ដោយៈ ជេស៊ីកា
ភ្នំពេញៈ ទំហំពាណិជ្ជកម្មរវាងចិន និងកម្ពុជាឈានដល់៣,៧៥ ពាន់លានដុល្លារ កើនឡើង៣៩,២ ភាគរយបើធៀបនឹងឆ្នាំមុន និងជាប់ចំណាត់ថ្នាក់លេខ១ ក្នុងចំណោមប្រទេសអាស៊ាន។
ក្រុមប្រឹក្សាអភិវឌ្ឍន៍កម្ពុជា (CDC) បានអោយដឹងថា ខ្លួនបានសម្រេចចុះបញ្ជីគម្រោងវិនិយោគ និងគម្រោងថ្មីៗចំនួន១១៣ ដែលមានទំហំវិនិយោគសរុបប្រមាណ១,១ ពាន់លានដុល្លារក្នុងឆមាសទី១នៃឆ្នាំនេះ ក្នុងចំណោមគំរោងវិនិយោគទាំងនោះ មានគំរោងរបស់អ្នកធុរកិច្ចជិត៦៥% ជាការវិនិយោគរបស់ប្រទេសចិន។
របាយការណ៍ដដែលបានបន្តថា វិនិយោគិនក្នុងស្រុកមានចំនួនជិត ២០% ដែលបានចុះបញ្ជីក្នុងរយៈពេល៦ខែ បន្ទាប់មក វៀតណាម (៦,៦៤%) Seychelles (៣,៣១%) ថៃ (១,៧៧%) សាធារណរដ្ឋកូរ៉េ (១,៧០%) Samoa (០,៦០%) អាមេរិក (០,៤៩%) សិង្ហបុរី (០,១៨%) %) និងស៊ុយអែត (0.07%) ។ របាយការណ៍នេះបានបង្ហាញទៀតថា គម្រោងវិនិយោគទាំងនេះ នឹងបង្កើតការងារថ្មីប្រហែល១២២,០០០កន្លែង ដោយបន្ថែមថា វិស័យឧស្សាហកម្ម មានចំនួនគម្រោងច្រើនជាងគេគឺ១០២ (៩០.២៧%) បន្ទាប់មកគឺវិស័យកសិកម្ម និងកសិឧស្សាហកម្ម (៧) ទេសចរណ៍ (៣) និង ហេដ្ឋារចនាសម្ព័ន្ធ (១)។
សេដ្ឋវិទូនៃរាជបណ្ឌិត្យសភាកម្ពុជា (RAC) លោក គី សេរីវឌ្ឍន៍ បានទទួលស្គាល់ថា កត្តាទាក់ទាញការវិនិយោគសំខាន់ៗរបស់កម្ពុជា រួមមាន កិច្ចព្រមព្រៀងពាណិជ្ជកម្មទ្វេភាគី និងតំបន់ ព្រមទាំងច្បាប់វិនិយោគថ្មីរបស់ខ្លួន ដែលលោកបានសង្កត់ធ្ងន់ថា មានភាពអំណោយផលក្នុងវិស័យជាច្រើន។
លោកបានបន្តថា “កម្ពុជាកំពុងទទួលបានការវិនិយោគ ជាលក្ខណៈសហគ្រាសធុនមធ្យមកាន់តែច្រើន ដោយទាមទាររដ្ឋាភិបាលអោយលើកកម្ពស់សហគ្រាសធុនតូច និងមធ្យម និងលើកទឹកចិត្តរាល់ការវិនិយោគទាំងនេះ និងបង្វែរវិស័យនេះឆ្ពោះទៅរកការនាំចេញ”។ លោកបណ្ឌិតបានបន្តថា ប្រទេសចិននៅតែជាអ្នកវិនិយោគកំពូលរបស់កម្ពុជា ជាចម្បងក្នុងវិស័យកែច្នៃ ដែលភាគច្រើនដោយសារមានកម្លាំងពលកម្មថោក។
កាលពីថ្ងៃទី ១១ ខែកក្កដា ក្រុមប្រឹក្សារអភិវឌ្ឍន៍កម្ពុជា បានចុះបញ្ជីគម្រោងវិនិយោគថ្មីចំនួន៤ នៅខេត្តព្រះសីហនុ ខេត្តកំពង់ស្ពឺ និងរាជធានីភ្នំពេញ ដែលមានទុនវិនិយោគសរុបចំនួន២៦.៧លានដុល្លារផងដែរ៕
