ដោយ: សហសេវិក
អន្តរជាតិ: ទីផ្សារអចលនទ្រព្យនៅក្នុងតំបន់អឺរ៉ុបកំពុងងើបឡើងវិញសន្សឹមៗនៅឆ្នាំ២០២៦។សកម្មភាពនៃការវិនិយោគមានភាពប្រសើរឡើង ដោយសារលក្ខខណ្ឌហិរញ្ញប្បទានកាន់តែមានការគាំទ្រ។
យោងតាមក្រុមហ៊ុន CBRE ការវិនិយោគលើអចលនទ្រព្យនៅតំបន់អឺរ៉ុបបានហក់ឡើងដល់ ៥២,៦ពាន់លានអឺរ៉ូក្នុងត្រីមាសទី១ ឆ្នាំ២០២៦ កើនឡើង ៣ភាគរយបើធៀបនឹងរយៈពេលដូចគ្នាកាលពីឆ្នាំមុន។
យ៉ាងណាមិញ ក្រុមហ៊ុន CBRE ប៉ាន់ប្រមាណថា ទំហំកិច្ចព្រមព្រៀងនៅតំបន់កអឺរ៉ុបទាំងមូលនៅតែទាបជាងកម្រិតកំពូលប្រហែល៤០ភាគរយទៅ៤៥ភាគរយ ដែលបង្ហាញថា ទីផ្សារកំពុងងើបឡើងវិញសន្សឹមៗ ជាជាងការការរីកចម្រើនពេញលេញ។
ទីផ្សារអចលនទ្រព្យលំនៅឋាននៅតែជាផ្នែកដែលមានស្ថានភាពល្អប្រសើរបំផុត ដែលគាំទ្រដោយកង្វះខាតលំនៅន តម្រូវការជួល និងការផ្គត់ផ្គង់លំនៅឋានថ្មីនៅមានកំណត់។
ក្រុមហ៊ុន CBRE ចាត់ទុកទីផ្សារលំនៅឋានជាគោលដៅវិនិយោគអចលនទ្រព្យធំជាងគេរបស់តំបន់អឺរ៉ុប ខណៈក្រុមហ៊ុន JLL រំពឹងថា ការវិនិយោគលើទីផ្សារលំនៅឋានអឺរ៉ុបនឹងលើសពី៧០ពាន់លានអឺរ៉ូនៅឆ្នាំ២០២៦។
ការណ៍នេះឆ្លុះបញ្ចាំងពីចំណាប់អារម្មណ៍យ៉ាងរបស់អ្នកវិនិយោគលើលំនៅឋានជួល លំនៅឋានសម្រាប់និស្សិត និងមនុស្សចាស់។
ការិយាល័យស្ថិតិ Eurostat រាយការណ៍ថា តម្លៃផ្ទះនៅសហភាពអឺរ៉ុបបានកើនឡើង៥,១ភាគរយធៀបនឹងឆ្នាំមុននៅក្នុងត្រីមាសទី១ ឆ្នាំ២០២៦ ខណៈតម្លៃជួលលំនៅឋានបានកើនឡើង៣ភាគរយ៕
