ស្ថាប័នអន្តរជាតិធំៗព្រមានអំពីហានិភ័យនៃកំណើនទំហំបំណុលជាតិអាមេរិកដែលកើនដល់៣៤ទ្រីលានដុល្លារ

ដោយ: គង់ លាងហួរ

អន្តរជាតិ: បំណុលរបស់សហរដ្ឋអាមេរិក ដែលបច្ចុប្បន្នមានទំហំជាង៣៤ទ្រីលានដុល្លារ កំពុងបន្តកើនឡើងយ៉ាងខ្លាំង ខណៈដែលសមាជិកសភាអាមេរិក មិនអាចឈានដល់ការឯកភាពគ្នា លើកំណែទម្រង់ថវិការយៈពេលវែង។

ជុំវិញបញ្ហានេះ ក្រុមមន្ត្រីមកពីស្ថាប័នអន្តរជាតិធំៗជាច្រើន បានធ្វើការព្រមានថា “ចំណុចរបត់កាន់តែខិតជិតមកដល់ហើយ ហើយវានឹងវិវត្តន៍កាន់តែអាក្រក់ទៅៗ ប្រសិនបើវាធ្លាក់ចូលទៅក្នុងវិបត្តិ”។នេះបើយោងតាមការចុះផ្សាយដោយសារពត៌មាន Fortune។

យោងតាមរបាយការណ៍របស់ក្រុមប្រឹក្សា ទំនាក់ទំនងបរទេស បានឱ្យដឹងថា បច្ចុប្បន្នបំណុលជាតិ មានទំហំស្ទើរតែស្មើនឹងសេដ្ឋកិច្ចអាមេរិកទាំងមូល ហើយបំណុលដ៏ធំនេះ នឹងកើនឡើងទ្វេរដងក្នុងរយៈពេល៣០ឆ្នាំខាងមុខ។ក្នុងរយៈពេលប៉ុន្មានខែចុងក្រោយនេះ ក្រុមមន្ត្រីនៅស្ថាប័នមួយចំនួន ដូចជា មូលនិធិរូបិយវត្ថុអន្តរជាតិ(IMF) ការិយាល័យថវិកាសភា និងធនាគារយក្ស Goldman Sachs បានព្រមានថា បំណុលអាមេរិកគឺជាបញ្ហាដ៏ធំមួយ ដែលមានទំហំធំជាងពេលណាៗទាំងអស់។

ជាពិសេស បំណុលអាមេរិកដ៏ធំមហាសាលនេះ ក៏ធ្វើឱ្យអ្នកវិភាគមួយចំនួនភ័យខ្លាចថា វាអាចបង្កទៅជាភាពចលាចលទីផ្សារស្រដៀងគ្នា ទៅនឹងភាពចលាចល ដែលបានកើតឡើងនៅប្រទេសអង់គ្លេស ក្រោមការដឹកនាំរបស់អតីតនាយករដ្ឋមន្ត្រីអង់គ្លេស គឺលោកស្រី Liz Truss កាលពីឆ្នាំ២០២២។

ការបរាជ័យផ្នែកសេដ្ឋកិច្ច នៅក្រោមការដឹកនាំរបស់លោកស្រី Truss គឺបានកើតឡើង ដោយសារតែការដាក់ចេញ ផែនការសេដ្ឋកិច្ចដ៏ចម្រូងចម្រាស់ ក្នុងការកាត់បន្ថយពន្ធ និងការខ្ចីប្រាក់ ដែលបង្កឱ្យមានភាពចលាចលទីផ្សារ ក្នុងប្រទេសអង់គ្លេស និងបណ្តាលឱ្យតម្លៃប្រាក់ផោនដាំក្បាលចុះ ហើយលោកស្រី បានប្រកាសលាលែងពីតំណែង បន្ទាប់ពីកាន់តួនាទីជានាយករដ្ឋមន្ត្រី បានត្រឹមតែ៦សប្តាហ៍។នៅសហរដ្ឋអាមេរិក ក្រុមមន្ត្រីIMF បានព្រមានថា “ការចំណាយសាធារណៈ និងការខ្ចីប្រាក់នឹងធ្វើឱ្យសេដ្ឋកិច្ចរបស់អាមេរិក កើនឡើងយ៉ាងឆាប់រហ័សជ្រុល ដែលបណ្តាលឱ្យមានអតិផរណា និងបញ្ហាជាច្រើនផ្សេងទៀត”។

នៅក្នុងបទសម្ភាសន៍ជាមួយកាសែត Financial Times លោក Phillip Swagel នាយកការិយាល័យថវិកាសភាអាមេរិក បានលើកឡើងថា “បំណុលអាមេរិកកំពុងស្ថិតនៅលើគន្លងមួយ ដែលមិនធ្លាប់មានពីមុនមក ហើយអាចប្រថុយប្រថាន នឹងវិបត្តិសេដ្ឋកិច្ចដូចលោកស្រី Truss”។

