ដោយ Donald Lee
ភ្នំពេញ៖ បណ្តាប្រទេសអាស៊ានរួមទាំងកម្ពុជាកំពុងស្ថិតនៅលើគន្លងក្នុងការឈានដល់តំបន់មានកំណើនសេដ្ឋកិច្ចខ្ពស់ ឬ «Unicorn Zone» ក្នុងវិស័យពាណិជ្ជកម្មអេឡិចត្រូនិកឌីជីថលនៅក្នុងរយៈពេល ១០ ឆ្នាំខាងមុខ ដែលការចាប់ផ្ដើមអាជីវកម្មឌីជីថលក្នុងស្រុកនឹងអាចមានទឹកប្រាក់កើនឡើងដល់រាប់ពាន់លានដុល្លារ។ នេះបើយោងតាមអ្នកជំនាញ បានថ្លែងក្នុងសន្និសីទអាស៊ីអាគ្នេយ៍មួយដែលត្រូវបានចូលរួមដោយអ្នកដឹកនាំកំពូលរបស់ពិភពលោកក្នុងវិស័យ Internet។
ប្រធានបទនៃព្រឹត្តិការណ៍នេះដែលបានលើកឡើងថា តំបន់អាស៊ីអាគ្នេយ៍ជាមួយប្រជាជនវ័យក្មេងរបស់ខ្លួនបានកែលម្អហេដ្ឋារចនាសម្ព័ន្ធឌីជីថល និងមានទំហំទឹកប្រាក់ជិត ៣ពាន់ពាន់លានដុល្លារបញ្ចូលគ្នានៃផលិតផលក្នុងស្រុកសរុបគឺជាបរិយាកាសដ៏ល្អឥតខ្ចោះសម្រាប់ការចាប់ផ្តើមអាជីវកម្មឌីជីថលថ្មីក្នុងទទួលបានផលចំណេញ។
-->
ពាក្យ “unicorn” សំដៅទៅលើការចាប់ផ្ដើមអាជីវកម្មដែលអាចឈានដល់តម្លៃទីផ្សារ ១ពាន់លានដុល្លារតាមរយៈការវិនិយោគឯកជន ឬសាធារណៈ។ ក្រុមហ៊ុនល្បីៗក្នុងវិស័យឌីជីថលជាច្រើនរួមមានក្រុមហ៊ុន Uber ក្រុមហ៊ុន Xiaomi ក្រុមហ៊ុន Snapchat និងក្រុមហ៊ុន SpaceX ។
នៅអាស៊ីអាគ្នេយ៍ អាជីវកម្មឌីជីថលថ្មីជាច្រើនបានទទួលការកោតសរសើរពីអន្តរជាតិរួមមានក្រុមហ៊ុន GoJek និងក្រុមហ៊ុន Tokopedia មកពីឥណ្ឌូនេស៊ី ក្រុមហ៊ុន Lazada មកពីប្រទេសម៉ាឡេស៊ី ក្រុមហ៊ុន Grab មកពីប្រទេសសិង្ហបុរី ក្រុមហ៊ុន VNG Corporation មកពីប្រទេសវៀតណាម និងក្រុមហ៊ុន Revolution Precrafted មកពីប្រទេសហ្វីលីពីន។
លោក Nick Nash ស្ថាបនិកនៃក្រុមហ៊ុន Asia Partners បាននិយាយទៅកាន់អ្នកយកព័ត៌មាននៅឯព្រឹត្តិការណ៍ខាងលើថា “សហរដ្ឋអាមេរិក ជប៉ុន និងកូរ៉េខាងត្បូងបានក្លាយជាតំបន់ដែលមានសេដ្ឋកិច្ចឌីជីថលដែលមានទំហំទឹកប្រាក់ដល់ពាន់លានដុល្លារ”។
លោក បន្តថា “ប្រទេសចិន អាស៊ីអាគ្នេយ៍ និងឥណ្ឌាកំពុងរង់ចាំជិតឈានដល់ការក្នុងតំបន់នេះផងដែរ”។ទិន្នន័យឌីជីថលដែលចេញផ្សាយដោយ Google LLC និងក្រុមហ៊ុន Temasek Holdings Private Ltd. ដែលមានមូលដ្ឋាននៅប្រទេសសិង្ហបុរី បានឲ្យដឹងថា សេដ្ឋកិច្ចឌីជីថលរបស់អាស៊ាននឹងឈានដល់ចំនួន ២០០ ពាន់លានដុល្លារក្នុងរយៈពេលប្រាំឆ្នាំខាងមុខ។
វិនិយោគិន និងក្រុមហ៊ុនថ្មីកំពុងផ្លាស់ប្តូរគំនិតរួមគ្នាយ៉ាងខ្លាំងដើម្បីពង្រីកទៅក្នុងតំបន់អាស៊ីអាគ្នេយ៍ដែលមានបច្ចេកវិទ្យាឌីជីថល និងបញ្ញាសិប្បនិម្មិត (បច្ចេកវិទ្យា AI) ដើម្បីទាញយកប្រយោជន៍ពីសក្តានុពលខ្ពស់ និងទីផ្សាររីកចម្រើនយ៉ាងឆាប់រហ័ស។ បណ្តាប្រទេសអាស៊ានមានប្រជាពលរដ្ឋសរុបជាង ៦០០លាននាក់ ហើយផលិតផលសរុបក្នុងស្រុករួម បញ្ចូលគ្នាមានទំហំទឹកប្រាក់ ៣ពាន់ពាន់លានដុល្លារ។ មូលនិធិហិរញ្ញវត្ថុអន្តរជាតិ IMF ព្យាករណ៍ថា អាស៊ាននឹងមានសេដ្ឋកិច្ចធំជាងគេទីបួននៅឆ្នាំ ២០៥០។
