(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានជំរុញឱ្យរដ្ឋមន្រ្តីធម្មការសិក្សាពាក់ព័ន្ធនឹងការប្រតិបត្តិសាសនា ឲ្យបានច្បាស់លាស់ព្រោះថា សាសនាត្រឹមត្រូវច្បាស់លាស់យើងគោរព តែសាសនាមិនត្រឹមត្រូវ ត្រូវតែតាមដានពិនិត្យមើលឱ្យច្បាស់ ដោយសារតែ សាសនានីមួយៗមានមូលដ្ឋាន និងមានក្រមប្រតិបត្តិត្រឹមត្រូវ។

ការលើកឡើងរបស់សម្តេចមហាបវរធិបតី ហ៊ុន ម៉ាណែត ធ្វើឡើងក្នុងឱកាស សម្ដេចមហាបវរធិបតី អញ្ជើញបើកការដ្ឋានសាងសង់អគារទីស្នាក់ការ គណបក្សប្រជាជនកម្ពុជាខេត្តកំពង់ធំ នាព្រឹកថ្ងៃទី០៣ ខែកក្កដា ឆ្នាំ២០២៥។

សម្តេចមហាបវរធិបតី ហ៊ុន ម៉ាណែត បានថ្លែងឲ្យដឹងថា «ឥឡូវនេះសាសនាយើងមានធំៗ៣យ៉ាង តែថ្មីៗនេះឃើញថា មានចេញនូវសាសនាព្រហ្មញ្ញ ចេញតាឥសីព្រាតពេញនឹង ដូច្នេះខ្ញុំបានឲ្យឯកឧត្តម ចាយ បូរិន សិក្សាឲ្យច្បាស់ក៏ព្រោះថា សាសនានីមួយៗមានមូលដ្ឋាន និងមានក្រមប្រតិបត្តិត្រឹមត្រូវ។ ពិតប្រាកដណាស់សាសនា ដែលត្រឹមត្រូវយើងគោរព ប៉ុន្ដែត្រូវសិក្សាឲ្យបានច្បាស់លាស់ជាមុនសិន ដើម្បីដឹងថាបន្ទាត់នៅត្រង់ណា ចៀសវាងអ្នកខ្លះ យកសាសនាទៅធ្វើរឿងផ្សេងៗ។ ហេតុដូច្នេះទើបថា សាសនាត្រឹមត្រូវយើងគោរព ប៉ុន្ដែសាសនាខ្លះដែលបង្ករភាពច្របូកច្របល់ ក្នុងសង្គមត្រូវតែតាមដានពិនិត្រឲ្យបានច្បាស់លាស់»។

សម្តេចមហាបវរធិបតី ហ៊ុន ម៉ាណែត បានលើកឡើងទៀតថា ជាក់ស្ដែងយើងជាសាសនាព្រះពុទ្ធ ប៉ុន្ដែយើងអាចយល់ខ្លះៗពីសាសនាឥស្លាម ប៉ុន្ដែសាសនាព្រហ្មញ្ញមានអ្នកយល់តិចតួចណាស់ ដូច្នេះហើយទើបថ្មីៗនេះលោកជំទាវ ភឿង សក្កុណា បានឲ្យសិក្សាជាមួយនឹងបាគូក្នុងព្រះរាជវាំង ដើម្បីយើងកំណត់សិទ្ធិឲ្យបងប្អូន ធ្វើកម្រិតណាត្រឹមត្រូវ ចៀសវៀងមានអ្នកឆ្លៀតឱកាសធ្វើរឿងមិនល្អ ព្រោះកន្លងមកឃើញថា មានតាឥសីខ្លះបិណ្ឌបាត, ចំណែកតាឥសីខ្លះទៀតរៀបការប្រពន្ធជាដើម។

