ដោយ: គង់ លាងហួរ
រីយ៉ាដ: យោងតាមរបាយការណ៍ថ្មីមួយបានបង្ហាញថា វិស័យលំនៅដ្ឋាននៅទីក្រុងឌូបៃកំពុងស្ថិតនៅលើផ្លូវឆ្ពោះទៅបំបែកកំណត់ត្រាឆ្នាំដ៏មមាញឹកបំផុតនៅឡើយ ខណៈចំនួនប្រតិបត្តិការទិញលក់អចលនទ្រព្យបានហក់ឡើងដល់កម្រិតខ្ពស់បំផុតមិនធ្លាប់មាន។
យោងតាមរបាយការណ៍ចេញផ្សាយដោយក្រុមហ៊ុនផ្តល់សេវាអចលនទ្រព្យសកលលោក Savills បានបង្ហាញថាប្រតិបត្តិការអចលនទ្រព្យនៅក្រុងឌូបៃបានហក់ឡើង៤៤ភាគរយនៅក្នុងឆមាសទី១ រហូតដល់៥៧.៧០០យូនីត បើធៀបទៅនឹងឆ្នាំមុន។
របាយការណ៍ដដែលបានបង្ហាញ ឱ្យដឹងទៀតថា ក្នុងចំណោមប្រតិបត្តិការចំនួន៥៧.៧០០យូនីតនេះ ក្នុងនោះមាន អាផាតមុិន ចំនួន៤៦.១០០យូនីត និង វីឡាចំនួន១១.៦០០យូនីត ដែលបានលក់ចេញក្នុងឆមាសទី១។
