ដោយៈ លាងហួរ
ពិភពលោកៈ វិបត្តិទីផ្សារអចលនទ្រព្យសកល បានផ្ទុះឡើងក្នុងអំឡុងជំងឺរាតត្បាត ខណៈដែលពេលនេះ អតិថិជនបានចាប់ផ្តើមទិញលំនៅឋានបន្ថែមទៀត ប៉ុន្តែវាទំនងជាហួសពេលហើយ ខណៈដែលអត្រាការប្រាក់បានកើនឡើង ហើយអតិផរណាតម្លៃផ្ទះ ត្រូវបានគេរំពឹងថានឹងធ្លាក់ចុះ។ នេះបើតាមការស្ទង់មតិរបស់សារព័ត៌មាន Reuters។
តម្លៃលំនៅឋានបានកើនឡើងដ៏ខ្ពស់ រហូតដល់៥០%ក្នុងរយៈពេលប៉ុន្មានឆ្នាំចុងក្រោយនេះ ហើយតម្លៃនេះអាចនឹងមានលំនឹង និងធ្វើឲ្យតម្លៃនេះក៏អាចមានការធ្លាក់ចុះតិចតួច នៅឆ្នាំ២០២៣នៅក្នុងប្រទេសមួយចំនួន ។នេះបើយោងតាមអ្នកវិភាគទីផ្សារ អចលនទ្រព្យពិភពលោកសំខាន់ៗចំនួន៩។
ប៉ុន្តែអ្នកវិភាគទីផ្សារអចលនទ្រព្យ ក៏បានព្យករណ៍ផងដែរថា ការធ្លាក់ចុះនៃអតិផរណាតម្លៃផ្ទះ មិនបានធ្វើអោយលំនៅដ្ឋាន មានតម្លៃសមរម្យនោះទេ ជាពិសេសសម្រាប់អ្នកទិញលើកដំបូង ខណៈដែលតម្លៃមូលដ្ឋាននៃការរស់នៅ និងអត្រាកម្ចីទិញផ្ទះបានកើនឡើងជាលើកដំបូង។
លោក Liam Bailey ប្រធានផ្នែកស្រាវជ្រាវនៅក្រុមហ៊ុន Knight Frank បានមានប្រសាសន៍ថា “ល្បឿននៃកំណើនសេដ្ឋកិច្ច នៅទូទាំងពិភពលោកមានការធ្លាក់ចុះ នោះតម្លៃនៃលំនៅដ្ឋានប្រាកដជា មានការធ្លាក់ចុះតិចតួចតែប៉ុណ្ណោះ”។
សម្រាប់ពេលនេះ អ្នកជំនាញផ្នែកអចលនទ្រព្យភាគច្រើន នៅតែព្យាករណ៍ថាតម្លៃផ្ទះមិនធ្លាក់ចុះសូម្បី១០% ខណៈដែលអតិផរណាលំនៅដ្ឋាននឹងថយចុះយ៉ាងខ្លាំង ដែលអាចមកនៅត្រឹមទាបជាងអត្រាតម្លៃផ្ទះ ដែលកំពុងកើនឡើងនាពេលបច្ចុប្បន្ន៕
