តែម សុខុម
ប៉េកាំងៈ ទិន្នន័យផ្លូវការបានបង្ហាញកាលពីថ្ងៃច័ន្ទ ទី៧ ខែសីហា ថា ទុនបម្រុងអន្តរជាតិរបស់ប្រទេសចិន បានកើនឡើងលើសពីការរំពឹងទុកក្នុងខែកក្កដា ខណៈប្រាក់ដុល្លារអាមេរិក បានធ្លាក់ថ្លៃធៀបនឹងរូបិយប័ណ្ណសំខាន់ៗផ្សេងទៀត។
ទុនបម្រុងអន្តរជាតិរបស់ប្រទេសចិន ដែលជាទុនបម្រុងអន្តរជាតិធំបំផុតទូទាំងពិភពលោកបានកើនឡើង១១,៣ពាន់លានដុល្លារ ឈានដល់ជាង៣,២ទ្រីលានដុល្លារ កាលពីខែមុន បើធៀបនឹង៣,២ទ្រីលានដុល្លារ ដែលទីភ្នាក់ងារព័ត៌មាន Reuters បានធ្វើការស្ទង់មតិទៅលើក្រុមអ្នកវិភាគ និងបើធៀបនឹងប្រមាណ៣,២ទ្រីលានដុល្លារ ក្នុងខែមិថុនា។
រូបិយប័ណ្ណយ័ន របស់ចិន បានហក់ឡើងថ្លៃ១,៥%ទល់នឹងប្រាក់ដុល្លារអាមេរិក ក្នុងខែកក្កដា ខណៈប្រាក់ដុល្លារអាមេរិក កាលពីខែមុនបានធ្លាក់ថ្លៃ១,០%ទល់នឹងរូបិយប័ណ្ណសំខាន់ៗផ្សេងទៀត។
