ដោយ Donald Lee
ហុងកុង៖ ទីក្រុងហុងកុងបានធ្លាក់ចូលទៅក្នុងភាពច្របូកច្របល់នៅសប្តាហ៍នេះ ខណៈក្រុមអ្នកតវ៉ាគាំទ្រលទ្ធិប្រជាធិបតេយ្យបានប៉ះទង្គិចជាមួយប៉ូលីសនៅឯអគារប៉ូលីស និងអាគាររដ្ឋាភិបាល។
មនុស្សរាប់ពាន់នាក់មិនគោរពតាមបទបញ្ជារបស់រដ្ឋាភិបាលដែលបានហាមឃាត់ការតវ៉ានៅក្នុងសង្កាត់ពាណិជ្ជកម្មកណ្តាលហុងកុង។
ការតវ៉ារយៈពេល ១៥ សប្តាហ៍នេះបានផ្ទុះឡើងជាអំពើហឹង្សាម្តងទៀតដែលចាប់ផ្តើមនៅថ្ងៃ សៅរ៍ និងបានកើនកំដៅកាន់ខ្លាំងនៅថ្ងៃ អាទិត្យ ដោយបាប៉ះទង្គិចជាមួយប៉ូលីសដោយប្រើឧស្ម័នបង្ហូរទឹកភ្នែក និងកាំភ្លើងបាញ់ទឹកដើម្បីបង្អាក់ការតវ៉ា។
ក្រុមអ្នកតវ៉ាបានប្រមូលផ្តុំគ្នានៅមុខស្ថានកុងស៊ុលអាមេរិក និងអង់គ្លេសដោយគ្រវីទង់ជាតិអាមេរិក និងអង់គ្លេសដើម្បីស្នើឲ្យប្រទេសទាំងពីរនេះធ្វើអន្តរាគមន៍ក្នុងស្ថានការណ៍នៅទីក្រុងនេះ។
សភាអាមេរិកបានដាក់ចេញនូវច្បាប់គាំទ្រដល់ក្រុមបាតុករហុងកុងដែលគេហៅថា សិទ្ធិមនុស្សហុងកុង និងច្បាប់ប្រជាធិបតេយ្យឆ្នាំ ២០១៩”។
អ្នកនយោបាយអាមេរិកជាច្រើនបានសម្តែងការគាំទ្រនៅឯបាតុកម្មដែលគាំទ្រលទ្ធិប្រជាធិបតេយ្យ។សមាជិកព្រឹទ្ធសភាអាមេរិកលោក Marco Rubio បាននិយាយកាលពីសប្តាហ៍មុនថា “អាមេរិកត្រូវតែយកចិត្តទុកដាក់ចំពោះចិនថា ការជ្រៀតជ្រែករបស់ខ្លួននៅក្នុងកិច្ចការហុងកុងនឹងមានផលវិបាក”។
រដ្ឋាភិបាលទីក្រុងប៉េកាំងបានព្យាយាមទាំងធ្វើឱ្យមានភាពស្ងប់ស្ងាត់ និងគម្រាមកំហែងដល់ទីក្រុងហុងកុង ពស្របពេលជិតដល់ខួបលើកទី ៧០ នៃសាធារណរដ្ឋប្រជាមានិតចិន៕
