ដោយ វុត្ថា
ភ្នំពេញៈ ជាថ្មីម្តងទៀត ក្រោយពីមានករណីបាក់ស្រុតអគារកំពស់៧ជាន់បណ្តាឱ្យពលរដ្ឋស្លាប់ និងរងរបួសនៅក្នុងខេត្តព្រះសីហនុជាច្រើន រដ្ឋាភិបាលកម្ពុជា តាមរយៈមន្ត្រីជំនាញដើម្បីចុះត្រួតពិនិត្យ ទប់ស្កាត់អគារដែលមានលក្ខណៈខុសបច្ចេកទេស និងគ្មានគុណភាពកុំឱ្យមានការសងសង់បន្តទៀត។
លោកជា សុផារ៉ាឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដីន គរូបនីយកម្ម និងសំណង់ ថ្លែងនៅក្នុងកិច្ចប្រជុំស្ដីពីការសិក្សាគម្រោងប្លង់ និងការសាងសង់អគារ នាថ្ងៃទី៤ ខែកក្កដា ឆ្នាំ ២០១៩ នេះ បានដាក់ចេញនូវវិធានការចាប់មួយចំនួន ដើម្បីឱ្យដំណើរការសង់ប្រកបដោយសុវត្ថិភាព គុណភាព សុភណភាព នៃសំណង់ សណ្តាប់ធ្នាប់សារធារណៈ អនាម័យ និងបរិស្ថានល្អ និងការផ្តល់តម្លៃ ដល់ខ្លួនឯង ដល់ក្រុមគ្រួសារ និង សង្គមជាតិ ក្រុមហ៊ុនប្រកបអាជីវកម្ម និងក្រុមហ៊ុនជាងសំណង់ ត្រូវគោរពកាតព្វកិច្ច ជាចម្បងដូចជា ទី១ត្រូវមានអាជ្ញាប័ណ ប្រកបអាជីវកម្មសាងសង់អនុញ្ញាតដោយក្រសួងរៀបចំដែនដី នគរូបនីយកម្ម និងសំណង់ ឬ ពីមន្ទីររៀបចំដែនដីគរូបនីយកម្ម សំណង់ និងសូរិយោដី រាជធានីខេត្ត ឬពីស្ថាប័នដែលមានសមត្ថកិច្ច ។
ទី២ ត្រូវមានកិច្ចសន្យាសាងសង់ ជាមួយម្ចាស់គម្រោង កិច្ចសន្យាការងារជាមួយបុគ្គលិក និងកម្មករ។ មិនត្រូវទទួលម៉ៅការសាងសង់ សំណង់ ដែលមិនមានលិខិតអនុញ្ញាតត្រឹមត្រូវ ចេញដោយស្ថាប័នមានសមត្ថកិច្ច ។ ត្រូវមានបុគ្គលិកជំនាញ បច្ចេកទេស វិស្វករ ស្ថាបត្យករ ដែលបានចុះបញ្ជី និងប្រធានការដ្ឋានកម្មករជំនាញ កម្មករទូទៅឱ្យបានគ្រប់គ្រាន់ សម្រាប់ការអនុវត្តនូវការងារនៅក្នុងការដ្ឋាន។ ទី៣ ត្រូវមានផែនការសកម្មភាពប្រតិទិនការងារសាងសង់ និងសៀវកំណត់ត្រាការងារ រក្សាទុក នូវក្នុងការដ្ឋាន ។
ទី៣ ត្រូវមានសម្ភារៈឧបករណ៍គ្រឿងចក្រ គ្រប់គ្រាន់សម្រាប់ការងារសាងសង់។ មានពញ្ញាបណបត្រធនារាប់រង ការទទួលខុសត្រូង ការរដ្ឋានសំណង់ ពីក្រុមហ៊ុនធានារាប់រង ដែលបានចុះបញ្ជីក្នុងប្រទេសកម្ពុជា ។ ត្រូវមានគម្រោងប្លង់បច្ចេកទេសសម្រាប់ការងារសាងសង់ ឬរុសរើបទដ្ឋានបច្ចេកទេសសំណង់ និងលក្ខន្ធផ្សេងដែលបានកំណត់ ដោយអាជ្ញាធរមានសម្ថកិច្ច។
ទី៤ ត្រូវមានការិយាល័យការងារ ឃ្លាំងផ្ទុកសម្ភារៈ ជម្រកស្នាក់នៅរបស់កម្មករ គ្រឿងចក្រ សកម្មភាពសាងសង់។ ត្រូវរៀបចំនឹងប្រព្រឹត្តិទៅនៅក្នុងរបងដោយមានការហ៊ិំព័ទ្ធនៅក្នុងការដ្ឋាន ឬការរដ្ឋានសំណង់ ឬកន្លែងធានាបានដែលមានសណ្តាប់ធ្នាប់សន្តិសុខសាធារណៈ ដោយមិនឱ្យមានការស្នាក់នៅក្នុងអគារដែលកំពុងសាងសង់ ដើម្បីធានាសន្តិសុខ សុវត្ថិភាព សណ្តាប់ធ្នាប់សាធារណៈ និងបរិក្ខានៅក្នុងរដ្ឋានសាងសង់។
និងទី៥ ត្រូវទទួលខុសត្រូវចំពោះរាល់ព្យសនកម្មដែលបង្កឡើង ដោយប្រតិបត្តិការដោយការងារសាងសង់ ឬរុសរើរបស់ខ្លួន លើកលែងករណីសាងសង់នោះ អាចបង្ហាភស្តុតាង ឬប្រតិបត្តិការការងារ សាងសង់ឬ រុសរើរបស់ខ្លួនអនុលោមតាមបទដ្ឋានគតិយុត្តិជាធរមាន។ សហការជាសមត្ថកិច្ច ក្រុមការងារត្រួតពិនិត្យសំណង់ ដើម្បីតាមដាន និងពិនិត្យវឌ្ឍនភាពសាងស់តាមដំណាក់កាលនីមួយៗ រហូតដល់បញ្ចប់ការសាងសង់ទាំងស្រុង៕