សម្តេចមហាបវរធិបតីបានថ្លែងបន្ដថា «កន្លងមកឃើញថា សាសនាយើងកន្លែងខ្លះ ក៏មានបងប្អូនប្រព្រឹត្តិជ្រុលហួសហេតុ ដូច្នេះបងប្អូនដែលចង់ធ្វើក៏អ្វីធ្វើទៅ ប៉ុន្ដែកុំបង្ហោះបង្ហាញពេញនឹង កន្លងមកយើងឃើញថា មានបងប្អូនដើរតួចធ្វើជាព្រះនាឥន្ទ្រីទេវីជាដើម នេះជារឿងខុសឆ្គង និងមិនត្រូវធ្វើនោះទេ ដូច្នេះសូមក្រសួងធម្មការ ត្រូវមើលឲ្យច្បាស់ និងតាមដានឲ្យជាប់ ធានាសិទ្ធិសេរីភាពសាសនា ប៉ុន្ដែត្រូវគោរព សាសនាឲ្យបានច្បាស់លាស់ ដើម្បីការពារតម្លៃសាសនា នេះជាកតព្វកិច្ចរបស់ក្រសួង, ជាកតព្វកិច្ចរបស់សាសនា និងអ្នកដឹកនាំសាសនាទាំងអស់ ទាំងអស់រួមទាំងអស់គ្នា ដើម្បីធ្វើការសហការធ្វើយ៉ាងណា ធ្វើឲ្យតម្លៃនៃសាសនាមានភាពច្បាស់លាស់។

សម្តេចមហាបវរធិបតី ហ៊ុន ម៉ាណែត បានបញ្ជាក់ថា «តម្លៃសាសនាគឺអាស្រ័យលើភាពពិតប្រាកដ នៃការប្រតិបត្តិ ដូច្នេះប្រសិនបើយកទៅធ្វើអ្វីផ្ដេសផ្ដាស នោះនឹងនាំឲ្យមានភាពមិនល្អនៃសាសនា […..]»៕

(ព្រៃវែង)៖ សម្ដេចតេជោ ហ៊ុន សែន ប្រធានព្រឹទ្ធសភានៃកម្ពុជា បានថ្លែងបញ្ជាក់ថា ទម្រាំព្រះរាជាណាចក្រកម្ពុជាបានឈានមកដល់ពេលបច្ចុប្បន្ននេះ បានឆ្លងកាត់រឿងច្រើនណាស់ រួមជាមួយការខិតខំប្រឹងប្រែងក្នុងការបញ្ចប់សង្គ្រាម តាមរយៈការដាក់ចេញនូវនយោបាយឈ្នះឈ្នះ ហើយក៏មានការខិតខំប្រឹងប្រែងគ្រប់ផ្នែកទាំងអស់ទម្រាំមានថ្ងៃនេះ មិនមែនទទួលបានដោយសារធ្លាក់ពីលើមេឃនោះទេ។

សម្ដេចតេជោ ហ៊ុន សែន បានថ្លែងដូចនេះនៅព្រឹកថ្ងៃទី៣ ខែកក្កដា ឆ្នាំ២០២៥នេះ នាឱកាសដែលសម្តេចបានអញ្ជើញជាអធិបតីភាពក្នុងពិធីជួបសំណេះសំណាលជាមួយសិស្ស និស្សិត និងលោកគ្រូ អ្នកគ្រូ នៅមជ្ឈមណ្ឌលអប់រំបណ្ដុះបណ្ដាល ជា ស៉ីមមកំចាយមារ ដែលមានទីតាំងស្ថិតនៅស្រុកកំចាយមារ ខេត្តព្រៃវែង។

សម្ដេចតេជោ ហ៊ុន សែន បានថ្លែងដូចនេះថា «ពីមុនយើងចាប់ផ្តើមពីអ្នកចេះច្រើន បង្រៀនអ្នកចេះតិច អ្នកចេះតិចបង្រៀនអ្នកមិនចេះ ចាប់ផ្តើមពីអាណឹង តែមកដល់ពេលនេះអត់ទេ ធនធានមនុស្សរបស់យើងដែលបានប្រឹងប្រែងក្នុងរយៈពេលជាង ៤០ឆ្នាំកន្លងផុត បានក្លាយទៅជាធនធានមនុស្សដែលមានគុណភាព គ្រូរបស់យើងនៅតាមសាលា ពីមុនយើងប្រើប្រាស់រូបមន្ត ៩+១ អាចចេញទៅបង្រៀន ប៉ុន្តែឥលូវនេះមាន ១២+១ ១២+២ ១២+៤ មានបរិញ្ញាបត្រ+១ បានចេញទៅបង្រៀនបាន ការអភិវឌ្ឍប្រែប្រួលរបស់យើង យើងប្រឹងណាស់ មិនមែនធ្លាក់ពីលើមេឃនោះទេ យើងប្រឹងស្មើដៃគ្នា»។

សម្ដេចតេជោ ហ៊ុន សែន បានបន្ថែមថា គ្រប់វិស័យទាំងអស់យើងប្រឹងណាស់ ទម្រាំងនឹងប្រទេសជាតិរបស់យើងបានមកដល់ប៉ុណ្ណោះគឺពិបាកណាស់ ហើយយើងក៏បានខិតខំប្រឹងប្រែង ក្នុងការរកដំណោះស្រាយដើម្បីបញ្ចប់បញ្ហាសង្គ្រាមផងដែរ។

