ដោយ Donald Lee
ភ្នំពេញៈ រដ្ឋាភិបាលអាមេរិកបានគិតពន្ធលើឧស្សាហកម្មដែកថែប របស់វៀតណាមដោយបង្កើនពន្ធនាំចូលជាង ៤០០ភាគរយ ដែលចាប់ផ្តើមពីថ្ងៃនេះ ខណៈពេលមានភាពតានតឹងផ្នែកពាណិជ្ជកម្មរវាងប្រទេសទាំងពីរ។ នេះបើយោងតាមនាយកដ្ឋានពាណិជ្ជកម្មអាមេរិក។
រដ្ឋាភិបាលអាមេរិកអះអាងថា ឧស្សាហកម្មដែកថែបរបស់វៀតណាម កំពុងរំលោភបំពានច្បាប់ការនាំចូល ដោយយកដែកថែបពីកូរ៉េខាងត្បូង និងតៃវ៉ាន់នាំទៅកាន់អាមេរិក។ កាតព្វកិច្ចពន្ធរបស់អាមេរិកលើផលិតផលដែកថែប របស់កូរ៉េខាងត្បូង និងតៃវ៉ាន់ត្រូវបានដាក់ចេញនៅឆ្នាំ២០១៥។
-->
រដ្ឋាភិបាលអាមេរិកបានអះអាងថា វៀតណាមបានគេចវេសកាតព្វកិច្ចពន្ធដែកថែបរបស់អាមេរិក ដោយការនាំចូលដែកថែបរបស់កូរ៉េខាងត្បូង និងតៃវ៉ាន់ រួចហើយការកែច្នៃជាផលិតផលវៀតណាម មុនពេលនាំចេញទៅអាមេរិក។
យោងតាមរបាយការណ៍ ដែលចេញផ្សាយដោយនាយកដ្ឋានពាណិជ្ជកម្មអាមេរិក បានឲ្យដឹងថា ចាប់តាំងពីការយកពន្ធនាំចូលមកលើកូរ៉េខាងត្បូង និងតៃវ៉ាន់ ការនាំចេញដែកថែបវៀតណាមទៅអាមេរិកកើនឡើង៩១៦ភាគរយ។
លោកប្រធានាធិបតីអាមេរិក Donald Trump បានគំរាមដាក់ពន្ធលើការធ្វើពាណិជ្ជកម្មលើប្រទេសវៀតណាមកាលពីសប្តាហ៍មុន ហើយបាននិយាយថា “ប្រទេសនេះស្ទើរតែជាអ្នកបំពានកាតព្វពន្ធខ្លាំងជាងប្រទេសដទៃទៀត ដែលជាការសំដៅលើអតុល្យភាពពាណិជ្ជកម្ម។
យោងតាមតំណាងពាណិជ្ជកម្មអាមេរិកឲ្យដឹងថា អាមេរិកបាននាំចូលទំនិញដែលមានតម្លៃ៤៧,ពាន់លានដុល្លារពីវៀតណាម ហើយអាមេរិកទំនិញនាំចេញត្រឹមតែ ១០,៥ពាន់លានដុល្លារប៉ុណ្ណោះទៅកាន់ប្រទេសនៅអាស៊ីអាគ្នេយ៍។
លោក Trump បានមានប្រសាសន៍ថា “មានក្រុមហ៊ុនជាច្រើនកំពុងធ្វើការផ្លាស់ប្តូរទៅប្រទេសវៀតណាម ប៉ុន្តែវៀតណាមទាញយកប្រយោជន៍ ពីយើងច្រើនជាងប្រទេសចិនទៀត”។ លោកបន្តថា “យើងកំពុងពិភាក្សាជាមួយវៀតណាម។ វៀតណាមគឺស្ទើរតែប្រទេសបំពានកាតព្ធកិច្ចពន្ធខ្លាំងគេ ហើយប្រទេសតូចជាងប្រទេសចិន ប៉ុន្តែប្រទេសនេះបំពានជាងប្រទេសដទៃទៀត”៕
