ដោយ ម៉ាណេត
ភ្នំពេញៈ ក្រុមហ៊ុន Angkor Gold Corp ដែលមានមូលដ្ឋាននៅប្រទេសកាណាដាប្រកាសការពង្រីកកម្មវិធីខួងរករ៉ែមាស និងពេជ្រនៅតំបន់បានលុង បន្ទាប់ពីទទួលបាន អាជ្ញាប័ណ្ណរុករកពីរដ្ឋាភិបាល។
ក្រោមកិច្ចសន្យារកប្រាក់ចំណូលជាមួយនឹងក្រុមហ៊ុន Hommy 5 Resources កម្មវិធីពង្រីកនេះមានរណ្តៅពេជ្រចំនួនដប់ ដែលមានទំហំសរុបប្រហែល១,១០០ ម៉ែត្រ និងគ្រោងនឹងធ្វើតេស្តគោលដៅមួយចំនួនទៀត ដែលត្រូវបានកំណត់កម្មវិធីខួងរុករកនៅឆ្នាំមុន។
ច្រករបៀងមួយដែលមានទីតាំងស្ថិតនៅតំបន់នេះ ដែលមានទទឹងលាតសន្ធឹងប្រហែល៤០០ម៉ែត្រ (ខាងកើតខាងលិច) និងបណ្តោយ១,២០០ម៉ែត្រ (ខាងជើង-ខាងត្បូង) ត្រូវបានកំណត់ដោយការរុករកពីមុន។ ច្រករបៀងនេះបើកដំណើរការនៅភាគខាងជើង និងខាងត្បូង។ នៅក្នុងច្រករបៀង ក្រុមហ៊ុន Angkor បានកំណត់រចនាសម្ព័ន្ធរ៉ែមាសចម្រុះជាច្រើន។ កម្មវិធីខួងរកពេជ្រត្បូងថ្មីនេះ នឹងជួយកំណត់វិសាលភាពនៃរចនាសម្ព័ន្ធរ៉ែទាំងនេះ ក៏ដូចជាការតំរង់ទិសរបស់ពួកគេក្នុងការរក។
លោក Dennis Ouellette នាយករងរបស់ក្រុមហ៊ុន Angkor’s Exploration បាននិយាយថា កាលពីឆ្នាំកន្លងទៅកម្មវិធីខួងរករ៉ែមាស បានបញ្ជាក់ពីវត្តមាននៃប្រព័ន្ធសរសៃរ៉ែមាសនៅលើតំបន់ធំមួយ។ ការតាមដានខួងអណ្តូងរ៉ែកាន់តែជ្រៅ ត្រូវបានគេរំពឹងថានឹងកំណត់ពីវិសាលភាព និងសរសៃមាស និងជួយយើងឱ្យយល់ពីប្រភពនៃសារធាតុរ៉ែ”។
ការខួងរករ៉ែមាសកាលពីឆ្នាំ ២០១៨ មានគោលបំណងដើម្បីធ្វើតេស្ត និងធ្វើផែនទីនៅជិតការជីកយករ៉ែលើផ្ទៃ និងយល់ច្បាស់ពីរចនាសម្ព័ន្ធមូលដ្ឋាន។ ការខួងរករ៉ែមាសក្នុងដីពីមុន ត្រូវបានរកឃើញដោយយកចេញសំណាកដី និងត្រូវបានកំណត់គំរូរ៉ែនៅឆ្នាំ ២០១៦ និងឆ្នាំ២០១៧ នៅតំបន់អូឡាប៉ាខាងលិចនៅតំបន់អាជ្ញាប័ណ្ណបានលុង៕
