ដោយ: គង់ លាងហួរ

អន្តរជាតិ: កាសែត Straits Times បានរាយការណ៍ដោយដកស្រង់សម្តីរដ្ឋមន្ត្រីក្រសួងអភិវឌ្ឍន៍ជាតិ លោក Desmond Lee មកថា តម្លៃលំនៅដ្ឋាន ក្នុងប្រទេសសិង្ហបុរី នឹងមិនបន្តកើនឡើង ដោយគ្មានដែនកំណត់នោះទេ ស្របពេលមានអត្រាការប្រាក់ខ្ពស់ និងការកើនឡើងនៃការផ្គត់ផ្គង់។

លោក Lee បានថ្លែងនៅក្នុងបទសម្ភាសន៍ ជាមួយកាសែត Straits Times ថា អត្រាការប្រាក់ត្រូវបានគេរំពឹងថា នឹងនៅតែមានកម្រិតខ្ពស់ ក្នុងរយៈពេលយូរតទៅមុខទៀត។ លោករដ្ឋមន្ត្រីរូបនេះបានបន្តថា “អត្រាការប្រាក់ ដែលយើងមើលឃើញ គឺស្ថិតក្នុងចន្លោះពី៣,៧% ទៅដល់៤,៤% ដូច្នេះវានឹងជះផលប៉ះពាល់”។

លោក Lee បានមានប្រសាសន៍ឱ្យដឹងថា ប្រសិនបើទីផ្សារលក់បន្ត(Resale)នៅតែមានសន្ទុះ រដ្ឋាភិបាលនឹងត្រូវពិចារណាបង្កើនការបញ្ចុះតម្លៃជូនប្រជាពលរដ្ឋ ដើម្បីបន្តធ្វើឱ្យផ្ទះល្វែងប្រភេទBuild-to-Order មានតម្លៃសមរម្យនៅក្នុងតំបន់សំខាន់ៗ។លោក Lee បានអះអាងថា រដ្ឋាភិបាលក៏កំពុងស្វែងរកពេលវេលាដ៏ត្រឹមត្រូវ ដើម្បីលុបចោលច្បាប់ ដែលតម្រូវឱ្យម្ចាស់ផ្ទះឯកជនរង់ចាំអស់រយៈពេល១៥ខែ មុនពេលដែល ពួកគេអាចទិញផ្ទះល្វែងលក់បន្តប្រភេទ HDB បាន។ ផ្ទះល្វែងHDB សំដៅទៅលើផ្ទះដែលសាងសង់ដោយក្រុមប្រឹក្សាលំនៅដ្ឋាន និងអភិវឌ្ឍន៍(HBD)។

លោក Ken Foong អ្នកវិភាគនៅស្ថាប័ន Bloomberg Intelligence បានបញ្ជាក់នៅក្នុងកំណត់ត្រាថ្មីមួយថា តម្លៃផ្ទះឯកជនរបស់ប្រទេសសិង្ហបុរី អាចមានការប្រែប្រួលនៅឆ្នាំ២០២៤នេះ បន្ទាប់ពីបានកើនឡើង៦,៧% កាលពីឆ្នាំមុន។

លោកបានបន្ថែមថា “តម្លៃផ្ទះអាចនឹងត្រូវបានកំណត់ ដោយសា រការដំឡើងពន្ធប្រថាប់ត្រាលើអចលនទ្រព្យ និងភាពមិនប្រាកដប្រជានៃសេដ្ឋកិច្ច និងអត្រាការប្រាក់ រួមជាមួយនឹងកំណើននៃការផ្គត់ផ្គង់ថ្មីបន្ថែមទៀត”៕

ពេលវេលា៤ឆ្នាំ បានបញ្ចប់ទៅដោយភាពជោគជ័យ ដែលនិស្សិតគ្រប់រូបស្រមៃចង់បាន វាជាពេលវេលាដែលមានអត្ថន័យបំផុតសម្រាប់និស្សិត ដែលចង់ឃើញខ្លួនឯងមកឈរនៅចំណុចនេះ ដោយមោទកភាព និងសេចក្តីរំភើបចេញពីឱរ៉ា រហូតដល់ស្រក់ទឹកភ្នែកក៏មានដែរ ព្រោះមើលឃើញពីសកក្តានុពលខ្លួនឯងថា”អាចធ្វើបាន”។ រៀនផង ធ្វើការផង រកចំណូលផង ធ្មិចបើកៗ ចប់៤ឆ្នាំល្មម! សមត្ថភាពពិតជាមិនធម្មតា រៀបចំផែនការអាជីវកម្មដោយខ្លួនឯង រកលុយចាយដោយខ្លួនឯង ហើយត្រៀមខ្លួនចាប់ផ្តើមអាជីវកម្មដំបូងដោយខ្លួនឯងទៀត មិនសរសើរមិនបាន។ យុវសហគ្រិន ដែលជានិស្សិតថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិនៃវិទ្យាស្ថានស៊ីអ៊ីអូ ក្នុងកម្មវិធីការពារគម្រោងផែនការអាជីវកម្ម ដែលបានប្រព្រឹត្តទៅកាលពីថ្ងៃទី ៨-៩-១០ ខែមករា ឆ្នាំ ២០២៤ កន្លងទៅនេះ ដោយជោគជ័យធំបំផុត។ វិទ្យាស្ថានស៊ីអ៊ីអូ ពិតជាមានមោទកភាពក្រៃលែង ដែលបានរួមចំណែកបណ្តុះយុវសហគ្រិនជំនាន់ថ្មី និងជាកម្លាំងទ័ពសេដ្ឋកិច្ចជាតិដ៏មានសក្តានុពល ស្របតាមផែនការយុទ្ធសាស្រ្តរបស់រាជរដ្ឋាភិបាលដែលចង់ឃើញកម្ពុជាក្លាយជាប្រទេសអ្នកមានចំណូលមធ្យមកម្រិតខ្ពស់នៅឆ្នាំ ២០៣០ និងក្លាយជាប្រទេសអ្នកមានក្នុងឆ្នាំ ២០៥០។ វិទ្យាស្ថាន ស៊ីអ៊ីអូ គឺជាវិទ្យាស្ថានអប់រំ ដែលបណ្តុះបណ្តាលថ្នាក់ បរិញ្ញាបត្រ និងបរិញ្ញាបត្ររងមហាវិទ្យាល័យ “គ្រប់គ្រងពាណិជ្ជកម្មអន្តរជាតិ” ភាសាអង់គ្លេសហៅថា “International Business Management”សម្រាប់សិស្សដែលជាប់បាក់ឌុប ឬ ធ្លាក់បាក់ឌុប ដើម្បីជួយពួកគាត់ឱ្យក្លាយជានិស្សិតឆ្នើម បុគ្គលិកឆ្នើម អ្នកដឹកនាំឆ្នើម សហគ្រិនឆ្នើម និង ក្លាយជាអ្នកមានចំណូលខ្ពស់ក្នុងវ័យ៣០ឆ្នាំ។ អ្វីដែលពិសេសសម្រាប់ការបណ្តុះបណ្តាលនៅក្នុងមហាវិទ្យាល័យ “គ្រប់គ្រងពាណិជ្ជកម្មអន្តរជាតិ” នេះ គឺមានមានបន្ថែមជូនដោយឥតគិតថ្លៃ ជំនាញភាសាចិន ជំនាញភាសាអង់គ្លេស ជំនាញកំព្យូទ័រ ជំនាញទំនាក់ទំនង និងជំនាញនិយាយសាធារណៈទៀត នៅក្នុងកំឡុងពេលសិក្សាទាំងមូលទៀតផង។ និស្សិតវិទ្យាស្ថានស៊ីអ៊ីអូ រៀនទ្រឹស្តីតែ២០% អនុវត្តជាក់ស្តែង៨០% ហើយអាចមានសមត្ថភាពរកប្រាក់ចំណូលចាប់ពីឆ្នាំទី២ទៅបាន។
Page CEO Master Club : https://www.facebook.com/ceomasterclub
Page CEO Institute : https://www.facebook.com/ceoinstitute2014/
Page Neak bontorvein : https://www.facebook.com/Neak.bontorvein/

