ដោយ Donald Lee
ភ្នំពេញ៖ លោកប្រធានាធិបតីសហរដ្ឋអាមេរិក Donald Trump បានស្តីបន្ទោសប្រទេសអឺរ៉ុបក្នុងការរៀបចំរូបិយប័ណ្ណរបស់ខ្លួនប្រឆាំងនឹងប្រាក់ដុល្លារដើម្បីបង្កើនតម្លៃនាំចេញរបស់សហរដ្ឋអាមេរិក និងទទួលបានអត្ថប្រយោជន៍ពីការប្រកួតប្រជែងលើការចំណាយនៃសេដ្ឋកិច្ចអាមេរិក។
យោបល់របស់លោក Trump ឆ្លើយតបទៅប្រធានធនាគារកណ្តាលអ៊ឺរ៉ុប Mario Draghi ដោយនិយាយថា គាត់មានឆន្ទៈកាត់បន្ថយអត្រាការប្រាក់របស់ធនាគារកណ្តាលក្រោមសូន្យ នៅពេលដែលសេដ្ឋកិច្ចអឺរ៉ុបចាប់ផ្តើមធ្លាក់ចុះ។
-->
ការកាត់បន្ថយអត្រាការប្រាក់នឹងកាត់បន្ថយអត្រាប្តូរប្រាក់អឺរ៉ូជាប្រាក់ដុល្លារអាមេរិកដោយផ្តល់ឲ្យក្រុមហ៊ុនអឺរ៉ុបនូវអត្ថប្រយោជន៍លើទីផ្សារពិភពលោក។ ការរៀបចំរូបិយប័ណ្ណដោយរដ្ឋាភិបាលធ្វើឲ្យប៉ះពាល់ដល់សមត្ថភាពរបស់អាមេរិកក្នុងការប្រើប្រាស់ការនាំចេញដើម្បីដោះស្រាយវិបត្តិសេដ្ឋកិច្ច។
លោក Trump បាននិយាយថា “លោក Mario Draghi ទើបតែបានប្រកាសពីការជំរុញបន្ថែមទៀតដែលអាចធ្វើបានដែលភ្លាមៗនោះធ្វើឲ្យប្រាក់អឺរ៉ូប្រឆាំងធ្លាក់ចុះធៀបនឹងប្រាក់ដុល្លារដោយធ្វើឲ្យពួកគេងាយស្រួលក្នុងការ ប្រកួតប្រជែងនឹងសហរដ្ឋអាមេរិក។
លោកបានសរសេរថា “ពួកគេបានទទួលយករឿងនេះអស់ជាច្រើនឆ្នាំមកហើយរួមជា មួយប្រទេសចិន និងប្រទេសដទៃទៀត”។ រដ្ឋាភិបាលអាម៉េរិកបានស្នើដាក់ទណ្ឌកម្មពាណិជ្ជកម្មប្រឆាំងនឹងបណ្តាប្រទេសដែលពួកគេជឿជាក់ថាកំពុងប្រើប្រាស់ និងគ្រប់គ្រងរូបិយប័ណ្ណរបស់ខ្លួនដោយធ្វើឲ្យមានការប្រកួតប្រជែងមិនស្មោះត្រង់។
នៅក្នុងខែ ឧសភា ប្រទេសសិង្ហបុរី អ៊ីតាលី និងអៀរឡង់ទៅក្នុងបញ្ជីឃ្លាំមើលក្នុងចំណោមប្រទេសចំនួន ២១ ដែលខ្លួនបាននិយាយថាត្រូវបានធ្វើឲ្យខូចតម្លៃរូបិយប័ណ្ណរបស់ខ្លួន។ តម្លៃប្រាក់ដុល្លារអាមេរិកមានកម្រិតខ្ពស់ បើប្រៀបធៀបទៅនឹងប្រទេសជាសកលដែលធ្វើឱ្យប៉ះពាល់ដល់ការប្រកួតប្រជែងសេដ្ឋកិច្ចរបស់សហរដ្ឋអាមេរិកនៅក្នុងទីផ្សារបើកចំហ។
លោកប្រធានាធិបតីអាមេរិក Trump បានជំរុញឲ្យធនាគារកណ្តាលអាមេរិកទម្លាក់អត្រាការប្រាក់ដើម្បីជំរុញសេដ្ឋកិច្ចអាមេរិក ខណៈដែលវាបានធ្លាក់ចុះដោយសារតែសង្គ្រាមពាណិជ្ជកម្មរវាងសហរដ្ឋអាមេរិក និងចិន។ លោក Brad Setser សមាជិកក្រុមប្រឹក្សាអាមេរិកស្តីពីទំនាក់ទំនងបរទេសបានចេញរបាយការណ៍មួយកាលពីសប្ដាហ៍មុនដោយនិយាយថា ការប្រឆាំងនឹងអន្តរាគមន៍រូបិយប័ណ្ណរបស់រដ្ឋាភិបាលបរទេសគួរតែជាអាទិភាពកំពូលនៃគោលនយោបាយសេដ្ឋកិច្ចអន្តរជាតិរបស់សហរដ្ឋអាមេរិក៕
