តើការបញ្ចុះអត្រាការប្រាក់របស់ធនាគារកណ្តាលអាមេរិក ជះឥទ្ធិពលបែបណាខ្លះដល់ពិភពលោក?

ដោយ: គង់ លាងហួរ

អន្តរជាតិ: ការដាក់ចេញគោលនយោបាយ ប្រយុទ្ធប្រឆាំងនឹងអតិផរណារបស់សហរដ្ឋអាមេរិក តាមរយៈការដំឡើងអត្រាការប្រាក់ដោយធនាគារកណ្តាល អាចនឹងត្រូវបានបញ្ចប់ ហើយការណ៍នេះនឹងជះផលវិជ្ជមាន ដល់សេដ្ឋកិច្ចរបស់ពិភពលោក។

ជាក់ស្តែង ការធ្លាក់ចុះយ៉ាងគំហុក នៃអត្រាអតិផរណានាពេលថ្មីៗនេះ បានជំរុញឱ្យធនាគារកណ្តាលអាមេរិក សម្រេចបញ្ឈប់ការដំឡើងអត្រាការប្រាក់ចំនួន៣លើកជាប់ៗគ្នា គិតត្រឹមកិច្ចប្រជុំគោលនយោបាយ ប្រចាំខែធ្នូ ឆ្នាំ២០២៣កន្លងទៅ។

នៅពេលនេះ ក្រុមមន្ត្រីមួយចំនួនរបស់ធនាគារ Fed ថែមទាំងបានផ្តល់សញ្ញា ពីការកាត់បន្ថយអត្រាការប្រាក់ សម្រាប់ឆ្នាំ២០២៤ ហើយនេះជាលទ្ធផល ដែលនឹងតំណាងឱ្យការ ប្រកាសជ័យជម្នះក្នុងសង្គ្រាមប្រយុទ្ធជាមួយវិបត្តិអតិផរណា។ ចុះតើការបញ្ចុះអត្រាការប្រាក់ របស់ធនាគារកណ្តាលអាមេរិក អាចជះឥទ្ធិពលបែបណាខ្លះដល់ពិភពលោក?។ ការបញ្ចុះអត្រាការប្រាក់របស់អាមេរិក អាចនឹងជះផលល្អ ទៅលើប្រទេសនានាជុំវិញពិភពលោក ជាពិសេសនៅក្នុងប្រទេសកំពុងអភិវឌ្ឍន៍ និងប្រទេសដែលមានប្រាក់ចំណូលទាប ខណៈដែលបណ្តាប្រទេសភាគច្រើន នៅទូទាំងពិភពលោក ប្រើប្រាស់ប្រាក់ដុល្លារអាមេរិក សម្រាប់ដោះដូរពាណិជ្ជកម្ម។់

ចំណែក បណ្តាប្រទេសដែលជំពាក់បំណុលច្រើន នឹងទទួលផលវិជ្ជមាន ពីការបញ្ចុះអត្រាការប្រាក់របស់សហរដ្ឋអាមេរិក ខណៈកាលពីអត្រាការប្រាក់នៅមានកម្រិតទាប បណ្តាប្រទេសដែលមានប្រាក់ចំណូលទាបជាច្រើន បាននាំគ្នាខ្ចីបំណុលអន្តរជាតិ ដើម្បីដោះស្រាយផលប៉ះពាល់ផ្នែកហិរញ្ញវត្ថុ ដែលបណ្តាលមកពីជំងឺកូវីដ-១៩ និងសង្គ្រាមនៅអ៊ុយក្រែន។ហេតុនេះ ការបញ្ចុះអត្រាការប្រាក់ នឹងធ្វើឱ្យរដ្ឋាភិបាលរបស់ប្រទេសនានា ងាយស្រួលទូទាត់សងបំណុលជាងមុន ខណៈបណ្តាប្រទេសក្រីក្រជាច្រើន កំពុងធ្លាក់ចូលទៅក្នុង “វិបត្តិបំណុល”។

កាលណាអត្រាការប្រាក់ធ្លាក់ចុះ វានឹងធ្វើឱ្យការខ្ចីប្រាក់កាន់តែចុះថោក។ ចំណែកអត្រាការប្រាក់លើកម្ចីទិញផ្ទះ ដែលបានហក់ឡើងដល់កម្រិតខ្ពស់បំផុត ក្នុងរយៈពេល២ទសវត្សរ៍ ក្នុងរង្វង់ជិត៨% នឹងបន្តថយចុះមកវិញ ហើយការផ្តល់ប្រាក់កម្ចីអាជីវកម្ម នឹងមានតម្លៃថោក ដោយបង្កើនប្រាក់ចំណេញសាជីវកម្ម ដែលធ្វើឱ្យការវិនិយោគភាគហ៊ុនកាន់តែមានភាពទាក់ទាញ។

ជាមួយគ្នានេះ វានឹងលុបបំបាត់ហានិភ័យ នៃវិបត្តិសេដ្ឋកិច្ចរបស់ប្រទេសមួយចំនួន ដែលបណ្តាលមកពីការដំឡើង អត្រាការប្រាក់នាពេលកន្លងមកផងដែរ។

ជាក់ស្តែង ធនាគារកណ្តាលធំៗ ដូចជា ធនាគារ Fed ធនាគារកណ្តាលអង់គ្លេស និងធនាគារកណ្តាលអឺរ៉ុប បានព្យាយាមបន្ថយល្បឿនសេដ្ឋកិច្ចរៀងៗខ្លួន ដើម្បីកាត់បន្ថយអតិផរណា តាមរយៈការបង្កើនអត្រាការប្រាក់នាពេលកន្លងទៅ។