ដោយ: គង់ លាងហួរ

បាងកក: ក្រសួងពាណិជ្ជកម្មថៃ បានស្នើឱ្យរដ្ឋាភិបាលសហរដ្ឋអាមេរិកពន្លឿនដំណើរការ នៃការបន្តសិទ្ធិពន្ធគយក្រោមប្រព័ន្ធអនុ គ្រោះពន្ធទូទៅឡើងវិញ (GSP) សម្រាប់ផលិតផលរបស់ប្រទេសថៃ ដែលនាំចូលទៅកាន់ទឹកដីអាមេរិក។

លោកឧបនាយករដ្ឋមន្ត្រី Phumtham Wechayachai រដ្ឋមន្ត្រីក្រសួងពាណិជ្ជកម្មថៃ បានគូសបញ្ជាក់ថា ការបន្តប្រព័ន្ធអនុគ្រោះពន្ធ GSP ឡើងវិញ នឹងផ្តល់អត្ថប្រយោជន៍ ដល់សហគ្រិនទាំងនៅក្នុងប្រទេសថៃ និងសហរដ្ឋអាមេរិក។ការអំពាវនាវខាងលើ បានធ្វើឡើងកាលពីពេលថ្មីៗនេះ ក្នុងឱកាសជំនួបពិភាក្សា ជាមួយឯកអគ្គរដ្ឋទូតសហរដ្ឋអាមេរិក ប្រចាំនៅប្រទេសថៃ លោក Robert F Godec  នៅទីស្តីការរបស់ក្រសួងពាណិជ្ជកម្មថៃ។ សហរដ្ឋអាមេរិក បានផ្អាកការអនុគ្រោះពន្ធក្រោមប្រព័ន្ធ GSP លើផលិតផលថៃចំនួន៥៧៣មុខ នៅក្នុងខែមេសា ឆ្នាំ២០២០ ដែលបណ្តាលឱ្យផលិតផលថៃ ដែលនាំចូលទៅអាមេរិក ត្រូវបង់ពន្ធជាមធ្យមប្រមាណ៤,៧%។ទន្ទឹមគ្នានេះ លោក Phumtham បានជំរុញឱ្យរដ្ឋាភិបាលសហរដ្ឋអាមេរិក ពិចារណាដកប្រទេសថៃចេញពី “បញ្ជីឃ្លាំមើល” ស្តីអំពីការរំលោភកម្មសិទ្ធិបញ្ញា។ លោក​បាន​លើក​ឡើង​ពី​កិច្ច​ខិត​ខំ​ប្រឹង​ប្រែង ​របស់​រដ្ឋាភិបាល​ថៃ​ក្នុង​ការ​ធ្វើ​ឲ្យ​ប្រសើរ​ឡើង​ នូវ​ការ​ការពារ​កម្មសិទ្ធិ​បញ្ញា និង​ដោះស្រាយ​កង្វល់​របស់​ភាគី​ពាក់ព័ន្ធ​នានា ទាក់ទិនទៅនឹង​កម្មសិទ្ធិ​បញ្ញា។លោករដ្ឋមន្ត្រីក្រសួងពាណិជ្ជកម្ម ក៏បានបង្ហាញពីគោលនយោ បាយរបស់រដ្ឋាភិបាលថៃ ក្នុងការកែលម្អសេដ្ឋកិច្ច ដោយផ្តោតលើការកាត់បន្ថយបន្ទុកហិរញ្ញវត្ថុរបស់ប្រជាជន បង្កើនប្រាក់ចំណូល និងបង្កើតតុល្យភាពសេដ្ឋកិច្ចនៅគ្រប់ភាគី រាប់ចាប់ពីកសិកររហូតដល់ក្រុមហ៊ុនផលិត និងអ្នកប្រើប្រាស់៕

ភ្នំពេញ: សម្តេចតេជោ បានអនុញ្ញាតឱ្យឯកឧត្តម តាកាហាសី ហ៊្វូមីអាគី (Takahashi Fumiaki) ប្រធានសមាគមជប៉ុន-កម្ពុជា ចូលជួបសំដែងការគួរសមក្នុងពិធីពិសារអាហារពេលល្ងាចនៅសណ្ឋាគារ New Otani Tokyo ប្រទេសជប៉ុន កាលពីល្ងាចថ្ងៃទី១០ ខែមករា ឆ្នាំ ២០២៤ ។

សម្តេចតេជោ បានថ្លែងនូវការចូលរួមរំលែកទុក្ខជាមួយរដ្ឋាភិបាល និងប្រជាជនជប៉ុនចំពោះគ្រោះមហន្តរាយរញ្ជួយដីថ្មីៗនេះនៅខេត្ត Ishizawa ភាគខាងលិចជប៉ុន និងឧបទ្ទវហេតុយន្តហោះប៉ះទង្គិចគ្នានៅ ព្រលាន យន្តហោះទីក្រុងតូក្យូ ដែលបានបណ្តាលឱ្យមានការបាត់បង់អាយុជីវិតមនុស្ស និងទ្រព្យសម្បត្តិយ៉ាងច្រើន។ឯកឧត្តម អ៊ីម៉ាមួរ៉ា ម៉ាសាហ៊ីរ៉ូ បានសម្តែងការគោរពកោតសរសើរចំពោះ សម្តេចតេជោ ដែលជាស្ថាបនិក សន្តិភាព និងសមិទ្ធផលដ៏ច្រើនសន្ធឹកសន្ធាប់ជាផ្លែផ្កានៃសន្តិភាពនៅកម្ពុជា ព្រមទាំងតួនាទីដ៏សំខាន់របស់សម្តេចតេជោ ក្នុងការពង្រឹងនិងពង្រីកនូវទំនាក់ទំនងទ្វេរភាគីកម្ពុជា-ជប៉ុននាពេលកន្លងមកនិងតទៅអនាគត។ ឯកឧត្តមបានបញ្ជាក់ពីការប្តេជ្ញាចិត្តរបស់សម្ព័ន្ធមិត្តភាពសភាជប៉ុន-កម្ពុជា ក្នុងការបន្តទំនាក់ទំនងល្អជាមួយ រាជរដ្ឋាភិបាលថ្មីដែលមាន សម្តេចធិបតី ហ៊ុន ម៉ាណែត ជានាយករដ្ឋមន្ត្រី និងបន្តសហការជិតស្និទ្ធជាមួយ ស្ថាប័ននីតិបញ្ញត្តិរបស់កម្ពុជា ពោលគឺ ទាំងរដ្ឋសភាជាតិ និងព្រឹទ្ធសភា ។

