទេសកូរ៉េខាងត្បូង ៧ ភាគរយពីប្រទេសវៀតណាម ៦ ភាគរយមកពីប្រទេសសឹង្ហបូរី ៦ ភាគរយមកពីប្រទេសជប៉ុននិងចំនួនផ្សេងទៀតបានមកពីប្រទេសផ្សេងទៀត។ នេះបើយោងតាមរបាយការណ៍សេដ្ឋកិច្ចរបស់ធនាគារជាតិនៃកម្ពុជា (NBC)៕

ដោយ ៖ រ៉ាណេត

ភ្នំពេញ ៖ យ៉ាងយូរនៅអំឡុងខែធ្នូ ឆ្នាំ២០២០ខាងមុខនេះ បណ្តាសហគ្រាសខ្នាតតូច និងមធ្យមជប៉ុន នឹងមកបណ្តាក់ទុនវិនិយោគនៅកម្ពុជាបន្ថែមទៀតទៅលើវិស័យចំរុះផ្សេងគ្នាតាមរយៈសមាគមជប៉ុន-កម្ពុជា។

ប្រធានសមាគមជប៉ុន-កម្ពុជា លោក តាកាហាស៊ី ហ្វូមីអាគី (Takahashi Fumiaki) បានសន្យានៅក្នុងកិច្ចជំនួបពិភាក្សាការងារជាមួយរដ្ឋមន្ត្រីក្រសួងពាណិជ្ជកម្ម លោក ប៉ាន់ សូស័ក្ដិ នៅទីស្ដីការក្រសួងកាលពីថ្ងៃទី១៨ ខែមីនា ឆ្នាំ២០២០ បានមានប្រសាសន៍បញ្ជាក់ថា ដោយសារការមើលឃើញពីភាពជាក់ស្ដែងនៃកំណើនសេដ្ឋកិច្ចកម្ពុជា និងភាពល្អប្រសើនៅក្នុងការធ្វើពាណិជ្ជកម្ម និងវិនិយោគ នៅត្រឹមអំឡុងខែធ្នូ ឆ្នាំ២០២០ខាងមុខនេះ តាមរយៈសមាមជប៉ុន-កម្ពុជា នឹងនាំសហគ្រាសខ្នាតតូច និងមធ្យមជប៉ុន មកកាន់កម្ពុជាបន្ថែមទៀត។

លោក តាកាហាស៊ី ហ្វូមីអាគី បានបន្តទៀតទៀតថា “នៅក្នុងចំណោមសហគ្រាសខ្នាតតូច និងមធ្យម ដែលមានបំណងចូលមកកាន់កម្ពុជាក្នុងពេលឆាប់ៗខាងមុខនេះ គឺមានច្រើនវិស័យផ្សេងគ្នា ហើយតាមរយៈវត្តមានសហគ្រាសទាំងអស់នេះ ក្រៅពីការបណ្តាក់ទុនវិនិយោគដែលអាចផ្តល់ចំណូលដល់កម្ពុជាក្នុងការជួយទ្រទ្រង់កំណើនសេដ្ឋកិច្ចជាតិ ថែមទាំងជួយបណ្តុះបណ្តាលជំនាញ និងចំណេះដឹងផ្នែកបច្ចេកទេសដល់ពលករកម្ពុជាផងដែរ”។