ក្រុមអ្នកវិភាគនៅធនាគារវិនិយោគ Goldman Sachs បានរំពឹងទុកថា ការកាត់បន្ថយអត្រាការប្រាក់ នឹងចាប់ផ្តើមនៅក្នុងខែមីនា ឆ្នាំ២០២៤នេះ ហើយពួកគេក៏បានបង្កើនការព្យាករណ៍ សម្រាប់កំណើនសេដ្ឋកិច្ចអាមេរិកផងដែរ។

បន្ថែមពីលើនេះ ការកាត់បន្ថយអត្រាការប្រាក់ អាចធ្វើឱ្យតម្លៃកម្ចីថយចុះ ហើយអ្នកខ្ចីប្រាក់ ក៏ត្រូវចំណាយតិចជាងមុនផងដែរ។ ផ្ទុយទៅវិញ ប្រសិនបើធនាគារកណ្ដាល បង្កើនអត្រាការប្រាក់ នោះ អ្នកត្រូវការកម្ចីផ្ទាល់ខ្លួន កម្ចីទិញផ្ទះ ឬកម្ចីទិញរថយន្ដ នឹងត្រូវចំណាយច្រើនជាងមុន។

ម្យ៉ាងវិញទៀត កាលណាធនាគារកណ្តាលអាមេរិក(Federal Reserve) បញ្ចុះអត្រាការប្រាក់ នោះវានឹងធ្វើឱ្យប្រាក់ដុល្លារធ្លាក់ថ្លៃចុះ ដែលជារឿងល្អ សម្រាប់ទីផ្សារប្តូរប្រាក់អន្តរជាតិ។ តួយ៉ាង រូបិយប័ណ្ណសំខាន់ៗមួយចំនួន ដូចជា ប្រាក់អឺរ៉ូ ប្រាក់យ័ន និងប្រាក់យ៉េន ត្រូវបានគេរំពឹងថា នឹងងើបឡើងថ្លៃឡើងវិញធៀបនឹងប្រាក់ដុល្លារ។

កាលណាដែលប្រាក់ដុល្លារអាមេរិកធ្លាក់ថ្លៃចុះ វានឹងមានផលល្អសម្រាប់កំណើនពាណិជ្ជកម្មសកល ដោយសារប្រាក់ដុល្លារអាមេរិកជារូបិយប័ណ្ណស្តេច នៅក្នុងពាណិជ្ជកម្មរបស់ពិភពលោក និងកាន់កាប់អំណាចទិញច្រើនបំផុត។

ផ្ទុយទៅវិញ នៅពេលដែលប្រាក់ដុល្លារហក់ឡើងថ្លៃ រូបិយប័ណ្ណផ្សេងទៀត នឹងធ្លាក់ថ្លៃចុះយ៉ាងគំហុក ដែលធ្វើឲ្យពិភពលោកកាន់តែក្រីក្រ និងមិនសូវមានលទ្ធភាពធ្វើពាណិជ្ជកម្មឡើយ។

សរុបមក ប្រសិនបើធនាគារកណ្តាលអាមេរិក បញ្ចុះអត្រាការប្រាក់ មែននោះ វាជារឿងល្អ ខណៈប្រទេសជាច្រើន ដែលកំពុង ប្រឈមមុខនឹងបញ្ហាសេដ្ឋកិច្ច ជាប់គាំង កំពុងត្រូវការលំហូរមូលធន ដែលមានអត្រាការប្រាក់ទាប៕

ក្រុមហ៊ុនចំនួន៥គ្រោងបោះទុន១៨០០លានដុល្លារអភិវឌ្ឍន៍គំរោងដ៏ធំមួយនៅក្រុងព្រះសីហនុ

ដោយៈ គង់ សូរិយា

ភ្នំពេញៈ ក្រុមហ៊ុនជាតិ អន្តរជាតិចំនួន៥បានប្រកាសសហការ និងវិនិយោគរួមគ្នា លើការបង្កើតគម្រោងអភិវឌ្ឍន៍ តំបន់ទេសចរណ៍ ជាលក្ខណៈ “តំបន់រាជាបេតិកភណ្ឌទេសចរណ៍” នៅខេត្តព្រះសីហនុ។

ក្រុមហ៊ុនទាំង៥នោះរួមមាន ក្រុមហ៊ុន PITOU និងក្រុមហ៊ុន LJ ដែលជាក្រុមហ៊ុនអនុវត្តន៍គម្រោងនៅកម្ពុជា បានធ្វើការចុះហត្ថលេខាលើកិច្ចព្រមព្រៀងវិនិយោគ ជាមួយក្រុមហ៊ុនAMARTA PURA របស់ប្រទេសឥណ្ឌូណេស៊ី ក្រុមហ៊ុនDCI របស់សាធារណរដ្ឋកូរ៉េ និងក្រុមហ៊ុនKWK របស់ប្រទេសសិង្ហបុរី ដើម្បីវិនិយោគលើគម្រោងអភិវឌ្ឍន៍តំបន់ទេសចរណ៍។

លោក ឃៀង ខេមរិន្ទ តំណាងក្រុមហ៊ុនវិនិយោគនៅកម្ពុជា បានមានប្រសាសន៍ឲ្យដឹងកាលពីថ្ងៃទី១០ មករាកន្លងមកថា គម្រោងវិនិយោគ ដែលគ្រោងចំណាយទំហំទឹកប្រាក់១,៨០០លានដុល្លារនេះ នឹងធ្វើការអភិវឌ្ឍលើផ្ទៃដីទំហំ២២.៥ហិកតា ស្ថិតនៅសង្កាត់បិតត្រាំង ស្រុកព្រៃនប់ខេត្តព្រះសីហនុ ។