ភាគីមិត្តក៏បានរំលឹកអំពីតួនាទីដ៏សំខាន់របស់ សម្តេចតេជោ ក្នុងកិច្ចការបោសសំអាតមីននៅកម្ពុជា និងបានគាំទ្រដល់ការចូលរួមរបស់សម្ព័ន្ធមិត្តភាពសភាជប៉ុន-កម្ពុជាក្នុងបេសកកម្មដ៏ថ្លៃថ្លានេះ ដែលជាការបន្តនូវការខិតខំរួមចំណែកដោយផ្ទាល់ពីសំណាក់ឯកឧត្តមនាយករដ្ឋមន្ត្រីជប៉ុន ខេអ៊ីហ្សូ អូប៊ូឈី (Keizo Obuchi) តាំងពីឆ្នាំ២០០០ ម៉្លេះ។ក្នុងឱកាសនេះ សម្តេចតេជោ បានថ្លែងអំណរគុណ និងវាយតម្លៃខ្ពស់ចំពោះតួនាទីនិងការចូលរួមចំណែកដ៏សំខាន់របស់សម្ព័ន្ធមិត្តភាពសភាជប៉ុន-កម្ពុជា ក្នុងការជម្រុញទំនាក់ទំនងទ្វេភាគីឱ្យកាន់តែស៊ីជម្រៅ ក៏ដូចជា ការសហការគ្នាជិតស្និទ្ធរវាងប្រទេសយើងទាំងពីរលើឆាកអន្តរជាតិ។ ជាងនេះទៀត សម្តេចតេជោ បានលើកទឹកចិត្តនិងស្នើឱ្យភាគីជប៉ុនបន្តជួយ កម្ពុជាក្នុងវិស័យដោះមីនតទៅទៀត ជាពិសេសចូលរួមចំណែកក្នុងការសម្រេចបាននូវគោលដៅ “កម្ពុជាគ្មានមីនឆ្នាំ ២០២៥” ឱ្យបានជោគជ័យ៕

ជំនួបនេះផ្តោតជាសំខាន់លើការទាក់ទាញវិនិយោគថែមទៀតពីជប៉ុនមកកម្ពុជា ដោយមានការចូលរួមខិតខំប្រឹងប្រែងរបស់សមាគមជប៉ុន-កម្ពុជា។ ជាក់ស្តែងឯកឧត្តម ឯកអគ្គរាជទូត បានបញ្ជាក់ថា សមាគមនឹងបើកការិយាល័យរបស់ខ្លួននៅព្រះរាជាណាចក្រកម្ពុជា នាពេលឆាប់ៗខាងមុខនេះ ដែលការិយាល័យនេះ នឹងដើរតួនាទីយ៉ាងសំខាន់ក្នុងការទាក់ទាញវិនិយោគិនជប៉ុនមកកាន់កម្ពុជា តាមរយៈការជួយផ្សព្វផ្សាយអំពីសក្ដានុ-ពលវិនិយោគនៅកម្ពុជាដល់ក្រុមហ៊ុនជប៉ុនជាពិសេសសហគ្រាសធុនតូចនិងមធ្យម (SMEs) ដែលមានចំនួនប្រមាណ៤លាន ក្រុមហ៊ុននៅប្រទេសជប៉ុន។ឯកឧត្តមមានប្រសាសន៍ថា ហេតុនេះប្រសិនបើយើងអាចទាក់ទាញបានត្រឹមតែ ០.១% នោះក៏មានប្រហែល ៤.០០០ក្រុមហ៊ុន SMEs របស់ជប៉ុនដែរ ដែលអាចនឹងមកវិនិ-យោគនៅកម្ពុជា។ នៅក្នុងជំនួបនេះដែរក៏មានការចូលរួមពីតំណាងក្រុមហ៊ុនខ្លះ ដែលកំពុងមានដំណើរការផលិតកម្ម នៅកម្ពុជារួចហើយនិងមានក្រុមហ៊ុនខ្លះទៀត ក៏បានបង្ហាញឆន្ទៈក្នុងការបើកសាលាបណ្ដុះបណ្ដាលជួសជុលរថយន្ដ និងសាលាបណ្ដុះបណ្ដាលអំពីសហគ្រិនភាសម្រាប់ធុរជនស្រ្ដីនៅប្រទេសកម្ពុជាផងដែរ។ជាការឆ្លើយតប សម្ដេចតេជោ បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់សមាគមជប៉ុន-កម្ពុជា និងរីករាយស្វាគមន៍ចំពោះការបើកការិយាល័យរបស់សមាគមនៅកម្ពុជា។ សម្ដេចតេជោសង្ឃឹមថា SMEs ជប៉ុននឹងដើរតួនាទីសំខាន់ក្នុងការបង្កើតឱកាសការងារជូនដល់ប្រជាជនកម្ពុជា ក៏ដូចជាលទ្ធភាពនៃការផ្ទេរចំណេះដឹងតាមរយៈការវិនិយោគនៅកម្ពុជា។ ជាងនេះទៀតក្រុមហ៊ុនក៏អាចស្វែងរកសក្ដានុពលវិនិយោគនៅកម្ពុជាដោយមានការជួយសម្របសម្រួលពីសមាគមជប៉ុន-កម្ពុជា ក៏ដូចជាការទទួលបាននូវអត្ថប្រយោជន៍នានាពី គោល នយោបាយរបស់រាជរដ្ឋាភិបាលកម្ពុជាអាណត្តិទី៧ ក្នុងការអភិវឌ្ឍតំបន់សេដ្ឋកិច្ចពិសេស សម្រាប់តែវិនិយោគិនជប៉ុន ដែលសម្ដេចមហាបវរធិបតីនាយករដ្ឋមន្រ្ដី បានលើកឡើងក្នុងកិច្ចពិភាក្សាជាមួយឯកឧត្តម គីស៊ីដា ហ្វូមីអូ (Kishida Fumio) នាយករដ្ឋមន្រ្ដីជប៉ុន ក្នុងឱកាសនៃកិច្ចប្រជុំកំពូលរំលឹកខួបអនុស្សាវរីយ៍អាស៊ាន-ជប៉ុន លើកទី៥០ នៅទីក្រុងតូក្យូ កាលពីខែធ្នូ ឆ្នាំ២០២៣កន្លងទៅ៕