ចំណែកឯ លោក John Waldron ដែលជាប្រធានធនាគារ Goldman Sachs ក៏បានសម្តែងការព្រួយបារម្ភ ស្រដៀងគ្នានេះផងដែរ នៅឯកិច្ចប្រជុំកំពូលសេដ្ឋកិច្ចពិភពលោក កាលពីថ្ងៃទី១៨ ខែមេសាកន្លងទៅ៕ប្រភព: Fortune៕

សម្តេចធិបតីមានសុទិដ្ឋិនិយមថាកម្ពុជានឹងទាក់ទាញការវិនិយោគលើវិស័យឧស្សាហកម្មជាមួយពលកម្មជំនាញ

ដោយៈ គង់ សូរិយា

ភ្នំពេញៈ សម្តេចធិបតីហ៊ុន ម៉ាណែតបានយករដ្ឋមន្រ្តីនៃកម្ពុជាបានសម្តែងសុទិដ្ឋិនិយមថា កម្ពុជានឹងបន្តទទួលបានវិនិយោគប្រភេទឧស្សាហកម្ម ផ្អែកលើជំនាញជាបន្តបន្ទាប់ ហើយកម្ពុជាក៏ត្រូវបន្ដអភិវឌ្ឍន៍ហេដ្ឋារចនាសម្ព័ន្ធឧស្សាហកម្ម ដែលបម្រើទៅដល់ការវិនិយោគផងដែរ។

សម្តេចបានថ្លែងបែបនេះ ក្នុងពេលអញ្ជើញជាអធិបតីក្នុងពិធីសម្ភោធរោងចក្រដំឡើងរថយន្តToyota នាព្រឹកថ្ងៃទី២ ឧសភាកន្លងមកនេះ។

សម្តេចបានបញ្ជាក់ថា “ខ្ញុំពិតជាមានសុទិដ្ឋិនិយម និងក្ដីសង្ឃឹមយ៉ាងមុតមាំថា ក្រោមដំបូលនៃសុខសន្តិភាព ស្ថិរភាពនយោបាយ ម៉ាក្រូសេដ្ឋកិច្ច ជាមួយនឹងធនធានមនុស្ស និងកម្លាំងពលកម្មជំនាញវ័យក្មេងប្រកបដោយចីរភាពរបស់កម្ពុជា និងភាពទាក់ទាញនៃការវិនិយោគកម្ពុជា យើងនឹងបន្តទទួលបានវិនិយោគ ប្រភេទឧស្សាហកម្មផ្អែកលើជំនាញនេះជាបន្តបន្ទាប់”។

សម្តេចបានបន្ថែមថា កម្ពុជាក៏ត្រូវបន្ដអភិវឌ្ឍហេដ្ឋារចនាសម្ព័ន្ធឧស្សាហកម្ម ដែលបម្រើទៅដល់ការវិនិយោគ និងការបណ្ដុះបណ្ដាលធនធានមនុស្ស ប្រកបដោយជំនាញ ស្របតាមតម្រូវការទីផ្សារពលកម្មជាបន្តឥតដាច់ផងដែរ។

ជាមួយគ្នានេះ សម្តេចធិបតីបានលើកឡើង ពីចក្ខុវិស័យរបស់រាជរដ្ឋាភិបាលនីតិកាលទី៧ គឺការជំរុញកែប្រែនិងធ្វើទំនើបកម្មរចនាសម្ព័ន្ធឧស្សាហកម្មនៅកម្ពុជា ពីឧស្សាហកម្មអតិពលកម្មឈានទៅឧស្សាហកម្មផ្អែកលើជំនាញ ស្របតាមគោលនយោបាយអភិវឌ្ឍន៍វិស័យឧស្សាហកម្មកម្ពុជា ឆ្នាំ២០១៥-២០២៥។

ចក្ខុវិស័យនេះមានគោលដៅរួមចំណែក ដល់ការបង្កើតតម្លៃបន្ថែមខ្ពស់ ដែលទ្រទ្រង់ដល់កំណើនសេដ្ឋកិច្ច ប្រកបដោយចីរភាព និងបរិយាបន្ន ការបង្កើតការងារ ការបង្កើនប្រាក់ចំណូលសមស្រប និងជីវភាពកាន់តែប្រសើរឡើងជូនដល់ប្រជាពលរដ្ឋ។

កម្ពុជាបានកំណត់ចក្ខុវិស័យ ក្នុងការប្រែក្លាយខ្លួនជាមជ្ឈមណ្ឌលផ្តុំ សកម្មភាពផលិតគ្រឿងបង្គុំយានយន្ត និងបរិក្ខារអេឡិចត្រូនិកសម្រាប់នាំចេញទៅទីផ្សារក្នុងតំបន់ និងសកលលោក។

សម្តេចធិបតីបានបញ្ចាក់ថា “ការសម្រេចបានចក្ខុវិស័យនេះ នឹងនាំមកជាផ្លែផ្កាវិជ្ជមានជាច្រើន សម្រាប់ការអភិវឌ្ឍសង្គមជាតិកម្ពុជា”។

