ដោយ: សហសេវិក
អន្តរជាតិ: ទីផ្សារអចលនទ្រព្យរបស់ប្រទេសវៀតណាមមានការវិវឌ្ឍគួរឱ្យកត់សម្គាល់ ដោយតម្លៃដីឡូត៍នៅរដ្ឋធានីហាណូយបានថយចុះប្រមាណ៤% ស្របពេលលំហូរសាច់ប្រាក់ងាយស្រួលមានភាពយឺតយ៉ាវ និងការសម្រេចចិត្តដោយប្រុងប្រយ័ត្នរបស់អ្នកទិញ។
យោងតាមទិន្នន័យពីវេទិកាបច្ចេកវិទ្យា Batdongsan.com.vn បង្ហាញថា មូលហេតុចម្បងនៃការធ្លាក់ចុះ បណ្តាលមកពីភាពប្រុងប្រយ័ត្នរបស់អ្នកទិញ ស្របពេលមានការប្រែប្រួលផ្នែកម៉ាក្រូសេដ្ឋកិច្ច ជាពិសេសនៅពេលអត្រាការប្រាក់លើប្រាក់កម្ចីមានការកើនឡើង។
ការណ៍នេះធ្វើឱ្យដំណើរការធ្វើការសម្រេចចិត្តចំណាយពេលកាន់តែយូរ ជាពិសេសក្នុងករណីប្រើប្រាស់ដើមទុនហិរញ្ញវត្ថុធំ។
តួយ៉ាង នៅទីក្រុងហាណូយ តម្លៃដីជាមធ្យមក្នុងត្រីមាសទីមួយនៃឆ្នាំ ២០២៦ បានថយចុះ៤ភាគរយបើប្រៀបធៀបទៅនឹងចុងឆ្នាំ២០២៥។ ចំណែក នៅទីក្រុងហូជីមិញ តម្លៃផ្ទះឯកជនបានថយចុះ២ភាគរយ។
ស្របពេលទីផ្សារឈានចូលដល់ដំណាក់កាលនៃបញ្ហាសាច់ប្រាក់ អ្នកទិញត្រូវការព័ត៌មានកាន់តែខ្លាំងឡើង។ ជំនួសឱ្យការចូលមើលទិន្នន័យច្រើន អ្នកទិញភាគច្រើនបានផ្តល់អាទិភាពលើប្រភពទិន្នន័យដែលអាចទុកចិត្តបាន និងបានផ្ទៀងផ្ទាត់។
លោក Nguyen Quoc Anh – អគ្គនាយករងនៃ Batdongsan.com.vn បានវាយតម្លៃថា ទីផ្សារអចលនទ្រព្យវៀតណាមនៅដើមឆ្នាំ ២០២៦ កំពុងងាកទៅរកស្ថិរភាព និងការសម្រិតសម្រាំងប្រុងប្រយ័ត្នក្នុងចំណោមអ្នកទិញ។ តម្លៃអចលនទ្រព្យលែងកើនឡើងយ៉ាងគំហុកទៀតហើយ និងកំពុងចាប់ផ្តើមថយចុះ ជាពិសេសផ្នែកវិនិយោគ៕ប្រភព: Batdongsan.com.vn៕
