ប្រែសម្រួលដោយ ម៉ាណេត
ប្រទេសថៃៈ ទំហំនៃការលក់អចលនទ្រព្យបែបឧស្សាហកម្មនៅប្រទេសថៃនៅក្នុងឆមាសទី១ នៃឆ្នាំ ២០១៩សម្រេចបានទឹកប្រាក់២៧៤លានដុល្លារអាមេរិកកើនឡើង ៥,២៥ភាគរយធៀបរយៈពេលដូចគ្នាកាលពីឆ្នាំមុន។
តំបន់ច្រកសេដ្ឋកិច្ចខាងកើតគ្របដណ្តប់ខេត្តឈុនបុរី រ៉ាក៉យ៉ង និងចាចងសៅ ( Chachoengsao)។
យោងកាសែតបាងកកប៉ុស្តិ៍កាលចុះផ្សាយ កាលពីពេលថ្មីៗនេះបានឲ្យដឹងថា អាជ្ញាធរអចលនទ្រព្យឧស្សាហកម្មថៃ បានលក់ដីទំហំ១,៣២៨ រ៉ៃ ដែលស្ថិតនៅតំបន់ច្រកសេដ្ឋកិច្ចខាងកើត និង១១ រ៉ៃទៀតនៅខាងក្រៅគម្រោងនេះ ដោយមានតម្លៃសរុប៨,៥៩ ពាន់លានបាត (ប្រមាណជាង២៧៤លានដុល្លារអាមេរិក)ចាប់ពីខែតុលាដល់ខែមីនា។
លោកស្រី Somchint Pilouk អភិបាលនៃអាជ្ញាធរអចលនទ្រព្យឧស្សាហកម្មថៃ បាននិយាយថា លោកស្រីមានការជឿជាក់ថា បរិមាណនៃការលក់ដីឧស្សាហកម្ម នឹងកើនឡើងដល់៣,៥០០រ៉ៃ។លោកស្រីន្តថា រដ្ឋាភិបាល បានបង្កើនការវិនិយោគហេដ្ឋារចនាសម្ព័ន្ធនៅក្នុងតំបន់ច្រកសេដ្ឋកិច្ចខាងកើត ហើយរដ្ឋាភិបាលថ្មីនឹងបង្កើនទំនុកចិត្តដល់វិនិយោគិន។
លោកស្រីបានថ្លែងថា “អាជ្ញាធរអចលនទ្រព្យឧស្សាហកម្មថៃរំពឹងថា គម្រោងវិនិយោគថ្មីនៅក្នុង និងក្រៅតំបន់ច្រកសេដ្ឋកិច្ចខាងកើត នឹងបង្កើតការងារចំនួន១,៥៨៥ កន្លែង”។
អាជ្ញាធរអចលនទ្រព្យឧស្សាហកម្មថៃ បាននិងកំពុងប្រតិបត្តិការ៥៥តំបន់ឧស្សាហកម្មនៅក្នុង១៦ខេត្ត និងកំពង់ផែសមុទ្រ Map Ta Phut និងគម្រោង៦បន្ថែមទៀតនឹងត្រូវបានចូលបញ្ចូលដែលរួមមានគម្រោងអភិវឌ្ឍសួនឧស្សាហកម្ម៕