លោក Ueno Atsushi ឯកអគ្គរាជទូតជប៉ុនប្រចាំកម្ពុជាថ្លែងក្នុងពិធីនោះថា រោងចក្រតូយ៉ូតានេះ ពិតជានឹងរួមចំណែកទាំងការធ្វើពិពិធកម្ម និងទំនើបកម្មនៃឧស្សាហកម្មកម្មន្តសាល នៅក្នុងប្រទេសកម្ពុជា និងការអភិវឌ្ឍធនធានមនុស្សប្រកបដោយគុណភាពខ្ពស់។

លោកបង្ហាញសង្ឃឹមថា បុគ្គលិកកម្ពុជាទាំងអស់ ដែលបានទទួលការបណ្ដុះបណ្ដាល ដោយក្រុមហ៊ុនតូយ៉ូតា ស៊ុយស៊ូ នឹងរួមចំណែកជួយឱ្យកម្ពុជា ក្លាយជាមជ្ឈមណ្ឌលកម្មន្តសាល នាពេលអនាគតដ៏ខ្លីខាងមុខនេះ៕

មជ្ឈមណ្ឌលពាណិជ្ជកម្មឯកជន និងភូមិខ្មែរកំពុងសាងសង់ នៅប្រទេសជប៉ុន

ដោយៈ គង់ ម៉ាលីនណា

ជប៉ុនៈ លោកលីម ឡោកពិសិដ្ឋ រដ្ឋលេខាធិការក្រសួងពាណិជ្ជកម្ម ចុះពិនិត្យមើលសកម្មភាពសាងសង់ មជ្ឈមណ្ឌលពាណិជ្ជកម្មឯកជនកម្ពុជា និងភូមិខ្មែរ នៅទីក្រុងអាតស៊ូគិ ខេត្តកាណាហ្គាវ៉ា ប្រទេសជប៉ុន។

ការចុះពិនិត្យកាលពីថ្ងៃទី១ ឧសភា ក៏មានការចូលរួមពីលោកទុយ រី ឯកអគ្គរាជទូតកម្ពុជាប្រចាំប្រទេសជប៉ុនផងដែរ។

លោក Takeshi Okami តំណាងក្រុមហ៊ុន Kojima Holdings Co., Ltd ដែលជាអ្នកគ្រប់គ្រង និងដំណើរការមជ្ឈមណ្ឌលពាណិជ្ជកម្មឯកជនកម្ពុជាក៏បានចូលរួមផងដែរ។

ជាមួយគ្នានេះ លោករដ្ឋលេខាធិការ បានកត់សម្គាល់ថា មជ្ឈមណ្ឌលពាណិជ្ជកម្មឯកជនកម្ពុជា នៅទីក្រុងអាតស៊ូគិ ត្រូវបានក្រុមការងាររៀបចំបានយ៉ាងល្អ និងប្រកបដោយភាពទាក់ទាញ ព្រោះថានេះ ជាកន្លែងដ៏មានសារៈសំខាន់មួយ សម្រាប់ផ្តល់នូវព័ត៌មានពាណិជ្ជកម្ម និងវិនិយោគនៅកម្ពុជា ជាពិសេសក៏ជាកន្លែងសម្រាប់តាំងបង្ហាញ និងផ្សព្វផ្សាយផលិតផលខ្មែរ ម្ហូបអាហារខ្មែរ ព្រមទាំងវប្បធម៌ប្រពៃណីខ្មែរ ផងដែរ។

លោកបានវាយតម្លៃខ្ពស់ ចំពោះកិច្ចខិតខំប្រឹងប្រែងរបស់មជ្ឈមណ្ឌលពាណិជ្ជកម្មឯកជនកម្ពុជា ដែលបានរួមចំណែកក្នុងការជំរុញសកម្មភាពពាណិជ្ជកម្ម និងវិនិយោគរវាងកម្ពុជា-ជប៉ុន និងលើកទឹកចិត្តដល់មជ្ឈមណ្ឌល ឱ្យបន្តរៀបចំការបណ្តុះបណ្តាល ធនធានមនុស្ស សិក្ខាសាលាផ្គូផ្គងពាណិជ្ជកម្ម ព្រមទាំងជួយសម្រួលធុរកិច្ចពាណិជ្ជកម្មជូនវិនិយោគិនជប៉ុន ដែលមានបំណងចង់ធ្វើពាណិជ្ជកម្មនៅកម្ពុជា៕