គម្រោងនេះ ផ្ដោតទៅលើសណ្ឋាគារ កាស៊ីណូ កន្លែងវាយកូនគោល ផ្សារទំនើប មន្ទីរពេទ្យអន្ដរជាតិ សាកលវិទ្យាល័យអន្ដរជាតិ និងប្រភេទកីឡាទេសចរណ៍ជាច្រើនទៀត ជាមួយនឹងសំណង់អាគរប្រណិតៗជាច្រើនទៀត ។

លោកបន្ដថា គម្រោងវិនិយោគនេះ គ្រោងនឹងចាប់ផ្ដើមនាអំឡុងពាក់កណ្ដាលឆ្នាំ២០២៤នេះ ជាមួយនឹងការសាងសង់និងរៀបចំហេដ្ឋារចនាសម្ព័ន្ឋរយៈពេល១០ឆ្នាំ ដើម្បីបញ្ចប់សព្វគ្រប់នូវគម្រោងអភិវឌ្ឍន៍តំបន់ទេសចរណ៍នេះ ។ ដូច្នេះបន្ទាប់ពីការចុះកិច្ចព្រមព្រៀងនេះ ក្រុមហ៊ុននឹងតម្លើងប្លង់មេ និងប្លង់លម្អិត រៀបចំជាសិក្ខាសាលា ដាក់ឆ្លង ក្រសួងជំនាញពាក់ព័ន្ធ ដើម្បីស្នើសុំគោលការណ៍វិនិយោគពីរាជរដ្ឋាភិបាលកម្ពុជា ។

លោកលោក ឃៀង ខេមរិន្ទបានថា “គម្រោងអភិវឌ្ឍន៍នេះ គឺភ្ជាប់ជាមួយអនុក្រឹត្យរបស់រាជរដ្ឋាភិបាល លេខ៤០ អនក្របក ចុះថ្ងៃទី៧ ខែមិនា ឆ្នាំ២០១៩ ស្ដីពីការបង្កើតតំបន់ទេសចរណ៍ពិសិដ្ឋ ក្នុងការជំរុញលើកកម្ពស់ វិស័យទេសចរណ៍របស់ជាតិ ដោយគោលដៅទាក់ទាញចម្បង លើភ្ញៀវទេសចរមកពីម៉ាឡេស៊ី ឥណ្ឌូណេស៊ី កូរ៉េ ជប៉ុន និងចិន ជាដើម”។ លោកបន្ថែមថា “គម្រោងនេះ ដំបូងយើងរៀបចំឡើងលើផ្ទៃដី២២.៥ហិកតាសិន ដោយយកដៃគូអ្នកជំនាញបច្ចេកទេសពីកូរ៉េនិងសិង្ហបុរី ហើយបន្តបន្ទាប់ទៀត យើងនឹងរៀបចំគម្រោងរហូតដល់ផ្ទៃដី ២០០ហិកតាថ្ងៃអនាគត”។

លោកបានបង្ហាញនូវសុទិដ្ឋិនិយម និងការរំពឹងខ្ពស់លើការវិនិយោគនេះ នឹងទទួលបានជោគជ័យ ដ្បិតមុនឈានដល់ការចុះកិច្ចព្រមព្រៀងវិនិយោគ និងអនុស្សរណៈយោគយល់គ្នា ក្រុមហ៊ុនវិនិយោគកម្ពុជា បានចំណាយពេល១ឆ្នាំកន្លះមកហើយ ក្នុងការសិក្សា និងជជែកគ្នាយ៉ាងលម្អិត ជាមួយដៃគូវិនិយោគរបស់ខ្លួន ដែលធ្លាប់មានបទពិសោធន៍ ក្នុងការរៀបចំគម្រោង ដូចជានៅវៀតណាម ឥណ្ឌូនេស៊ី សិង្ហបុរី ហុងកុង និងទទួលបានជោគជ័យដ៏ត្រចះត្រចង់។

លោកបន្ថែមថា ក្រោយពេលគម្រោងវិនិយោគ បានសាងសង់រួចរាល់យើងរំពឹងថា នឹងបានជួយដល់សេដ្ឋកិច្ច និងវិស័យទេសចរណ៍នៅកម្ពុជាបន្ថែមទៀត ។ ជាមួយគ្នាដែរ ពួកយើងក៏សូមអំពាវនាវឲ្យគ្រប់ភាគីជំនាញទាំងអស់ ជាពិសេសអាជ្ញាធរដែនដី ក្រសួងជំនាញពាក់ពន្ធ័ ចូលរួមសហការគាំទ្រ និងជំរុញឲ្យគម្រោងវិនិយោគមួយនេះ ទទួលបានជោគជ័យទៅថ្ងៃអនាគត សម្រាប់ជាប្រយោជន៍ជាតិផងដែរ៕

China’s retail property markets to benefit from consumption recovery as Beijing tops fourth quarter performance

Retail property markets in China’s first-tier cities showed signs of improvement in the last quarter of 2023, and experts are projecting sustained momentum in 2024, underpinned by a gradual increase in retail sales as sentiment begins to turn.

Beijing’s retail property market outperformed as commercial real estate markets steadied across the country. China’s capital saw a drop in the average vacancy rate in the last quarter of 2023 to its lowest level since the second quarter of 2022, while rental rates increased, according to a report released on January 4 by Jones Lang LaSalle (JLL), a real estate investment management firm.This was fuelled in part by improved consumption, the report said, and the growth momentum is likely to continue this year. “As the positive momentum of economic recovery continues to consolidate, Beijing’s commercial real estate market is expected to be led by a gradual improvement in demand in the overall recovery process,” said Rayman Zhang, managing director at JLL. Retail commercial real estate refers to properties occupied by retailers, branded item stores, grocery stores and shopping malls.

