ដោយ វុត្ថា
ភ្នំពេញ៖ ពន្ធគឺជាបន្ទុករបស់អ្នកជាប់ពន្ធចំពោះរដ្ឋ និងជាកាតព្វកិច្ចរបស់គ្រប់សមាសភាពប្រជាពលរដ្ឋដែលកំណត់ដោយច្បាប់។ យោងតាមច្បាប់ស្តីពីពន្ធដារឆ្នាំ ១៩៩៧ ពន្ធសំដៅដល់ពន្ធផ្ទាល់ ដែលជាប្រភេទពន្ធប្រមូលយកដោយផ្ទាល់ ពីអ្នកជាប់ពន្ធ ។
ក្រៅពីពន្ធគយឬអាករដែលសំដៅដល់ពន្ធប្រយោល ដែលជាប្រភេទនៃការប្រមូលពន្ធដោយប្រយោល។ ការប្រមូលពន្ធនេះ គឺជាការយកតាមតម្លៃ ទំនិញឬសេវា ហើយអ្នកជាប់ពន្ធគឺជាអ្នកប្រើប្រាស់ចុងក្រោយ។
តើអ្នកណាជាអ្នកជាប់ពន្ធ?
ការបង់ពន្ធគឺជាកាតព្វកិច្ចរបស់ពលរដ្ឋគ្រប់រូប ឬស្ថាប័នពាក់ព័ន្ធនានាដែលត្រូវបង់ជូនរដ្ឋ។ នៅពេលអ្នកទិញជាសម្ភារៈ ឬចំណីអាហារឬសេវាកម្មផ្សេងៗ អ្នកត្រូវបង់ពន្ធលើមុខទំនិញទាំងអស់នោះ ដោយអ្នកលក់បានបូកបញ្ចូលតម្លៃបង់ពន្ធរួចជាស្រេច ប្រាប់បៀវត្សរបស់អ្នកក៏ត្រូវក្រុមហ៊ុន ឬស្ថាប័ន ដែលអ្នកបំរើការងារជូនត្រូវបានកាត់មុនពេលដែលអ្នកបើកជារាល់ខែ ព្រមទាំងអ្នកបានបើកអាជីវកម្មផ្សេង ក៏ត្រូវបានបង់ពន្ធដូចគ្នាដែរ។