ការសិក្សាថ្មីៈ ការជួលអចលនទ្រព្យនៅតាមហាងនិងផ្លូវធំៗកើនឡើងប្រមាណ៩ភាគរយនៅត្រីមាសទី១

ដោយៈ ស៊ីវ ម៉េង

ភ្នំពេញៈ ការសិក្សាថ្មីមួយរបស់ក្រុមហ៊ុនCBRE Cambodia Researchបានរកឃើញថា នៅត្រីមាសទីមួយនៃឆ្នាំ២០២៤នេះ ការជួលហាងអាជីវកម្ម នៅតាមដងផ្លូវធំៗ និងផ្សារទំនើបបានកើនឡើង៩ភាគរយ។ប៉ុន្តែទោះជាយ៉ាងណាការជួលផ្ទះល្វែង ផ្សារទំនើបសហគមន៍ និងកន្លែងផ្សេងទៀតបានធ្លាក់ចុះ។

ការសិក្សាដែលធ្វើឡើងដោយក្រុមហ៊ុនCBRE រៀងរាល់ត្រីមាសនេះបានបង្ហាញទៀតថា អត្រានៃការគ្របដណ្តប់លើប្រើប្រាស់ជាមធ្យម នៅកន្លែងពាណិជ្ជកម្មលក់រាយ បាននឹងកំពុងធ្លាក់ចុះពីមកនៅត្រឹម៦៣,៤ភាគរយ នៅក្នុងត្រីមាសទីមួយនៃឆ្នាំ២០២៤ ធៀបនឹង៩០ភាគរយ កាលពីឆ្នាំ២០១៩។

ទន្ទឹមនឹងនេះ ក៏មានកន្លែងលក់រាយពាណិជ្ជកម្មថ្មី ទំហំ១០១.០០០ ម៉ែត្រការ៉េបន្ថែមទៀតដែលរំពឹងថា នឹងមាននៅក្នុងឆ្នាំ ២០២៤នេះ។ នេះមានន័យថា វានឹងក្លាយជាទីផ្សាររបស់អ្នកជួល ដែលមានអំណាចចរចាច្រើនជាងម្ចាស់ទីតាំង។

ទិន្នន័យនេះអាចបញ្ជាក់បានថា យីហោលក់រាយអាចផ្លាស់ទីទៅទីតាំងធំៗ និងទំនើប ប្រសិនបើអាចបញ្ចុះតម្លៃ និងការលើកទឹកចិត្តផ្សេងទៀតដែលផ្តល់ដោយម្ចាស់ទីតាំង។

លោកស្រីតាំង ហួរអគ្គនាយិកាក្រុមហ៊ុនAmatak Property Service Co, Ltd និងជាអនុប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានលើកឡើងហាក់ស្របគ្នានឹងការសិក្សាខាងលើ ដោយលោកស្រីបានមានប្រសាសន៍ថា ការស្វែងរកទីតាំងសម្រាប់អាជីវកម្មនានាបានធ្លាក់ចុះ ខណៈតម្លៃនៅក្នុងទីផ្សារបានថយចុះស្របគ្នាផងដែរ។

លោកស្រីបញ្ជាក់ថា ”មានតែទីតាំងល្អៗ ដែលអាចប្រកបអាជីវកម្មបាន ទើបមានតម្រូវការខ្លះៗ ប៉ុន្តែអ្នកជួលនៅតែមានអំណាចក្នុងការចចារទាញទម្លាក់តម្លៃផងដែរ”៕

How the US is trying to ensure stability in the Indo Pacific

WASHINGTON/CALIFORNIA: The Indo Pacific is home to more than half of the world’s population and 60 per cent of the global economy, spanning the US Pacific Coast and the Indian Ocean – including much of Asia.

It is this region that United States officials describe as one of the most important, with US President Joe Biden recently signing funding into law to support it.

The Biden administration released its Indo-Pacific Strategy two years ago, calling on the US to “firmly anchor itself in the region” and to work together with partners to ensure a connected, prosperous, secure, and resilient Indo Pacific.

The US State Department touts US$2 billion in two-way trade as a sign of the strategy’s success.

“The United States has shifted from being primarily an aid provider to an investment partner,” Ms Camille Dawson, deputy assistant secretary of the State Department’s Bureau of East Asian and Pacific Affairs, told CNA.

“That, I think, is critically important, and that reflects the growing economic strength of the region and also reflects, again, the fact that the economy of the Indo-Pacific region is critically important to prosperity for Americans living in the United States.”

Despite divisions on a host of issues, there is an understanding on Capitol Hill that the US’ interests lie in staying the course in the Indo Pacific.

“One of the things that I regularly hear from colleagues across the bipartisan spread of US Congress as well as across the entire whole of government in the United States, is a deep recognition of and support of the need for the United States to remain fully engaged in the Indo-Pacific region,” said Ms Lawson.

About US$3.3 billion has been allocated to developing submarine infrastructure, with an additional US$2 billion in foreign military financing for Taiwan and other allies in the region to support them “confronting Chinese aggression”.

The US’ security concerns in the region include North Korea and its support of Russia, as well as China’s intentions – particularly over the self-ruled island of Taiwan which Beijing considers as its own.

That has also led to security partnerships like AUKUS, which stands for Australia, the United Kingdom and the US. Formed by the three countries in 2021, it is part of efforts to push back against China’s growing power in the Indo-Pacific region.

