ដោយវុត្ថា
ភ្នំពេញ៖ រដ្ឋមន្ត្រីក្រសួងសាធារណៈការ និងដឹកជញ្ជូន លោកទេសរដ្ឋមន្ត្រីស៊ុន ចាន់ថុល បានអះអាងថា រដ្ឋាភិបាល បាននឹងកំពុងត្រៀមថវិកាប្រមាណ ១០០ លានដុល្លារអាមេរិកសម្រាប់ស្តារឡើងវិញនូវហេដ្ឋារចនាសម្ព័ន្ធ បន្ទាប់ពីគ្រោះទឹកជំនន់។
អ្នកនាំពាក្យក្រសួងសាធារណៈការ និងដឹកជញ្ជូន លោក វ៉ា ស៊ីមសូរិយាបានឱ្យដឹងតាមទូរស័ព្ទនៅថ្ងៃទី ១២ ខែកក្កដា ឆ្នាំ ២០១៩ នេះថា ឧត្តមទេសរដ្ឋមន្ត្រីស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូនបានត្រៀមថវិកាប្រមាណ១០០ លានដុល្លារអាមេរិក សម្រាប់ធ្វើការជួសជុលហេដ្ឋារចនសម្ព័ន្ធក្នុងខេត្តព្រះសីហនុ តែមិនដឹងប្រភពថវិកាទាំងនេះ បានមកពីណាខ្លះនោះទេ។
-->
លោកបន្តថា “លុយ១០០លានដុល្លារនេះ គឺសម្រាប់ត្រៀមស្តារ ជួសជុល និងសាងសង់ហេដ្ឋារសម្ព័ន្ធនានាមានទាំងផ្លូវ ដាក់លូ ស្តារប្រឡាយ និងព្រមទាំងហេដ្ឋសម្ព័ន្ធផ្សេងទៀតដែលរងការខូចខាតដោយសារទឹកជំនន់។ ការស្តារ នឹងជួសជុលនូវហេដ្ឋារចនសម្ព័ន្ធនៅក្នុងខេត្តព្រះសីហនុនេះ អាចនឹងចាប់ផ្តើមនៅចុងខែនេះ ដើម្បីឆ្លើយតបអោយទាន់ពេលវេលា។
អ្នកនាំពាក្យរូបនេះបញ្ជាក់ថា ជាទីទៅក្រសួងមិនមែនត្រៀមថវិការរបស់ក្រសួងទេ ថវិកាទាំងនេះ គឹមានការសម្រេចពីក្រសួងសេដ្ឋកិច្ច និងហិរញ្ញវត្ថុ ដែលជាថវិកាបន្ទាន់សម្រាប់ធ្វើការជួយជុលហេដ្ឋារចនសម្ព័ន្ធក្រោយមានការជន់លេចខូតខាតផ្លូវ។ សម្រាប់ខេត្តខ្លះមានមានថវិកាបម្រុងចំនួន ៤០០ លានដុល្លារ និងខេត្តខ្លះមាន ៦០០លានដុល្លារព្រមទាំងខេត្តខ្លះមានច្រើនជាងនេះទៅតាមទំហំតូចធំនៃផលប៉ះពាល់ ។
ជំនន់ទឹកភ្លៀង បានវាយលុកទីក្រុងព្រះសីហនុកាលពីពេលថ្មីៗនេះ បន្ទាប់ពីមានភ្លៀងធ្លាក់ខ្លាំងបំផុត គួបផ្សំកក្តាហេដ្ឋារចនាសម្ព័ន្ធ ដែលរួមមាន ការសាងសង់សំណង់គ្មានច្បាប់ ការគោករាក់ប្រឡាយទឹក ដែលជាហេតុនាំឱ្យទឹកហូរមិនទាន់។
នាព្រឹកថ្ងៃសៅរ៍ ទី១០ ខែសីហា ឆ្នាំ២០១៩
លោក ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណៈការ និងដឹកជញ្ជូន លោក គួច ចំរើន អភិបាលនៃគណៈអភិបាលខេត្តព្រះសីហនុ និងក្រុមការងារចុះជួយថ្នាក់ជាតិជាច្រើនផ្នែកកាលពីចុងសប្តាហ៍កន្លងមកនេះបានចុះជួយដោះស្រាយបញ្ហាទឹកជន់លិចនៅក្នុងក្រុងព្រះសីហនុ ដោយបញ្ជាអោយដាក់គ្រឿងចក្រជួយកាយប្រឡាយឲ្យជ្រៅជាងមុនបានធំជាងមុន ដើម្បីរំដោះទឹកចេញពីក្រុងព្រះសីហនុបានឆាប់រហ័ស។
ខេត្តព្រះសីហនុជាតំបន់ឆ្នេរសមុទ្រ ដែលមានកំពង់ផែទឹកជ្រៅនារយៈពេល២-៣ឆ្នាំចុងក្រោយនេះ មានការវិនិយោគយ៉ាងគំហុក ពីសំណាក់វិនិយោគិនចិន និងវិនិយោគិនអន្តរជាតិផ្សេងទៀត ហើយបានប្រែក្លាយជាតំបន់អភិវឌ្ឍន៍យ៉ាងលឿន ដែលធ្វើឱ្យហេដ្ឋារចនាសម្ព័ន្ធមួយចំនួនរងនូវការងនូវផលប៉ះដែលទាមទាឱ្យរដ្ឋាភិបាលដោះស្រាយបន្ទាប់៕