លោកបញ្ជាក់ថា “សមាគមជប៉ុន-កម្ពុជា នឹងរៀបចំដំណើរទស្សនកិច្ចលើកទី២ នៅក្នុងអំឡុងខែធ្នូ ឆ្នាំ២០២០ ខាងមុខនេះម្ដងទៀត ដើម្បីផ្សព្វផ្សាយពីសក្ដានុពលរបស់កម្ពុជា ជាគោលដៅវិនិយោគ និងមូលដ្ឋានផលិតសម្រាប់ផ្គត់ផ្គង់ទៅក្នុងខ្សែចង្វាក់ផលិតកម្មពិភពលោក និងតំបន់ ខណៈដែលបច្ចុប្បន្ននេះ នៅក្នុងចំណោមសមាជិកសមាគមជប៉ុន-កម្ពុជា មានសហគ្រិនមួយរូប បានបង្ហាញពីចំណាប់អារម្មណ៍ និងកំពុងតែសិក្សាអំពីការផលិតផលិតផលសំអាង និងសាប៊ូពីសូត្រមាសកម្ពុជា ក្នុងការបង្កើតម៉ាកបញ្ជាក់គុណភាព ដើម្បីផ្ដល់ទំនុកចិត្តដល់អតិថិជន និងទីផ្សារអន្តរជាតិ។

រដ្ឋមន្ត្រីក្រសួងពាណិជ្ជកម្ម លោក ប៉ានើ សូស័ក្ដិ បានជម្រាបជូនអំពីផលប៉ះពាល់មួយចំនួនលើសេដ្ឋកិច្ចកម្ពុជា ដែលបង្កដោយជំងឺកូវីដ១៩ ជាពិសេសផលប៉ះពាល់ទៅលើរោងចក្រ និងកម្មករ។ តែថ្មីៗនេះ វត្ថុធាតុដើមមួយចំនួនត្រូវបានបញ្ជូនមកដល់ដោយមិត្តចិន ហើយជាមួយនោះដែរ រោងចក្រមួយចំនួនក៏បានចាប់ផ្ដើមដំណើរការឡើងវិញ។ ក្រៅពីនោះ កម្ពុជាក៏កំពុងតែរៀបចំយុទ្ធសាស្ត្រពង្រឹងវិស័យសេដ្ឋកិច្ចរបស់ខ្លួនបន្ថែមទៀត រួមមានការធ្វើឱ្យប្រសើរឡើងប្រព័ន្ធហេដ្ឋារចនាសម្ព័ន្ធតភ្ជាប់ ផលិតកម្ម និងពិពិធកម្មទីផ្សារ និងផលិតផល។

ជាមួយគ្នានេះ លោករដ្ឋមន្ត្រី បានសាទរចំពោះគំនិតផ្ដួចផ្ដើមទាំងអស់នោះ ហើយបានលើកទឹកចិត្តឱ្យសមាគមជប៉ុន-កម្ពុជា ឆ្លៀតយកឱកាសក្នុងដំណើរទស្សនកិច្ចរបស់ខ្លួននៅខែធ្នូ ឆ្នាំ២០២០ ខាងមុខនេះ ចូលរួមនៅក្នុងពិព័រណ៍ផលិតផលនាំចេញនាំចូលកម្ពុជា លើកទី១៥ ដែលនឹងត្រៀមធ្វើនៅខែធ្នូ ឆ្នាំ២០២០ផងដែរ។ ដោយឡែកទាក់ទងនឹងការបង្កើតម៉ាកនានា លោករដ្ឋមន្ត្រី បានណែនាំឱ្យធ្វើការជិតស្និទ្ធជាមួយនាយកដ្ឋានកម្មសិទ្ធិបញ្ញានៃក្រសួងពាណិជ្ជកម្ម ដើម្បីពិភាក្សា និងធ្វើការបន្ថែមលើករណីនេះ។