Washington is further investing in cyber, AI and undersea defence with AUKUS allies, including nuclear-powered submarines. It has also entered an alliance of democracies with shared economic and security goals through the Quad grouping with Australia, India and Japan. Source: CNA

មន្ត្រីជាន់ខ្ពស់: គម្រោងព្រែកជីកហ្វូណន-តេជោ នឹងផ្តល់ផលចំណេញដល់សេដ្ឋកិច្ចកម្ពុជាដល់៣០ភាគរយ

ដោយ: គង់ លាងហួរ
ភ្នំពេញ: គម្រោងព្រែកជីកហ្វូណន-តេជោដែលមានប្រវែង១៨០គីឡូម៉ែត្រ ត្រូវបានសិក្សាយ៉ាងល្អិតល្អន់ពីសំណាក់ក្រុមអ្នកជំនាញបច្ចេកទេសជាតិ និងអន្តរជាតិ ចំនួន៤២រូប ដោយប្រើប្រាស់បច្ចេកទេសដែលទទួលស្គាល់ដោយស្តង់ដារអន្តរជាតិ។

ជាលទ្ធផល ការសិក្សាបង្ហាញថា គម្រោងដែលមានតម្លៃវិនិយោគប្រមាណ១៧០០លានដុល្លារអាមេរិកនេះ អាចដំណើរការទៅបានដោយគ្មានបង្កជាផលប៉ះពាល់ដល់បរិស្ថាន ឬលំហូរទឹករវាងទន្លេមេគង្គ និងសមុទ្រនោះទេ។

នៅក្នុងបទសម្ភាសជាមួយសារព័ត៌មានអាមេរិក CNBC លោកឧបនាយករដ្ឋមន្រ្តី ស៊ុន ចាន់ថុល អនុប្រធានទី១ក្រុមប្រឹក្សាអភិវឌ្ឍន៍កម្ពុជា បានអះអាងថា ព្រែកជីកនេះនឹងអនុញ្ញាតឱ្យនាវាចំណុះ៣ពាន់តោន អាចធ្វើចរាចរណ៍បាន ដែលនឹងផ្តល់ផលចំណេញសេដ្ឋកិច្ចចន្លោះពី២១% ទៅ៣០% រួមទាំងអត្ថប្រយោជន៍ជាច្រើនទៀត។

លោកឧបនាយករដ្ឋមន្ត្រី ស៊ុន ចាន់ថុល គូសបញ្ជាក់ថា គម្រោងព្រែកជីក ដែលមានប្រវែង១៨០គីឡូម៉ែត្រនេះ ពុំមែនមានន័យថា កម្ពុជានឹងជីកព្រែកថ្មីទាំងស្រុងប្រវែង១៨០គីឡូម៉ែត្រឡើយ ដោយហេតុថា ព្រែកជីកនេះគឺជាព្រែកជីកដែលមានស្រាប់ ហើយត្រូវបានប្រើប្រាស់ប្រមាណ២០០០ឆ្នាំកន្លងទៅហើយ”។

លោកបន្តថា អ្វីដែលកម្ពុជាអនុវត្តន៍នៅក្នុងគម្រោងនេះគឺ ពង្រីកទំហំទទឹង និងធ្វើឱ្យកាន់តែជ្រៅជាងមុន ដើម្បីអាចអនុញ្ញាតឱ្យនាវាធំៗចំណុះ៣.០០០តោនអាចធ្វើចរាចរណ៍ដោយត្រង់ពីរាជធានីភ្នំពេញទៅកាន់សមុទ្រខេត្តកែប។

ទន្ទឹមនឹងនេះ លោកឧបនាយករដ្ឋមន្ត្រី ក៏បានអះអាងផងដែរថា ការអភិវឌ្ឍ ន៍គម្រោងនេះមិនមានបច្ច័យប៉ះពាល់ដល់បរិស្ថាននៅកម្ពុជា ឬបរិស្ថានឆ្លងកាត់ព្រំដែនវៀតណាម ហើយវាក៏មិនបានធ្វើឱ្យប៉ះពាល់ដល់លំហូរទឹករបស់ទន្លេមេគង្គនោះដែរ ព្រោះថា ការសាងសង់ព្រែកជីកនេះ កម្ពុជានឹងប្រើបច្ចេកទេស និងបច្ចេកវិទ្យាទំនើបមិនឱ្យទឹកសាបហូរចូលទឹកប្រៃ ឬទឹកប្រៃហូរចូលទឹកសាបនោះទេ។

បន្ថែមពីនេះ លោក ស៊ុន ចាន់ថុល បានច្រានចោលចំពោះការចោទប្រកាន់មួយចំនួនដែលថា គម្រោងនេះនឹងធ្វើឱ្យប៉ះពាល់ដល់លំហូរទឹកពីទន្លេមេគង្គទៅសមុទ្រ និងថា គម្រោងនេះអភិវឌ្ឍន៍ឡើងដើម្បីបម្រើឱ្យនាវារបស់យោធាចិនជាដើម។ ត្រង់ចំណុចនេះ លោកបានបកស្រាយថា រដ្ឋធម្មនុញ្ញកម្ពុជា មិនអនុញ្ញាតឱ្យមានវត្តមានយោធាបរទេសណាមួយនៅលើទឹកដីកម្ពុជា នោះឡើយ។

