ដោយ វុត្ថា
ស្រីលង្កា៖ ធនាគារពិភពលោក (World Bank) បានចាត់ចំណាត់ថ្នាក់ប្រទេសស្រីលង្កាមានការផ្លាស់ប្តូរពីប្រទេសមានប្រាក់ចំណូលមធ្យមកម្រិតទាប មកជាប្រទេសមានប្រាក់ចំណូលមធ្យមកម្រិតខ្ពស់។
ក្នុងរបាយការណ៍របស់ធនាគារពិភពលោកដែលបានចេញរបាយការណ៍ចុងក្រោយនេះ ត្រូវបានសារព័ត៌មានក្នុងស្រុកចុះផ្សាយថា ប្រទេសស្រីលង្កាបានចូលទៅក្នុងប្រទេសដែលមានប្រាក់ចំណូលមធ្យមកម្រិតខ្ពស់ ដែលមនុស្សម្នាក់មានចំណូលប្រមាណ ៤,០៦០ដុល្លារអាមេរិកក្នុងឆ្នាំ ២០១៩ នេះ ។
បន្ថែមពីនេះ ធនាគារពិភពលោកក៏បានព្យាករណ៍ផងដែរ ពីសេដ្ឋកិច្ចប្រទេសស្រីលង្កានឹងកើនឡើងប្រមាណ ៣.៥ ភាគរយ សម្រាប់ឆ្នាំនេះ ។
ធនាគារពិភពលោក (World Bankd) បានសរសេរក្នុងរបាយការណ៍របស់ខ្លួនថា សេដ្ឋកិច្ចពិភពលោកត្រូវបានបែកចែកជាចំណាត់ថ្នាក់ប្រាក់ចំណូលជា ៤ ក្រុមរួមមាន ប្រាក់ចំណូលមធ្យមកម្រិតខ្ពស់ ប្រាក់ចំណូលមធ្យមកម្រិតកណ្តាល ប្រាក់ចំណូលមធ្យមកម្រិតទាប និងប្រាក់ចំណូលទាប។
ធនាការពិភពលោក បានធ្វើការចំណាត់ថ្នាក់ប្រាក់ចំណូលរបស់ប្រទេសនៅក្នុងពិភពលោកជារៀងរាល់ឆ្នាំនៅថ្ងៃទី ១ ខែកក្កដា ដោយផ្តោតលើកត្តាមួយចំនួនរួមមាន ប្រាក់ចំណូលជាតិក្នុងស្រុករបស់មនុស្សម្នាក់ ដែលអាចផ្លាសប្តូរពីកំណើនសេដ្ឋកិច្ច អតិផរណា អត្រាប្តូរប្រាក់ និងចំនួនប្រជាជន។
ស្ថិតក្រោមចំណាត់ថ្នាក់ប្រភេទថ្មី ប្រទេសស្រីលង្កាស្ថិតនៅក្នុងប្រទេសមានប្រាក់ចំណូលកម្រិតខ្ពស់មានប្រទេសចំនួន ៥៩ ផ្សេងទៀតដែលរួមមានប្រទេសចិន សហព័ន្ធរុស្ស៊ី អាហ្វ្រិកខាងត្បូង ថៃ ម៉ាឡេស៊ី ម៉ិកស៊ិកូ ហ្វីជី គុយបា និងប្រេស៊ីល។
ប្រទេសអាហ្សង់ទីន ហ្សកហ្ស៊ី និងកូសូវ៉ូ ក៏ត្រូវបានគេកែលម្អថ្មីទៅជាប្រទេសដែលមានប្រាក់ចំណូលមធ្យមកម្រិតខ្ពស់ដូចប្រទេសស្រីលង្កាផងដែរ។
យោងទៅតាមចំណាត់ថ្នាក់របស់ធនាគារពិភពលោក ប្រទេសចំនួន ៣១ ដែលមានប្រាក់ចំណូលទាបហើយប្រទេសចំនួន ៤៧ មានប្រទេសមានប្រាក់ចំណូលកម្រិតទាប។ ប្រទេសចំនួន ៨០ នៅលើពិភពលោកត្រូវបានគេចាត់ទុកជាក្រុមសេដ្ឋកិច្ចដែលមានចំណូលខ្ពស់៕