យោងតាមកំណត់ត្រារបស់ក្រុមប្រឹក្សាអភិវឌ្ឍន៍កម្ពុជា គិតពីឆ្នាំ ១៩៩៤ រហូតដល់ឆ្នាំ២០១៩ គម្រោងវិនិយោគរបស់ជប៉ុនចំនួន ១៣៧គម្រោង ក្នុងទុនវិនិយោគសរុបជាង ២,៥ពាន់លានដុល្លារ ផ្តោតសំខាន់លើផលិតផលគ្រឿង បង្គុំអគ្គីសនី និងអេឡិចត្រូនិក គ្រឿងបង្គុំរថយន្ត និងបរិក្ខារបច្ចេកទេសកសិ-ឧស្សាហកម្ម ការកែ ច្នៃម្ហូបអាហារ សណ្ឋាគារ ទេសចរណ៍ មន្ទីរពេទ្យ និងផ្សារទំនើប។ ក្រៅពីគម្រោងវិនិ យោគ ដែលបានចុះបញ្ជីនៅក្រុមប្រឹក្សាអភិវឌ្ឍន៍កម្ពុជាខាងលើ ក៏មានវត្តមាននៃសកម្មភាព ធុរកិច្ច ជប៉ុនតូចធំ ប្រមាណ ១,៧០០ ក្រុមហ៊ុន ដែលមានសកម្មភាពក្នុងវិស័យដូចជា វិស័យ ធនាគារ អាកាសចរណ៍ និងភោជនីយដ្ឋាន ជាដើម៕

ដោយវុត្ថា

ភ្នំពេញ៖ សម្តេចតេជោ ហ៊ុន សែន នាយកដ្ឋមន្ត្រីនៃកម្ពុជា បានសម្រេច មិនអនុញ្ញាតឲ្យប្រជាជនវៀតណាមចូលមកកម្ពុជា និងប្រជាជនកម្ពុជាចូលទៅក្នុងប្រទេសវៀតណាមចាប់ពីម៉ោង១២យប់ថ្ងៃទី២០ ខែមីនាតទៅ តែសម្រាប់ការដឹកជញ្ជូនទំនិញឆ្លងកាន់ព្រំដែននៅតែដំណើរការដដែល។

យោងតាមសារជាសំលេងតាមរយៈប្រព័ន្ធតេឡេក្រាមមួយបង្ហាញថា សម្តេចតេជោ ហ៊ុន សែន បញ្ជាក់ថាការសម្រេចនេះបានធ្វើឡើងដើម្បីជួយសំរួលដល់ពលរដ្ឋវៀតណាម កុំអោយពិបាកចូលមកហើយ ត្រូវរដ្ឋាភិបាលវៀតណាម ដាក់ដាច់ដោយឡែក១៤ថ្ងៃ ខណៈដែលរដ្ឋាភិបាលវៀតណាមខ្លួនឯងក៏បានប្រកាសបិទព្រំដែនជាមួយកម្ពុជាផងដែរ។

សម្តេចតេជោថា “ការផ្លាស់ប្តូរទំនិញ បើអាចធ្វើទៅបាន គឺយើងឆ្លងទៅយកទំនិញនៅខាងវៀតណាមដើម្បីយកចូលមកស្រុកយើង រួចហើយខាងគាត់ឆ្លងមកយកទំនិញខាងនេះ (កម្ពុជា) យកទៅចូលស្រុកគាត់(វៀតណាម) ។ អញ្ចឹងទេ ពាណិជ្ជកម្មនៅតែដំណើរធម្មតា និងធ្វើឱ្យពាណិជ្ជកម្មនៅតាមព្រំដែននៅតាមព្រំដែននៅតែដំណើរការធម្មតា”។

សម្តេចតេជោបន្តថា “វៀតណាមដឹកទំនិញមកដាក់នៅកន្លែងណាមួយទៅ យើងយកឡានទៅដឹកចេញពីទីនោះមក ហើយយើងដឹកទំនិញទៅដាក់កន្លែងណាមួយ ហើយវៀតណាម យកឡានមកដឹកចូលទៅវៀតណាមទៅ ។ អញ្ចឹងទំនិញនៅតែមានការផ្លាស់ប្តូរបានតាមរយៈ យើងមិនឆ្លងចូលទៅកាន់វៀតណាម ហើយវៀតណាមនិងមិនចូលកម្ពុជាទេ”។