In Shanghai, China’s biggest and most populous city, demand for leasing also grew as retailers, both domestic and overseas, rushed to expand their stores in the hope of tapping pent-up consumption demand.

However, the supply of retail projects also increased. The fourth quarter of 2023 saw eight new projects covering 587,000 square metres enter the Shanghai market, bringing the total stock in the city to around 23 million square metres. Source: SCMP

រដ្ឋាភិបាលឡាវមានមហិច្ឆិតាក្លាយជាប្រភពផ្គត់ផ្គង់ថាមពលអគ្គិសនីដ៏ធំបំផុតនៅក្នុងតំបន់អាស៊ាន

ដោយ: គង់ លាងហួរ

អន្តរជាតិ: ប្រទេសឡាវ កំពុងបង្កើនខិតខំប្រឹងប្រែងយ៉ាងខ្លាំងក្លា ដើម្បីជំរុញការនាំចេញថាមពលអគ្គិសនីរបស់ខ្លួន ទៅកាន់បណ្តាប្រទេសជិតខាង ក្នុងតំបន់អាស៊ីអាគ្នេយ៍។

ប្រទេសនេះ ក៏ជំរុញដល់ការអភិវឌ្ឍន៍ ប្រភពថាមពលកកើតឡើងវិញ ក្នុងគោលបំណងប្រែក្លាយខ្លួន ទៅជាប្រទេសផ្គត់ផ្គង់ប្រភពថាមពលដ៏ធំបំផុត នៅក្នុងតំបន់នាពេលខាងមុខ។ នេះបើយោងតាមការចុះផ្សាយ ដោយសារព័ត៌មានវៀតណាម VNA។

យោងតាមទិន្នន័យរបស់ក្រសួងថាមពល និងរ៉ែរបស់ប្រទេសឡាវ បានឱ្យដឹងថា បច្ចុប្បន្នប្រទេសនេះ មានរោងចក្រថាមពលចំនួន ៩៤ ដែលក្នុងនោះ រួមមានរោងចក្រវារីអគ្គិសនីចំនួន៨១កន្លែង ដែលមានសមត្ថភាពផលិតអគ្គិសនី សរុបជាង១១.៦០០មេហ្គាវ៉ាត់។កាលពីឆ្នាំ២០២១ ប្រទេសឡាវរកប្រាក់ចំណូលបានជាង២,៣ពាន់លានដុល្លារ ពីការនាំចេញថាមពលអគ្គិសនី ខណៈដែលប្រទេសនេះ ត្រូវចំណាយថវិកាត្រឹមតែជាង៤០លានដុល្លារប៉ុណ្ណោះ សម្រាប់ការនាំចូលអគ្គិសនីត្រលប់មកវិញ។ បច្ចុប្បន្ននេះ ប្រទេសឡាវ បានលក់អគ្គិសនីរបស់ខ្លួន ទៅកាន់ប្រទេសចំនួន៦ ក្នុងតំបន់អាស៊ាន ដូចជា ប្រទេសថៃ ចិន មីយ៉ាន់ម៉ា វៀតណាម កម្ពុជា និងសិង្ហបុរី។

ជាមួយគ្នានេះ ប្រទេសឡាវគ្រោងនឹងបន្តការចរចាបន្ថែមទៀត ដើម្បីបង្កើនការនាំចេញ ថាមពលអគ្គិសនីរបស់ខ្លួន ហើយក្នុងពេលជាមួយគ្នានេះ រដ្ឋាភិបាលទីក្រុងវៀងច័ន្ទ បានជ្រើសរើសយកការអភិវឌ្ឍន៍ប្រភពថាមពល ប្រកបដោយប្រសិទ្ធភាពខ្ពស់ គុណភាពល្អ ការវិនិយោគទាប និងភាពស៊ីសង្វាក់គ្នា ស្របជាមួយនឹងនិន្នាការបច្ចុប្បន្ន។

បច្ចុប្បន្ននេះគេសង្កេតឃើញថា រោងចក្រវារីអគ្គិសនីគ្របដណ្តប់ប្រហែល ៧០% នៃទិន្នផលអគ្គិសនីសរុបនៅក្នុងប្រទេសឡាវ ព្រមទាំងមានរោងចក្រថាមពល ដើរដោយខ្យល់ប្រហែល១០ផ្សេងទៀតផងដែរ។

កាលពីពេលថ្មីៗនេះ ប្រទេសឡាវ ក៏បានដំឡើងទួរប៊ីនដំបូងនៃគម្រោងថាមពលខ្យល់ ដែលមានកម្លាំងសរុបរហូតដល់៦០០មេហ្គាវ៉ាត់ នៅស្រុក Dakcheung ក្នុងខេត្ត Xekong ផងដែរ។

គម្រោងថ្មីនេះ ត្រូវបានគេចាត់ទុកថា ជារោងចក្រថាមពលខ្យល់ដ៏ធំបំផុត នៅតំបន់អាស៊ីអាគ្នេយ៍ ដែលមានទួរប៊ីនខ្យល់ចំនួន១៣៣ និងទុនវិនិយោគសរុបប្រមាណ៩០០លានដុល្លារ៕

Southeast Asian carriers eye huge China tourism market, rush to launch flights

Airlines are scrambling to launch direct services between Southeast Asian tourist hubs and China, the world’s largest tourism market before Covid broke out.

Cambodia Airways on Saturday began flights between Phnom Penh and Chongqing, China’s most populous city with a population of over 31 million, the Khmer Times reported.