សម្ដេចតេជោ ហ៊ុន សែន បានបញ្ជាក់ដែរថា កម្ពុជាពិតជាមានមោទនភាព ដែលកម្ពុជាបានរក្សាស្ថេរភាពគង់វង្ស បើយើងគិតពីឆ្នាំ១៩៩៣ រហូតមកដល់ពេលនេះ មានរយៈពេលជាង ៣០ឆ្នាំមកហើយ ក្នុងរយៈពេលជាង ៣០មកនេះ ព្រះកូណាសព្វថ្ងៃនេះ ព្រះអង្គបានគ្រងរាជ ២០ឆ្នាំ ទាំងព្រះកូណាបិតា និងព្រះកូណាបច្ចុប្បន្ន ដែលព្រះអង្គបានគ្រងរាជ ដោយបានផ្តល់នូវភាពសុខសាន្ត និងស្ថេរភាពសម្រាប់រាជរដ្ឋាភិបាល ដែលបានជម្រុញកំណើនសេដ្ឋកិច្ចជាមធ្យម ៧% មុនពេលមានជំងឺកូវីដ១៩ ដែលនេះក៏ផ្តើមចេញពីការអនុវត្តនយោបាយឈ្នះឈ្នះ ដែលកត្តាទាំងអស់នេះហើយ យើងត្រូវប្រឹងប្រែងរួមគ្នាថែរក្សាឱ្យបានគង់វង្ស៕

ដោយៈ គង់ សូរិយា

    ភ្នំពេញៈ មន្រ្តីជាន់ខ្ពស់រាជរដ្ឋាភិបាល ដឹកនាំដោយលោកឧបនា​យករដ្ឋមន្រ្តីស៊ុន ចាន់ថុលអនុប្រធានទី១ នៃក្រុមប្រឹក្សាអភិវឌ្ឍន៍កម្ពុជាបានដឹកនាំកិច្ចប្រជុំ ពិភាក្សាការងារលើការរៀបចំផែនការមេ និងការអភិវឌ្ឍច្រករបៀងគម្រោងព្រែកជីកហ្វូណនតេជោ។

លោកប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន អញ្ជើញចូលរួមកិច្ចប្រជុំផងដែរ និងមានការចូលរួមពីមន្រ្តីក្រសួងពាក់ព័ន្ឋ ព្រមទាំងតំណាងក្រុមហ៊ុនសាជីវកម្មស្ពាននិងថ្នល់ចិនCRBC និងមន្ត្រីជំនាញពាក់ព័ន្ធជាច្រើនរូបទៀត។

កិច្ចប្រជុំនេះធ្ចើឡើង ដើម្បីរៀបចំគម្រោងហេដ្ឋារចនាសម្ព័ន្ធដែលនៅតាមសងខាងតំបន់ព្រែកជីកហ្វូណនតេជោ ដោយនៅក្នុងនោះមានដូចជាគម្រោងផែរណប គម្រោងហេដ្ឋារចនាសម្ព័ន្ធស្ពាន-ថ្នល់ គម្រោ​ងទាក់ទងនឹងតំបន់សេដ្ឋកិច្ចពិសេស តំបន់ពាណិជ្ជកម្ម តំបន់អភិវឌ្ឍទេសចរណ៍ តំបន់តភ្ជាប់ជាមួយប្រព័ន្ធធារាសាស្រ្ត តភ្ជាប់ជាមួយច្រករបៀង និងតំបន់ប៉ូលសេដ្ឋកិច្ចផ្សេងទៀត៕

ដោយៈ គង់ សូរិយា

    ភ្នំពេញៈ ស្រុកកោះធំបាននិងកំពុងទទួលបាន ចំណងដៃកីឡាដ្ឋានដ៏ស្រស់ស្អាតមួយ ដែលជាចំណងដៃរបស់ក្រុមមន្រ្តីក្រសួងសាធារណៈការ និងដឹកជញ្ជូន។

ថ្នាក់ដឹកនាំក្លឹបហែលទឹកក្រសួងសាធារណការ និងដឹកជញ្ជូន ចុះពិនិត្យហេដ្ឋារចនាសម្ព័ន្ធ និងប្រតិបត្តិការរបស់កីឡដ្ឋានស្រុកកោះធំ។