ដោយ: គង់ លាងហួរ

អន្តរជាតិ: ប្រទេសឥណ្ឌូនេស៊ី កំពុងស្តារឡើងវិញនូវផែនការសាងសង់ជញ្ជាំងសមុទ្រខ្នាតយក្សមួយ ដែលជាវិធានការថ្មី ដើម្បីការពាររដ្ឋធានីហ្សាកាតារបស់ខ្លួន ពីការលិចទឹកជំនន់លឿនពេក។

លោក Airlangga Hartarto រដ្ឋមន្ត្រីសម្របសម្រួលកិច្ចការសេដ្ឋកិច្ចបានថ្លែងថា គម្រោងនេះនឹងតម្រូវឱ្យមានការសាងសង់ ចែកចេញជា៣ដំណាក់កាល ដែលបន្តអូសបន្លាយរហូតដល់ឆ្នាំ២០៤០។ លោករដ្ឋមន្ត្រីបានបន្តថា ដំណាក់កាលដំបូងចំនួន២ ត្រូវការថវិកា​ចំនួន១៦៤ទ្រីលានរូពៀ (ប្រហែល១០,៥ពាន់លានដុល្លារ) ប៉ុន្តែ លោក​មិន​បាន​បញ្ជាក់​ថា ដំណាក់​កាល​ទី​៣​ត្រូវ​ការ​ទឹកប្រាក់​ប៉ុន្មាន​នោះ​ទេ។

គំនិតនេះត្រូវបានគេបោះចោល អស់រយៈពេលជាង១ទស្សវត្សរ៍កន្លងមកហើយ។ ប៉ុន្តែសំណើសាងសង់ជញ្ជាំងសមុទ្រនេះ ត្រូវបានសសិក្សាឡើងវិញនាពេលថ្មីៗនេះ ខណៈទីក្រុងហ្សាកាតាបានក្លាយជាទីក្រុងមួយ ដែលងាយលិចទឹកយ៉ាងលឿន ជាងគេបំផុតនៅលើពិភពលោក។

ក្រុមអ្នកជំនាញបានធ្វើការព្យាករណ៍ថា មួយភាគបីនៃរដ្ឋធានីហ្សាការតា អាចនឹងលិចទឹកជំនន់នៅឆ្នាំ២០៥០ ប្រសិនបើបញ្ហាត្រូវបានទុកចោល ដោយមិនបានត្រួតពិនិត្យ។

ទឹកជំនន់នៅទីក្រុងហ្សាកាតា ត្រូវបានគេប៉ាន់ប្រមាណថា នឹងបណ្តាលឱ្យមានការខាតបង់ ក្នុងទំហំទឹកប្រាក់ចំនួន២,១ទ្រីលានរូពៀក្នុងមួយឆ្នាំ ដែលការខាតបង់នេះ អាចកើនឡើងដល់១០ទ្រីលានរូពៀក្នុងមួយឆ្នាំ នៅទសវត្សរ៍ក្រោយ។

ដើម្បីពន្យឺតការលិចទឹក និងបន្ធូរបន្ថយសម្ពាធលើទីក្រុងហ្សាកាតា ប្រទេសឥណ្ឌូនេស៊ី បានរឹតបន្តឹងការទាញយកទឹកក្រោមដី។ ជាពិសេស រដ្ឋាភិបាល​ក៏​កំពុង​បង្កើត​រដ្ឋធានី​ថ្មី​ ​តម្លៃ៣៤ពាន់​លាន​ដុល្លារ​ ដែល​មានឈ្មោះហៅ​ថា Nusantara នៅ​លើ​កោះ Borneo ផងដែរ៕ប្រភព៖Bloomberg៕

ដោយៈ គង់ ហ្វីអូណា

        ភ្នំពេញៈ ស្ពានអាកាសព្រះមុនីវង្សច្រមុះជ្រូកក្បាលថ្នល់ ដែលប្រសព្វនឹងមហាវិថីចំនួន៣ រវាងមហាវិថីព្រះមុនីវង្ស មហាវិថីសម្តេចតេជោ ហ៊ុន សែន និងមហាវិថីកងយោធពលខេមរភូមិន្ទ (ផ្លូវ២៧១) គ្រោងបញ្ចប់ការសាងសង់នៅរយៈពេលបីខែខាងមុខ។

ការងារសាងសង់ស្ពាននេះបាន និងកំពុងសាងសង់យ៉ាងសស្រា​ក់សស្រាំ និងគ្រោងបញ្ចប់ក្នុងដំណាក់កាលទី១ មុនកាលកំណត់។

ស្ពានអាកាសព្រះមុនីវង្សនេះ មានកម្ពស់២ជាន់ ត្រូវបានបើកការដ្ឋានសាងសង់កាលពីថ្ងៃទី៣១ ខែសីហា ឆ្នាំ២០២២។ តាមការគ្រោងទុកនៅជំហានទី១ នឹងបញ្ចប់មុនចូលឆ្នាំថ្មីប្រពៃណីជាតិ ឆ្នាំ២០២៤ និងជំហានទី២ នឹងបញ្ចប់មុនចូលឆ្នាំប្រពៃណីជាតិ ឆ្នាំ២០២៥។

ការសាងសង់ស្ពានអាកាស ព្រះមុនីវង្ស គឺដើម្បីសម្រួលការធ្វើចរាចរណ៍ក្នុងរាជធានីភ្នំពេញ ដែល​មានកំណើនយានយន្ត និងការធ្វើចរាចរណ៍កាន់តែច្រើនឡើងពីមួយឆ្នាំទៅមួយឆ្នាំ។ ស្ពានអាកាសនេះ ស្ថិតក្នុងទឹកដីខណ្ឌចំការមន និង​ខណ្ឌមានជ័យនិង សាងសង់​ដោយក្រុម​ហ៊ុ​ន​វិ​​និយោ​គ​ទុន​អា​ណិ​ក​ជ​​ន​កម្ពុ​ជា​ (O​C​​IC) គ្រោងចំណាយថវិកា៣៦,៧៧៥,០០០ដុល្លារ និងចំណាយពេលវេលាសាងសង់ជាង៣០ខែ។គ​ម្រោងស្ពានអាកាសព្រះមុនីវង្ស មានសាងសង់ផ្លូវផ្ទាល់ដី ដែលមានរង្វង់មូលបែងចែកទិស និងផ្លូវតភ្ជាប់រវាងមហាវិថីព្រះមុនីវង្ស មហាវិថីសម្តេចតេជោ ហ៊ុន សែន វិថីក​ងយោ​ធ​​ពល​ខេ​ម​រ​ភូ​មិន្ទ ឆ្ពោះទៅស្ពានព្រះមុនីវង្ស និងផ្លូវជាតិលេខ២។ បន្ទាប់​ម​ក​សាង​ស​ង់​ស្ពា​ន​អា​កា​សចំ​​នួ​ន​ពីរជាន់។ ស្ពានអាកាសជាន់ទី១ ជាស្ពានរង្វង់មូល នៅត្រង់ចំណុចប្រសព្វ ដែ​ល​បំ​បែ​ក​ខ្នែ​ងជា​បួ​​ន​ទិសផ្សេងគ្នា ទៅកាន់មហាវិថីសម្តេចតេជោ ហ៊ុន សែន ស្ពានព្រះមុនីវង្ស មហា​វិថី​ព្រះ​មុ​នី​វ​ង្ស​ ​និ​ងវិថីកងយោធពលខេមរភូមិន្ទ។ស្ពានអាកាសជាន់ទី២ ជាផ្លូវទ្វេទិស មានទិ​ស​ដៅ​ទៅ​ម​ក​ ​​រវាងមហាវិថីព្រះមុនីវង្ស និងមហាវិថីសម្តេចតេជោ ហ៊ុន សែន។

