ដោយៈ ស៊ីណេត
កំពង់ស្ពឺៈ ក្រុមហ៊ុន ខេអេច លែន ចុះកិច្ចព្រមព្រៀងជាមួយក្រុមហ៊ុនឯកជនមួយ ស្តីពីការផ្គត់ផ្គង់ទឹកស្អាតជូន ដល់អតិថិជនលើគម្រោងទីក្រុងពាណិជ្ជកម្មភ្នំតូច នឹងអាចដាក់ឲ្យប្រើប្រាស់នាពេលឆាប់ៗខាងមុខនេះ។
ពិធីចុះហត្ថាលេខានេះបានធ្វើឡើងកាលពីថ្ងៃទី២៣ ខែឧសភា ឆ្នាំ២០២២នេះ។
ក្រុមហ៊ុនខេអេច លែន បានចុះកិច្ចព្រមព្រៀងជាមួយក្រុមហ៊ុនឯកជនមួយស្តីពី ការផ្គត់ផ្គង់ទឹកស្អាតសម្រាប់គម្រោង ទីក្រុងពាណិជ្ជកម្មភ្នំតូច ស្ថិតនៅ ឃុំភ្នំតូច ស្រុកឧដុង្គ ខេត្តកំពង់ស្ពឺ អោយបានរួចរាល់ឆាប់ៗនាពេលខាងមុខនេះ ដើម្បីផ្តល់ភាពងាយស្រួលជូនដល់អតិថិជន ដែលបានទិញដីឡូតិ៍ និងផ្ទះពីក្រុមហ៊ុនផ្ទាល់។
គម្រោងទីក្រុងពាណិជ្ជកម្មភ្នំតូច ជាគម្រោងអភិវឌ្ឍន៏ដីឡូតិ៍បែបកូនកាត់ដែលមានទំហំ ផ្ទៃដីសរុបប្រមាណ១០០ហិកតា តាមបណ្តោយផ្លូវជាតិលេខ៥១ក្នុងនោះ រួមមានទាំង ដីឡូតិ៍ ផ្ទះអាជីវកម្ម វីឡាទោល វីឡាកូនកាត់ វីឡាភ្លោះ មានការអភិវឌ្ឍន៏ជាតំបន់ពាណិជ្ជកម្មទាំង១០ និងផ្សារថែមទៀតផង៕
