តែម សុខុម
បាងកក: ចាប់ពីថ្ងៃទី២៤ ដល់ថ្ងៃទី៣០ ខែកក្កដា ខេត្តកោះកុង និងខេត្តត្រាត នៃប្រទេសថៃ គ្រោងរៀបចំព្រឹត្តិការណ៍កីឡារត់ប្រណាំង និងពិព័រណ៍ផលិតផល។ គំនិតផ្តួចផ្តើមនេះគ្រោងធ្វើនៅផ្សារព្រំដែន បាន ហាត់ ឡេក (Ban Hat Lek) ក្នុងគោលបំណងជំរុញទេសចរណ៍ និងពង្រឹងទំនាក់ទំនងរវាងតំបន់ជិតខាងទាំងនេះ។
អភិបាលខេត្តកោះកុង លោកស្រី មិថុនា ភូថង បានបញ្ជាក់តាមរយៈសេចក្តីប្រកាសព័ត៌មានកាលពីថ្ងៃទី១៨ ខែកក្កដា ថា សកម្មភាពទាំងនេះត្រូវបានរៀបចំឡើងជាពិសេសដើម្បីពង្រឹងទំនាក់ទំនងរវាងខេត្តទាំងពីរនេះ។ នេះបើយោងតាមសារព័ត៌មាន The Nation ចុះផ្សាយកាលពីថ្ងៃសុក្រ ទី២១ កក្កដា។
អភិបាលរងខេត្តកោះកុង លោក សុខ សុទ្ធី មិនអាចទាក់ទងសុំការបំភ្លឺបានទេជុំវិញរឿងនេះកាលពីថ្ងៃទី១៩ ខែកក្កដា។ ទោះជាយ៉ាងណា លោក សុខ សុទ្ធី ធ្លាប់បានបញ្ជាក់ថា ទំនាក់ទំនងល្អជាមួយខេត្តត្រាត នឹងជួយជំរុញទំនាក់ទំនងព្រំដែនកាន់តែស៊ីជម្រៅ។
