ដោយ វុត្ថា
ភ្នំពេញៈ កម្ពុជាបានចុះហត្ថលេខាលើកិច្ចសន្យាពាណិជ្ជកម្មស្តីពី គម្រោងជំរុញផលិតកម្មស្រូវ និងការនាំចេញអង្ករ ក្នុងក្របខ័ណ្ឌឥណទានពីប្រទេសចិនជាមួយក្រុមហ៊ុន CITIC Construction Co.,Ltdក្នុងការសាងសងឃ្លាំងស្តុកស្រូវ-អង្ករ និងឡសម្ងួត ដើម្បីជំរុញនាំចេញអង្ករឱ្យបាន១លានតោនក្នុងមួយឆ្នាំ។
យោងតាមសេចក្តីប្រកាសព័ត៌មានរបស់ក្រសួងសេដ្ឋកិច្ច និងហិរញ្ញវត្ថុ ចេញផ្សាយនៅថ្ងៃ ២០ ខែមិថុនា ឆ្នាំ ២០១៩ នេះឱ្យបានគម្រោងជំរុញផលិតកម្មស្រូវ និងការនាំចេញអង្ករនេះ ត្រូវបានរៀបចំឡើងក្នុងគោលដៅដើម្បីជួយដល់កសិករធុរជន និងក្រុមហ៊ុននាំចេញអង្ករ ព្រមទាំងរួមចំណែកគាំទ្រដល់យុទ្ធសាស្ត្រ របស់រាជរដ្ឋាភិបាលលើការជំរុញនាំអង្ករឱ្យបាន១លានតោនក្នុងមួយឆ្នាំ តារមយៈការសាងសង់ឃ្លាំងស្តុក និងឡសម្ងួតនៅតាមទីតាំងយុទ្ធសាស្ត្រ និងការដាក់ឱ្យអនុវត្តយន្តការយកស្រូវ អង្ករស្តុកក្នុងឃ្លាំងជាវត្ថុបញ្ចាំសម្រាប់ខ្ចីពីធនាគារឯកជន។
សេចក្តីប្រកាសព័ត៌មានដដែលបន្តថា “គម្រោងនេះធ្វើឡើងដើម្បីទក់ស្កាត់កុំឱ្យឈ្មួញទុច្ចរិត អាចឆ្លៀងឱកាសបង្ខូចថ្លៃស្រូវ ក៏ដូចជាដើម្បីជួយឱកសិករទុកស្រូវបានយូរ អាចលក់ស្រូវបានតាមថ្លៃសសរម្យ និងមានលទ្ធភាពតទួលបានឥណទានពេលត្រូវការចាំបាច់ តាមរយៈការយកស្រូវស្តុកក្នុងឃ្លាំងជាវត្ថុបញ្ចាំ”។ សេចក្តីប្រកាសដដែលបានបន្តថា “គម្រោងនេះមិនមានសេវាកិនស្រូវទេ ដើម្បីការពារកុំឱ្យុំាមការប្រកួតប្រជែងជាមួយរោងម៉ាស៊ីនកិច្ចស្រូវក្នុងស្រុក”។
បន្ទាប់ពីគម្រោងនេះ ដាក់ឱ្យប្រតិបត្តិការ កសិករ និងរោងម៉ាស៊ីនកិនស្រូវ នឹងមានឡសម្ងួរ ឃ្លាំងស្តុក និងទុនបង្វិលបន្ថែមព្រមទាំងជួយបន្ថយចំណាយ (ថ្លៃដើម) ចាប់ពីដំណាក់កាលប្រមូលផលដល់ដំណាក់កាលលក់អង្ករ។
តាមរយៈកិច្ចសន្យាពាណិជ្ជកម្មនេះ ក្រុមហ៊ុន CITI Construction Co., Ltd និងក្រុមហ៊ុន ហ្គ្រីនត្រេដ នឹងធ្វើការសាងសង់ឃ្លាំងស្តុកស្រូវ-អង្ករចំនួន១២កន្លែង ដែលមានសមត្ថភាពស្តុកសរុប ៨២៧,០០០ តោន និងឡសម្ងួតចំនួន ១០កន្លែង ដែលមានសមត្ថភាព សម្ងួតស្រូវបាន ១៣,០០០តោនក្នុងមួយថ្ងៃ នៅក្នុងខេត្តពោធិ៍សាត់ បាត់ដំបង តាកែវ បន្ទាយមានជ័យ សៀមរាប កំពង់ធំ កំពង់ចាម ព្រៃវែង កណ្តាល កំពង់ស្ពឺ និងខេត្តព្រះសីហនុ។
ជាមួយនឹងការអនុវត្តគម្រោងជំរុញផលិតកម្មស្រូវ និងការនាំចេញ រដ្ឋាភិបាលកម្ពុជាសង្ឃឹមថា កម្ពុជា នឹងមានសមត្ថភាពគ្រប់គ្រាន់ ក្នុងការបង្កើនការនាំចេញអង្ករទៅកាន់ទីផ្សារអន្តរជាតិ និងលើកកម្ពស់កេរ្តិ៍ឈ្មោះអង្ករកម្ពុជា៕
