ដោយ វុត្ថា
ភ្នំពេញៈ ការវិនិយោគសណ្ឋាគារនៅតំបន់អាស៊ី បានកើនឡើងដល់ទឹកប្រាក់៤,៥ពាន់លានដុល្លារក្នុងរយៈពេល៦ ខែដំបូងនៃឆ្នាំ ២០១៩ នេះ ដោយមានដើមទុនជាងពាក់កណ្តាលបានមកប្រទេសជប៉ុន ចិន និងអូស្ត្រាលី ដោយអ្នកទិញក្នុងស្រុក។
យោងតាមរបាយការណ៍ចុងក្រោយ របស់ក្រុមហ៊ុនប្រឹក្សាអចលនទ្រព្យ JLL ស្តីពីការវិនិយោគសណ្ឋាគារ ចេញផ្សាយកាលពីកន្លងមកនេះបានបង្ហាញថា វិនិយោគិនកំពុងប្រឈមមុខនឹងសម្ពាធកាន់តែខ្លាំង ក្នុងការដាក់ពង្រាយដើមទុន ចំពេលមានភាពមិនប្រាកដប្រជាខាងភូមិសាស្ត្រនយោបាយ និងសេដ្ឋកិច្ចពិភពលោក។ ដើម្បីបង្កើតប្រាក់ចំណេញ គោលដៅវិនិយោគិនមួយចំនួន បានបែមកងរកឱកាសនៅក្នុងប្រទេសកំណើតរបស់ពួកគេ។
-->
របាយការណ៍ដដែលបន្តថា ទីផ្សារសណ្ឋាគារនៅប្រទេសជប៉ុន បានកត់ត្រានូវបរិមាណប្រតិបត្តិការក្នុងស្រុកខ្ពស់បំផុត នៅអាស៊ីប៉ាស៊ីហ្វិកដែលមានចំនួន ១,១៤ ពាន់លានដុល្លារក្នុងរយៈពេល៦ខែដំបូងក្នុងឆ្នាំនេះ។ ក្នុងចំណោមនេះក្រុមហ៊ុន REIT របស់ជប៉ុនមានចំនួនជិតពាក់កណ្តាល នៃចំនួនទឹកប្រាក់សរុបដែលបានវិនិយោគនៅក្នុងទីផ្សារ។ នេះបានមកពីកិច្ចព្រមព្រៀង ដូចជា ការវិនិយោគសាជីវកម្មសណ្ឋាគារ Japan Hotel REIT Investment Corporation ដែលមានទឹកប្រាក់ចំនួន ៥៦៣.៥ លានដុល្លារអាមេរិកដែលបានទិញយកសណ្ឋាគារ Hilton Tokyo Odaiba និងការទិញសណ្ឋាគារ Hotel Oriental Express Osaka Shinsaibashi មានចំនួន ២៥,២លានដុល្លារ។
លោក Mike Batchelor នាយកប្រតិបត្តិអាស៊ី ក្រុមហ៊ុន JLL Hotels &Hospitality បានមានប្រសាសន៍ថា “តម្រូវការរបស់វិនិយោគិនស្ថាប័នជប៉ុនកំពុងកើនឡើង ដោយសារតែកម្ចីការប្រាក់ទាប និងការរំពឹងទុកនៃការបន្តកើនឡើងទីផ្សារ នៅពីក្រោយព្រឹត្តិការណ៍ទ្រង់ទ្រាយធំនាពេលខាងមុខ ដូចជា ព្រឹត្តិការណ៍កីឡាបាល់ឱបពិភពលោកឆ្នាំ ២០១៩ Tokyo ២០២០ និងពិព័រណ៍ពិភពលោកឆ្នាំ២០២៥” (2019 Rugby World Cup, Tokyo 2020 and the 2025 World Expo )។
លោកបានបន្ថែមថា “យើងជឿជាក់ថាការកើនឡើង១២ភាគរយ នៃការព្យាកររបស់ភ្ញៀវទេសចរអន្តរជាតិ ទៅកាន់ប្រទេសជប៉ុនក្នុងឆ្នាំ២០១៩ នឹងបន្តជំរុញវិនិយោគិនក្នុងស្រុកស្វែងរកឱកាសវនិយោគ លើបដិសណ្ឋារកិច្ចនៅតាមទីក្រុងធំៗដូចជាតូក្យូនិងអូសាកាក្នុងរយៈពេលពេញមួយឆ្នាំ”។
បន្ទាប់ពីប្រទេសដែលមានទីផ្សារជួញដូរច្រើនបំផុតទី២ នៅក្នុងតំបន់គឺប្រទេសចិនដែលបានចុះបញ្ជីចំនួន១,១ ពាន់លានដុល្លារក្នុងទំហំវិនិយោគក្នុងស្រុក។ នៅត្រីមាសទី ១ ឆ្នាំ ២០១៩ ក្រុមហ៊ុនអិនធើណិត JD.com បានទិញវិមាន Beijing Jade Palace ក្នុងតម្លៃ៤០០លានដុល្លារអាមេរិក។ សណ្ឋាគារនេះ គ្រោងនឹងផ្លាស់ប្តូរទៅជាការិយាល័យប្រើចម្រុះនៅចុងឆ្នាំ។
លោក Batchelor មានប្រសាសន៍ថា “កិច្ចព្រមព្រៀងនេះ គឺជាផ្នែកមួយនៃរលកនៃវិនិយោគិនក្នុងស្រុកទិញទ្រព្យសម្បត្តិសណ្ឋាគារ សម្រាប់បំលែងទៅជាការប្រើប្រាស់ជំនួសទៅជាការិយាល័យ”។
ទីផ្សារបដិសណ្ឋារកិច្ចរបស់ប្រទេសអូស្ត្រាលី ក្នុងឆមាសទី១នៃឆ្នាំ២០១៩ ដែលមានជិត៨០ភាគរយ នៃទឹកប្រាក់សរុប៣៨៨,២លានដុល្លារអាមេរិក ដែលបានវិនិយោគការដោះដូរពាណិជ្ជកម្ម ក្នុងស្រុករួមមានសណ្ឋាគារ NEXT Hotel Brisbane, Hilton Surfers Paradise សណ្ឋាគារ MACq 01 Hotel និងសណ្ឋាគា Mayfair Hotel Adelaide។
លោក Craig Collins នាយកប្រតិបត្តិប្រចាំប្រទេសអូស្រ្តាលីក្រុមហ៊ុន JLL Hotels &Hospitality បានឱ្យដឹងថា ទំហំទីតាំងនិងប្រភេទនៃអចលនទ្រព្យ ដែលត្រូវបានជួញដូរក្នុងឆមាសទី១សមស្រប ទៅនឹងអាណត្តិរបស់វិនិយោគិនក្នុងស្រុកធំៗ ដែលមានឥទ្ធិពល។ ចាប់ពីឆ្នាំ២០១៨ ដល់ខែមិថុនា ឆ្នាំ២០១៩ អ្នកទិញរបស់ប្រទេសអូស្រ្តាលីកើនឡើងច្រើនជាងបីដង នៃកម្រិតមូលធនរបស់ពួកគេ ដែលបានវិនិយោគលើសណ្ឋាគារ៕
