ដោយ Doanld Lee
ភ្នំពេញ៖ មន្ត្រីរដ្ឋាភិបាលអារ៉ាប់ប៊ីសាអូឌីតបានឱ្យដឹងថា រោងចក្រកែច្នៃប្រេងធំជាងគេនៅលើពិភពលោកត្រូវបានជួសជុលយ៉ាងពេញលេញ ហើយនឹងដំណើរការពេញលេញនៅចុងខែនេះ។
តម្លៃប្រេងបានកើនឡើងនៅសប្តាហ៍នេះ បន្ទាប់ពីការវាយប្រហារដោយយន្តហោះគ្មានមនុស្សបើក និងមីស៊ីលទៅលើរោងចក្រផលិតប្រេងធំបំផុតរបស់ពិភពលោកនៅប្រទេសអារ៉ាប់ប៊ីសាអូឌីតដែលបានបង្អាក់ផលិតកម្មជិត ៥ ភាគរយនៃផលិតកម្មប្រេងប្រចាំថ្ងៃរបស់ពិភពលោក។
ព្រះអង្គម្ចាស់ Abdulaziz bin Salman រដ្ឋមន្រ្តីក្រសួងថាមពលនៃប្រទេសអារ៉ាប៊ីសាអ៊ូឌីតបានថ្លែងនៅក្នុងសន្និសីទសារព័ត៌មានមួយកាលពីថ្ងៃអង្គារថា “យើងកំពុងតែដំណើរការដើម្បីនាំយកការចម្រាញ់ប្រេងមកវិញជាមួយសមត្ថភាពពេញលេញ”។
តម្លៃប្រេងមានការប្រែប្រួលយ៉ាងរហ័សដោយធ្លាក់ចុះ ៦ ភាគរយ បន្ទាប់ពីហក់ឡើង ២០ ភាគរយក្នុងមួយថ្ងៃ បន្ទាប់ពីការវាយប្រហារ។
លោករដ្ឋមន្រ្តី បានបន្ថែមទៀតថា ជិតពាក់កណ្តាលនៃការផលិតប្រេងឆៅបានដំណើរឡើងវិញ បន្ទាប់ពីការវាយប្រហារ ហើយរំពឹងថា ការកែច្នៃប្រេងនឹងកើនឡើងរហូតដល់ ១១ លានបារ៉ែលក្នុងមួយថ្ងៃក្នុងមួយថ្ងៃនៅចុងខែនេះ៕
