ដោយៈ ចំណាន
តាកែវៈ មន្រ្តីរដ្ឋបាលខេត្តបានឲ្យដឹងថា ក្រុមហ៊ុនចិនចំនួន៣៥ ដែលមានការអភិវឌ្ឍន៍លើពហុវិស័យ គ្រោងបោះទុន១០០០លានដុល្លារអាមេរិក ក្នុងខេត្តតាកែវ។
ព័ត៌មាននេះ ត្រូវបានលើកឡើងកាលពីចុងសប្តាហ៍មុន ក្នុងឱកាស លោកវ៉ី សំណាងអភិបាលខេត្តតាកែវ បានទទួលស្វាគមន៍គណប្រតិភូចិន មកពីខេត្តចឺជាំង ដើម្បីសិក្សានិងស្វែងរកឱកាសវិនិយោគនៅក្នុងខេត្តនេះ។
ក្នុងឱកាសនោះ លោកអភិបាលខេត្តបានលើកឡើងពីមូលដ្ឋានសក្តានុពលក្នុងខេត្ត និងបានស្វាគមន៍ ព្រមទាំងសន្យាជួយសម្របសម្រួលការវិនិយោគរបស់ក្រុមហ៊ុនទាំងនោះ មកវិនិយោគនៅកម្ពុជា៕