សម្តេចតេជោ បានបញ្ជាក់យ៉ាងច្បាស់ថា ការមិនអនុញ្ញាតឲ្យប្រជាជនវៀតណាមចូលមកកម្ពុជានេះ គឺមិនមែនជាការសងសឹក ឬបដិការនោះទេ ស្របពេលដែលវៀតណាមបានបិទច្រកព្រំដែនចេញកម្ពុជាដោយគ្មានការជូនដំណឹង ។
ជាមួយគ្នានេះ ក្រសួងការបរទេស និងសហប្រតិបត្តិការអន្តរជាតិកម្ពុជា នៅថ្ងៃទី១៩ ខែមីនា ឆ្នាំ២០២០នេះ បានចេញលិខិតមួយផ្ញើជូនស្ថានទូតវៀតណាមប្រចាំប្រទេសកម្ពុជា ដោយបញ្ជាក់អំពីការបិទព្រំដែនមួយរយៈ ដោយមិនអនុញ្ញាតឱ្យប្រជាជនប្រទេសទាំងពីរ ឆ្លងកាត់ឡើង។ ការអនុវត្តវិធានការនេះ ត្រូវធ្វើឡើងចាប់ពីវេលាម៉ោង២៣៖៥៩យប់ ថ្ងៃទី២០ ខែមីនា ឆ្នាំ២០២០។

លិខិតនេះ បញ្ជាក់ថា ការសម្រេចរបស់កម្ពុជា ក្នុងការបិទច្រកព្រំដែនកម្ពុជា-វៀតណាម ជាបណ្តោះអាសន្ននេះ បានធ្វើឡើងបន្ទាប់ពីមានបទបញ្ជាពីសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ក្រោយពេលរដ្ឋាភិបាលវៀតណាមបានសម្រេចបិទច្រកភ្លាមៗ ដោយមិនបានជូនដំណឹងដល់រាជរដ្ឋាភិបាលកម្ពុជា៕

ដោយ ប៊ី

ភ្នំពេញៈ អ្នកនាំពាក្យក្រសួងពាណិជ្ជកម្មលោកសៀង ថៃបានឱ្យដឹងថា តម្លៃសាំង និងប្រេងម៉ាស៊ូតនៅកម្ពុជា នឹងបន្តធ្លាក់ចុះនៅឆ្នាំនេះ ដោយសារភាពតានតឹងពិភពលោក ខណៈក្រុមហ៊ុន KrisEnergyនៅតែបន្តជម្រុញការអភិវឌ្ឍន៍ប្រេងអប្សរា ដោយមានគោលបំណងផលិតប្រេងដំបូងក្នុងឆ្នាំនេះ។

លោកបានបញ្ជាក់ថា តម្លៃប្រេងឥន្ធ នៈនៅតាមស្ថានីយ៍ប្រេងឥន្ធនៈ នឹងមិនលើសពី៣.៦១០ រៀល (០,៩ ដុល្លារ) ក្នុងមួយលីត្រនៅឆ្នាំ២០២០ រីឯតម្លៃប្រេងម៉ាស៊ូតនឹងមិនឡើងថ្លៃជាង៣.៣៤៣ រៀល។ លោកបានព្យាករណ៍ថា តម្លៃប្រេងឥន្ធនៈនៅតែបន្តធ្លាក់ចុះនៅក្នុងខែ មីនា។

បច្ចុប្បន្នកម្ពុជាមានស្ថានីយ៍ប្រេងឥន្ធនៈចំនួន៤០០០ កន្លែងនៅក្នុងប្រទេសកម្ពុជា ប៉ុន្តែមានតែ៧០០កន្លែងប៉ុណ្ណោះ ដែលត្រូវបានយល់ព្រមដោយក្រសួងរ៉ែ និងថាមពល។

ក្រុមហ៊ុន KrisEnergy Ltd ត្រូវបានរំពឹងថា នឹងទាញយកដំណក់ប្រេងដំបូងពីប្រទេសកម្ពុជាក្នុងឆ្នាំនេះ។ ក្រុមហ៊ុនដែលមានមូលដ្ឋាននៅប្រទេសសឹង្ហបូរីនេះ កំពុងខួងអណ្តូងប្លុកA ដែលជាទីតាំងនៅលើដែនទឹកសមុទ្រកម្ពុជា។

