ដោយ: សហសេវិក
អន្តរជាតិ: ក្រុមហ៊ុនអភិវឌ្ឍន៍អចលនទ្រព្យ Dezer Development ទទួលបានប្រាក់កម្ចីចំនួន៦៣០លានដុល្លារអាមេរិក ដើម្បីសាងសង់អគារខុនដូឈ្មោះ Bentley Motors នៅលើឆ្នេរ Sunny Isles Beach ក្នុងរដ្ឋ Florida នៃសហរដ្ឋអាមេរិក។
ប្រាក់កម្ចីនេះត្រូវបានផ្តល់ដោយក្រុមហ៊ុនផ្តល់ឥណទានឯកជន Madison Realty Capital។ ក្រុមហ៊ុន Dezer Development គ្រោងសាងសង់អគារខុនដូប្រណីតកម្ពស់៦១ជាន់ ដោយបានលក់ខុនដូអស់ចំនួនជាង៥០ភាគរយនៃខុនដូសរុបជាង២០០យូនីតរបស់ខ្លួនរួចមកហើយ(presale)។
ក្នុងចំណោមនោះ គេក៏សង្កេតឃើញមានការលក់ផ្ទះ Penthouse ចំនួន២ ដែលចុះបញ្ជីក្នុងតម្លៃ៣៧,៥លានដុល្លារអាមេរិកក្នុងមួយយូនីត។ចំណែក ខុនដូមានតម្លៃចាប់ពី៥,៨លានដុល្លារអាមេរិក យានដ្ឋានសម្រាប់ចតរថយន្ត និងមានជណ្តើរយន្តសម្រាប់យោងរថយន្ត(Car Elevator) ដែលមានឈ្មោះថា “Dezervator”។
