ដោយម៉ា ណេត
ភ្នំពេញៈ ការមកដល់របស់បុរសខ្លាំងម៉ាឡេស៊ីនៅកម្ពុជា ក្នុងដំណើរទស្សនកិច្ចរយៈពេលបីថ្ងៃដែលចាប់ផ្តើមពីថ្ងៃទី២ ដល់៤កញ្ញាខាងមុខនេះ គេរំពឹងថាមេដឹកនាំប្រទេសទាំងពីរនឹងស្វែងរកកាលានុវត្តន៍ភាព ដើម្បីពង្រីកកិច្ចសហប្រតិបត្តិការពាណិជ្ជកម្ម និងវិនិយោគកាន់តែធំឡើងនាពេលអនាគត។
លោកនាយករដ្ឋមន្រ្តីម៉ាឡេស៊ីលោក Mahathir Mohamad នឹងធ្វើជាសាក្សីក្នុងការចុះហត្ថលេខាលើកិច្ចព្រមព្រៀងការជៀសវាងពន្ធត្រួតស៊ីគ្ន (DTA) ដែលនឹងពង្រឹងបន្ថែមទៀតនូវទំនាក់ទំនងពាណិជ្ជកម្មទ្វេភាគីរវាងម៉ាឡេស៊ី។
-->
ការបង្កើត DTA គឺជារបៀបវារៈសំខាន់មួយ នៃដំណើរទស្សនកិច្ចរបស់លោក Mahathir មកកាន់កម្ពុជា ដែលនេះគឺជាលើកទី១ដែលលោកមកទស្សនកិច្ចនៅកម្ពុជា បន្ទាប់ពីត្រូវបានតែងតាំងជានាយករដ្ឋមន្ត្រីម៉ាឡេស៊ីជាលើកទី ២ បន្ទាប់ពីការបោះឆ្នោតទូទៅនៅខែ ឧសភា ឆ្នាំ ២០១៨។ នេះបើយោងតាមកាសែត Malaymail នៅថ្ងៃនេះ។
ឯកអគ្គរដ្ឋទូតម៉ាឡេស៊ីប្រចាំនៅកម្ពុជា លោក Eldeen Husaini Mohd Hashim បានមានប្រសាសន៍ថា កិច្ចព្រមព្រៀងនេះក៏ត្រូវបានគេសង្ឃឹមថា នឹងជំរុញការវិនិយោគ និងពាណិជ្ជកម្មរវាងប្រទេសទាំងពីរផងដែរ។
លោកបានបន្តថា “យើងរង់ចាំអស់រយៈពេលជាយូរមកហើយ សម្រាប់កិច្ចព្រមព្រៀងនេះ។ កម្ពុជាជាប្រទេសសមាជិកអាស៊ានចុងក្រោយ ដែលបានចុះហត្ថលេខាលើកិច្ចព្រមព្រៀង DTA ជាមួយប្រទេសម៉ាឡេស៊ី”។
លោបានប្រាប់ប្រព័ន្ធផ្សព្វផ្សាយម៉ាឡេស៊ីថា “ការដាក់ពន្ធទ្វេរដងបានរារាំងវិនិយោគិនម៉ាឡេស៊ីមិនឲ្យមកកម្ពុជា។ ជាមួយDTA ក្រុមហ៊ុនម៉ាឡេស៊ីកាន់តែច្រើនអាចស្វែងយល់ពីឱកាសធុរកិច្ច និងវិនិយោគនៅទីនេះ”។
លោក Eldeen Husaini បានមានប្រសាសន៍ថា ក្នុងរយៈពេល៣ខែដើមឆ្នាំនេះ ស្ថានទូតបានទទួលពាក្យសុំចំនួន២០ពីក្រុមហ៊ុនម៉ាឡេស៊ី ដែលចង់ស្វែងយល់ពីឱកាសធុរកិច្ច និងការវិនិយោគនៅកម្ពុជារួមទាំងគម្រោងសណ្ឋាគារ ដែលមានបន្ទប់ចំនួន២,០០០ បន្ទប់មានតម្លៃប្រមាណ៤ពាន់លានដុល្លារ។
ក្រៅពី DTA លោកបណ្ឌិត Mahathir ក៏នឹងធ្វើជាសាក្សីនៃការចុះហត្ថលេខាលើកិច្ចព្រមព្រៀងសហប្រតិបត្តិការទេសចរណ៍ម៉ាឡេស៊ី កម្ពុជា ដែលជាកិច្ចខិតខំប្រឹងប្រែងដើម្បីជំរុញការមកទស្សនារបស់ភ្ញៀវទេសចរវាងទេសទាំងពីរ។