The twice weekly service is on Mondays and Saturdays.
The carrier also flies to Beijing, Shenzhen, Chengdu, Macau, Sanya, Jinan, Jieyang, and Haikou.
Cambodia attracted 498,250 Chinese visitors in the first 11 months of last year, or 10% of all foreign arrivals.

Singapore-based Jetstar Asia recently launched a direct service to Wuxi City on two days a week.It said on its website that the frequency would be doubled from Jan. 15.
Singapore received 1.23 million Chinese tourists in the first 11 months of last year.

Malaysian budget airline Thai AirAsia plans to launch flights, five a week, between Bangkok and Shanghai starting on Feb. 2.

Vietnamese budget carrier Thai Vietjet plans to start direct flights from Bangkok to Beijing on March 1. It already flies to Shenzhen and Hangzhou, Nation Thailand reported.

Thailand expected to get five million Chinese visitors last year but only managed 3.51 million out of a total of 28 million arrivals.

This year it is eyeing eight million Chinese visitors after the two countries agreed to waive visas for each other’s citizens starting in March. Source: VNexpress

ឆ្នាំ២០២៣ ទំហំពាណិជ្ជកម្មកម្ពុជា-អន្ដរជាតិ សម្រេចបាន ៤៦ពាន់លានដុល្លារ, ខណៈការនាំចេញមានទឹកប្រាក់ជាង ២២ពាន់លានដុល្លារកើន១.៨% បើធៀបនឹង ឆ្នាំ២០២២

(ភ្នំពេញ)៖ ពេញមួយឆ្នាំ២០២៣ ការដោះដូរពាណិជ្ជកម្មរបស់កម្ពុជាជាមួយអន្តរជាតិ សម្រេចបាននូវទឹកប្រាក់ចំនួន ៤៦,៨២៨,០៣២,០០០ដុល្លារ។ នេះបើតាមរបាយការណ៍ របស់អគ្គនាយកដ្ឋានគយ និងរដ្ឋាករកម្ពុជា នៅថ្ងៃទី១០ ខែមករា ឆ្នាំ២០២៤។

របាយការណ៍របស់អគ្គនាយកដ្ឋានគយ និងរដ្ឋាករកម្ពុជា បានឲ្យដឹងទៀតថា ពេញមួយឆ្នាំ២០២៣នេះ កម្ពុជានាំចេញទំនិញទៅផ្សារអន្តរជាតិ មានទឹកប្រាក់ចំនួន ២២,៦៤៤,៩៨៩,០០០ដុល្លារកើនឡើង១.៨ភាគរយ បើធៀបនឹងរយៈពេលដូចគ្នា ឆ្នាំ២០២២ មានទឹកប្រាក់ ២២,២៥១,២៣៥,០០០ដុល្លារ។

ដោយឡែកចំពោះការនាំចូលវិញ បើតាមរបាយការណ៍បានបង្ហាញថា កម្ពុជានាំចូលទំនិញក្នុងបរិមាណចំនួន ២៤,១៨៣,០៤៣,០០០ដុល្លារ ធ្លាក់ចុះ ៥ភាគរយ បើធៀបនឹងឆ្នាំ២០២២ ចំនួន ២៥,៤៦០,៤៣៤,០០០ដុល្លារ។

ប្រទេសដែលជាទីផ្សារសំខាន់ៗ របស់កម្ពុជារួមមាន៖ ទីផ្សារប្រទេសចិន មានទឹកប្រាក់ជាង ១២ពាន់លានដុល្លារ កើនឡើង ៥ភាគរយ, អាមេរិកមានទឹកប្រាក់ជាង ៩ពាន់លានដុល្លារ ថយចុះ ១.៤ភាគរយ, វៀតណាមជាង ៦ពាន់លានដុល្លារ កើនឡើង៧.៣ភាគរយ, ប្រទេសជប៉ុនជាង ១ពាន់លានដុល្លារ ធ្លាក់ចុះ ៧.២ភាគរយ និងបណ្តាទីផ្សារសំខាន់ៗមួយចំនួនទៀត។

ដោយឡែកផលិតផលសំខាន់ៗ ដែលកម្ពុជានាំចេញទៅបរទេសវិញ រួមមាន៖ សម្លៀកបំពាក់ និងគ្រឿងបន្ទាប់បន្សំ មានទឹកប្រាក់ជិត ៨ពាន់លានដុល្លារ, ម៉ាស៉ីន និងឧបករណ៍អគ្គិសនី មានទឹកប្រាក់ជាង ៣ពាន់លានដុល្លារ, វត្ថុធ្វើពីស្បែក និងបរិក្ខារធ្វើពីរោមសត្វ មានទឹកប្រាក់ជាង ១ពាន់លានដុល្លារ និងផលិតផលមួយចំនួនទៀត៕

ប្រទេសចំនួន៣នៅតំបន់អាស៊ី កំពុងបោះជំហាននាំមុខគេ ក្នុងវិស័យសេដ្ឋកិច្ចឌីជីថល

ដោយ: គង់ លាងហួរ

អន្តរជាតិ: យោងតាមរបាយការណ៍សេដ្ឋកិច្ចឌីជីថលរបស់តំបន់អាស៊ីបានឱ្យដឹងថា ប្រទេសចិនកំពុងបោះជំហានឈានមុខគេ ក្នុងវិស័យសេដ្ឋកិច្ចឌីជីថល ដោយទំហំទឹកប្រាក់នៃវិស័យនេះ ឈានដល់៧,៤៧ទ្រីលានដុល្លារក្នុងឆ្នាំ២០២២។