លោកម៉េត មាសភក្តី អ្នកនាំពាក្យសាលារាជធានីភ្នំពេញ បានប្រាប់ឲ្យដឹងថា គម្រោងរួមសាងសង់បានប្រមាណ៤៥ ទៅ ៥០ភាគរយ។ ក្នុងនោះជំហានទី១ ស្ថាបនាបាន៧៥ភាគរយ និងនៅសល់២៥ភាគរយ ដែលរួមមានការតភ្ជាប់ក្បាលស្ពាន ការដំឡើងធ្នឹមបេតុង ប្លង់សេ និងភ្លើងបំភ្លឺលើស្ពាន។ តាមគម្រោងនឹងបញ្ចប់នៅខែសីហា២០២៤ តែដោយសារមានការពន្លឿន អាចនឹងរួចរាល់នៅចុងខែមីនា ឬដើមខែមេសាឆ្នាំ២០២៤នេះ៕

        ដោយៈ គង់ ហ្វីអូណា

        ភ្នំពេញៈ ធនាគារ​ពិភពលោកបាន​ចេញ​របាយការណ៍​ស្រាវជ្រាវមួយ​ពីស្ថានភាព​​សេដ្ឋកិច្ចរបស់​​ប្រទេស​កម្ពុជា​។ ​របាយការណ៍​​នេះបានវិភាគ ​និង​ផ្តល់អនុសាសន៍មួយ​ចំនួន​​ ដើម្បីឲ្យសេដ្ឋកិច្ចកម្ពុជាងើបឡើងវិញ។

ខណៈដែលសន្ទុះ​​សេដ្ឋ​កិច្ចរបស់​​​កម្ពុ​ជា ​​នៅ​តែ​បន្ត​​ធ្លាក់​ចុះ ធនា គារពិភព​លោក​បាន​ព្យាករ​ថា​ ​សេដ្ឋកិច្ច​​ឆ្នាំនេះ នឹង​មានកំណើន​ក្នុង​​កម្រិត៥,៤ភាគរយ ដែល​ខ្ពស់​ជាងគេ​ក្នុង​រយៈពេល៣ឆ្នាំ ចុងក្រោយនេះ ប៉ុន្តែ​ក៏​នៅ​តែ​ទាបជាង​ច្រើន​នៅឡើយ បើ​ប្រៀបទៅ​នឹង​កំណើន​ប្រចាំ​ឆ្នាំ​ជាមធ្យម៧,២​ភាគរយ​ ដែលកម្ពុជា​សម្រេចបានក្នុងមួយ​ទសវត្សរ៍​មុនការរាតត្បាតនៃជំងឺកូវីដ-១៩។​ការ​​ធ្លាក់​​ចុះ​​នេះ​ មួយផ្នែកធំគឺ​​ទាក់ទង ជា​មួយ​​បរិយា​កាស​​សកល​​ដែល​​កំពុង​ជួប​ការ​លំបាក​ច្រើន​។ ដោយ​សារ​​ការ​រឹត​បន្តឹង​លក្ខ​ខណ្ឌ​ហិរញ្ញ​វត្ថុ បំ​ណុល​ខ្ពស់ និង​ការ​កើន​ឡើង​នូវ​ភាព​តាន​តឹង​ផ្នែក​ភូមិ​សាស្ត្រ​នយោ​បាយ និង​សេដ្ឋ​កិច្ច​​ កំណើនសេដ្ឋកិច្ច​ពិភព​លោក​ត្រូវ​បានរំពឹង​ទុក​ថា នឹង​បន្ត​​ថយ​សន្ទុះ​នៅឆ្នាំក្រោយ ដែល​ជា​រយៈពេល​បី​ឆ្នាំ​ជាប់​ៗ​គ្នា​។

ស្ថានភាពដែល​កំណើនសេដ្ឋកិច្ច ​មានសន្ទុះ​ខ្សោយជាងមុន បាន​ញ៉ាំង​ឱ្យ​មានការគិត​គូរឡើង​វិញ​ជា​បន្ទាន់​ ដើម្បីដោះ​ស្រាយ​​បញ្ហា​ប្រឈម​ផ្នែក​សេដ្ឋ​កិច្ច សម្រាប់​​រក្សា​កំណើន​ប្រកបដោយចីរភាព កាត់បន្ថយភាពក្រីក្រដែលនៅ​សេស​សល់ និងឈាន​ទៅ​​សម្រេច​ចក្ខុ​វិស័យ​របស់​កម្ពុជា ក្នុងការក្លាយជាប្រទេស ដែលមានចំណូលមធ្យមកម្រិតខ្ពស់នៅឆ្នាំ២០៣០។

គន្លឹះសំខាន់អា​ទិ​ភាព ​​ជា​​របៀប​វារៈនៃ​​កំណែ​ទម្រង់​​ដែលត្រូវ​​អនុវត្តមានដូចជា
ទី១ ការ​កែ​លម្អ​បន្ថែម​ទៀតលើ​បរិយា​កាស​ធុរ​កិច្ច ​មាន​សារៈ​សំ​ខាន់​ណាស់ សម្រាប់​ជំរុញ​ផលិត​ភាព និងការប្រ​កួត​ប្រជែង​របស់​ក្រុមហ៊ុន​នៅ​កម្ពុជា។ ចំណាយ​ថ្លៃដើម​ ក្នុង​ការ​ធ្វើ​អា​ជីវ​កម្ម​នៅ​​កម្ពុ​ជា​នៅ​តែ​មាន​កម្រិត​ខ្ពស់​ ដែល​ជា​ឧបសគ្គ ដល់​សមត្ថភាព​​ប្រ​កួត​ប្រ​ជែង​ជា​អន្តរ​ជាតិ​ និង​រា​រាំងដល់​​នវានុវត្តន៍ និងការងាក​​ទៅរកសកម្ម​ភាព​សេដ្ឋកិច្ច​មាន​តម្លៃខ្ពស់ជាង​បច្ចុប្បន្ន។