លោកហេង ណន ប្រធានក្លឹបហែលទឹកក្រសួងសាធារណការ និងដឹកជញ្ជូន តំណាងដ៏ខ្ពង់ខ្ពស់លោកប៉េង ពោធិ៍នា រដ្ឋមន្ត្រីក្រសួងសាធារណការនិងដឹកជញ្ជូន បានចុះពិនិត្យហេដ្ឋារចនាសម្ព័ន្ធ និងប្រតិ​បត្តិការរបស់កីឡដ្ឋានស្រុកកោះធំ។

ក្នុងការចុះពិនិត្យនេះ មានការអញ្ជើញចូលរួមពីសំណាក់អនុប្រ​ធានក្លឹប អគ្គលេខាធិការ  អគ្គលេខាធិការរង សមាជិក សមាជិកាក្លឹប ក្រុមប្រឹក្សាស្រុក គណ:អភិបាលស្រុក និងតំណាងនៃសហព័ន្ធខ្មែរកីឡាហែលទឹកផងដែរ ដើម្បីកែលម្អឱ្យបានល្អប្រសើរ និងធានាបាននូវនិរន្តរភាព នៃប្រតិបត្តិការរបស់កីឡដ្ឋានឱ្យដំណើរការដោយរលូន៕

ដោយៈ គង់ សូរិយា

    ភ្នំពេញៈ ក្រុមមន្រ្តីបានកិច្ចប្រជុំគណៈកម្មការអន្តរក្រសួង ស្តីពីការតាមដាន និងត្រួតពិនិត្យបច្ចេកទេស និងគុណភាពនៃការជួសជុល និងថែទាំផ្លូវរបស់ក្រុមហ៊ុនគ្លូប៊ល ហ្រ្គីន (ខេមបូឌា) អេនើជី ឌីវេឡុបមេន ឯ.ក។

លោកយិត បុណ្ណា រដ្ឋលេខាធិការ ក្រសួងសាធារណការ និងដឹកជញ្ជូន និងជាប្រធានគណៈកម្មការអន្តរក្រសួង បានអញ្ជើញដឹកនាំកិច្ចប្រជុំគណៈកម្មការអន្តរក្រសួង ស្ដីពីការតាមដានត្រួតពិនិត្យបច្ចេកទេ​ស និងគុណភាពផ្លូវរបស់ក្រុមហ៊ុនគ្លូប៊ល ហ្គ្រីន (ខេមបូឌា) អេនើជី ឌីវេឡុបមែម ឯ.កដោយមានការអញ្ជើញចូលរួមពី ថ្នាក់ដឹកនាំ និងអង្គភាពពាក់ព័ន្ធក្រោមឱវាទក្រសួងសាធារណការ និងដឹកជញ្ជូន ថ្នាក់ដឹកនាំក្រសួងសេដ្ឋកិច្ច និងហិរញ្ញវត្ថុ ក្រសួងរ៉ែ និងថាមពល  អភិបាលរងខេត្ត ប្រធានមន្ទីរសាធារណការ និងដឹកជញ្ជូន ខេត្តស្ទឹងត្រែង ខេត្តព្រះវិហារ ខេត្តកំពង់ធំ និងខេត្តកំពង់ឆ្នាំង និងលោក លោកស្រី ជាថ្នាក់ដឹកនាំ និងមន្ត្រីមកពីក្រសួង-ស្ថាប័នពាក់ព័ន្ធ រួមទាំងតំណាងក្រុមហ៊ុន គ្លូប៊ល ហ្គ្រីន (ខេមបូឌា) អេនើជី ឌីវេឡុបមេន ឯ.ក ជាច្រើនរូបផងដែរ។

កិច្ចប្រជុំនេះ ត្រូវបានរៀបចំឡើងក្នុងគោលបំណង ដើម្បីពិនិត្យលទ្ធផលការងារ និងបញ្ហាប្រឈមនៃការជួសជុល និងថែទាំផ្លូវដែលក្រុមហ៊ុនគ្លូប៊ល ហ្រ្គីន (ខេមបូឌា) អេនើជី ឌីវេឡុបមេន ឯ.ក ដែលកើតមានលើការដ្ឋាន។