របាយការណ៍នេះត្រូវបានចេញផ្សាយដោយលោក Li Baodong ដែលជាអគ្គលេខាធិការនៃវេទិកា Boao សម្រាប់តំបន់អាស៊ី ក្នុងអំឡុងព្រឹត្តិការណ៍មួយ ដែលរៀបចំឡើងនៅទីក្រុងប៉េកាំង។
របាយការណ៍ខាងលើបង្ហាញថា បន្ទាប់ពីចិន គឺប្រទេសជប៉ុនជាប់ចំណាត់ថ្នាក់លេខ២ ដែលសេដ្ឋកិច្ចឌីជីលរបស់ប្រទេសនេះមានទំហំទឹកប្រាក់ចំនួន២,៣៧ទ្រីលានដុល្លារ បន្ទាប់មកគឺ សាធារណរដ្ឋកូរ៉េ ដែលសេដ្ឋកិច្ចឌីជីលរបស់ប្រទេសនេះ មានទំហំទឹកប្រាក់ចំនួន៩៥២,៣ពាន់លានដុល្លារ។

សេដ្ឋកិច្ចឌីជីថលនៅក្នុងប្រទេសឥណ្ឌា អារ៉ាប៊ីសាអូឌីត សិង្ហបុរី ឥណ្ឌូណេស៊ី អ៊ីស្រាអែល និងម៉ាឡេស៊ី មានទំហំទឹកប្រាក់លើសពី១០០ពាន់លានដុល្លារអាមេរិក ប្រហាក់ប្រហែលគ្នា។ នេះបើយោងតាមរបាយការណ៍ដដែលខាងលើ។

លោក Li Baodong លើកឡើងថា ប្រទេសចិនគឺជាប្រទេសមួយ ក្នុងចំណោមប្រទេសជាច្រើននៅលើពិភពលោក ដែលសេដ្ឋកិច្ចឌីជីថលមានបរិយាកាសអភិវឌ្ឍន៍ល្អបំផុត សន្ទុះកំណើនខ្លាំងបំផុត និងមានការអនុវត្តធំទូលាយបំផុត។

លោកLi បានបន្តថា “សន្និសីទការងារសេដ្ឋកិច្ចថ្នាក់កណ្តាល ដែលរៀបចំឡើងថ្មីៗនេះ ដោយប្រទេសចិន បានសង្កត់ធ្ងន់លើកិច្ចខិតខំប្រឹងប្រែង ដើម្បីលើកកម្ពស់ឧស្សាហូបនីយកម្មថ្មី និងការអភិវឌ្ឍន៍សេដ្ឋកិច្ចឌីជីថល ហើយវាអាចត្រូវបានគេរំពឹងថា សេដ្ឋកិច្ចឌីជីថល នឹងបន្តក្លាយជាកម្លាំងចលករដ៏សំខាន់ សម្រាប់ជំរុញកំណើនសេដ្ឋកិច្ចរបស់ប្រទេសចិន”។

លោក Li បានបន្ថែមថា បណ្តាប្រទេសនៅតំបន់អាស៊ី គួរតែធ្វើការរួមគ្នា ដើម្បីលើកកម្ពស់ការចែករំលែកភាគលាភ នៃការអភិវឌ្ឍន៍សេដ្ឋកិច្ចឌីជីថល ពង្រឹងការកសាងបណ្តាញ និងកិច្ចសហប្រតិបត្តិការស្រាវជ្រាវ និងជំរុញការតភ្ជាប់អន្តរហេដ្ឋារចនាសម្ព័ន្ធព័ត៌មាន៕Xinhua៕

World’s biggest cruise ship to make first-ever voyage on Jan 27

Royal Caribbean’s luxurious vessel Icon of the Seas, dubbed the world’s biggest cruise ship, will begin its maiden voyage from Floria’s Miami on Jan. 27 after finishing final steps of safety inspections.

The 365-meter-long vessel was seen arriving in Ponce, Puerto Rico last week for “regulatory inspections” to prepare for its first voyage, CNN reported.

The vessel, capable of carrying up to 5,610 guests and 2,350 crew members, will arrive in Miami on Jan. 9.

It is now preparing to welcome passengers for its maiden voyage, a seven-day
trip around the Caribbean.According to Royal Caribbean, the vessel will offer year-round Eastern or Western Caribbean adventures from Miami, with popular tourist attractions such as St. Maarten, Mexico, St. Thomas and Royal Caribbean’s private island, Perfect Day at CocoCay in the Bahamas, on the itinerary.

Room rates vary depending on the schedule and travel dates. The highest-priced journey is a Western Caribbean cruise on Feb. 17, 2024, with the cheapest room starting at $1,581 per person and a suite at $3,443 per person.

A seven-night trip to the Eastern Caribbean on Oct. 19, 2024, starts at $1,007 per person, while a more luxurious room costs $2,879. Source: VNExpress

វិស័យសំខាន់ៗចំនួន៤ នឹងជំរុញឱ្យសេដ្ឋកិច្ចរបស់ប្រទេសចិន ស្ទុះងើបឡើងវិញ ក្នុងឆ្នាំ២០២៤នេះ

ដោយ: គង់ លាងហួរ
អន្តរជាតិ: សេដ្ឋវិទូជាន់ខ្ពស់លើកឡើងថា កំណើនសេដ្ឋកិច្ចរបស់ប្រទេសចិន ទំនងជានឹងកើនឡើងនៅឆ្នាំ២០២៤នេះ ដោយសារកំណើននៃការវិនិយោគរបស់វិស័យឯកជន និងលទ្ធផលនៃវិធានការរបស់រដ្ឋាភិបាលដើម្បីគាំទ្រសេដ្ឋកិច្ច។

