ដោយ: សហសេវិក
អន្តរជាតិ: ក្រុមហ៊ុន Pan Pacific Hotels Group (PPHG) ជាក្រុមហ៊ុនបុត្រសម្ព័ន្ធរបស់ UOL Group កំពុងពង្រីកការវិនិយោគនៅក្នុងតំបន់អាស៊ាន។ នៅឆ្នាំ ២០២៧ ក្រុមហ៊ុនមានគម្រោងបើកដំណើរការសណ្ឋាគារថ្មីចំនួន ៧ និងកែលម្អសណ្ឋាគារដែលមានស្រាប់ចំនួន ៣។
ក្នុងចំណោមគម្រោងបើកសណ្ឋាគារថ្មីទាំងនោះ ក៏មរួមមាននៅកម្ពុជាផងដែរ ដូចជា Pan Pacific Phnom Penh, Parkroyal Siem Reap និងនៅប្រទេសអាស៊ានផ្សេងទៀត ដូចជា ហ្វីលីពីន វៀតណាម និងឥណ្ឌូនេសុី។
គម្រោងជួសជុលសណ្ឋាគារ រួមមាន Parkroyal Serviced Suites Kuala Lumpur, Parkroyal Gurney Bay Penang និងParkroyal Collection Pickering ។
គម្រោងទាំងនេះគឺជាផ្នែកមួយនៃយុទ្ធសាស្ត្រ “Version 2.0” របស់ PPHG ដែលមានគោលបំណងធ្វើទំនើបកម្មសណ្ឋាគាររបស់ខ្លួន តាមរយៈការរចនាល្អប្រសើរជាងមុន និរន្តរភាព បច្ចេកវិទ្យា និងបរិក្ខារដែលផ្តោតលើសុខុមាលភាព។
ចាប់តាំងពីឆ្នាំ ២០២០ ផលបត្រជាង៥០ភាគរយរបស់ PPHG ជាសណ្ឋាគារសាងសង់ថ្មី រចនាឡើងវិញ ឬកែលម្អឡើងវិញ។ ក្រុមហ៊ុនបានលើកឡើងថា របៀបរស់នៅរបស់អ្នកធ្វើដំណើរមានការផ្លាស់ប្តូរ ដោយការងារ ការកម្សាន្ត និងសុខុមាលភាពមានទំនាក់ទំនងគ្នាកាន់តែខ្លាំងឡើង។
បច្ចុប្បន្ន ក្រុមហ៊ុន PPHG ដំណើរការសណ្ឋាគារ រមណីយដ្ឋាន និងអាផាតមុិនដែលមានសេវាកម្ម (serviced suites) ជាង ៥០ កន្លែង ក្រោមម៉ាកយីហោចំនួន៣ គឺ Pan Pacific, Parkroyal និង Parkroyal Collection៕