មន្រ្តីជាន់ខ្ពស់រូបនេះបន្តថា ព្រែកជីកនេះមិនត្រឹមតែផ្ដល់ផលប្រយោជន៍ដល់ប្រទេសកម្ពុជាប៉ុណ្ណោះទេ ថែមទាំងផ្ដល់ផលប្រយោជន៍ដល់តំបន់ និងពិភពលោកផងដែរ ព្រោះកម្ពុជានឹងធ្វើឱ្យប្រសើរឡើងនូវប្រព័ន្ធធារាសាស្រ្ត និងកាត់បន្ថយការជន់លិចនៅភាគខាងត្បូងប្រទេស ព្រមទាំងធ្វើឱ្យប្រសើរឡើង និងលើកកម្ពស់ការតភ្ជាប់បៃតងតាមកំពង់ផែទឹកសាបទៅកាន់កំពង់ផែសមុទ្រនៅកម្ពុជា និងការតភ្ជាប់ជាមួយតំបន់អាស៊ានជាដើម។

លោកឧបនាយករដ្ឋមន្ត្រីបន្ថែមថា តាមរយៈគម្រោងនេះ វានឹងជួយកាត់បន្ថយការបំភាយឧស្ម័នផ្ទះកញ្ចក់ទៅក្នុងបរិស្ថាន និងកាត់បន្ថយថ្លៃដើមភស្តុភារកម្ម និងធ្វើឱ្យការវិនិយោគនៅកម្ពុជា កាន់តែមានភាពប្រសើរឡើង ដែលនឹងផ្ដល់ផលចំណេញដល់សេដ្ឋកិច្ច ហើយជីវភាពរបស់ពលរដ្ឋជាង១លាន៦សែននាក់ ដែលរស់នៅតាមបណ្ដោយព្រែកជីកនេះ ក៏នឹងមានភាពប្រសើរឡើងផងដែរ៕ប្រភព: CNBC៕

Indonesia Plans to Offer Dual Citizenship to Halt Brain Drain

Indonesia is planning to offer dual citizenship to its skilled diaspora as part of efforts to stem a brain drain of local talent.

Coordinating Minister of Maritime Affairs and Investment Luhut Panjaitan made the announcement on Tuesday without giving further details. The country seeks to have nearly 3,000 youths ready to work as developers by 2029 and an artificial intelligence center in Bali, he said at the briefing attended by Microsoft’s chief executive officer Satya Nadella.Indonesia’s law currently prohibits dual citizenship, even as it grapples with an outflow of talent seeking better employment prospects abroad. As many as 1,000 Indonesian students aged between 25 and 35 have decided to become Singaporean citizens each year, said the country’s director of immigration.

Meanwhile, the local unemployment rate stood at 5.3%, with the rate for those aged 15 to 24 hovering at 19.4%, according to the statistics agency. Source: Bloomberg

សហរដ្ឋអាមេរិកប្រែក្លាយជាដៃគូវិនិយោគនៅក្នុងតំបន់ឥណ្ឌូ ប៉ាស៊ីហ្វិក ដើម្បីប្រជែងឥទ្ធិពលចិន

ដោយ: គង់ លាងហួរ

អន្តរជាតិ: ឥណ្ឌូប៉ាស៊ីហ្វិកគឺជាតំបន់ ដែលមានប្រជាជនរស់នៅជាងពាក់កណ្តាល នៃចំនួនប្រជាជនសរុបរបស់ពិភពលោក និងគ្របដណ្តប់ចំណែក៦០ភាគរយ នៃសេដ្ឋកិច្ចសកល ដែលលាតសន្ធឹងលើឆ្នេរសមុទ្រប៉ាស៊ីហ្វិក និងមហាសមុទ្រឥណ្ឌា។

រដ្ឋបាលលោកប្រធានាធិបតីអាមេរិក ចូ បៃដិន បានដាក់ចេញយុទ្ធសាស្ត្រឥណ្ឌូប៉ាស៊ីហ្វិករបស់ខ្លួន កាលពី២ឆ្នាំមុន ដោយធ្វើការរួមគ្នាជាមួយដៃគូក្នុងតំបន់នេះ ដើម្បីធានាឱ្យមានការតភ្ជាប់ វិបុលភាព សុវត្ថិភាព និងមានភាពធន់។ យុទ្ធសាស្ត្រនេះ ក៏មានគោលដៅប្រជែងឥទ្ធិពលរបស់មហាយក្សចិន នៅក្នុងតំបន់ផងដែរ។

