ដោយ ម៉ាណេត
ភ្នំពេញៈ ប្រទេសអាល្លឺម៉ង់បានប្តេជ្ញាចិត្តបន្តចូលរួមលុបបំបាត់ភាពក្រីក្រក្នុងប្រទេសកម្ពុជាតាមរយៈផ្តល់ហិរញ្ញប្បទានចំនួន ៤៨,៦លានដុល្លារអាមេរិក សំរាប់រយៈពេលពីរឆ្នាំចាប់ពីឆ្នាំ២០១៩២០២០ខាងមុខ។
យោងតាមសេចក្តីប្រកាសព័ត៏មានរបស់ស្ថានទូតសាធារណរដ្ឋសហព័ន្ធអល្លឺម៉ង់ប្រចាំទីក្រុងភ្នំពេញដែលបានចេញផ្សាយនាថ្ងៃទី ១៧ ឧសភានេះឲ្យដឹងថាលទ្ឋផលនៃជំនួបចចាររវាងលោកឈៀងយ៉ាណារ៉ារដ្ឋមន្ត្រីប្រតិភូអមនាយករដ្ឋមន្ត្រីអគ្គលេខាធិការគណៈកម្មាធិការនីតិសម្បទានិងអភិវឌ្ឍន៍កម្ពុជានៃក្រុមប្រឹក្សាអភិវឌ្ឍន៍កម្ពុជានិងជាប្រធានគណៈប្រតិភូកម្ពុជានិងលោក NorbertBarthle សមាជិកសភាសហព័ន្ធអាល្លឺម៉ង់និងជារដ្ឋលេខាធិការនៃក្រសួងកិច្ចសហប្រតិបត្តិការនិងអភិវឌ្ឍន៍សេដ្ឋកិច្ចអាល្លឺម៉ង់បានចុះហត្ថលេខារួមគ្នាលើរបាយការណ៍នៃកិច្ចចរចារវាងរាជរដ្ឋាភិបាលកម្ពុជានិងសាធារណរដ្ឋសហព័ន្ធអាល្លឺម៉ង់។
-->
កិច្ចចរចានេះផ្តោតសំខាន់លើការផ្តល់ហិរញ្ញប្បទានសហប្រតិបត្តិការអភិវឌ្ឍន៍របស់អាល្លឺម៉ង់ដល់ប្រទេសកម្ពុជាសម្រាប់ឆ្នាំ២០១៩-២០២០លើវិស័យអាទិភាពចំនួន៣រួមមាន៖១)-វិស័យអភិបាលកិច្ច,២)-វិស័យសន្តិសុខសង្គមនិង៣)-វិស័យអភិវឌ្ឍន៍ជនបទ។
លោក NorbertBarthle សមាជិកសភាសហព័ន្ធអាល្លឺម៉ង់និងជារដ្ឋលេខាធិការបានមានប្រសាសន៍ថា“មិត្តភាពកម្ពុជានិងអាល្លឺម៉ង់នៅតែឈររឹងមាំ។ការលុបបំបាត់ភាពក្រីក្រនិងការកើនឡើងនៃវិបុលសុខសម្រាប់ទាំងអស់គ្នាជាគោលដៅរួមរបស់ពួកយើង”។
លោកបន្តថា“ប្រសិនបើលំហនយោបាយនិងសង្គមពិតជាត្រូវបានបើកចំហកម្ពុជានឹងអាចគេចផុតពីការបាត់បង់នូវក្របខ័ណ្ឌគាំពារពិសេសផ្នែកពាណិជ្ជកម្ម (EBAPreference)។ លោកបន្តថា“ច្បាប់ជាតិនិងការអនុវត្តជាក់ស្តែងត្រូវតែស្របតាមកាតព្វកិច្ចសិទ្ធិមនុស្សអន្តរជាតិដូចជាសេរីភាពនៃការបញ្ចេញមតិនិងសេរីភាពខាងការជួបជុំនិងប្រមូលផ្តុំ។ខ្ញុំជឿជាក់ថាវាមិនពិបាកនឹងសម្រេចទេ”៕
