ដោយ វុត្ថា
សឹង្ហបុរីៈ ក្រុមហ៊ុន Top 5 នៅប្រទេសឹង្ហបុរី បាននិងកំពុងមានឥទ្ឋពលសេដ្ឋកិច្ចនៅប្រទេសនេះ ស្របពេលក្រុមហ៊ុនទាំងនេះបានបន្តវិនិយោគកាន់តែច្រើន ខណៈទឹកប្រាក់ក្រុមហ៊ុននិមួយៗមានចំនួនរាប់ពាន់លានដុល្លារអាមេរិក។
១) ក្រុមហ៊ុន Jardine Matheson Holding Ltd (JARD)
ក្រុមហ៊ុន Jardine Matheson Holding Ltd (JARD) ស្ថិតនៅក្នុងលំដាប់ថ្នាក់កំពូលនៅក្នុងតារាង ដែលលុយប្រមាណ៦៥ពាន់លានដុល្លារអាមេរិក នៅក្នុងមូលធនបត្រទីផ្សារ។ ក្រុមហ៊ុនមួយនេះត្រូវបានបង្កើតឡើងនៅក្នុងឆ្នាំ១៨៣០ ដោយបានកាន់កាប់ភាគហ៊ុនប្រមាណ៨៤ភាគរយនៅក្នុងផ្សារហ៊ុន។ ក្រុមហ៊ុននេះក៏កំពុងកាន់កាប់ម៉ាកផលិតផលJardine នៅក្រោមក្រុមហ៊ុនបុត្រសម្ព័ន្ឋ ដែលខ្លួនកាន់កាប់ដទៃទៀតរួមមាន Jardine Pacific, Jardine Motors និង Jardine Lloyd Thompson ។
២) ក្រុមហ៊ុន DBS Group Holding Ltd (DBSM)
ក្រុមហ៊ុន DBSM កំពុងគ្រប់គ្រងធនាគារធំបំផុតមួយនៅក្នុងទ្វីបអាស៊ី ដែលមានទីស្នាក់ការធំនៅប្រទេសសឹង្ហបូរី ដែលមានសាខាចំនួនជាង២៨០កន្លែងនៅលើពិភពលោក ដែលគ្របដណ្ដប់ទីផ្សារចំនួន១៨ប្រទេស ហើយមានលុយប្រមាណ ៦២,០៤ពាន់លានដុល្លារ។ ធនាគារនេះត្រូវបានបង្កើតឡើង ដោយធនាគារអភិវឌ្ឍន៍របស់សិង្ហបុរីលីមីតធីត ដែលជារបស់រដ្ឋាភិបាលសិង្ហបុរី។ ការបង្កើតធនាគារនេះ ដើម្បីគ្រប់គ្រងសកម្មភាពហិរញ្ញវត្ថុ សម្រាប់ក្រុមប្រឹក្សាអភិវឌ្ឍន៍សេដ្ឋកិច្ចមុនពេលក្លាយជាធនាគារពាណិជ្ជ។
៣) ក្រុមហ៊ុន Jardine Strategic Holdings Ltd (JSH)
ក្រុមហ៊ុន JSH មានលុយប្រមាណ៥៥,៥០ពាន់លានដុល្លារ បានកាន់ភាគហ៊ុន ប្រមាណ ៨៤% ជាកម្មសិទ្ធិរបស់ក្រុមហ៊ុន Jardine Matheson Holdings Ltd. (JARD) អាចនិយាយថាក្រុមហ៊ុន JSH នេះមានភាគហ៊ុនជាច្រើន នៅក្នុងក្រុមហ៊ុនផ្សេងៗដែលស្ថិតនៅក្រោមផលប័ត្ររបស់ខ្លួន។ រួមមានក្រុមហ៊ុន Hongkong Land Holdings Ltd ក្រុមហ៊ុន Dairy Farm International Holdings Ltd. ក្រុមហ៊ុនម៉ារីនអូរីវេតអិលធីឌីអិលធីឌីក្រុមហ៊ុន Jardine Cycle & Carriage Ltd និងក្រុមហ៊ុន Astra International ។
