និមិ្មតសញ្ញាសម្គាល់ស្ទឹងត្រែងក្រុង។ រូបថត៖ សហការី
ដោយ ដូណាល់ លី
ភ្នំពេញៈ ក្រុមហ៊ុនប្រេងឥន្ធនៈធំបំផុតរបស់ប្រទេសជប៉ុន បានប្រកាសថាខ្លួនបានរកឃើញរ៉ែស្ពាន់ និងស័ង្កសីនៅក្នុងខេត្តស្ទឹងត្រែង តំបន់ភូមិភាគឥសាន្តប្រទេស។
យោងតាមរបាយការណ៍ ដែលបានចេញផ្សាយដោយក្រុមហ៊ុនកាលពីថ្ងៃអង្គារនេះបានឱ្យដឹងថា ក្រុមហ៊ុនប្រេងកាតជាតិជប៉ុនឧស្ម័ន និងលោហៈធាតុ (JOGMEC) បានរកឃើញដាននៃសំណាក នៅក្នុងការស្ទង់ភូមិសាស្ត្រមួយកាលពីឆ្នាំមុន។ ក្រុមហ៊ុន JOGMEC បានបង្កើតភាពជាដៃគូជាមួយក្រុមហ៊ុន Nittetsu Mining LTC ដែលមានមូលដ្ឋាននៅប្រទេសជប៉ុន។
-->
ក្រុមហ៊ុន Nittetsu នឹងទទួលបន្ទុកក្នុងទាញយកនូវធាតុនានា និងទទួលបានសិទ្ធិរុករកនៅក្នុងខែមេសាពីក្រសួងរ៉ែនិងថាមពល។
លោកម៉េង ស័ក្តិធារ៉ា រដ្ឋលេខាធិការក្រសួងរ៉ែ និងថាមពលបានថ្លែងកាលពីខែមេសាថា“ចាប់ពីពេលនេះដល់ឆ្នាំ២០២៣ អ្វីដែលយើងនឹងឃើញ គឺការបង្កើនប្រាក់ចំណូលជាតិ តាមរយៈឧស្សាហកម្មរ៉ែ ដែលនឹងបង្កើនកំណើនផលិតផលក្នុងស្រុកសរុប និងបង្កើនលំហូរវិនិយោគចូលក្នុងវិស័យនេះ”។
លោកបានមានប្រសាសន៍ថា “បន្ទាប់ពីឆ្នាំ២០២៣ យើងនឹងអាចមើលឃើញយ៉ាងច្បាស់ថាតើឧស្សាហកម្មរុករករ៉ែ អាចផ្តល់ផលប្រយោជន៍ដល់ប្រទេសកម្ពុជា យ៉ាងដូចម្តេច ព្រោះវានឹងបង្កើតមូលដ្ឋានសេដ្ឋកិច្ចធំៗ ឱកាសការងារបន្ថែម និងអាជីវកម្មបន្ថែមទៀត”៕