លោកស្រី Camille Dawson ឧបការីរង រដ្ឋមន្ត្រីការបរទេសអាមេរិក ប្រចាំការិយាល័យកិច្ចការអាស៊ីបូព៌ា និង ប៉ាស៊ីហ្វិក បានថ្លែងថា សហរដ្ឋអាមេរិក បានប្រែក្លាយខ្លួនពីអ្នកផ្តល់ជំនួយ ទៅជាដៃគូវិនិយោគនៅក្នុងតំបន់។លោកស្រីបន្តថា “ទុនវិនិយោគប្រហែល៣,៣ពាន់លានដុល្លារអាមេរិក ត្រូវបានបែងចែកសម្រាប់ការអភិវឌ្ឍន៍ ហេដ្ឋារចនាសម្ព័ន្ធនាវាមុជទឹក ជាមួយនឹងការផ្តល់ហិរញ្ញប្បទាន យោធាបរទេសចំនួន២ពាន់លានដុល្លារសម្រាប់កោះតៃវ៉ាន់ និងសម្ព័ន្ធមិត្តផ្សេងទៀតនៅក្នុងតំបន់ ដើម្បីគាំទ្រពួកគេប្រឈមមុខនឹងការឈ្លានពានរបស់ចិន”។

កង្វល់ផ្នែកសន្តិសុខរបស់សហរដ្ឋអាមេរិក នៅក្នុងតំបន់ រួមមាន កូរ៉េខាងជើង និងការគាំទ្ររបស់កូរ៉េខាងជើង ចំពោះប្រទេសរុស្ស៊ី ក៏ដូចជា មហិច្ឆិតារបស់ប្រទេសចិនលើកោះតៃវ៉ាន់ ដែលទីក្រុងប៉េកាំងចាត់ទុកត្រឹមតែជាខេត្តមួយរបស់ខ្លួន។

កង្វល់ទាំងនោះ ក៏បាននាំឱ្យមានការបង្កើតនូវភាពជាដៃគូសន្តិសុខ ដូចជា សម្ព័ន្ធភាព AUKUS ដែលតំណាងឱ្យប្រទេសអូស្ត្រាលី ចក្រភពអង់គ្លេស និងសហរដ្ឋអាមេរិក។ សម្ព័ន្ធភាពនេះ ត្រូវបានបង្កើតឡើង ដោយប្រទេសទាំង៣ក្នុងឆ្នាំ២០២១ ដែលជាផ្នែកមួយនៃកិច្ចខិតខំប្រឹងប្រែង ដើម្បីទប់ទល់ឥទ្ធិពល និងដែនអំណាចរបស់ប្រទេសចិននៅក្នុងតំបន់ឥណ្ឌូប៉ាស៊ីហ្វិក។

ជាមួយគ្នានេះ ទីក្រុងវ៉ាស៊ីនតោន កំពុងបោះទុនវិនិយោគបន្ថែមលើប្រព័ន្ធអ៊ីនធឺណេត បច្ចេកវិទ្យាបញ្ញាសិប្បនិម្មិត(AI) និងការការពារក្រោមសមុទ្រជាមួយសម្ព័ន្ធមិត្ត AUKUS រួមទាំងនាវាមុជទឹកដើរដោយថាមពលនុយក្លេអ៊ែរ។

លើសពីនេះទៀត សហរដ្ឋអាមេរិកក៏បានបង្កើតសម្ព័ន្ធភាព នៃលទ្ធិប្រជាធិបតេយ្យ ជាមួយនឹងគោលដៅសេដ្ឋកិច្ច និងសន្តិសុខរួមគ្នា តាមរយៈការបង្កើតក្រុម Quad ជាមួយអូស្ត្រាលី ឥណ្ឌា និងជប៉ុន៕ប្រភព: CNA៕

Property investment race heats up

KUALA LUMPUR: The race to attract foreign investment in Malaysian property has intensified following Thailand’s recent policy adjustments.

Sr. Samuel Tan, executive director at KGV International Property Consultants, said it is crucial for the Malaysian government to revive the local economy and entice foreign investors, especially with challenging times ahead.

Thailand’s government has introduced various measures, including reductions in property registration and transfer fees, to stimulate its residential real estate market.

Tan highlighted the significance of these measures, aimed at bolstering Thailand’s economy, the second-largest in Southeast Asia.

He noted significant changes, such as lowering transaction fees and tax deductions for home construction, along with revised rules on foreign ownership and lease extensions.

“This shows the gravity of the matter. The Malaysian government should adopt a proactive approach, and review the less favourable policies to encourage foreign property ownership. One of the most glaring is the 4.0 per cent stamp duty levied on foreigners who buy Malaysian properties. This may deter investment,” he told NST Property.

He also questioned the necessity of recent policies, such as the prohibition on Malaysia My Second Home (MM2H) residents selling their homes for 10 years, arguing that such transactions could contribute to tax revenue.