លោក Stuart Milne នាយកប្រតិបត្តិប្រចាំធនាការ HSBC ដែលមូលដ្ឋាននៅម៉ាឡេស៊ី បាននិយាយថា “ការធ្វើនគរូបនីយកម្មអាស៊ានលើការកែទម្រង់ឌីជីថល និងការរីកចម្រើនអតិថិជនបានធ្វើឲ្យតំបន់ខ្លួនក្លាយជាទិសដៅវិនិយោគទាក់ទាញ”។
លោកបានបន្ថែមថា “ការទាក់ទាញការវិនិយោគតម្រូវឲ្យមានការបង្កើតបរិយាកាស វប្បធម៌ និងផ្នត់គំនិតត្រឹមត្រូវនៅក្នុងក្រុមហ៊ុនដើម្បីស្វែងរកការឱកាសខាងផ្នែកបច្ចេកវិជ្ជា”។ របាយការណ៍របស់ធនាគារពិភពលោក បានសង្កត់ធ្ងន់ថា បណ្តាប្រទេសអាស៊ានដូចជា ប្រទេសកម្ពុជាត្រូវបង្កើនល្បឿនក្នុងការធ្វើសមាហរណកម្មបច្ចេកវិទ្យាឌីជីថល និងម៉ូដែលពាណិជ្ជកម្មទំនើបដើម្បីសម្រួលដល់ការអភិវឌ្ឍអាជីវកម្ម។
លោក Pichet Durongkaveroj រដ្ឋមន្រ្តីសេដ្ឋកិច្ចឌីជីថល និងសង្គមនៃប្រទេសថៃបាននិយាយនៅក្នុងរបាយការណ៍មួយស្តីពីវឌ្ឍនភាពនៃហេដ្ឋារចនាសម្ព័ន្ធឌីជីថលរបស់អាស៊ានថា “គ្រប់វិស័យនៃសេដ្ឋកិច្ចនៅក្នុងបណ្តាប្រទេសអាស៊ានអាចធ្វើបានកាន់តែច្រើនដើម្បីប្រើប្រាស់បច្ចេកវិទ្យាឌីជីថល និងគំរូអាជីវកម្មកាន់តែឆ្លាតវៃ។ ដើម្បីជួយដល់ផ្នែកឯកជនរបស់យើង រដ្ឋាភិបាលត្រូវផ្លាស់ប្តូរខ្លួនឯង”។
ក្រសួងពាណិជ្ជកម្ម និងក្រសួងសាធារណការ និងដឹកជញ្ជូនកម្ពុជាបានចូលរួមយ៉ាងសកម្មនៅក្នុងឆ្នាំនេះក្នុងការជ្រើសរើសក្រុមហ៊ុនបច្ចេកវិទ្យាចិនដើម្បីជួយមិនត្រឹមតែធ្វើសេចក្តីព្រៀងច្បាប់ពាណិជ្ជកម្មអេឡិចត្រូនិចប៉ុណ្ណោះទេ ថែមទាំងហេដ្ឋារចនាសម្ព័ន្ធសម្រាប់ការដឹកជញ្ជូន និងឱកាសវិនិយោគនៅក្នុងវិស័យពាណិជ្ជកម្មអេឡិចត្រូនិចផងដែរ។
រដ្ឋាភិបាលក៏ត្រូវបានបង្កើតយុទ្ធសាស្ត្រផែនការមេឌីជីថលសេដ្ឋកិច្ចឌីជីថលដើម្បីបញ្ចូលការបង្កើតអាជីវកម្មថ្មី។កាលពីខែមីនា លោកស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានធ្វើដំណើរទស្សនៈកិច្ចទៅកាន់ក្រុមហ៊ុន Shenzhen 4PX Express Co. , Ltd របស់លោក Jack Ma ។
លោកកែន រដ្ឋា អនុប្រធានការិយាល័យក្រសួងសាធារណៈការ និងដឹកជញ្ជូនបានមានប្រសាសន៍ថា “រដ្ឋមន្ដ្រី [ដឹកជញ្ជូន] បានកោតសរសើរដល់រដ្ឋបាលក្រុមហ៊ុន 4px នៅចិន ហើយពិតជាចង់ធ្វើនៅកម្ពុជា”។ ក្រុមហ៊ុនបច្ចេកវិទ្យាចិន និងវិនិយោគិនបានយកចិត្តទុកដាក់លើការធ្វើពាណិជ្ជកម្មអេឡិចត្រូនិចតាមប្រព័ន្ធអេឡិចត្រូនិច ហើយបានបោះជំហានទៅរកទីផ្សារឌីជីថលអាស៊ាន ហើយបានចាប់ដៃគូជាមួយក្រុមហ៊ុនក្នុងស្រុកក្នុងការគ្រប់គ្រងតំបន់នេះ។
លោក Kevin Li អ្នកគ្រប់គ្រងទូទៅសម្រាប់ការដឹកជញ្ជូនទូទាំងក្រុមហ៊ុន Cainiao Smart Logistics Network Ltd. ដែលក្រុមហ៊ុនបុត្រសម្ព័ន្ធ Alibaba បាននិយាយថា “វាជាទីតាំងល្អបំផុត ប្រសិនបើអ្នកយកកម្ពុជាជាមជ្ឈមណ្ឌលដឹក ហើយសេវាកម្មនេះអាចគ្របដណ្តប់ប្រទេសវៀតណាម ថៃ និងសូម្បីតែមីយ៉ាន់ម៉ា”៕
