ដោយ: សហសេវិក
អន្តរជាតិ: ទីផ្សារអចលនទ្រព្យពាណិជ្ជកម្មរបស់ប្រទេសឥណ្ឌូនេស៊ីត្រូវបានគេរំពឹងថានឹងកើនឡើងដល់ទំហំទឹកប្រាក់ចំនួន២៨,៦ពាន់លានដុល្លារអាមេរិកនៅឆ្នាំ២០២៦ ដែលជំរុញដោយផ្នែកភស្តុភារកម្ម ការិយាល័យ និងការអភិវឌ្ឍអគារប្រើប្រាស់ចម្រុះ។
អត្រាការិយាល័យទំនេរនៅទីក្រុងហ្សាកាតាកំពុងថយចុះបន្តិចម្តងៗ ហើយអគារដែលមានគុណភាព និងបំពាក់ដោយគ្រឿងបរិក្ខារទំនើបៗ កំពុងទាក់ទាញបណ្តាក្រុមហ៊ុនពហុជាតិ ទោះបីជាក្រុមអ្នកវិនិយោគមួយចំនួននៅតែមានការប្រុងប្រយ័ត្នយ៉ាងណាក្តី។
ផ្នែកភស្តុភារកម្ម និងឃ្លាំង ដែលផ្សារភ្ជាប់ទៅនឹងពាណិជ្ជកម្មអេឡិចត្រូនិកកំពុងលេចចេញជាផ្នែកដែលមានសក្តានុពលខ្ពស់នៅក្នុងទីផ្សារអចលនទ្រព្យពាណិជ្ជកម្មរបស់ឥណ្ឌូនេសុី។ ទន្ទឹមនេះ ផ្នែកសណ្ឋាគារ និងផ្នែកលក់រាយនៅក្នុងតំបន់មួយចំនួនកំពុងងើបឡើងវិញ។