លោករដ្ឋលេខាធិការ ប្រធានដឹកនាំកិច្ចប្រជុំ បានផ្ដល់អនុសាសន៍ណែនាំ ដល់យក្រុមហ៊ុនបន្តយកចិត្តទុកដាក់ ជួសជុល ថែរទាំកំណាត់ផ្លូវ ដែលក្រុមហ៊ុនដឹកជញ្ជូនឆ្លងកាត់បន្ថែមទៀត ពិសេសជួសជុលរាល់ការខូចខាតកំណាត់ផ្លូវបច្ចុប្បន្ន ឱ្យបានរួចរាល់មុនរដូវវស្សាឈានមកដល់ ហើយក្រុមការងារត្រួតពិនិត្យ ត្រូវបន្តពិនិត្យតាមដានលើបច្ចេក​ទេសនៃការអនុវត្តការងាររបស់ក្រុមហ៊ុន សំដៅទទួលបាននូវគុណភាពផ្លូវស្របទៅតាមបទដ្ឋានបច្ចេកទេស ព្រមទាំងការណែនាំបន្ថែមពីគោលការណ៍នីតិវិធី ជួសជុល និងថែទាំផ្លូវរបស់ក្រសួងសាធារណការ និងដឹកជញ្ជូនផងដែរ៕

ដោយៈ គង់ សូរិយា

    ភ្នំពេញៈ ក្រុមមន្រ្តីបានបើកកិច្ចប្រជុំពិនិត្យ និងពិភាក្សាលើការសិក្សាសមិទ្ធិលទ្ធភាព នៃគម្រោងសាងសង់ផ្លូវតភ្ជាប់ពីស្ពានមិត្តភាពកម្ពុជា-កូរ៉េ។

កិច្ចប្រជុំនេះដឹកនាំដោយលោកភួង ភិរុណ អនុរដ្ឋលេខាធិការ តំណាង លោកឈួន វិន រដ្ឋលេខាធិការក្រសួងសាធារណការ និងដឹកជញ្ជូន និងជានាយកគ្រប់គ្រងគម្រោងស្ថាបនាផ្លូវ តភ្ជាប់ពីស្ពានមិត្តភាពកម្ពុជា-កូរ៉េ បានអញ្ជើញដឹកនាំកិច្ចប្រជុំពិនិត្យ និងពិភាក្សាលើការសិក្សាសមិទ្ធិលទ្ធភាព នៃគម្រោងសាងសង់ផ្លូវតភ្ជាប់ពីស្ពានមិត្ត​ភាពកម្ពុជា-កូរ៉េ ក្រោមហិរញ្ញប្បទានសហប្រតិបត្តិការ ពីរដ្ឋាភិបាលនៃសាធារណរដ្ឋកូរ៉េ ដោយមានការអញ្ជើញចូលរួមពីសមាជិកអង្គភាពគ្រប់គ្រងគម្រោង តំណាងក្រសួងសេដ្ឋកិច្ច និងហិរញ្ញវត្ថុ តំណាងមូលនិធិសហប្រតិបត្តិការអភិវឌ្ឍន៍សេដ្ឋកិច្ចកូរ៉េ (EDCF) និងមន្ត្រីជំនាញពាក់ព័ន្ធ។

កិច្ចប្រជុំនេះរៀបចំឡើងក្នុងគោលបំណង ដើម្បីពិនិត្យទៅលើការសិក្សាសមិទ្ធិលទ្ធភាព ក្នុងការសាងសង់ផ្លូវតភ្ជាប់ពីស្ពានមិត្តភាព កម្ពុជា-កូរ៉េ ទៅផ្លូវល្បឿនលឿនភ្នំពេញ-បាវិត និងទៅស្ពានព្រែកតាមាក់ សំដៅពង្រីកការតភ្ជាប់ពីស្ពានមិត្តភាពកម្ពុជា-កូរ៉េ ទៅកាន់ផ្លូវល្បឿនលឿនភ្នំពេញ-បាវិត ទៅកាន់ផ្លូវជាតិលេខ៨ និងទៅកាន់ស្ពានព្រែកតាមាក់។

គម្រោងផ្លូវតភ្ជាប់នេះ នឹងផ្តល់អត្ថប្រយោជន៍ជាច្រើនក្នុងការជំរុញកំណើនសេដ្ឋកិច្ច របស់ប្រជាពលរដ្ឋ ដែលរស់នៅត្រើយខាងកើតរាជធានីភ្នំពេញពង្រីកការតភ្ជាប់ បង្រួមរយៈពេលធ្វើដំណើរ និងបង្កើតឱកាសការងារជូនដល់ប្រជាពលរដ្ឋផងដែរ។

ព័ត៌មានលំអិត និងវិវត្តន៍នៃគំរោងនេះបែបណា ក្រុមការងារនៃគេហទំព័រPropertyarea.asia នឹងធ្វើបច្ចុប្បន្នភាពជូនបន្ថែមទៀត៕