នៅក្នុងការឆ្លើយតបតាមសារអេឡិចត្រូនិច ក្រុមហ៊ុនបាននិយាយថា “ទោះបីជាសកម្មភាពតម្លៃប្រេងបច្ចុប្បន្ន មានការព្រួយបារម្ភក៏ដោយ ក៏ក្រុមហ៊ុន KrisEnergy នៅតែបន្តជម្រុញការអភិវឌ្ឍន៍ប្រេងអប្សរា ដោយមានគោលបំណងផលិតប្រេងដំបូងនៅឆ្នាំនេះ”។

ក្រុមហ៊ុន KrisEnergy រំពឹងថា នឹងទទួលបានដំណក់ប្រេងដំបូង ពីការអភិវឌ្ឍនៅតំបន់អប្សរានៅប្លុកA ក្នុងដែនទឹករបស់ប្រទេសកម្ពុជានៅពាក់កណ្តាលឆ្នាំ។

ការជួសជុល និងកែលំអរទេះផលិតប្រេង Ingenium II ២ បន្តនៅទីធ្លា Benoi និងផែស្ងួត Gul នៅសឹង្ហបូរី។

ការតំឡើង និងការធ្វើសមាហរណកម្ម ត្រូវបានបញ្ចប់នូវឧបករណ៍ផលិតថាមពលថ្មី បន្ទប់បញ្ជាកណ្តាលបន្ទប់ប្តូរអគ្គិសនី បន្ទប់ទទួលភ្ញៀវ ជើងដងស្ទួច ម៉ាស៊ីនបំលែងអគ្គិសនី និងផលិតកញ្ចប់កែច្នៃទឹក ហើយការបញ្ចប់មេកានិចគ្រប់ប្រព័ន្ធទាំងអស់ ត្រូវបញ្ចប់មុនពេលចាប់ផ្តើមប្រតិបត្តិការ។

ការស្ថាបនាកំពូល និងទ្រនាប់សម្រាប់បំពាក់សម្ភារៈបរិក្ខារអប្បបរមា ដែលបានចាប់ផ្តើមនៅខែ ធ្នូ នៅឯរោងចក្រ PT Profab1 នៅលើកោះបាំបាប្រទេសឥណ្ឌូនេស៊ី។ នៅពេលដែលបានបញ្ចប់ វានឹងត្រូវបានផ្ទុកទៅលើកប៉ាល់ដឹកទំនិញ ទៅកាន់ទីតាំងផលិត។

ដំណើរការរុករុកប្រេង លើផ្ទៃក្រឡាទំហំ២០០គីឡូម៉ែត្រ នៃទិន្នន័យរញ្ជួយ3D ដែលទទួលបាន ពីតំបន់អភិវឌ្ឍន៍អប្សរានៅពាក់កណ្តាលឆ្នាំ២០១៩ ក៏ត្រូវបានបញ្ចប់នៅខែធ្នូដែរ។ យោងទៅតាម KrisEnergy នេះគួរតែធ្វើអោយប្រសើរឡើង នូវរូបភាពនៃភូមិសាស្ត្រ និងការរចនានៃគន្លងអណ្តូងប្រែងមុនការខួងអភិវឌ្ឍន៍។

ដំណើរការផ្ទៃក្រឡាទំហំ១.០០០គីឡូម៉ែត្រក្រឡា (៣៨៦ ម៉ែលការ៉េ) នៃទិន្នន័យ 3D លើតំបន់អនាគតដ៏ធំមួយនៅភាគនិរតីនៃប្លុកA ត្រូវបានរំពឹងថានឹងបញ្ចប់នៅពាក់កណ្តាលឆ្នាំ៕