ដើម្បី​ជួយ​​​ដល់​ការ​វិនិ​យោគ​​របស់​វិ​ស័យ​ឯក​ជន កម្ពុជា​ចាំ​បាច់​ត្រូវ​ពង្រឹង​ភាពព្យាករណ៍បាន ​របស់​បរិស្ថាន​បទ​ប្បញ្ញ​ត្តិ​ និងពង្រីកលទ្ធភាពរក​បាន​ធន​ធាន​ហិរញ្ញវត្ថុ ​សម្រាប់​សហគ្រាសធុនតូច និងមធ្យម (SMEs)។ លើសពីនេះ កិច្ច​ខិត​ខំ​ប្រឹងប្រែងបន្ថែម​ទៀត ​ដើ​ម្បីសម្រួល​លក្ខខណ្ឌ​តម្រូវ​ស្មុគ​ស្មាញ ​​និង​តឹង​រ៉ឹង​សម្រាប់​ការ​បើក​​ធុរកិច្ច​ អម​ជា​មួយ​នឹង​ការ​ធ្វើឱ្យ​ប្រសើរ​ឡើង ​ដល់​ដំណើរការនៃក្របខណ្ឌក្ស័យធនផង​ វា​នឹងជួយ​កាត់​បន្ថយ​ការ​ចំណាយ ​​របស់​ក្រុម​ហ៊ុននៅ​ពេល​បើក​រកស៊ី និង​ពេល​បិទ​ទៅវិញ។ការ​សម្រួល​នីតិវិធីឱ្យ​សាម​ញ្ញ និងការ​ធ្វើ​ឌី​ជី​ថ​លកម្ម​នៃ​សេវា​ធុរកិច្ច​ ជា​ពិសេស​ការ​ចេញ​អា​ជ្ញាប​ណ្ណ និង​ការ​អនុ​ញ្ញាត​សម្រាប់​អាជីវកម្ម នឹងជួយ​កាត់បន្ថយ​ការ​ចំណាយ​នានា ​ដែល​ពាក់​ព័ន្ធ​ថ្លៃដើម​។ ការប្រកួត​ប្រជែង​កាន់​តែ​ច្រើន ​នឹង​ជំរុញ​ការ​កាត់​បន្ថយ​ការ​ចំណាយ និង​លើកកម្ពស់​នវា​នុវត្តន៍​​ និងកំណើនផលិត​ភាព ដោយបង្វែរទិស​នៃ​ចំ​ណែក​ទី​ផ្សារ​ធុរកិច្ច​ ឆ្ពោះទៅ​រក​ផលិតករ ​ដែល​មាន​ប្រសិទ្ធ​ភាព​ខ្ពស់​ជាង ហើយ​ក៏​ជួយ​​លើក​ទឹក​ចិត្ត​ក្រុម​ហ៊ុន ​ឱ្យ​កាន់​តែ​មាន​ផលិត​ភាព​ឡើងដែរ​។

ដើម្បីជួយ​ដល់​វិស័យ​ទេស​ចរ​ណ៍ ការកាត់បន្ថយថ្លៃដើម និងថ្លៃសេវា​នានា​ (ដូច​ជា ទិដ្ឋាការ ការ​ស្នាក់​នៅ អា​ហារ ថ្លៃ​ដឹក​ជញ្ជូន និង​ថ្លៃ​សំបុត្រ​​ចូល) រួម​ទាំង​ការលុប​បំបាត់​ថ្លៃ​សេ​វា​ក្រៅ​ផ្លូវ​ការ​ផង​ នឹងជួយទាក់ទាញភ្ញៀវ​អន្តរ​ជាតិ​ ឱ្យ​មកកម្ពុជា​​កាន់​តែ​ច្រើន​ឡើង។

ទី២ ការ​ធ្វើ​ឱ្យ​ប្រ​សើរ​ឡើង​នូវ​ហេ​ដ្ឋា​រចនា​សម្ព័ន្ធ​ និងឡូហ្ស៊ីស្ទិករបស់កម្ពុ​ជា គឺ​ជា​មូល​ដ្ឋា​នគ្រឹះ​ដ៏​សំ​ខាន់ សម្រាប់ការ​បង្កើន​ផលិត​ភាព​ និងសមត្ថ​ភាព​ប្រកួត​ប្រជែង​​អន្តរ​ជាតិ។

កម្ពុជានៅ​តែមាន​ការ​ខ្វះច្រើន ​នូវ​​​ហិរ​ញ្ញប្បទាន​សម្រាប់​ហេដ្ឋារចនាសម្ព័ន្ធ អាស្រ័យហេតុនេះ ​សេវា​ហេ​ដ្ឋា​រចនា​សម្ព័ន្ធនៅតែមិនគ្រប់គ្រាន់​ ហើយ​ត្រូវ​ប្រឹង​យ៉ាង​ត្រដាប​ត្រដួស ​ដើម្បី​បំពេញសេចក្តីត្រូវ​ការ​ដែលកំពុង​កើន​ឡើង​យ៉ាង​លឿន។ វិស័យ​ថាម​ពល​ត្រូវ​ការ​ការ​វិនិ​យោគ​ខ្នាត​ធំ​ថែម​ទៀត ដើម្បី​ឆ្លើយ​តប​ទៅ​នឹង​បញ្ហា​ប្រឈម​ពីរ ​ក្នុង​ពេល​តែមួយគឺ​៖ ​ការ​ឆ្លើយ​តប​ទៅ​នឹង​ការ​កើន​ឡើង ​នៃ​តម្រូវ​ការ​អគ្គិសនី (តាម​ការ​ព្យាករ​ តម្រូវការ​អគ្គិសនី​នឹង​កើន​ឡើង៤ដង ពី១២ ៤០០​ហ្គីហ្កាវ៉ាត់ម៉ោង (GWh) នៅ​ឆ្នាំ​ ២០២០ ទៅ​ដល់៥៤ ៦០០ហ្គីហ្កាវ៉ាត់ម៉ោង នៅ​​ឆ្នាំ​២០៤០) និង​ការ​បំពេញ​តាម​ការ​សន្យា​របស់​ប្រ​ទេស ក្នុង​​ក្របខណ្ឌ​នៃ​ការ​ប្រែ​ប្រួល​អាកាស​ធាតុ។

ការ​វិនិយោគ​ក៏ត្រូវ​ការ​ចាំបាច់ផង​ដែរ ដើម្បីកែ​លម្អ​​ឱ្យ​ប្រ​សើរ​​ឡើងនូវសេវា​ជាមូល​ដ្ឋាន​ក្នុង​ទី​ក្រុងមាន ​ដូច​ជា ប្រព័ន្ធ​ទុយោទឹក​ស្អាត, អនាម័យ, ការ​គ្រប់​គ្រង​សំណល់​រឹង ទូរ​គម​នា​គមន៍​ និង​ការ​ដឹក​ជញ្ជូន​ និង​ការ​ពង្រឹង​ផែន​ការរៀប​ចំ​ក្រុង។

