ដោយៈ រ៉ាណេត
កំពតៈ នៅត្រឹមព្រឹកថ្ងៃទី១០ ខែសីហា ឆ្នាំ២០១៩នេះ អាជ្ញាធរ និងសមិត្ថកិច្ច បានសម្រេចផ្អាកការធ្វើចរាចរណ៍នៅកំណាត់ផ្លូវជាតិលេខ៣ជាបណ្តោះអាសន្ន ចាប់ពីចំណុចរង្វង់មូលវាលរេញ ដល់ស្ពានកំពង់ស្មាច់ បន្ទាប់ពីមានការកើនឡើងនូវជំនន់ទឹកភ្លៀងយ៉ាងគំហុកកាលពីយប់មិញនេះ។
ដោយឡែកនៅក្នុងក្រុងកំពតវិញ តាមការពិនិត្យស្ថានភាពទឹកជាក់ស្តែងគឺផ្លូវជាច្រើនខ្សែត្រូវរងការលិចលង់ជាច្រើនផ្លូវ ហើយលំនៅឋានប្រជាពលរដ្ឋនៅតាមបណ្តោយដងព្រែកកំពត ក្នុងភូមិម៉ាក់ប្រាង្គ ឃុំកំពង់គ្រែង ស្រុកទឹកឈូ ក៏រងការលិចលង់មួយចំនួនដែរផងដែរ។