៤) ក្រុមហ៊ុន Singapore Telecommunication Ltd (STEL)
ក្រុមហ៊ុន STEL នេះ ជាក្រុមហ៊ុនទំនាក់ទំនាក់ទំនងធំបំផុតមួយនៅអាស៊ី ដែលមានការិយាល័យកណ្តាល នៅប្រទេសសឹង្ហបុរីជាមួយក្រុមហ៊ុន Optus នៅប្រទេសអូស្ត្រាលី។ ក្រុមហ៊ុនដែលមានលុយប្រមាណ៤៩,៤៣ពាន់លានដុល្លារមួយនេះ ក៏មានភាគហ៊ុននៅក្នុងក្រុមហ៊ុននៅទូទាំងទ្វីបអាស៊ីនិងអាហ្វ្រិក រួមទាំង Bharti Airtel នៅប្រទេសឥណ្ឌា និង Telkomsel នៅប្រទេសឥណ្ឌូនេស៊ី។
STEL ត្រូវបានបែងចែកជាអ្នកប្រើប្រាស់សហគ្រាស និងជីវិតឌីជីថលជាក្រុមដែលផ្តល់ជូននូវសេវាកម្ម ដូចជា ទូរស័ព្ទចល័ត អ៊ិនធឺណេត និងទូរទស្សន៍។
៥) ក្រុមហ៊ុន Oversea-Chinese Banking Corporation Ltd (OCBC)
ក្រុមហ៊ុន OCBC ជាធនាគារចាស់ជាងគេរបស់ប្រទេសសិង្ហបុរី ដែលបានបង្កើតឡើងពីការច្របាច់បញ្ចូលជាមួយធនាគារ ក្នុងស្រុកចំនួន៣ នៅក្នុងឆ្នាំ ១៩៣២។ ធនាគារនេះត្រូវបានវាយតម្លៃខ្ពស់ និងចាត់ទុកថា ជាធនាគារមួយក្នុងចំណោមធនាគារ ដែលមានសុវត្ថិភាពបំផុតនៅក្នុងតំបន់ ហើយមានលុយប្រមាណ៤៨,៩៩ ពាន់លានដុល្លារ។
ក្រុមហ៊ុន OCBC ក៏ពង្រីកសាខានៅទូទាំងអាស៊ីផងដែរ ដែលភាគច្រើនគ្របដណ្តប់ទីផ្សារប្រទេសសិង្ហបុរី ម៉ាឡេស៊ី ឥណ្ឌូនេស៊ី និងប្រទេសចិន។ ធនាគារសឹង្ហបូរីនិង Great Eastern Holdings គឺជាសាខាធានារ៉ាប់រងផ្នែកឯកជនរបស់OCBC ខណៈពេលដែល Lion Global Investors គឺជាក្រុមហ៊ុនគ្រប់គ្រងទ្រព្យសកម្មរបស់ធនាគារ។
ប្រទេសសឹង្ហបុរី គឺជារដ្ឋអធិបតេយ្យ នៅក្នុងតំបន់អាស៊ីអាគ្នេយ៍ ហើយប្រទេសមួយនេះ បានមានសេដ្ឋកិច្ចទីផ្សាររីកចម្រើនខ្ពស់ក្នុងចំណោមប្រទេសនានានៅក្នុងតំបន់នេះ ដោយពឹងផ្អែកលើការពង្រីកពាណិជ្ជកម្ម ។
ប្រទេសសឹង្ហបុរីគឺជាប្រទេសមួយក្នុងចំណោមប្រទេសខ្លាំអាស៊ីទាំង ៤ (Four Asian Tigers ក្នុងចំណោមទីក្រុងហុងកុង កូរ៉េស និង តៃវ៉ាន់ ។បើយោងតាម ការចុះផ្សាយរបស់អង្គការតម្លាភាពអន្តរជាតិ បានឱ្យដឹងថា ប្រទេសមួយនេះ មានអំពើពុករលួយតិចតួចបំផុតនៅទូទាំងពិភពលោកបន្ទាប់ពីប្រទេស New Zealand និងប្រទេស Scandinavian ៕
