ឯកអគ្គរដ្ឋទូតចិនៈ កម្ពុជាបានស្វាគមន៍ជើងហោះហើរអន្តរជាតិ៣១៥៧៩លើកនៅឆ្នាំនេះ

ដោយៈ គង់ សូរិយា

    ភ្នំពេញៈ ឯកអគ្គរដ្ឋទូចចិនប្រចាំកម្ពុជា លោកWang Wenbinបានលើកឡើងថា ក្រុមហ៊ុនវិភាគទិន្នន័យអាកាសចរណ៍Cirium បានឱ្យដឹងថា ឆ្នាំ២០២៥កម្ពុជានឹងស្វាគមន៍ជើងហោះហើរចេញ ចូលចំនួន៣១,៥៧៩លើក កើនឡើង១៤.២% បើធៀបនឹងរយ:ពេលដូចគ្នាកាលពីឆ្នាំទៅ។

លោកបានសរសេរលើបណ្តាញទំនាក់ទំនងសង្គមថា កៅអីសម្រាប់អ្នកដំណើរដែលអាចប្រើបាន(Available guest seats）នឹងឡើងដល់៥,១៨២,៨៦៤កន្លែង កើនឡើង១៤.៧% បើធៀបនឹងរយ:ពេលដូចគ្នាកាលពីឆ្នាំទៅ។

លោកបានបង្ហាញនូវសុទិដ្ឋិនិយមថា តួលេខកំណើនជើងហោះហើរ និងកៅអីដ៏រឹងមាំនេះ បានបញ្ជាក់អំពីភាពរីកចម្រើនរបស់កម្ពុជា ក្លាយជាគោលដៅទេសចរណ៍មួយ ចំណោមគោលដៅដទៃទៀត ដែលប្រកបដោយកម្លាំងរស់រវើក និងសន្ទុះអភិវឌ្ឍន៍ខ្លាំងបំផុតនៅអាស៊ី៕