“Many foreigners sell their property because they are upgrading or leaving. Any such transactions will bring tax revenues to the coffer,” he added. Source: NST Online

សម្តេចធិបតី ចាត់ទុកការដំឡើងរថយន្តតូយ៉ាតានៅកម្ពុជា ជាមោទនភាពសម្រាប់ជាតិ

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងថា ការសម្ពោធរោងចក្រដំឡើងរថយន្តរបស់ក្រុមហ៊ុនតូយូតានៅកម្ពុជា គឺនឹងនាំផលប្រយោជន៍ជាច្រើនទៅដល់សេដ្ឋកិច្ច សង្គម និងប្រជាពលរដ្ឋកម្ពុជា ហើយនឹងជួយលើកកម្ពស់លទ្ធភាព និងកិត្យានុភាពរបស់កម្ពុជា ក៏ដូចជាផ្ដល់នូវមោទនភាពសម្រាប់ប្រជាជាតិកម្ពុជាផងដែរ។

ការថ្លែងបែបនេះធ្វើឡើងក្នុងពិធីសម្ពោធរោងចក្រដំឡើងរថយន្តតូយ៉ូតា ដែលមានទុកវិនិយោគ៣៧លានដុល្លារ ក្នុងតំបន់សេដ្ឋកិច្ចពិសេស រ៉ូយ៉ាល់គ្រុប ភ្នំពេញ នាព្រឹកថ្ងៃទី២ ខែឧសភា ឆ្នាំ២០២៤។

សម្ដេចធិបតីបានថ្លែងថា ការបើករោងចក្រផលិតនៅក្នុងប្រទេស មិនចំណាយថ្លៃពន្ធនាំចូល នោះនឹងធ្វើឱ្យប្រជាជនអាចទិញប្រើប្រាស់ក្នុងតម្លៃសមរម្យ។ ទោះបីមិនបង់ពន្ធនាំចូល តែក្រុមហ៊ុនក៏ត្រូវបង់ពន្ធក្នុងស្រុកដែរ ព្រោះនៅពេលប្រជាជនទិញប្រើប្រាស់ច្រើន នឹងមានការបង់ពន្ធផ្សេងៗទៀត។

សម្ដេចបានបន្តថា បច្ចុប្បន្ននៅកម្ពុជាមិនត្រឹមតែមានក្រុមហ៊ុនផលិតប្រើប្រាស់ក្នុងស្រុកប៉ុណ្ណោះទេ តែក៏មានក្រុមហ៊ុនផលិតទំនិញ ផលិតផលនាំចេញក្រៅស្រុកទៀតដែរ។ នេះហើយជាមហិច្ឆតារបស់កម្ពុជា ដែលពីមុនធ្លាប់តែជាប្រទេសនាំចូលគ្រប់មុខ តែឥឡូវនេះមានសមត្ថភាពអាចផលិតខ្លួនឯង ពង្រីកការផ្គត់ផ្គង់ ពង្រីកមុខទំនិញកាន់តែច្រើនជាងមុខ។

ការបង្កើនជីវភាពរស់នៅរបស់ប្រជាជន មិនមែនត្រឹមតែបង្កើនតែប្រាក់បៀវត្សរ៍របស់ពួកគាត់នោះទេ តែក៏ត្រូវរក្សានូវថ្លៃទំនិញ ដើម្បីធ្វើឱ្យចំណាយរបស់ពួកគាត់នៅតិច មានលទ្ធភាពទិញបានច្រើន ហើយសល់ប្រាក់ច្រើនសម្រាប់ប្រើប្រាស់លើផ្នែកផ្សេងៗ។ ដូច្នេះការរក្សាអតិផរណារបស់កម្ពុជា គឺជាការសំខាន់ៗ។ នេះជាការបញ្ជាក់បន្ថែមរបស់សម្ដេចធិបតី ហ៊ុន ម៉ាណែត។

សម្ដេចធិបតីបានថ្លែងយ៉ាងដូច្នេះថា «ការសម្ពោធរោងចក្រដំឡើងរថយន្តរបស់ក្រុមហ៊ុនតូយូតានាពេលនេះ គឺនាំផលប្រយោជន៍ជាច្រើនជូនទៅដល់សេដ្ឋកិច្ចជាតិ និងប្រជាពលរដ្ឋកម្ពុជា ហើយសំខាន់គឺលើកកម្ពស់លទ្ធភាព និងកិត្យានុភាពរបស់កម្ពុជា ក៏ជាមោទនភាពរបស់ជាតិយើងផង របស់ប្រជាជនខ្មែរយើងផង»។

សម្ដេចនាយករដ្ឋមន្ត្រី បានបង្ហាញអារម្មណ៍រីករាយ នៅពេលបានឃើញផលិតផលជាច្រើន បញ្ជាក់ថា ផលិតនៅកម្ពុជា ព្រោះនេះបង្ហាញថាកម្ពុជាកាន់តែពង្រីកសមត្ថភាពដកដង្ហើមខ្លួនឯង ម្ចាស់ការខ្លួនឯងកាន់តែទូលំទូលាយ៕

1...545546547...3,244 Page 546 of 3,244