ជាងនេះទៅទៀត កង្វះ​បណ្តាញ​​ការ​តភ្ជាប់​ក្នុង​តំបន់​ ក៏​ជះ​ឥទ្ធិពល​មិន​ល្អ​ទៅលើ​​ប្រសិទ្ធ​ភាព និង​ថ្លៃ​ដើម​នៃ​ការ​ធ្វើ​ពាណិជ្ជ​កម្ម​ឆ្លង​ដែនដែរ​ ហើយ​នេះ​ជា​បញ្ហា​ដែល​ចាំបាច់​ត្រូវតែ​ដោះ​ស្រាយ​។ ការ​វិនិ​យោគ​គឺ​ចាំ​បាច់​ ដើម្បី​ដោះ​ស្រាយ​គម្លាត​ផ្នែក ​ហេ​ដ្ឋា​រចនា​សម្ព័ន្ធ​ជាក់​លាក់​ សម្រាប់​​ភ្ជាប់​ការ​ដឹក​ជញ្ជូន​ក្នុងស្រុក និង​ក្នុង​តំបន់​។ ការ​វិនិយោគ​ទាំង​នេះ​ នឹង​ធ្វើ​ឱ្យ​​ប្រ​សើរ​​​ឡើង​នូវ​សកម្ម​ភាព ​ពាណិជ្ជ​កម្ម​តាម​ច្រក​របៀង​កើត-លិច ឆ្លង​កាត់​ប្រទេស​ថៃ កម្ពុជា និង​វៀត​ណាម បន្ថែម​ពី​លើផ្លូវ​​ច្រក​របៀង​តែ​មួយគត់​ ដែល​ត​ភ្ជាប់​ប្រទេស​កម្ពុ​ជា ជា​មួយ​ប្រ​ទេស​ឡាវ​។

តាម​រយៈនេះ វា​ក៏​នឹង​ធ្វើឱ្យ​ប្រសើរ​ឡើង​ផង​ដែរ ​នូវ​ការ​តភ្ជាប់​ផ្លូវ​ទឹក​ផ្ទៃក្នុង​ប្រទេស​ជា​មួយ​វៀត​ណាម និង​ប្រតិ​បត្តិ​ការ​ផ្លូវដែក ​ និងបណ្តាញ​​ភ្ជាប់ហេ​ដ្ឋា​រចនា​សម្ព័ន្ធ ​​ដែល​មានស្រាប់​ ជាមួយប្រទេសថៃ។

ការ​កែ​លម្អ​ការ​សម្រប​សម្រួល​ពាណិជ្ជ​កម្ម និងការ​អនុ​វត្តមុខ​ងារ​ផ្នែក​ឡូហ្ស៊ីស្ទិក ក៏មាន​សារៈសំខាន់ផងដែរ។ កិច្ចប្រឹង​ប្រែង​គួរ​ត្រូវ​បាន​ធ្វើ​បន្ថែម​ទៀត​ ដើម្បីកាត់​បន្ថយ​ថ្លៃចំណាយ ​លើ​ការ​ដឹក​ជញ្ជូន និងសេ​វា​ឡូហ្ស៊ីស្ទិក តាម​រយៈ​​ការតាម​ដាន​​ត្រួត​ពិនិត្យ​​ប្រ​សិទ្ធ​ភាព​នៃច្រក​ទ្វារ​ពាណិជ្ជ​កម្ម​សំខាន់​ៗ ដូច​ជា​កំពង់​ផែ និង​ច្រក​ព្រំដែន។

ទី៣ កិច្ច​ការ​សំខាន់​មួយ​ទៀត ​ដែល​កម្ពុជា​ត្រូវ​បង្កើន​លទ្ធ​ផល​នៃ​ការ​រៀន ដើម្បី​ឆ្លើយ​តប​ទៅ​នឹង​កង្វះ​ជំនាញ, បង្កើត​កម្លាំង​ពល​កម្ម​ដែល​មាន​សមត្ថភាព​ត្រៀម​សម្រាប់​អនាគត និង​ជំរុញ​កំណើន​ផលិត​ភាព​របស់​ប្រទេស។ កំណើន​ផលិត​ភាពពលកម្ម ​បាន​ធ្លាក់​ចុះ​យ៉ាង​គំហុក​ក្នុង​អំឡុង​ប្រាំ​ឆ្នាំ​ចុង​ក្រោយ​នេះ ហើយ​បណ្តា​ក្រុម​ហ៊ុន​ក៏​បាន​រាយ​ការណ៍​ឱ្យ​ដឹង​ដែ​រ ​​អំពី​ការ​កើន​ឡើង​នៃ​កង្វះ​ជំនាញ​​។

មាន​កុមារ​កម្ពុជា​មិន​ច្រើន​ប៉ុន្មាន​ទេ ​ដែល​បាន​ចុះ​ឈ្មោះ​ទទួល​ការ​អប់​រំ​កូន​​ក្មេង ដែលមាន​ន័យ​ថា​ជា​ការ​បាត់​បង់​​ឱកាស សម្រាប់​​​ការ​វិវឌ្ឍ​របស់​កុមារ​ក្នុង​វ័យ​ដំបូង ហើយ​វា​ក៏​ជាឧបសគ្គ​ដល់​ការ​វិល​ត្រឡប់​របស់​ម្តាយ​ទៅ​ធ្វើ​ការ​ដើម្បី​រក​ប្រាក់​ចំណូល​ដែរ។សាលា​កម្រិត​បឋម​សិក្សា​ កំពុង​ជួប​ប្រទះ​នូវ​ការ​ធ្លាក់ចុះ​លទ្ធផល​នៃ​ការ​សិក្សា បើ​ទោះ​ជា​លទ្ធភាព​ចូលរៀន​របស់​ក្មេង ​មាន​ភាព​ប្រសើរ​ជាង​មុន​ក៏ដោយ។ សិស្ស​មាន​ចំនួន​មិន​ច្រើន​ទេ ​ដែល​រៀន​បាន​ឡើង​ថ្នាក់​ទៅ​កម្រិត​អនុវិទ្យា​ល័យ ហើយ​អ្នក​ដែល​បាន​ឡើង​ទៅនោះ​​ ច្រើន​តែ​មានមូលដ្ឋាន​មិន​គ្រប់​គ្រាន់ ហើយ​ឈប់រៀនក៏ច្រើនដែរ។ កូនសិស្ស​មកពីគ្រួសារ​ក្រីក្រ​ រង​ផល​ប៉ះពាល់​ក្នុង​សមាមាត្រ​មួយ​ខ្លាំង​ជាង​គេ។

យោង​តាម​សូចនាករ​មូលធន​មនុស្ស ​របស់​ធនាគារ​ពិភពលោក កុមារ​ម្នាក់​ដែលកើននៅ​កម្ពុជា​ក្នុង​ថ្ងៃនេះ ត្រូវ​បាន​គេ​រំពឹង​ថា​អាច​សម្រេច​បាន​តែ​ពាក់​កណ្តាល ​នៃ​សក្តា​នុពល​ផលិត​ភាព​​ការ​ងារ​​ទេក្នុង​មួយ​ជីវិត​របស់​ខ្លួន ប៉ុន្តែទាល់តែ​​​កុមារ​នោះ​ទទួល​បាន​ការ​អប់​រំ និង​សេ​វា​ថែទាំង​សុខភាព​ គ្រប់​គ្រាន់ដែរ​។

