រូបភាពតំណាង
ដោយ ម៉ាណេត
ភ្នំពេញៈ ធនាគារអភិវឌ្ឍន៍អាស៊ី (ADB) បានអនុម័តប្រាក់កម្ចីចំនួន៧,៦៤លានដុល្លារ ដែលបានដាក់បញ្ចូលក្នុងកញ្ចប់ហិរញ្ញវត្ថុ ដើម្បីសាងសង់រោងចក្រថាមពលពន្លឺព្រះអាទិត្យ ដែលមានសមត្ថភាពបង្កើតថាមពលអគ្គសនី១០០ មេហ្គាវ៉ាត់នៅក្នុងខេត្តកំពង់ឆ្នាំង។ នេះយោងចេញផ្សាយរបស់ ADB នៅថ្ងៃនេះ។
លោក Pradeep Tharakan អ្នកឯកទេសផ្នែកបម្រែបម្រួលអាកាសធាតុរបស់ ADB បាននិយាយនៅក្នុងសេចក្តីប្រកាសនៅថ្ងៃនេះថា “ការមានប្រភពថាមពលដែលអាចទុកចិត្តបានប្រកបដោយនិរន្តរភាព និងមានតំលៃសមរម្យ មានសារៈសំខាន់សម្រាប់ការអភិវឌ្ឍសេដ្ឋកិច្ច នៃប្រទេសកំពុងរីកចម្រើនយ៉ាងឆាប់រហ័សដូចជាប្រទេសកម្ពុជា។
-->
លោកបន្ថែមថា “ជំនួយរបស់ធនាគារអភិវឌ្ឍន៍អាស៊ី មិនត្រឹមតែជួយធ្វើពិពិធកម្មថាមពលចម្រុះដល់កម្ពុជា តាមរយៈការអភិវឌ្ឍន៍ថាមពលពន្លឺព្រះអាទិត្យប៉ុណ្ណោះទេ ថែមទាំងជួយប្រទេសកម្ពុជា ឱ្យសម្រេចគោលដៅកាត់បន្ថយការបំភាយឧស្ម័នផ្ទះកញ្ចក់តាមកិច្ចព្រមព្រៀងអាកាសធាតុនៅទីក្រុងប៉ារីសផងដែរ”។
ប្រាក់កម្ចីនេះ នឹងត្រូវបានដាក់បញ្ចូលក្នុងកញ្ចប់ ជំនួយផ្នែកហិរញ្ញវត្ថុរបស់គំរោងថាមពលព្រះអាទិត្យជាតិ ដែលនឹងរួមបញ្ចូលជាមួយប្រាក់កម្ចី១១លានដុល្លារផ្សេងទៀត ហើយមានទឹកប្រាក់៣លានដុល្លារជាជំនួយឥតសំណងចំនួន និង៥០ម៉ឺនដុល្លារជាជំនួយឥតសំណងផ្នែកបច្ចេកទេសពីប្រទេសកូរ៉េខាងត្បូង។
អគ្គិសនីកម្ពុជា នឹងចាប់ផ្តើមគម្រោងហេដ្ឋារចនាសម្ព័ន្ធដូចជា ផ្លូវថ្នល់ ប្រព័ន្ធហ៊ុមព័ទ្ធ និងប្រព័ន្ធបង្ហូរទឹកសម្រាប់រោងចក្រថាមពលនៅខេត្តកំពង់ឆ្នាំង។
យោងតាម ADB បានឱ្យដឹងថា គម្រោងរោងចក្រថាមពលពន្លឺព្រះអាទិត្យ “នឹងត្រូវដាក់ដេញថ្លៃ ឲ្យទៅអ្នកផលិតថាមពលឯកជន ដោយបែងចែកជាពីរដំណាក់កាល ហើយដំណាក់កាលដំបូង គឺមានសមត្ថភាពផលិតថាមពលបាន៦០មេហ្កាវ៉ាត់៕