លោក G. Bin Zhao សេដ្ឋវិទូជាន់ខ្ពស់របស់ក្រុមហ៊ុន PwC China អះអាងថា ការចំណាយរបស់អ្នកប្រើប្រាស់បានកើនឡើង៦,៨% ក្នុងរយៈពេល៣ត្រីមាស ឬ៩ខែដំបូង កាលពីឆ្នាំមុន ដែលជាចំណុចវិជ្ជមាននៅក្នុងសេដ្ឋកិច្ចចិន ស្របពេលតម្រូវការអចលនទ្រព្យ ពាណិជ្ជកម្មពិភពលោក និងតម្លៃភាគហ៊ុនកំពុងដាំក្បាលចុះ។

ដោយសម្លឹងទៅមុខ លោក Zhao រំពឹងថា ការវិនិយោគទ្រព្យសកម្មថេរនឹងកើនឡើងនៅឆ្នាំ២០២៤នេះ ដោយសារក្រុមហ៊ុនអាជីវកម្មនានាសម្លឹងមើលឃើញពីកំណើន GDP និងការចំណាយសរុបរបស់អតិថិជន។លោក Zhao បានព្យាករណ៍ថា ការចំណាយថ្មីរបស់ក្រុមហ៊ុនឯកជន ដែលមានចំនួន៥៥% នៃការចំណាយសរុបលើទ្រព្យសកម្មថេររបស់ប្រទេសចិនកាលពីឆ្នាំ២០២២ ទំនងជានឹងកើនឡើងគួរឱ្យកត់សម្គាល់នៅឆ្នាំនេះ។

ជាមួយគ្នានេះ ការវិនិយោគពីបរទេសចូលទៅក្នុងប្រទេសចិន ក៏អាចនឹងងើបឡើងវិញផងដែរ បន្ទាប់ពីមានកិច្ចប្រជុំរវាងប្រធានាធិបតីសហរដ្ឋអាមេរិកលោក ចូ បៃដិន និងប្រធានាធិបតីចិនលោក សុី ជីនពីង ក្នុងអំឡុងពេលនៃកិច្ចប្រជុំកំពូល APEC នៅទីក្រុង San Francisco ក្នុងខែវិច្ឆិកា ឆ្នាំ២០២៣។

លើសពីនេះ លោក Zhao ជឿជាក់ថា “ប្រូបាប៊ីលីតេ ដែលប្រាក់យ័នរបស់ចិននឹងងើបឡើងថ្លៃធៀបនឹងប្រាក់ដុល្លារនៅឆ្នាំ២០២៤នេះ គឺមានភាគរយខ្ពស់ ដោយសារការស្ទុះងើបឡើងវិញនៃសេដ្ឋកិច្ចចិន ឆន្ទៈរបស់ចិនក្នុងការធ្វើឱ្យលុយយ័នងើបឡើងថ្លៃ និងការបញ្ចុះអត្រាការប្រាក់ដោយធនាគារកណ្តាលអាមេរិក”។សរុបមក លោក Zhao បានគូសបញ្ជាក់ថា វិស័យសំខាន់ៗចំនួន៤ សម្រាប់ជំរុញកំណើនសេដ្ឋកិច្ចចិន រួមមាន ការប្រើប្រាស់ ការវិនិយោគ ការចំណាយរបស់រដ្ឋាភិបាល និងពាណិជ្ជកម្មសុទ្ធ ដែលវិស័យទាំងនេះនឹងមានភាពប្រសើរឡើងនៅឆ្នាំ២០២៤។ ពាណិជ្ជកម្មសុទ្ធគឺជាតម្លៃនៃការនាំចេញដកតម្លៃនៃការនាំចូល។

ចំណែក លោក Wang Yiming ទីប្រឹក្សាផ្នែកគោលនយោបាយរបស់ធនាគារកណ្តាលចិន បានមានប្រសាសន៍ឱ្យដឹងថា ប្រទេសចិនអាចសម្រេចបានកំណើនសេដ្ឋកិច្ចក្នុងរង្វង់៥ភាគរយនៅឆ្នាំ២០២៤នេះ។ នេះបើយោងតាមទីភ្នាក់ងារព័ត៌មានReuters។

លោក Wang ត្រូវបានដកស្រង់សម្ដីដោយទីភ្នាក់ងារព័ត៌មានReuters ខណៈថ្លែងនៅក្នុងវេទិកាសេដ្ឋកិច្ចមួយនៅទីក្រុងប៉េកាំងថា សេដ្ឋកិច្ចរបស់ប្រទេសចិនទំនងជានឹង កើនឡើង៥ភាគរយនៅឆ្នាំ២០២៤ ប្រសិនបើការវិនិយោគកើនឡើងពី ៤ ទៅ ៥ភាគរយ ការប្រើប្រាស់កើនឡើងពី ៦ ទៅ ៧ភាគរយ ហើយការនាំចេញវិលត្រឡប់មករកកំណើនឡើងវិញ។លោក Wang បានបន្តថា ប្រទេសចិនមានឱកាស ដើម្បីបង្កើនការគាំទ្រសេដ្ឋកិច្ច ដោយសារតែបន្ទុកបំណុលរបស់រដ្ឋាភិបាលកណ្តាលរបស់ខ្លួនមានកម្រិតទាប ហើយតម្លៃទំនិញប្រើប្រាស់ក៏ថោកផងដែរ។ តួយ៉ាង តម្លៃទំនិញប្រើប្រាស់នៅប្រទេសចិនបានធ្លាក់ចុះក្នុងអត្រាលឿនបំផុតក្នុងរយៈពេល៣ឆ្នាំកាលពីខែវិច្ឆិកា ឆ្នាំមុន។