អ្វី​ដែល​គួរ​ឱ្យ​ភ្ញាក់​ផ្អើលនោះ គឺក្នុង​ចំណោម​ក្មេង​អាយុ​១៥​ឆ្នាំ​ នៅ​កម្ពុជា​ មាន​​តែ​៣​ភាគរយប៉ុណ្ណោះ ដែល​គេ​រំពឹង​ថា​ចេះ​ត្រឹម​តែកម្រិត​គោលទេ ក្នុង​មុខ​វិជ្ជា​គណិតវិទ្យា។ ចំ​នួន២ភាគរយ ក្នុង​ការ​អាន និង​ ១ភាគរយ ក្នុង​វិជ្ជា​វិទ្យា​សាស្ត្រ។

ត្រង់​នេះ​ឆ្លុះ​បញ្ចាំង​អំពី​ផលជះ​អវិជ្ជមាន ​ទៅលើ​ឱកាស​សម្រាប់​ក្មេង​កម្ពុជា​ ក្នុង​ការ​ចូល​រួម​ និង​រួម​ចំណែក​ដល់​វិបុលភាព​របស់​ប្រទេស​ទៅថ្ងៃអនាគត។ ការ​បង្កើន​លទ្ធផល​នៃ​ការ​អប់រំ​ តម្រូវឱ្យ​​មាន​អភិក្រម​ច្រើន​មុខ​ព្រួញ។ ការ​ពង្រីក​លទ្ធភាព​ទទួល​បាន​ការ​រៀនសូត្រ​ប្រកប​ដោយ​គុណភាព​ក៏​សំខាន់​ដែរ។ យ៉ាង​ណា​ក៏ដោយ ប្រការ​លើក​ទឹក​ចិត្ត​នានា​ ដូច​ជា​ការ​ផ្ទេរ​សាច់​ប្រាក់​ភ្ជាប់​លក្ខខណ្ឌជាដើម អាច​ជា​ការ​ចាំបាច់​ដែរ ដើម្បី​បង្ក​លទ្ធភាព​ឱ្យ​ក្មេង ជា​ពិសេស​មក​ពីគ្រួសារ​ក្រី​ក្រ នៅ​បន្តរៀន​បាន​យូរ​ជាង​មុន៕

ដោយៈ ស៊ីវ ម៉េង

ប្រទេសចិនៈ ជាមជ្ឈមណ្ឌលស្រាវជ្រាវ និងអភិវឌ្ឍន៍បច្ចេកវិទ្យាទំនើបមួយ នៅក្នុងឧស្សាហកម្មកៅស៊ូនិងសំបកកង់(NERCRAT) ដែលមានទីស្នាក់ការកណ្ដាលក្នុងក្រុងឈីវតាវ ខេត្តសានដុង ប្រទេ​សចិន គ្រោងបោះទុនវិនិយោគ ក្នុងទំហំទឹកប្រាក់១០០០លានដុល្លារនៅកម្ពុជា។

ព័ត៌មានដ៏ល្អនេះត្រូវបានបញ្ជាក់ ក្នុងដំណើរទស្សនកិច្ចក្នុងទីក្រុងឈីងតាវ ខេត្តសានដុង សាធារណរដ្ឋប្រជាមានិតចិន របស់លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ដែល​បានចុះហត្ថលេខាលើអនុស្សរណៈ នៃការយោគយល់គ្នាស្តីពី កិច្ចសហប្រតិបត្តិការទៅវិញទៅមក​ រវាងក្រុមប្រឹក្សាអភិវឌ្ឍន៍កម្ពុជា និងមជ្ឈមណ្ឌលជាតិស្រាវជ្រាវបច្ចេកវិទ្យាវិស្វកម្មកៅស៊ូ និងសម្បកកង់រថយន្ត នៃសាធារណរដ្ឋប្រជាមានិតចិន (NERCRAT)​។

អនុស្សរណៈនៃការយោគយល់គ្នានេះ ក្នុងគោលបំណងដើម្បីពង្រឹងរួមគ្នា លើគម្រោងអាទិភាពមួយចំនួនរវាងភាគីទាំងពីរ​។ ក្នុងនោះ NERCRAT បានបង្ហាញឆន្ទៈយ៉ាងមោះមុត ក្នុងការវិនិយោគទឹកប្រាក់ចំនួន១ពាន់លានដុល្លារ លើ​គម្រោង​វិនិយោគនៅ​កម្ពុជា។

ក្នុង​ដំណើរទស្សនកិច្ច លោក ស៊ុន ចាន់ថុល បានជួបជាមួយ​​ប្រធានក្រុមហ៊ុនធំៗនៅ​ក្នុងក្រុងឈីងតាវ សាធារណរដ្ឋប្រជាមានិតចិន ​ដែលកំពុងសម្លឹងមើលឱកាសវិនិយោគ ក្នុងប្រទេសកម្ពុជា។ លោក​បាន​ចុះទស្សនកិច្ចរោងចក្រ នៃក្រុមហ៊ុននិងសហគ្រាសមួយ​ចំនួន​រួម​​មាន ទី១ ក្រុមហ៊ុន MESNAC ដែលជាក្រុមហ៊ុនផលិតនិងនាំចេញឧបករណ៍កែច្នៃកៅស៊ូធំមួយក្នុងប្រទេសចិន។

ទី២ ក្រុមហ៊ុន KenGic គឺជាក្រុមហ៊ុនដែលប្រតិបត្តិការលើដំណោះស្រាយប្រព័ន្ធផលិតកម្មឆ្លាតវៃ ការដឹកជញ្ជូនឆ្លាតវៃ និងក៏ជាមូលដ្ឋានស្រាវជ្រាវ និងអភិវឌ្ឍន៍ឌីជីថល ប្រកបដោយភាពច្នៃប្រឌិត ដែលផ្គត់ផ្គង់គ្រឿងចក្រ ទៅបណ្ដាក្រុមហ៊ុនធំៗនៅលើពិភពលោក និងប្រមាណជាង២០ប្រទេស ក្នុងតំបន់អាស៊ីរួមទាំងកម្ពុជាផងដែរ។

ទី៣ Kinger Robot គឺជាសហគ្រាសបច្ចេកវិទ្យាកម្រិតខ្ពស់ ដែលប្រតិបត្តិការរចនា ការផលិត ការលក់ និងសេវាកម្មឧបករណ៍ឆ្លាតវៃរបស់មនុស្សយន្ត ប្រព័ន្ធរោងចក្រឆ្លាតវៃ និងប្រព័ន្ធឃ្លាំង និងប្រព័ន្ធដឹកជញ្ជូនឆ្លាតវៃ ដែលបានផ្គត់ផ្គង់ផលិតផល ទៅក្រុមហ៊ុនធំៗជាច្រើនមានជាអាថិ៍ក្រុមហ៊ុន Huawei​ ក្រុមហ៊ុន Ford​ និងក្រុមហ៊ុន Toyota ជាដើម៕