ដោយ: សហសេវិក
អន្តរជាតិ: ការវិនិយោគលើទីផ្សារអចលនទ្រព្យសកលនៅឆ្នាំ២០២៥ ត្រូវបានគេរំពឹងថា នឹងបន្តផ្លាស់ប្តូរទៅរកទីផ្សារ ដែលមានតម្លៃអចលនទ្រព្យសមរម្យ ស្ថិរភាពនៃប្រាក់ចំណូលពីការជួល និងកំណើនសក្តានុពលរយៈពេលវែង។
ក្នុងចំណោមទាំងនេះ ប្រទេសអេស្ប៉ាញ ប្រទេសអេមីរ៉ាតអារ៉ាប់រួម (UAE) និងប្រទេសតួកគីយ៉េ លេចធ្លោជាគោលដៅដែលទាក់ទាញបណ្តាវិនិយោគិនអន្តរជាតិកាន់តែច្រើនឡើង។
ប្រទេសអេស្ប៉ាញនៅតែជាទីផ្សារអចលនទ្រព្យដែលមានកេរ្តិ៍ឈ្មោះល្អ និងមានតម្លាភាពបំផុតមួយនៅតំបន់អឺរ៉ុប។
បណ្តាវិនិយោគិន ដែលកំពុងស្វែងរកការវិនិយោគលើផ្ទះសម្រាប់លក់នៅក្នុងប្រទេសអេស្ប៉ាញ ចាប់អារម្មណ៍លើគុណសម្បត្តិនៃការរស់នៅ និងការកើនឡើងនៃតម្លៃផ្ទះ ជាពិសេសនៅក្នុងទីក្រុងធំៗ និងតំបន់ទេសចរណ៍ជាប់ឆ្នេរសមុទ្រ។
ប្រទេសអេមីរ៉ាតអារ៉ាប់រួម ជាពិសេសទីក្រុងឌូបៃ និងទីក្រុងអាប៊ុយដាប៊ី នៅតែជាទីផ្សារអចលនទ្រព្យសកលដ៏រឹងមាំបំផុតមួយ។ ភាពរឹងមាំនៃតម្រូវការពីជនបរទេស ការលើកទឹកចិត្តផ្នែកពន្ធ និងការអភិវឌ្ឍលំនៅឋានដែលមានគុណភាពខ្ពស់ ជាមូលដ្ឋានគ្រឹះទាក់ទាញក្រុមអ្នកវិនិយោគ ជាពិសេសអ្នកវិនិយោគ ដែលកំពុងស្វែងរកអចលនទ្រព្យនៅទីក្រុងឌូបៃ។
ប្រទេសតួកគីយ៉េនៅតែជាទីផ្សារអចលនទ្រព្យសកលមួយ ដែលមានតម្លៃសមរម្យបំផុតសម្រាប់ជនបរទេស។ តម្លៃលំនៅឋានមានកម្រិតសមរម្យ ជាពិសេសនៅក្នុងទីក្រុងធំៗដូចជាទីក្រុង Istanbul ខណៈផលចំណេញពីការជួលអចលនទ្រព្យនៅតែមានកម្រិតខ្ពស់។
ដូច្នេះ ទីផ្សារអចលនទ្រព្យនៅក្នុងប្រទេសនេះមានភាពទាក់ទាញចំពោះបណ្តាអ្នកវិនិយោគ ដែលមានគោលបំណងស្វែងរកប្រាក់ចំណេញ៕ប្រភព: Global Property Guide៕