នេះជាដំណើរទស្សនកិច្ចផ្លូវការរបស់លោកបណ្ឌិត Mahathir បន្ទាប់ពី២៥ឆ្នាំ។ ទស្សនកិច្ចផ្លូវការចុងក្រោយរបស់លោកនៅកម្ពុជាគឺនៅឆ្នាំ១៩៩៤។
លោក Eldeen Husaini បាននិយាយថាលោក បណ្ឌិត Mahathir ដែលនឹងអមដំណើរដោយភរិយារបស់លោក លោក Tun Dr Siti Hasmah Mohd Ali ត្រូវបានគេរំពឹងថានឹងមកដល់ទីនេះនៅថ្ងៃនេះ ហើយនឹងមានកាលវិភាគដ៏មមាញឹក នៅពេលមកដល់ដោយចាប់ផ្តើមពីកិច្ចពិភាក្សាមួយដែលមានប្រធានបទ ទំនាក់ទំនងតុល្យភាពជាមួយមហាអំណាចនៅក្នុងបរិបទអាស៊ាននៅសាកលវិទ្យាល័យភូមិន្ទភ្នំពេញ។
លោកនាយករដ្ឋមន្រ្តីម៉ាឡេស៊ី ក៏គ្រោងនឹងទទួលបានការជួបសំដែងការគួរសមពីមេដឹកនាំឥស្លាមកម្ពុជាលោក Othman Hassan ទេសរដ្ឋមន្រ្តីទទួលបន្ទុកផ្នែកឥស្លាមជួបជាមួយសហគមន៍ឥស្លាម និងចូលរួមទទួលទានអាហារពេលល្ងាចជាមួយជនជាតិម៉ាឡេស៊ីនៅទីនេះមុនពេលបញ្ចប់ថ្ងៃដំបូង ដំណើរទស្សនកិច្ចរបស់គាត់នៅថ្ងៃស្អែក។
នៅថ្ងៃទី២ លោកបណ្ឌិ Mahathir គ្រោងនឹងចូលរួម និងជួបសម្តែងការគួរសមជាមួយជាផ្លូវការនៅវិមានជាមួយសម្តេចនាយករដ្ឋមន្រ្តី ហ៊ុន សែន។
មេដឹកនាំទាំងពីរត្រូវបានគេរំពឹងថា នឹងពិភាក្សាអំពីបញ្ហាទាក់ទងនឹងពាណិជ្ជកម្ម និងការវិនិយោគ ក៏ដូចជា កិច្ចសហប្រតិបត្តិការក្នុងវិស័យកសិកម្ម វិស័យការពារជាតិ និងការអភិវឌ្ឍឧស្សាហកម្មហាឡាល់។
នាយករដ្ឋមន្រ្តីទាំងពីរត្រូវបានគេរំពឹងថា នឹងចេញសេចក្តីថ្លែងការណ៍រួមមួយនៅចុងបញ្ចប់នៃកិច្ចប្រជុំនេះ។
នៅថ្ងៃដដែលនោះលោកបណ្ឌិត Mahathir ក៏នឹងចូលរួមកិច្ចពិភាក្សាជាមួយពាណិជ្ជករ និងវិនិយោគិនម៉ាឡេស៊ី ដែលមានការចូលរួមពីក្រុមហ៊ុនម៉ាឡេស៊ីចំនួន២៨ ដែលកំពុងប្រតិបត្តិការនៅកម្ពុជា។
ប្រទេសកម្ពុជាជាដៃគូពាណិជ្ជកម្មធំជាងគេទី៨របស់ម៉ាឡេស៊ី នៅអាស៊ាន និងទី៥០ នៅលើពិភពលោក។
ទំហំពាណិជ្ជកម្មម៉ាឡេស៊ី និងកម្ពុជាកាលពីឆ្នាំមុនមានចំនួន៥៥៨ លានដុល្លារអាមេរិក ខណៈដែលក្នុងរយៈពេល៦ខែដំបូងនៃឆ្នាំនេះ តម្លៃបានកើនឡើងដល់៤២២,៦ លានដុល្លារអាមេរិក កើនឡើង៣៩,២ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន៕