លោក Wang បានបន្ថែមថា ប្រទេសចិនអាចកាត់បន្ថយអត្រាការប្រាក់បាន ខណៈដែលធនាគារកណ្តាលអាមេរិកទំនងជាឈប់ដំឡើងអត្រាការប្រាក់របស់ខ្លួន ទោះបីជាគម្លាតអត្រាការប្រាក់ដ៏ធំរវាងប្រទេសទាំងពីរ និងការព្រួយបារម្ភអំពីផលប៉ះពាល់លើធនាគារអាចជាឧបសគ្គយ៉ាងណាក្ដី។

នៅក្នុងសន្និសីទការងារសេដ្ឋកិច្ចកណ្តាលប្រចាំឆ្នាំដែលធ្វើឡើងចាប់ពីថ្ងៃទី១១ ដល់ថ្ងៃទី១២ ខែធ្នូ ឆ្នាំ២០២៣ ថ្នាក់ដឹកនាំចិនបានប្តេជ្ញាថា នឹងកែសម្រួលគោលនយោបាយដើម្បីគាំទ្រការស្ទុះងើបឡើងវិញនៃសេដ្ឋកិច្ចនៅឆ្នាំ២០២៤នេះ៕

ទីផ្សារអចលនទ្រព្យផ្នែកលក់រាយនៅក្នុងទីក្រុងលំដាប់ទី១ របស់ប្រទេសចិន បង្ហាញពីសញ្ញាវិជ្ជមាន

ដោយ: គង់ លាងហួរ

ប៉េកាំង: យោងតាមសារពត៌មាន The South China Morning Post បានរាយការណ៍ថា ទីផ្សារអចលនទ្រព្យលក់រាយ នៅក្នុងទីក្រុងលំដាប់ទី១ របស់ប្រទេសចិនបានបង្ហាញពីសញ្ញាវិជ្ជមាន នៅក្នុងត្រីមាសទី៤ ឆ្នាំ២០២៣។

ទន្ទឹមគ្នានេះ ក្រុមអ្នកជំនាញកំពុងព្យាករណ៍ពីសន្ទុះ ប្រកបដោ យនិរន្តរភាពសម្រាប់ឆ្នាំ២០២៤ ដែលជំរុញដោយសារការកើនឡើងបន្តិចម្តងៗនៃការលក់រាយ ខណៈទីផ្សារអចលនទ្រព្យលក់រាយនៅក្នុងទីក្រុងប៉េកាំង បានដំណើរការល្អជាងគេ ខណៈដែលទីផ្សារនៅទូទាំងប្រទេសមានស្ថិរភាព។

អត្រាទំនេរជាមធ្យមនៅក្នុងរដ្ឋធានី របស់ប្រទេសចិនបានធ្លាក់ចុះ ក្នុងត្រីមាសចុងក្រោយនៃឆ្នាំ២០២៣ មកនៅត្រឹមកម្រិតទាបបំផុត គិតចាប់តាំងពីត្រីមាសទី២ ឆ្នាំ២០២២ ខណៈអត្រានៃការជួលហាងលក់រាយបានកើនឡើង។ នេះបើយោងតាមរបាយការណ៍ក្រុមហ៊ុនគ្រប់គ្រងការវិនិយោគអចលនទ្រព្យJLL។
របាយការណ៍របស់ក្រុមហ៊ុនJLL បានបន្តថា ការណ៍នេះត្រូវបានជំរុញមួយផ្នែកតាមរយៈការប្រើប្រាស់ ដែលមានភាពប្រសើរឡើង ហើយសន្ទុះកំណើនទំនងជានឹងបន្តស្ទុះឡើងនៅឆ្នាំនេះ។

របាយការណ៍ដដែលបានអះអាងថា ស្របពេលមានសន្ទុះវិជ្ជ មាននៃការងើបឡើងវិញ ខាងផ្នែកសេដ្ឋកិច្ច ទីផ្សារអចលនទ្រព្យលក់រាយរបស់ទីក្រុងប៉េកាំងត្រូវបានគេរំពឹងថា នឹងស្ទុះងើបឡើងវិញ តាមរយៈការកើនឡើងបន្តិចម្តងៗនៃតម្រូវការ។

ចំណែកតម្រូវការជួលនៅទីក្រុងសៀងហៃ ក៏បានកើនឡើងខ្លាំងផងដែរ ខណៈអ្នកលក់រាយទាំងក្នុង និងក្រៅប្រទេសបានសម្រុកពង្រីកហាងរបស់ពួកគេ ក្នុងក្តីសង្ឃឹមថា ពួកគេនឹងអាចទាញបានផលប្រយោជន៍ ពីតម្រូវការប្រើប្រាស់ដែលកំពុងកើនឡើង។

ទោះជាយ៉ាងនេះក្តី ការផ្គត់ផ្គង់គម្រោងផ្នែកលក់រាយ ក៏មានការកើនឡើងផងដែរ។ ជាក់ស្តែង នៅត្រីមាសទី៤ ឆ្នាំ២០២៣ គម្រោងអចលនទ្រព្យផ្នែកលក់រាយថ្មីចំនួន៨ ដែលមានផ្ទៃក្រឡាចំនួន៥៨៧.០០០ម៉ែត្រការ៉េ បានចូលទៅកាន់ទីផ្សារក្រុងសៀងហៃ ដែលនាំឱ្យស្តុកសរុបនៅក្នុងទីក្រុងនេះ កើនឡើងដល់ប្រហែល២៣លានម៉ែត្រការ៉េ៕

1...796797798...3,379 Page 797 of 3,379